Loic Chan កំពុងចរចាកុងត្រាជាមួយក្លិបនៅ La Liga

កុមារាសញ្ជាតិ​ខ្មែរ-បារាំង​ Loic Chan​ វ័យ​ 14ឆ្នាំ កំពុង​ទទួលបាន​ការ​ចាប់​អារម្មណ៍​​ខ្លាំង តាមរយៈ​វីដេអូ​បង្ហាញ​សមត្ថភាព ដែល​ត្រូវបាន​គេ​ចែករំលែក​តៗគ្នា​នៅ​តាម​បណ្ដាញ​សង្គម​ហ្វេសប៊ុក ដោយ​ដឹង​ថា កុមារា​​រូបនេះ ជាកូនរបស់តារា​សម្ដែង​ខ្មែរ​-បារាំង​ Maurice Chan ដែល​ជា​តារា​សម្ដែង​ក្បាច់គុនដ៏​ល្បី​ឈ្មោះមួយរូប។

បន្ទាប់ពីបាត់មុខមួយរយៈធំ នៅពេលនេះគេកំពុងតែចរចា ដើម្បីស្វែងរកលទ្ធភាពក្នុងការផ្ទេរទៅលេងឱ្យក្លិប RCD Mallorca នៅក្របខ័ណ្ឌ La Liga នេះបើតាមការបញ្ជាក់ពីលោក Maurice Chan ដែលជាឪពុកបង្កើតរបស់ Loic Chan។

លោក Maurice Chan បានឱ្យដឹងថា កូនរបស់លោកមានក្តីស្រមៃ ចង់ពាក់អាវជម្រើសជាតិកម្ពុជា ហើយលោកសង្ឃឹមថា កូនប្រុសរបស់លោក នឹងអាចជាប់ជម្រើសជាតិកម្ពុជា នាពេលអនាគត៕