ក្នុងការជួញដូរនាព្រឹកថ្ងៃទី ២៧ មិថុនា តម្លៃប្រេងនៅ អាស៊ី ធ្លាក់ចុះជាង ១ ដុល្លារ/ធុង នៅពេលមានការបារម្ភអំពីសេដ្ឋកិច្ចពិភពលោក ធ្វើឱ្យប៉ះពាល់ដល់ក្ដីសង្ឃឹមលើតម្រូវការប្រេង។
ទន្ទឹមនឹងកត្តាខាងលើ ក្រុមអ្នកវិនិយោគក៏កំពុងយកចិត្តទុកដាក់លើកិច្ចប្រជុំកំពូលរបស់ក្រុមប្រទេសសេដ្ឋកិច្ចរីកចម្រើនលំដាប់កំពូលនៃពិភពលោក (G៧) ក្នុងសប្ដាហ៍នេះ ស្ដីពីវិធានការរឹតត្បិតការនាំចេញប្រេងរបស់ រុស្ស៊ី។ល។
នៅវេលាម៉ោងជាង ៧ ព្រឹក (ម៉ោងនៅ កម្ពុជា) ប្រេង Brent ដែលប្រគល់តាមកាលកំណត់ បានធ្លាក់ថ្លៃ ១.៤២ ដុល្លារ (១.៣%) មកនៅត្រឹម ១១១.៧០ ដុល្លារ/ធុង បន្ទាប់ពីកើន ២.៨% នៅក្នុងការជួញដូរកាលពីចុងសប្ដាហ៍កន្លង។ ចំណែកប្រេង New York វិញ ក៏បានធ្លាក់ថ្លៃ ១.៥៤ ដុល្លារ (១.៤%) មកនៅត្រឹម ១០៦.០៨ ដុល្លារ/ធុង ក្រោយពីបានកើន ៣.២% ក្នុងការជួញដូរមុននោះ។
នៅឯកិច្ចប្រជុំកំពូលក្នុងសប្ដាហ៍នេះ ក្រុមមេដឹកនាំរបស់ G៧ គ្រោងនឹងពិភាក្សាអំពីយុទ្ធសាស្ត្រទប់ទល់នឹងការកើនឡើងនៃតម្លៃថាមពល និងការរកប្រភពផ្គត់ផ្គង់ថ្មីមកជំនួសប្រេងឧស្ម័នដែលនាំចូលពី រុស្ស៊ី ក៏ដូចជាវិធានការដាក់ទណ្ឌកម្មថ្មីទៅលើ រុស្ស៊ី ដោយមិនប៉ះពាល់ធ្ងន់ធ្ងរបន្ថែមទៀតដល់បញ្ហាអតិផរណា។ ក្រៅពីបញ្ហាខាងលើ កិច្ចប្រជុំកំពូលលើកនេះរបស់ G៧ ក៏នឹងពិភាក្សាអំពីការស្ដារកិច្ចចរចាអំពីបញ្ហានុយក្លេអែរជាមួយ អ៊ីរ៉ង់ ផងដែរ៕
