ក្រុមជម្រើសជាតិអាយុក្រោម 19ឆ្នាំរបស់កម្ពុជា បានឡើងទៅលេងក្នុងពានរង្វាន់ AFC U19 ប្រចាំឆ្នាំ2020 នាចុងឆ្នាំនេះ នៅក្នុងប្រទេសអ៊ូបេគីស្ថាន ដោយកម្ពុជាបានស្ថិតនៅក្នុងពូល A ជាមួយនឹងម្ចាស់ផ្ទះ អ៊ូបេគីស្ថាន ឥណ្ឌូនេស៊ី និងអ៊ីរ៉ង់។
អាត អូនតូច កីឡាករវ័យ 17ឆ្នាំ បានបញ្ជាក់ថា ខ្លួនមិនសូវជាមានសង្ឃឹមនៅក្នុងការជាប់ឈ្មោះ ក្នុងបញ្ជីកីឡាករ 23នាក់ចុងក្រោយ ដើម្បីបានទៅលេងពាននេះនៅឯប្រទេសអ៊ូបេគីស្ថានប៉ុន្មានឡើយ ដោយសារតែមូលហេតុនេះហើយ ទើបជំរុញឱ្យរូបគេខិតខំប្រឹងប្រែងហ្វឹកហាត់យ៉ាងខ្លាំង ដោយសង្ឃឹមថា គ្រូបង្វឹកនឹងបានឃើញការរីកចម្រើនរបស់គេ ហើយអាចជាប់ឈ្មោះក្នុងជម្រើស 23នាក់នោះ។
គួរបញ្ជាក់ដែរថា ក្រុមបាល់ទាត់ជម្រើសជាតិកម្ពុជា អាយុក្រោម 19ឆ្នាំ ទទួលបានកៅអីឡើងទៅប្រកួតជុំផ្ដាច់ព្រ័ត្រពានរង្វាន់ដដែលនេះ ជាលើកដំបូងក្នុងប្រវត្តិសាស្ត្ររយៈពេល 46ឆ្នាំចុងក្រោយ កាលពីចុងឆ្នាំ2019 កន្លងទៅ បន្ទាប់ពីបានប្រកួតយ៉ាងស្វិតស្វាញ ក្នុងវគ្គជម្រុះ ដោយឈរនៅលេខរៀងទី5 ក្នុងនាមជាក្រុមលេខ2 ល្អប្រចាំពូល G៕
