ការប្រកួតពានរង្វាន់បាល់ទាត់លីគកំពូលកម្ពុជា រដូវកាលឆ្នាំ2020 សប្តាហ៍ទី17នេះ បឹងកេតបានយកឈ្នះក្រសួងការពារជាតិ ក្នុងលទ្ធផល 2ទល់នឹង0 ឯព្រះខ័នរាជស្វាយរៀង ក៏បានយកឈ្នះវិសាខា ក្នុងលទ្ធផល 2ទល់នឹង0 ដូចគ្នា ដែរ។
ក្រោយទទួលបានជ័យជម្នះនេះ ក្រុមទាំង2 នៅតែមានលទ្ធភាពក្តោបតំណែងពានរង្វាន់ លីគកំពូលកម្ពុជា រដូវកាលនេះ តែត្រូវរង់ចាំដល់សប្តាហ៍ចុងក្រោយបង្អស់ ពោលគឺនៅថ្ងៃទី25 ខែតុលា ឆ្នាំ2020 ដែលបឹងកេតត្រូវប៉ះភ្នំពេញក្រោន ចំណែកឯព្រះខ័នរាជ ត្រូវប៉ះណាហ្គាវើលដ៍។
គួរឱ្យដឹងដែរថា ក្រុមជើងឯកពានរង្វាន់លីគកំពូលកម្ពុជា នឹងទទួលបានសិទ្ធិចូលរួម ក្នុងវគ្គចែកពូលពានរង្វាន់ក្លិបបាល់ទាត់ដ៏ធំបំផុតលំដាប់ទី2 របស់ទ្វីបអាស៊ី AFC CUP 2021 ដោយស្វ័យប្រវត្តិ៕
Advertisement
