កូន - La Reine Media

ឱសថដែលអាច «កម្ចាត់រាល់ដុំគីស» ទាំងកាចទាំងស្លួត

August 4, 2023 by សឿន សំណាង

(សហរដ្ឋអាម៉េរិក) – ក្រុមអ្នកវិទ្យាសាស្ត្រអភិវឌ្ឍឱសថមួយប្រភេទដែលមានប្រសិទ្ធភាពក្នុងការកម្ចាត់រាល់ដុំគិសរឹង ទាំងប្រភេទកាច ទាំងប្រភេទស្លូត ដោយមិនប៉ះពាល់ដល់កោសិកាដែលមានសុខភាពល្អ។ ការស្រាវជ្រាវនេះត្រូវបានធ្វើឡើងដោយក្រុមអ្នកជំនាញប្រចាំមន្ទីរពេទ្យ City of Hope ដែលជាមជ្ឈមណ្ឌលព្យាបាលជំងឺមហារីកធំជាងគេមួយនៅសហរដ្ឋអាម៉េរិក និងត្រូវបានចុះផ្សាយលើទស្សនាវដ្ដី Cell Chemical Biology កាលពីថ្ងៃទី 02 សីហា 2023។ គ្រាប់ថ្នាំនេះមានឈ្មោះថា AOH1996។ City of Hope ឱ្យដឹងថា ឱសថ AOH1996 ដាក់គោលដៅកម្ចាត់ប្រូតេអ៊ីនមួយប្រភេទមាននៅក្នុងដុំសាច់មហារីកស្ទើរគ្រប់ប្រភេទ ដែលបណ្ដាលឱ្យដុំគីសរីកធំ និងកើនឡើងច្រើននៅក្នុងរាងកាយ។ ប្រូតេអ៊ីននេះគឺជាអង់ទីហ្សែន PCNA (Proliferating cell nuclear antigen) ដែលធ្លាប់ត្រូវបានចាត់ទុកថា មិនអាចកម្ចាត់បាន។ គ្រាប់ថ្នាំ AOH1996 កម្ចាត់កោសិកាមហារីកទៅតាមរបៀបដែលមានការជ្រើសរើស ដោយយន្តការបំបែកវដ្ដនៃការបង្កើតកូនចៅតាមធម្មតារបស់ដុំគីស ទប់ស្កាត់កោសិកា DNA ដែលមានកំហុស កុំឱ្យបន្តរីកចម្រើន ធ្វើឱ្យពួកវាមិនអាចចម្លងពីតិចទៅច្រើនទៀតបាន។ ប្រការនេះនឹងបណ្ដាលឱ្យកោសិកាមហារីកទាំងឡាយត្រូវងាប់ដោយឯកឯង និងមិនប៉ះពាល់ដល់កោសិកាល្អ។ អ្នកវិទ្យាសាស្ត្រនៅ City of Hope អធិប្បាយថា PCNA … Read more

ដាំឈូករ័ត្នជាងមួយលានដើមជូនភរិយាសម្រាប់ខួប 50 ឆ្នាំនៃថ្ងៃរៀបការ

August 1, 2023 by សឿន សំណាង

លោក Lee Wilson ដាំផ្កាយឈូតរ័ត្នជាង 32 ហិកតា ដែលប្រហាក់ប្រហែលនឹង 1.2 លានដើម ដើម្បីជូនភរិយាសម្រាប់ខួប 50 ឆ្នាំនៃថ្ងៃអាពាហ៍ពិពាហ៍។ «ប្ដីប្រពន្ធខ្ញុំនឹងរម្លឹកខួរ 50 ឆ្នាំនៃថ្ងៃរៀបការនៅថ្ងៃទី 10 សីហា ហើយអ្នកដឹងថា ពេលរស់នៅជាមួយគូជីវិតរហូតដល់ 50 វាមានន័យយ៉ាងណាហើយមែនទេ? ខ្ញុំបានពិចារណាជាច្រើនអំពីរឿងនោះ។ ភរិយារបស់ខ្ញុំតែងចូលចិត្តផ្កាយឈូករ័ត្ន ហើយខ្ញុំគិតថា នេះគឺជាឆ្នាំដែលគួរដាំផ្កានេះ។ ខ្ញុំបានដាំផ្កាជាង 32 ហិកតាសម្រាប់គាត់» លោក Lee Wilson ប្រាប់ ABC News កាលពីថ្ងៃទី 01 សីហាដូច្នេះ។ «រឿងនោះធ្វើឱ្យខ្ញុំមានអារម្មណ៍ពិសេសខ្លាំងណាស់។ មិនអាចមានអំណាយអនុស្សាវរីយ៍ណាដែលល្អជាងចំការឈូករ័ត្នមួយនេះឡើយ» អ្នកស្រី Renee ភរិយារបស់លោក Wilson ថ្លែងដូច្នេះ។ លោក Wilson និងកូនប្រុស បានលួចដាំដើមឈូករ័ត្នតាំងពីខែឧសភា និងលាក់មិនឱ្យអ្នកស្រី Renee ដឹង។ ពេលនេះ ចំការឈូករ័ត្នបានក្លាយជាទន្លេផ្កាដ៏ធំធេង ស្ថិតនៅក្បែរផ្លូវល្បឿនលឿនលេខ 54 … Read more

ផ្កាយដុះកន្ទុយមានរាងដូច UFO កំពុងហោះសំដៅមកកាន់ផែនដី

July 29, 2023 by សឿន សំណាង

ផ្កាយដុះកន្ទុយធំប៉ុនទីក្រុង និងមានឈ្មោះថា 12P/Pons – Brooks កំពុងតែហោះសំដៅមកកាន់តំបន់ក្បែរផែនដីបំផុត នៅលើគន្លងគោចរ 71 ឆ្នាំនៅក្នុងប្រព័ន្ធព្រះអាទិត្យ។ ផ្កាយដុះកន្ទុយមានភ្នំភ្លើងមួយដួង ដែលកំពុងហោះមកកាន់ផែនដី មានរូបរាងស្រដៀងនឹងថាសហោះ (UFO) បន្ទាប់ពីមានហេតុការណ៍ផ្ទុះ ធ្វើឱ្យវាភ្លឺដូចទៅនឹងកូនផ្កាយមួយដួង និងស្រោចកំអែភ្នំភ្លើងត្រជាក់ទៅក្នុងទីអវកាស។ នេះគឺជាលើកដំបូងហើយដែលអ្នកវិទ្យាសាស្ត្របានមើលឃើញផ្កាយដុះកន្ទុយនេះផ្ទុះកំអែភ្នំភ្លើង នៅក្នុងអំឡុងពេលជិត 70 ឆ្នាំមកនេះ។ 12P/Pons – Brooks (12P) គឺជាផ្កាយដុះកន្ទុយមានភ្នំភ្លើងត្រជាក់។ ដូចទៅនឹងផ្កាយដុះកន្ទុយដទៃ 12P មានស្នូលរឹងដែលផ្ទុកសមាសធាតុទឹកកក ធូលី និងឧស្ម័ន ហើយជុំវិញវាគឺជាពពកឧស្ម័នដែលហៅថាក្បាលផ្កាយដុះកន្ទុយ។ ប៉ុន្តែ ខុសពីផ្កាយដុះកន្ទុយដទៃ ឧស្ម័ន និងទឹកកកនៅខាងក្នុងស្នូលរបស់ 12P មានបរិមាណច្រើនរហូតដល់អាចផ្ទុះយ៉ាងខ្លាំងក្លា បាញ់ចេញវត្ថុធាតុត្រជាក់ដែលហៅថា កំអែទឹកកក ពីស្នាមប្រេះនៅលើសម្បករបស់ស្នូល។ កាលពីថ្ងៃទី 20 កក្កដា តារាវិទូជាច្រើនរូបបានសង្កេតឃើញថា មានហេតុការណ៍ផ្ទុះធំមួយនៅលើផ្កាយដុះកន្ទុយ 12P ដែលធ្វើឱ្យវាភ្លឺជាងធម្មតារហូតដល់ប្រហែល 100 ដង។ ការភ្លឺឡើងនេះកើតឡើងនៅពេលសម្បករបស់ 12P ស្រាប់តែប៉ោងឡើងដោយសារតែឧស្ម័ន និងសមាសធាតុទឹកកកដែលកញ្ជ្រោលចេញពីខាងក្នុង នាំឱ្យចំណាំងប្លាតពន្លឺពីព្រះអាទិត្យនៅលើ 12P … Read more

ទៅរស់ក្នុងព្រៃដើម្បីគេចពីពិភពលោកដ៏គ្រោះថ្នាក់ តែត្រូវស្លាប់ដោយកង្វះបទពិសោធន៍

July 27, 2023 by សឿន សំណាង

(សហរដ្ឋអាម៉េរិក) – ស្ត្រីពីរនាក់ និងក្មេងប្រុសម្នាក់បានស្លាប់នៅក្នុងតំបន់ដាច់ស្រយាលមួយនៅ Colorado ក្រោយពីបាននាំគ្នាចូលព្រៃដើម្បីគេចពី «ពិភពទំនើប» បើទោះជាមិនមានបទពិសោធន៍ច្រើនក្នុងការចិញ្ចឹមជីវិតពេលនៅក្នុងព្រៃ ហើយក៏បានស្លាប់បាត់បង់ជីវិត។ អាជ្ញាធរតំបន់ Gunnison របស់រដ្ឋ Colorado កាលពីថ្ងៃទី 26 កក្កដា ឆ្នាំ 2023 បានឱ្យដឹងថា សាកសពមនុស្សបីនាក់ត្រូវបានរកឃើញនៅក្នុង និងជុំវិញតង់នៅក្បែរជំរំក្នុងព្រៃ Gunnison។ ជនរងគ្រោះខាងលើរួមមាន ស្ត្រីពីរនាក់ជាបងប្អូន អាយុ 41 និង 42 ឆ្នាំ រួមនឹងកូនប្រុសអាយុ 14 ឆ្នាំ។ អ្នកផ្ទះរបស់ជនរងគ្រោះនិយាយថា ជនរងគ្រោះចូលព្រៃតាំងពីរដូវក្ដៅឆ្នាំមុន ដើម្បីគេចចេញពីពិភពទំនើប បើទោះមានការរារាំង ហើយពួកគេក៏មិនមានបទពិសោធន៍ក្នុងការរស់នៅក្នុងព្រៃ ដោយគ្រាន់តែបានមើលវីដេអូលើ YouTube ប៉ុណ្ណោះ។ កាលពីដើមខែនេះ អ្នកឡើងភ្នំម្នាក់បានប្រទះឃើញសាកសពរបស់ពួកគេនៅជុំវិញខ្ទមបណ្ដោះអាសន្ន។ បន្ទាប់ពីបានស្រាវជ្រាវ សមត្ថកិច្ចឱ្យដឹងថា ពួកគេរស់ដោយសារតែអាហារកំប៉ុង។ រាងកាយរបស់ជនរងគ្រោះមានសញ្ញាខ្វះជីវជាតិ។ បច្ចុប្បន្ន ប៉ូលិសកំពុងរង់ចាំលទ្ធផលនៃការពិនិត្យរកជាតិពុល និងមិនទាន់រកឃើញមូលហេតុនៃការស្លាប់នៅឡើយ។ ប៉ុន្តែសមត្ថកិច្ចសង្ស័យថា ជនរងគ្រោះទំនងជាបានស្លាប់ដោយសារអត់អាហារ រងា ឬដោយសារពុលនឹងផ្សែងដែលពួកគេដុតដើម្បីកម្ដៅរាងកាយ។ ប៉ូលិសនិយាយថា ជនរងគ្រោះប្រហែលជាបានស្លាប់នៅក្នុងរដូវរងា … Read more

អ្នកអវកាសដែល «ឯកាបំផុត» ក្នុងប្រវត្តិសាស្ត្រ

July 21, 2023 by សឿន សំណាង

ជាង 50 ឆ្នាំបន្ទាប់ពីបេសកកម្ម Apollo 11 អ្នកអវកាស Michael Collins នៅតែត្រូវបានគេរម្លឹកថាជាអ្នកក្លាហានស្ងាត់ស្ងៀម ដែលមានរហ័សនាមថា «មនុស្សឯកាបំផុត»។ កាលពីឆ្នាំ 1969 ក្នុងពេល Neil Armstrong និង Buzz Aldrin ចុះដើរលើឋានព្រះចន្ទជាលើកដំបូងរបស់មនុស្សជាតិ លោក Michael Collins អង្គុយម្នាក់ឯងនៅក្នុងបន្ទប់បញ្ចាការ Columbia របស់យានអវកាស Apollo 11 និងហោះពីក្រោយតំបន់ងងឹតរបស់ព្រះចន្ទ។ លោក Collins ទទួលខុសត្រូវក្នុងការបញ្ជាម៉ូឌុល Eagle នាំមិត្តរួមក្រុមពីរនាក់ចុះចតលើឋានព្រះចន្ទ។ នៅពេលនោះ រាល់ទំនាក់ទំនងជាមួយផែនដីត្រូវបានកាត់ផ្ដាច់ ដោយសារតែមានការរារាំងពីព្រះចន្ទ ធ្វើឱ្យ Collins ត្រូវដាច់ទំនាក់ទំនងទាំងស្រុងជាមួយនឹងមនុស្សនៅលើផែនដី ហើយក៏ឆ្ងាយពីផ្ទះរាប់សែនគីឡូម៉ែត្រ។ លោក Collins និយាយថា «នៅខាងក្រៅកញ្ចក់យាន ខ្ញុំអាចមើលឃើញតែដួងតារា គឺមានតែប៉ុណ្ណឹង»។ លោកបន្តថា អារម្មណ៍ពេលនោះ គឺដូចទៅនឹងលោកកំពុងអង្គុយលើកូនទូកតូចមួយដែលកំពុងអណ្ដែតលើផ្ទៃទឹកមហាសមុទ្រប៉ាស៊ីហ្វិក ក្នុងរាត្រីងងឹតសូន្យសុង។ លោក Collins បានស្ថិតនៅលើយាន Columbia … Read more

មហាសេដ្ឋី Bill Gates មានមិត្តស្រីថ្មី! តើស្ត្រីរូបនេះជាអ្នកណា?

July 21, 2023 by សឿន សំណាង

Paula Hurd ដែលជាស្ត្រីម្នាក់កំពុងមានទំនាក់ទំនងស្នេហាជាមួយមហាសេដ្ឋីអាម៉េរិក Bill Gates គឺជាស្ត្រីមេម៉ាយ និងជាភរិយារបស់សពអតីត CEO របស់ក្រុមហ៊ុនបច្ចេកវិទ្យា Oracle ហើយធ្លាប់ធ្វើជាអ្នកគ្រប់គ្រងជាន់ខ្ពស់នៅក្នុងក្រុមហ៊ុនសបវ៉ែរ។ កាលពីចុងសប្ដាហ៍កន្លង Paula Hurd អាយុ 60 ឆ្នាំ បានបង្កការភ្ញាក់ផ្អើល នៅពេលរួមដំណើរជាមួយលោក Bill Gates អាយុ 67 ឆ្នាំ ទៅជួបកូនៗរបស់សហស្ថាបនិក Microsoft ក្នុងភោជនីយដ្ឋានមួយនៅ New York។ អ្នកស្រី Paula ពាក់ចិញ្ចៀនលើម្រាមដៃនាង ធ្វើឱ្យមានការសន្និដ្ឋានថា អ្នកស្រីបានភ្ជាប់ពាក្យជាមួយមហាសេដ្ឋី Bill Gates។ ក៏ប៉ុន្តែ តំណាងរបស់អ្នកស្រីនិយាយថា អ្នកស្រីបានពាក់ចិញ្ចៀននេះតាំងពីរាប់សិបឆ្នាំមុនមកម្ល៉េះ ហើយវាមិនតំណាងឱ្យការភ្ជាប់ពាក្យ។ លោក Bill Gates និងអ្នកស្រី Melinda French Gates បានលែងលះគ្នាកាលពីពាក់កណ្ដាលឆ្នាំ 2021 ក្រោយពីបានរស់នៅជាមួយគ្នាអស់ 27 ឆ្នាំ។ តាំងពីឆ្នាំ 2022 លោក … Read more

ផ្កាយមុខពីរដ៏ចម្លែក ធ្វើឱ្យអ្នកវិទ្យាសាស្ត្រទាល់ពាក្យបកស្រាយ

July 20, 2023 by សឿន សំណាង

ក្រុមតារាវិទូបានរកឃើញផ្កាយចម្លែកមួយដួងដែលមានមុខពីរផ្សេងគ្នា ក្នុងនោះ មុខម្ខាងៗសុទ្ធតែបង្កើតឡើងពីធាតុផ្សំខុសដាច់ពីគ្នា។ កូនផ្កាយក្រិនពណ៌សគឺជាសំណល់របស់ផ្កាយដូចព្រះអាទិត្យ បន្ទាប់ពីបាត់បង់ស្រទាប់ខាងក្រៅ បន្សល់ទុកតែស្នូលខាប់រឹង។ បរិយាកាសរបស់ពួកវាតែងរួមមានឧស្ម័នអ៊ីដ្រូសែន ឬអេល្យូម ជាឧស្ម័នចម្បងដែលមានបរិមាណច្រើនជាងគេប្រហែល 1,000 ដង ធៀបនឹងសមាសធាតុដទៃ។ ប៉ុន្តែ នៅក្នុងលទ្ធផលនៃការសិក្សាស្រាវជ្រាវដែលបានចុះផ្សាយកាលពីថ្ងៃទី 19 កក្កដា ឆ្នាំ 2023 លើទស្សនាវដ្ដី Nature ក្រុមអ្នកវិទ្យាសាស្ត្របានរកឃើញកូនផ្កាយក្រិនពណ៌សមួយដួងដែលមិនសមស្របនឹងការបរិយាយខាងលើ ហើយវាគឺជាផ្កាយចម្លែក និងមិនទាន់ត្រូវបានយល់ច្បាស់។ ផ្កាយចម្លែកនេះ មានមុខពីរ ក្នុងនោះ មុខម្ខាងផ្ទុកពេញដោយអ៊ីដ្រូសែន ខណៈមុខម្ខាងទៀតផ្ទុកអេល្យូម។ នេះគឺជាការរកឃើញថ្មីបំផុតស្ដីពីផ្កាយដែលបែងចែកសមាសធាតុផ្សេងដាច់ដោយឡែកពីគ្នាយ៉ាងច្បាស់ដូច្នេះ។ ក្រុមអ្នកវិទ្យាសាស្ត្របានដាក់ឈ្មោះឱ្យផ្កាយមុខពីរនេះថា Janus។ Janus ត្រូវបានរកឃើញដោយស្ថានីយតារាសាស្ត្រ Zwicky Transient Facility (ZTF)។ សហគមន៍អ្នកវិទ្យាសាស្ត្រមិនទាន់យល់ច្បាស់អំពីមូលហេតុដែលនាំឱ្យ Janus បែងចែកសារធាតុដាច់ដោយឡែកពីគ្នាទាំងស្រុកបែបនេះនៅឡើយ។ ប៉ុន្តែ ពួកគេគិតថា ប្រហែលមកពីដែនទំនាញដ៏ខ្លាំងក្លារបស់ផ្កាយនេះ។ បើសិនដែនទំនាញនៅចំហៀងម្ខាងនេះរបស់វា ខ្លាំងជាងចំហៀងម្ខាងទៀត នោះអ៊ីដ្រូសែន និងអេល្យូមនឹងត្រូវបានរារាំងមិនឱ្យស្ថិតនៅលាយឡំគ្នា នាំឱ្យផ្នែកម្ខាងនេះមានអ៊ីដ្រូសែនច្រើនជាងលើសលុប ធៀបនឹងផ្នែកម្ខាងទៀត៕

Messi លេចមុខជាផ្លូវការក្នុងព្រឹត្តិការណ៍បង្ហាញខ្លួនរបស់ក្លឹប Inter Miami

July 17, 2023 by សឿន សំណាង

(សហរដ្ឋអាម៉េរិក) – បើទោះជាមានភ្លៀងធំនាំឱ្យព្រឹត្តិការណ៍បង្ហាញវត្តមានជាផ្លូវការត្រូវបានពន្យារពេល ប៉ុន្តែអ្នកគាំទ្រនៅតែមកចូលរួមពេញទីលានដើម្បីទស្សនាទិដ្ឋភាព Lionel Messi បង្ហាញខ្លួននៅក្លឹបបាល់ទាត់ Inter Miami។ ក្លឹប Inter Miami ប្រារព្ធព្រឹត្តិការណ៍បង្ហាញវត្តមាន Messi កាលពីវេលាម៉ោង 18 ថ្ងៃទី 16 កក្កដា (ម៉ោងនៅភាគខាងត្បូងរបស់សហរដ្ឋអាម៉េរិក) នៅក្នុងកីឡដ្ឋាន DRV PNK។ មុនពេលព្រឹត្តិការណ៍ត្រូវបានធ្វើឡើង ភ្លៀងមួយមេធំបានបង្អុរចុះ បណ្ដាលឱ្យមានការកកស្ទះចរាចរណ៍។ ខ្លោងទ្វារទទួលសំបុត្រក៏ត្រូវបានបិទដើម្បីចៀសវាងបញ្ហា។ ដូច្នេះ ទស្សនិកជនស្ទើរតែទាំងអស់បានជាប់នៅខាងក្រៅកីឡាដ្ឋាន។ ក៏ប៉ុន្តែ ទោះជាភ្លៀងខ្លាំងយ៉ាងណាក៏មិនអាចកាត់បន្ថយភាពសប្បាយរីករាយរបស់អ្នកគាំទ្រ។ យោងតាម Daily Mail ជនជាតិអាហ្សង់ទីនប្រហែល 100,000 នាក់កំពុងរស់នៅក្នុងតំបន់ Miami។ ម៉ោងប្រហែលជិត 19 Messi នាំភរិយា Antonella និងកូនៗមកកាន់កីឡដ្ឋាន។ M10 កាន់ដៃកូនប្រុសច្បងអាយុ 10 ឆ្នាំ នៅក្នុងការការពាររបស់បុគ្គលិកសន្តិសុខ។ Mateo អាយុ 7 និង Ciro អាយុ … Read more

Messi នាំភរិយា និងកូនៗ ដើរផ្សារនៅសហរដ្ឋអាម៉េរិក

July 15, 2023 by សឿន សំណាង

(សហរដ្ឋអាម៉េរិក) – Lionel Messi ចាប់ផ្ដើមផ្ស៊ាំនឹងជីវភាពថ្មីនៅ Miami នៅពេលជូនភរិយា Antonella Roccuzzo និងកូនៗដើរផ្សារ។ Messi បានទៅដល់សហរដ្ឋអាម៉េរិកកាលពីថ្ងៃទី 11 កក្កដា 2023 ដើម្បីត្រៀមខ្លួនសម្រាប់ការពិនិត្យសុខភាព និងចុះហត្ថលេខាលើកិច្ចព្រមព្រៀងជាផ្លូវការជាមួយនឹងក្លឹបបាល់ទាត់ Inter Miami។ M10 ហាក់ស៊ាំនឹងជីវភាពថ្មីបានលឿនជាង បើធៀបនឹងពេលទាត់ឱ្យក្លឹប PSG និងការរស់នៅក្នុងទឹកដីបារាំង។ កាលពីថ្ងៃទី 14 កន្លងទៅ Messi បានបង្ហាញខ្លួនពេលកំពុងដើរទិញទំនិញក្នុងផ្សារទំនើប Publix។ កំពូលតារាបាល់ទាត់អាហ្សង់ទីនរូបនេះ បានដើរផ្សារជាមួយនឹងភរិយា Antonella និងកូនប្រុសទាំងបីនាក់រួមមាន Thiago, Mateo និង Ciro។ គ្រួសាររបស់ Messi បានបង្ហាញភាពសប្បាយរីករាយនៅពេលដើរឆ្លងកាត់ហាងមួយចំនួនក្នុងផ្សារទំនើប Publix។ ពួកគេក៏បានថតរូបជាមួយនឹងអ្នកគាំទ្រមួយចំនួនដែលបានស្គាល់ផងដែរ។ ក្រោយពីចប់កិច្ចសន្យាជាមួយ PSG លោក Messi ក៏សម្រេចចិត្តមកទាត់ឱ្យ Inter Miami ដោយមានកិច្ចព្រមព្រៀងរយៈពេលពីរឆ្នាំ អមនឹងជម្រើសពន្យារកិច្ចសន្យាថែមពីរឆ្នាំ ដែលនេះមានន័យថា M10 មានសិទ្ធិចាកចេញពីក្លឹបនេះនៅរដូវក្ដៅឆ្នាំ … Read more

ទំនៀមទម្លាប់ចម្លែក៖ កូនក្រមុំត្រូវយំមួយម៉ោង/ថ្ងៃ ពេញមួយខែ មុនពេលរៀបការ

July 12, 2023 by សឿន សំណាង

កូនក្រមុំជនជាតិ Tujia នៅប្រទេសចិន ត្រូវយំយ៉ាងតិចមួយម៉ោងរៀងរាល់ថ្ងៃ ពេញមួយខែ ដើម្បីជាការបួងសួងសូមសេចក្ដីសុខ និងសុភមង្គលក្នុងគ្រួសារនៅថ្ងៃអនាគត។ ជាធម្មតា ថ្ងៃរៀបការតែងតែផ្សារភ្ជាប់ជាមួយនឹងភាពសប្បាយរីករាយ សំណើចក្អាកក្អាយ និងពេញដោយសុភមង្គល នៅពេលកូនកំលោះ កូនក្រមុំចាប់ផ្ដើមឈានជើងចូលក្នុងជីវិតគូ។ ក៏ប៉ុន្តែ សម្រាប់កូនក្រមុំជនជាតិ Tujia នៅក្នុងខេត្ត Sichuan ប្រទេសចិនវិញ ពួកគេត្រូវយំយ៉ាងតិចមួយម៉ោង/ថ្ងៃ នៅក្នុងរយៈពេលមួយខែពេញ មុនពេលត្រូវទៅរស់នៅក្នុងគ្រួសារខាងស្វាមី។ ទំនៀមទម្លាប់យំពេលរៀបការនេះ មានតាំងពីបុរាណ នៅក្នុងតំបន់ជាច្រើននៅភាគនិរតីរបស់ខេត្ត Sichuan ហើយមានការពេញនិយមខ្លាំងរហូតដល់សម័យរាជវង្ស Qing (1644 – 1911)។ បើទោះបច្ចុប្បន្នលែងមានការពេញនិយមដូចមុន ប៉ុន្តែទំនៀមទម្លាប់នេះនៅតែត្រូវបានប្រជាជនក្នុងតំបន់ជាច្រើនចាត់ទុកថាជាទំនៀមប្រពៃណីចាំបាច់នៅក្នុងពិធីរៀបមង្គលការកូនប្រុសស្រី។ ប្រជាជន Tujia ដែលមានវ័យចំណាស់បានរៀបរាប់ប្រាប់ថា កូនក្រមុំណាក៏ត្រូវតែយំនៅក្នុងពិធីរៀបការ។ បើសិនមិនយំ នឹងត្រូវអ្នកភូមិមើលងាយ និងចាត់ទុកការរៀបការនោះជារឿងអស់សំណើច។ ជាក់ស្ដែងមានករណីជាច្រើនដែលកូនក្រមុំត្រូវបានម្ដាយវាយព្រោះតែមិនយំក្នុងថ្ងៃរៀបការ។ តាមរយៈសំឡេងយំ ជនជាតិ Tujia នឹងអាចវាយតម្លៃបានទៅលើភាពថ្លៃថ្នូរ ភាពជាស្ត្រី និងភាពឆ្លាតវៃរបស់កូនក្រមុំ។ ទំនៀមទម្លាប់ខាងលើនេះត្រូវបានគេហៅថា «Zuo Tang (អង្គុយក្នុងរោងការ ឬរោងជំនុំ)»។ នេះបើតាម សារព័ត៌មានចិន China … Read more

បញ្ហាស៊ុយអែតសូមចូលជាសមាជិកណាតូ គឺជាកូនអុករបស់តួកគី

July 12, 2023 by សឿន សំណាង

ការរារាំងស៊ុយអែតចូលជាសមាជិកណាតូ (NATO) ក្នុងរយៈពេលច្រើនខែ ហើយចុងក្រោយក៏យល់ព្រមនៅមុនកិច្ចប្រជុំកំពូលណាតូ គឺសុទ្ធតែស្ថិតក្នុងផែនការរបស់លោក Erdogan។ ប្រធានាធិបតីតួកគី លោក Recep Tayyip Erdogan កាលពីថ្ងៃទី 10 កក្កដា 2023 បានឯកភាពអនុញ្ញាតឱ្យប្រទេសស៊ុយអែតចូលជាសមាជិករបស់ណាតូ ក្រោយពីបានរារាំងពេញមួយឆ្នាំ។ កិច្ចព្រមព្រៀងដែលសម្រេចបានតែប៉ុន្មានម៉ោងប៉ុណ្ណោះ នៅមុនកិច្ចប្រជុំកំពូលណាតូនៅប្រទេសលីទុយអានីនេះ នឹងពង្រីកទឹកដីរបស់សម្ព័ន្ធយោធាបានជាង 500,000 គីឡូម៉ែត្រការ៉េទៀត នៅតំបន់សមុទ្របាល់ទិក និងផ្លាស់ប្ដូរតុល្យភាពអំណាចនៅអឺរ៉ុបខាងជើង។ វាក៏ជួយឱ្យណាតូដោះស្រាយបញ្ហាមិនចុះសម្រុងគ្នាធំមួយ គ្រាដែលសម្ព័ន្ធយោធានេះកំពុងត្រូវការបង្ហាញសាមគ្គីភាពដើម្បីប្រឈមនឹងរុស្ស៊ី។ បន្ទាប់ពីមានការយល់ព្រមពីតួកគី ហើយប្រទេសហុងគ្រីក៏ធ្លាប់បាននិយាយថា ពួកគេនឹងដើរតាមគន្លងរបស់ទីក្រុងអង់ការ៉ា អគ្គលេខាធិការនៃអង្គការណាតូ លោក Stoltenberg បានវាយតម្លៃថា ការសូមចូលជាសមាជិកណាតូពីសំណាក់ស៊ុយអែត «នឹងត្រូវបានដោះស្រាយឆាប់ៗ»។ យោងតាមក្រុមអ្នកជំនាញ ប្រកាសកាលពីថ្ងៃទី 10 កក្កដា 2023 គឺជារឿងគួរឱ្យភ្ញាក់ផ្អើល ប៉ុន្តែព្រឹត្តិការណ៍នេះតែងតែកើតឡើងចំពោះមេដឹកនាំតួកគី។ យុទ្ធសាស្ត្រនេះបានជួយឱ្យលោក Erdogan លើកកម្ពស់ឥទ្ធិពល របស់តួកគី និងសម្រេចបានផលប្រយោជន៍ច្រើន។ ក្រោយពីរុស្ស៊ីបានចូលឈ្លានពានអ៊ុយក្រែន ប្រទេសហ្វាំងឡង់ និងស៊ុយអែត កាលពីខែឧសភា 2022 ក៏បានបោះបង់គោលនយោបាយមិនចូលបក្ខសម្ព័ន្ធយោធាដែលពួកគេបានអនុវត្តអស់ជាច្រើនទសវត្សរ៍កន្លង ដើម្បីស្វែងរកឋានៈជាសមាជិកភាពរបស់ណាតូ។ ដំបូងឡើយ … Read more

ក្រុមហ៊ុនគ្រប់គ្រងនាវាមុជទឹក Titan ផ្អាកដំណើរការទាំងស្រុង

July 7, 2023 by សឿន សំណាង

ក្រុមហ៊ុន OceanGate ដែលគ្រប់គ្រងកូននាវាមុជទឹក Titan បានប្រកាសបញ្ឈប់រាល់សកម្មភាពដោយមិនកំណត់ពេលវេលា ក្រោយពីមានហេតុការណ៍គ្រោះថ្នាក់នៅបាតសមុទ្រដែលបានបណ្ដាលឱ្យមនុស្ស 5 នាក់បាត់បង់ជីវិត។ «យើងផ្អាករាល់សកម្មភាពស្វែងយល់ និងពាណិជ្ជកម្ម» ក្រុមហ៊ុន OceanGate ដែលមានទីស្នាក់ការកណ្ដាលនៅ Everett រដ្ឋ Washington សហរដ្ឋអាម៉េរិក ប្រកាសកាលពីថ្ងៃទី 06 កក្កដាដូច្នេះ។ ក្រុមហ៊ុននេះមិនបានលើកឡើងច្បាស់អំពីមូលហេតុ ក៏ដូចជាពេលវេលាដែលក្រុមហ៊ុននេះនឹងដំណើរការឡើងវិញ។ OceanGate គឺជាក្រុមហ៊ុនដែលគ្រប់គ្រងកូននាវាមុជទឹក Titan។ Titan បានដាច់ទំនាក់ទំនងជាមួយកប៉ាល់មេកាលពីថ្ងៃទី 18 មិថុនា 2023 នៅក្នុងដំណើរនាំមនុស្ស 5 នាក់ចុះទៅទស្សនាសាកសពកប៉ាល់ Titanic ដែលបានលិចកាលពីប្រហែល 111 ឆ្នាំមុន នៅបាតមហាសមុទ្រអាត្លង់ទិក ជម្រៅ 3,800 ម៉ែត្រ។ ជនរងគ្រោះត្រូវបានគេជឿថា បានស្លាប់ភ្លាមៗ ក្រោយពីនាវា Titan ត្រូវបែកខ្ទេចខ្ទីដោយសារសម្ពាធទឹក។ នាយកប្រតិបត្តិរបស់ OceanGate លោក Stockton Rush គឺជាមនុស្សម្នាក់ក្នុងចំណោមជនរងគ្រោះដែលបានស្លាប់ក្នុងហេតុការណ៍ខាងលើ។ នៅលើនាវា Titan ក៏មានមហាសេដ្ឋីជនជាតិអង់គ្លេស … Read more