Category: PR

ខេត្តព្រះសីហនុក្លាយជាមណ្ឌលដំបូងនៃការប្រកួតបាល់ទាត់ Tiger Street Football Festival 2019 រដូវកាលទី7
ព្រះសីហនុ៖ នាល្ងាចថ្ងៃទី4 ខែមករា ឆ្នាំ2019 ក្រុមហ៊ុនស្រាបៀរ Tiger បានធ្វើសន្និសីទស្តីពីការចាប់ពូលនៃប្រកួតបាល់ទាត់ Tiger Street Football Festival 2019 នាសណ្ឋាគារឯករាជ្យ ដែលការប្រកួតជាផ្លូវការនឹងប្រព្រឹត្តទៅនៅថ្ងៃទី 5-6 ខែមករា ឆ្នាំ2019 នៅឆ្នេរអូរឈើទាល ក្រុងព្រះសីហនុ ។
ក្នុងឱកាសប្រកាសសន្និសីទព្រឹត្តិការណ៍ការប្រកួតបាល់ទាត់ Tiger Street Football Festival 2019 រដូវកាលទី៧នៅមណ្ឌលខេត្តព្រះសីហនុដែលជាមណ្ឌលដំបូងក្នុងរដូវកាលថ្មីនេះ ដោយមានការអញ្ជើញចូលរួមជាកិត្តិយសពីលោកស្រី ថោង បវរលក្ខិណា នាយកគ្រប់គ្រងទីផ្សារស្លាកសញ្ញា ស្រាបៀរ Tiger និងលោក ម៉ៃ តុលា អគ្គលេខាធិការរងនៃសហព័ន្ធកីឡាបាល់ទាត់កម្ពុជា។
លោក ម៉ៃ តុលា អគ្គលេខាធិការរងនៃសហព័ន្ធកីឡាបាល់ទាត់កម្ពុជាបានថ្លែងក្នុងឱកាសសន្និសីទសារព័ត៌មានថា សម្រាប់ការប្រកួតរដូវកាលថ្មីឆ្នាំនេះមានក្រុមចូលរួមយ៉ាងច្រើនកុះករដូចឆ្នាំមុនដែរ ព្រមទាំងទទួលបានការគាំទ្រពីយុវជនជាច្រើននាក់នៃការប្រកួតបាល់ទាត់ Tiger Street Football Festival 2019 កាន់តែធ្វើឲ្យវិស័យកីឡាបាល់ទាត់កម្ពុជារបស់យើងទទួលការរីកចម្រើន។ តាំងនាមសហព័ន្ធសូមថ្លែងអំណរគុណដល់ក្រុមហ៊ុនស្រាបៀរ Tiger ដែលបានរៀបចំព្រឹត្តិការណ៌នេះឡើងក្នុងគោលបំណងអភិវឌ្ឍន៍វិស័យបាល់ទាត់របស់កម្ពុជានាពេលខាងមុខនេះ។
ការប្រកួតបាល់ទាត់ Tiger Street Football Festival 2019 លើកទី 7 នេះកាន់តែអស្ចារ្យដោយយើងធ្វើឡើងរហូតដល់៩ខេត្ត/ក្រុងទូទាំងប្រទេស ប្រកួតកាន់តែច្រើន និងរង្វាន់សរុប 50,000ដុល្លារអាមេរិក ព្រមទាំងជួបផ្ទាល់ជាមួយកំពូលតារាបាល់ទាត់អន្តរជាតិ Ronaldinho នៅថ្ងៃប្រកួតផ្តាច់ព្រ័ត្រដណ្តើមជើងឯក នៅរាជធានីភ្នំពេញ ថ្ងៃទី 16-17 មីនាខាងមុខនេះ។
នេះជាលើទី៧ហើយសម្រាប់ការប្រកួតបាល់ទាត់ Tiger Street Football Festival 2019 ដែលក្រុមហ៊ុនស្រាបៀរ Tigerបាននាំយកព្រឹត្តិការណ៍ដ៏អស្ចារ្យមួយនេះ ហើយជាមណ្ឌលដំបូងត្រូវចាប់ផ្តើមការប្រកួតជាផ្លូវការនៅថ្ងៃទី5-6 ខែមករា ឆ្នាំ2019 ក្នុងចំណោម54ក្រុមគណៈកម្មការជ្រើសរើសយក6ក្រុមទៅធ្វើការប្រកួតផ្តាច់ព្រ័ត្រនៅកោះពេជ្រនៅរាជធានីភ្នំពេញ ថ្ងៃទី 16-17 មីនាខាងមុខនេះ។
ចំពោះព័ត៌មានលម្អិតអំពីព្រឹត្តិការណ៍ Tiger Street Football Festival 2019 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2019
ពិសាដោយការទទួលខុសត្រូវ
January 5, 2019
មានអ្វីពិសេសនៅក្នុងពិធីបុណ្យ «ដារលាន ឬបុណ្យភូមិ»លើកទី12 ក្នុងក្រុងសៀមរាប
ទេសភាពវាលស្រែនាពេលរាត្រីនៅថ្ងៃទី31 ខែធ្នូ ម៉ោងប្រហែលជា 5ល្ងាចនៃពិធីបុណ្យដារលាន ឬបុណ្យភូមិ រួមជាមួយនឹងពិធីបុណ្យឆ្លងឆ្នាំសកលនៅក្នុងភូមិជ្រាវ សង្កាត់ជ្រាវ ក្នុងទីក្រុងសៀមរាបបានលេចជារូបរាងឡើងជាមួយនឹងការរៀបចំតុបតែងតាមបែបប្រជាជន ជនបទយ៉ាងស្រស់ស្អាតស័ក្តិសមនឹងឈ្មោះដែលក្រុមហ៊ុន Jaya Catering & Events Services បានដាក់ឱ្យពិតប្រាកដមែន ដែលមានការរៀបចំទីតាំងគួរឱ្យទាក់ទាញបំផុតដូចជា៖ ច្រកដើរចូលជាលក្ខណៈស្ពាន សង់ឡើងពីឈើដែលមិនសូវជាខ្ពស់ប៉ុន្មានពីដី អមសងខាងដោយដើមស្រូវពណ៌ខៀវខ្ចីកំពុងតែដុះលូតលាស់យ៉ាងស្រស់ស្អាត។
លើសពីនោះទៀតនៅសងខាងស្ពានមានរៀបចំជាភ្លើងទៀនដុតបំភ្លឺសម្រាប់ងាយស្រួលឱ្យភ្ញៀវដើរចូលទៅក្នុងកម្មវិធីបុណ្យ ចំណែកឯនៅខាងស្តាំដៃនៃច្រកចូលវិញ គេសង្គេតឃើញមានតួអក្សរជាភាសាអង់គ្លេសដែលសរសេរថា «Happy New Year» ដែលមានន័យជាភាសាខ្មែរថា «សួស្តីឆ្នាំថ្មីឆ្នាំសកល»។ នៅឯច្រកដើរចូលនៃកម្មវិធីបុណ្យ ក្រុមហ៊ុន Jaya Catering & Events Services បានរៀចំតុបតែងដោយយកមួកស្លឹកត្នោតជាច្រើនមកធ្វើជាខ្លោងទ្វារយ៉ាងធំ ដែលមានលាយឡំជាមួយនឹងភ្លើងអគ្គិសនី ក៏ដូចជាភ្លើងទៀនពណ៌មាសយ៉ាងស្រស់ស្អាត។ ជាពិសេសគឺនៅតាមតូបម្ហូបអាហារនីមួយៗ ក៏ដូចជានៅលើវេទិកាសម្ដែង គឺសុទ្ធសឹងតែរៀបចំតុបតែងពីស្លឹកត្នោតទាំងអស់ ជាពិសេសមុខម្ហូបដែលរៀបចំបម្រើភ្ញៀវនារាត្រីនោះ គឺភាគច្រើនជាមុខម្ហូបខ្មែរតែម្តង។ ភ្ញៀវដែលបានអញ្ជើញចូលរួមភាគច្រើន គឺពួកគាត់ស្លៀកពាក់ជាលក្ខណៈ ប្រជាជនជនបទ និងប្រពៃណីខ្មែរពីបុរាណដើម្បីឱ្យសមទៅនឹងពិធីបុណ្យដារលាន ឬ បុណ្យភូមិ។ ភ្ញៀវដែលបានអញ្ជើញចូលរួមក្នុងកម្មវិធីបុណ្យរីករាយជាមួយនឹងការទស្សនាការសម្ដែងរបាំជូនពរ ការប្រគំតន្ត្រីបុរាណដែលជាចង្វាក់កន្រ្ទឹម ជាពិសេសភ្ញៀវដែលបានសប្បាយរីករាយនឹងការចូលរួមរាំលេងកម្សាន្តផងដែរ។
លោក ច្រឹក គីមផូ ជាអគ្គនាយកក្រុមហ៊ុន Jaya Catering & Events Services បានលើកឡើងថា «នេះជាលើកទី12ហើយ ដែលក្រុមហ៊ុនបានរៀបចំពិធីបុណ្យដារលាន ឬបុណ្យភូមិ នេះឡើង ដោយលើកមុនៗ គឺពួកយើងបានរៀបចំសម្រាប់តែទទួលស្វាគមន៍ភ្ញៀវបរទេសតែប៉ុណ្ណោះ តែចំពោះលើកនេះ គឺរៀបចំជាលក្ខណៈពិសេសសម្រាប់ទទួលភ្ញៀវខ្មែរផងដែរ ទើបក្រុមការងារសម្រេចចិត្តរៀបចំធ្វើចំថ្ងៃឆ្លងឆ្នាំសកលតែម្តង»។ លោកបានលើកឡើងបន្ថែមទៀតថា «ពីដំបូងក្រុមការងារមានបំណងរៀបចំធ្វើកម្មវិធីនេះឡើងដើម្បីទទួលភ្ញៀវចំនួនប្រមាណជា 50នាក់តែប៉ុណ្ណោះ តែដោយសារតែមានការកក់សំបុត្រយ៉ាងច្រើនពីភ្ញៀវបរទេសក៏ដូចជាភ្ញៀវខ្មែរ ទើបកម្មវិធីរៀបចំទទួលភ្ញៀវសរុបបានទៅដល់ចំនួន 150នាក់ ហើយរូបលោកក៏ដូចជាក្រុមការងារសង្ឃឹមថា ភ្ញៀវទាំងអស់នឹងរីករាយជាមួយបុណ្យដារលាន ឬបុណ្យភូមិនេះ»៕
លោកបញ្ជាក់បន្ថែមថា «Jaya Catering & Events Services នឹងមានគម្រោងរៀបចំ ពិធីបុណ្យដារលាន ឬបុណ្យភូមិ សាជាថ្មីម្តងទៀតនៅអំឡុងពេលបុណ្យចូលឆ្នាំខ្មែរខាងមុខនេះ ហើយក្រុមការងាររបស់លោកនឹងសិក្សាទៅលើតម្លៃសាជាថ្មីម្តងទៀតឱ្យស័ក្តិសមចំពោះភ្ញៀវខ្មែរដែលមានបំណងចង់ចូលរួមនៅលើកក្រោយទៀត»៕
លោក ផាន់ ប៊ុនឈី ជានាយកប្រតិបត្តិរបស់ក្រុមហ៊ុន Jaya Catering & Events Services បានប្រាប់ឱ្យដឹងពីប្រវត្តិបុណ្យដារលាន ឬបុណ្យភូមិនេះថា «គឺជាបុណ្យប្រពៃណីខ្មែរមួយដែលត្រូវបានបណ្ដាប្រជាជនអ្នកស្រុកស្រែចម្ការតែងតែរៀបចំធ្វើឡើងជារៀងរាល់ឆ្នាំចន្លោះពីខែមករា ដល់ខែមេសាទៅតាមភូមិនីមួយៗដើម្បីរំឭកគុណដល់ទឹកដី និងអាកាសធាតុ សម្រាប់ការបង្កបង្កើនផលស្រូវពេញមួយឆ្នាំ ហើយគោលបំណងសំខាន់ដែលរៀបចំកម្មវិធីបុណ្យនេះ គឺចង់រំឭកសាឡើងវិញពីវប្បធម៌ និងប្រពៃណីរបស់ខ្មែរយើងដែលមានតាំងពីយូរលង់ណាស់មកហើយ ជាពិសេសគឺការផ្សព្វផ្សាយឱ្យក្មេងៗជំនាន់ក្រោយយល់ដឹងកាន់តែច្បាស់ពីពិធីបុណ្យរបស់ខ្មែរតែម្តង។ លោកសង្ឃឹមថា ភ្ញៀវដែលបានអញ្ជើញចូលរួមលើកនេះ នឹងចែករំលែកបទពិសោធននេះទៅដល់មិត្តភក្តិ សាច់ញតិ និងបងប្អូនរបស់ពួកគាត់ ជាពិសេសគឺ ចែករំលែកទៅភ្ញៀវជាតិ និងភ្ញៀវបរទេសឱ្យបានយល់ដឹងកាន់តែច្បាស់ពីពិធីបុណ្យដារលាន ឬបុណ្យភូមិនេះ»។ លោកបានបន្ថែមថា «លោកក៏ដូចជាក្រុមការងារ Jaya Catering & Events Services មានយុទ្ធសាស្រ្ត និងភាពជឿជាក់ថា តាមរយៈការរៀបចំតុបតែងបែបប្រពៃណីខ្មែរយ៉ាងទាក់ទាញ និងតាមរយៈការផ្សព្វផ្សាយទៅតាមបណ្តាសារព័ត៌មានពីមិត្តភក្តិ សាច់ញតិ បងប្អូន ជាពិសេសតាមរយៈប្រព័ន្ធផ្សព្វផ្សាយសង្គមផ្សេងៗទៀតនឹងធ្វើឱ្យប្រជាជនខ្មែរចូលរួមអភិរក្សពិធីបុណ្យប្រពៃណីខ្មែរមួយនេះជាក់ជាមិនខាន»។
លោក ឡុង បូរ៉ា ជាប្រធានចុងភៅរបស់ក្រុមហ៊ុន Jaya Catering & Events Services បានលើកឡើងថា «នៅក្នុងពិធីបុណ្យដារលាន ឬបុណ្យភូមិ សម្រាប់លោកផ្ទាល់ គឺបានរៀបចំធ្វើម្ហូបខ្មែរជាច្រើនមុខដើម្បីសម្រាប់ទទួលស្វាគមន៍ភ្ញៀវបរទេស និងភ្ញៀវខ្មែរដែលបានចំណាយពេលវេលាចូលរួមពិធីបុណ្យដារលាន ឬបុណ្យភូមិលើកទី12នេះ»។ លោកបានលើកឡើងបន្ថែមទៀតថា «គោលបំណងសំខាន់ និងក្នុងនាមលោកជាមេចុងភៅល្បីឈ្មោះប្រចាំនៅភោជនីយដ្ឋាន Asian Square Restaurant & Lounge ក៏ដូចជាក្រុមហ៊ុន Jaya Catering & Events Services លោកមានបំណងចង់ផ្សព្វផ្សាយពីមុខម្ហូបរបស់ខ្មែរឱ្យជនបរទេសបានស្គាល់ និងបានភ្លក្សរសជាតិ ជាពិសេសគឺជាម្ហូបជាលក្ខណៈស្រុកស្រែជនបទ»៕

January 4, 2019
ធនាគារ CIMB ទទួលបានពានរង្វាន់អន្តរជាតិល្អបំផុតនៅកម្ពុជាពី Asiamoney
ធនាគារ CIMB បានរៀបចំសន្និសិទសារព័ត៌មានមួយស្តីពីការឈ្នះបានពានរង្វាន់ «ធនាគារអន្តរជាតិល្អបំផុតនៅកម្ពុជា» ពីទស្សនាវដ្តីហិរញ្ញវត្ថុ Asiamoney ប្រចាំឆ្នាំ២០១៨ កាលពីព្រឹកថ្ងៃទី ០៣ ខែមករាឆ្នាំ២០១៩។ សន្និសិទសារព័ត៌មាននេះ មានការចូលរួមពីសំណាក់ លោក ប៊ុន យីន ប្រធាននាយកប្រតិបត្តិរបស់ធនាគារ CIMB PLC លោកស្រី ហេង ធីតា នាយកសេវាកម្មហិរញ្ញវត្ថុបុគ្គល នៃធនាគារ CIMB PLC និងលោក ហុង ជៀប នាយកសេវាកម្មហិរញ្ញវត្ថុពាណិជ្ជកម្មធនាគារ CIMB PLC ព្រមអ្នកសារព័ត័មានជាច្រើននាក់ផងដែរ។
ថ្លែងក្នុងសន្និសិទសារព័ត៌មាននេះ លោក ប៊ុន យីន ប្រធាននាយកប្រតិបត្តិរបស់ធនាគារ CIMB PLC បានបង្ហាញពីសេចក្តីរីករាយ និងមោទនភាពដែលបានទទួលពានរង្វាន់ជាធនាគារជាតិល្អបំផុតនៅកម្ពុជា ហើយលោកបានលើកឡើងថា ការឈ្នះពានរង្វាន់នេះ គឺជាភស្តុតាងបញ្ជាក់ពីសក្តានុពលរបស់ធនាគារ CIMB PLC អំពីគុណភាពសេវាកម្ម និងផលិតផលល្អរបស់ខ្លួននៅក្នុងទីផ្សារកម្ពុជា ដែលត្រូវបានវាយតម្លៃ និងទទួលស្គាល់ជាអន្តរជាតិ ពីទស្សនាវដ្តីហិរញ្ញវត្ថុល្បីឈ្មោះ Asiamoney។
ក្នុងនោះដែរ លោក ប៊ុន យីន បានបន្ថែមថា កត្តាដែលទស្សនាវដ្តីហិរញ្ញវត្ថុល្បីឈ្មោះ Asiamoney ជ្រើសយកមកធ្វើការវាយតម្លៃក្នុងការផ្តល់ពានរង្វាន់ «ធនាគារអន្តរជាតិល្អបំផុតនៅកម្ពុជា» ដល់ធនាគារ CIMB PLC រួមមាន សេវាកម្មហិរញ្ញវត្ថុបុគ្គលជាធនាគារអន្តរជាតិ បណ្ណឥណទាន សេវាកម្មធនាគារជាន់ខ្ពស់ក្នុងប្រទេសកម្ពុជា (Priority Banking) សេវាកម្មគ្រប់គ្រងសាច់ប្រាក់ ហិរញ្ញប្បទានពាណិជ្ជកម្ម និងការប្តូរប្រាក់ ព្រមទាំងអាជីវកម្មផ្សារទុនបង្វិល។ Asiamoney ក៏ផ្តល់ពិន្ទុបន្ថែមទៅលើធនាគារណាដែលអាចផ្តល់សេវាកម្មឆ្លងប្រទេសផងដែរ។
គួរបញ្ចាក់ផងដែរថា ធនាគារ CIMB បានរក្សានូវកំណើនជារៀងរាល់ឆ្នាំ ក្នុងរយៈពេល៥ឆ្នាំចុងក្រោយនេះ ដែលប្រាក់ចំនេញមុនបង់ពន្ធរបស់ធនាគារបានកើនឡើងរហូតដល់ ៧ដង ពី២លានដុល្លារអាមេរិច ក្នុងឆ្នាំ២០១៤ ដល់១៤លានដុល្លារអាមេរិច ក្នុងឆ្នាំ២០១៨។ ទ្រព្យសកម្មរបស់ធនាគារបានកើនឡើងជាង២ដង ពី៣៥៣លានដុល្លារអាមេរិច ក្នុងឆ្នាំ២០១៤ រហូតដល់៨៦៥លានដុល្លារអាមេរិចក្នុងឆ្នាំ២០១៨។
លើសពីនេះផងដែរ ធនាគារ CIMB បច្ចុប្បន្នមានទំហំឥណទាន និងប្រាក់បញ្ជើររបស់ធនាគារ CIMB PLC ជាមួយនឹងកំណើនជាមធ្យមប្រចាំឆ្នាំ ៣២% និង ៣០% ពី ២០៩លានដុល្លារអាមេរិច និង២៦៥លានដុល្លារអាមេរិច ក្នុងឆ្នាំ២០១៤ រហូតដល់ ៥៥៥លានដុល្លារអាមេរិច និង៧០០លាន ដុល្លារអាមេរិច ក្នុងឆ្នាំ២០១៨៕

January 3, 2019
Carl’s Jr. ផ្ដល់ជូនកាន់តែពិសេសជាមួយ ប៊ឺហ្គឺរ រសជាតិថ្មី Angus Thickburger
កាន់តែអស្ចារ្យ និងរីករាយបំផុតចំពោះអតិថិជនដែលគាំទ្រ មានចំណូលចិត្តទទួលទាន ប៊ឺហ្គឺរ ពីហាង Carl’s Jr. ជាមួយការផ្តល់ជូនជាពិសេស នូវ ប៊ឺហ្គឺរ រសជាតិដើមមកពីសហរដ្ឋអាមេរិក ឈ្ងុយឆ្ងាញ់ប្លែក ជាប់ចិត្តមិនអាចបំភ្លេចបាន ដែលទើបមកដល់កម្ពុជាកាលពីពេលថ្មីៗនេះ នោះ គឺ Original Angus Thickburger ។
កញ្ញា ជុំ សេងហុង ប្រធានផ្នែក Digital Marketing បានឱ្យដឹងថា សម្រាប់ Original Angus Thickburger ដែលទើបតែមកដល់កម្ពុជានាដើមឆ្នាំ 2019 នេះ គឺមានទំហំធំជាង ប៊ឺហ្គឺរ ធម្មតា ដែលត្រូវបានផ្សំឡើងដោយនំប៉័ងរសជាតិឈ្ងុយឆ្ងាញ់, សាច់គោហ្គូលអាំង ចម្អិនរួមគ្នាជាមួយឈីសនាំចូលពីអាមេរិក អមដោយខ្ទឹមបារាំងក្រហម ប៉េងប៉ោះ សាឡាដ និងទឹកជ្រលក់ដែលធ្វើឡើងដោយដៃ ប្រកបដោយអនាម័យខ្ពស់។
អ្វីដែលរឹតតែពិសេស និងអស្ចារ្យជាងនេះទៅទៀត ដើម្បីជាការអបអរសាទរនៃការបង្ហាញរូបភាពថ្មី នៃ Original Angus Thickburger នៅពេលនេះ រាល់អតិថិជនទាំងអស់ដែលទិញជាឈុត នឹងទទួលបានការទទួលភេសជ្ជៈដោយឥតកំណត់ រួមជាមួយនឹងការផ្តល់ជូននូវសំបុត្រកុន Major Cineplex ចំនួនមួយសន្លឹកផងដែរ ដែលការផ្តល់ជូននេះត្រូវបានធ្វើឡើងរហូតដល់អស់ពីស្តុក ។
គួរបញ្ជាក់ផងដែរថា ហាង ប៊ឺហ្គឺរ Carl’s Jr.ត្រូវបានបង្កើតឡើងតាំងពីអំឡុងឆ្នាំ1941 នៅសហរដ្ឋអាមេរិក ដែលរហូតមកដល់ពេលនេះ ក្រុមហ៊ុនបានបំបែកទីតាំងរបស់ខ្លួននៅចំនួន40ប្រទេសលើពិភពលោក ។ ដោយឡែក សម្រាប់វត្តមាននៅក្នុងប្រទេសកម្ពុជា គឺផ្តើមឡើងកាលពីអំឡុងខែតុលា ឆ្នាំ2016 ហើយសព្វថ្ងៃបានពង្រីកប្រជាប្រិយភាពរបស់ខ្លួនគួរឱ្យកត់សម្គាល់ ដោយមានទីតាំងរហូតដល់ 4 សាខា នៅទូទាំងរាជធានីភ្នំពេញ ក្នុងនោះរួមមាន សាខាទួលទំពូង1 ស្ថិតនៅផ្លូវ155 កែងផ្លូវ472 ខណ្ឌចំការមន, សាខា AEON Mall ខណ្ឌសែនសុខ, សាខាទួលគោក ស្ថិតនៅផ្លូវ 315 ជិត TK Avenue និងសាខាទី4 ស្ថិតនៅផ្លូវ51 កែងផ្លូវ310 សង្កាត់បឹងកេងកង1 ខណ្ឌចំការមន ៕
January 3, 2019
វេសឡាញ រៀបចំសិក្ខាសាលាស្តីពី «ទម្លាប់ល្អទាំង៧ ដ៏មានប្រសិទ្ធភាពសម្រាប់បុគ្គលឆ្នើម»
នៅថ្ងៃទី 29 ខែធ្នូ ឆ្នាំ 2018 កន្លងទៅនេះ ក្រុមហ៊ុនវេសឡាញ អេឌ្យូខេសិន គ្រុប បានរៀបចំសិក្ខាសាលាស្តីពី «ទម្លាប់ល្អទាំង៧ ដ៏មានប្រសិទ្ធភាពសម្រាប់បុគ្គលឆ្នើម» នៅសហសាលសម្ដេចអគ្គមហាសេនាបតីតេជោ ហ៊ុន សែន នៃវិទ្យាស្ថានបច្ចេកវិទ្យាកម្ពុជា (តិចណូ) ក្នុងបំណងផ្ដល់ចំណេះដឹង ជំនាញ ដល់មាតា បិតា ឬអាណាព្យាបាលសិស្ស ដែលជាបុគ្គលិករដ្ឋ ឯកជន ក្រុមហ៊ុនដៃគូ អង្គការសង្គមស៊ីវិល និងជាម្ចាស់អាជីវកម្ម សម្រាប់ជាទុន និងសមត្ថភាព ដើម្បីអភិវឌ្ឍន៍ចំណេះដឹង ជំនាញ និងអាជីពរបស់ពួកគាត់។
លោក ប៉ិច ប៉ូឡែន នាយកប្រតិបត្តិនៃក្រុមហ៊ុន វេសឡាញ អេឌ្យូខេសិន គ្រុប បានមានប្រសាសន៍ថា៖ ទម្លាប់ល្អទាំង៧នេះរួមមាន៖
01) បង្កើនភាពជាម្ចាស់ការលើការងាររបស់ខ្លួន
02) ជំនាញរៀបចំផែនការការងារច្បាស់លាស់
03) ជំនាញគ្រប់គ្រង់ និងចាត់ចែងអាទិភាពការងារសំខាន់មុន
04) ជំនាញគិតបែប ឈ្នះ-ឈ្នះ ដើម្បីស្វែងរកផលប្រយោជន៍រួម
05) បង្កើននូវប្រសិទ្ធភាពខ្ពស់ក្នុងការទំនាក់ទំនង
06) បង្កើនការសហការគ្នាដែលមានភាពច្នៃប្រឌិតដើម្បីឧត្តមប្រយោជន៍រួម
07) ជំនាញដើម្បីសម្រេចជោគជ័យផ្ទាល់ខ្លួនប្រចាំថ្ងៃ
នាយកប្រតិបត្តិរូបនេះ បានបន្ថែមទៀតថា ៖ ជាធម្មតាការកែប្រែទម្លាប់វាមិនមែនធ្វើមួយថ្ងៃ ពីរថ្ងៃ មួយសប្ដាហ៍បាននោះទេ ប៉ុន្តែវានឹងជោគជ័យ នៅពេលយើងផ្លាស់ប្ដូរម្ដងតិចៗ ហើយលោកសង្ឃឹមថា សិក្ខាសាលាមួយនេះ នឹងផ្ដល់ចំណេះដឹងបន្ថែមទៀតដល់មាតា បិតា ឬអាណាព្យាបាលសិស្ស ដែលជាបុគ្គលិករដ្ឋ ឯកជន ក្រុមហ៊ុនដៃគូ អង្គការសង្គមស៊ីវិល និងជាម្ចាស់អាជីវកម្ម ដែលបានចូលរួម។
លោក ប៉ិច ប៉ូឡែន បានលើកឡើងផងដែរថា ក្រុមហ៊ុនវេសឡាញ អេឌ្យូខេសិន គ្រុប នៅតែបន្តស្វែងរកដៃគូវិនិយោគ និងកិច្ចសហប្រតិបត្តិការ ដើម្បីរួមចំណែកជួយរាជរដ្ឋាភិបាលក្នុងការអភិវឌ្ឍន៍គុណភាពអប់រំ និងបណ្ដុះបណ្ដាលធុនធានមនុស្សនៅកម្ពុជា ដោយក្នុងនោះទិសដៅវិនិយោគមានដូចជា ការបើកមជ្ឈមបណ្ឌលភាសាបរទេសសម្រាប់ការងារពាណិជ្ជកម្ម និងទំនាក់ទំនងការងារ សាលាបណ្ដុះបណ្ដាលបច្ចេកទេស និងវិជ្ជាជីវ មជ្ឈមណ្ឌលអភិវឌ្ឍន៍សហគ្រាសតូច និងមធ្យម៕

January 2, 2019
ក្រុមហ៊ុនអាកាសចរខេមបូឌា អ៊ែរវ៉េ បង្កើតកម្មវិធីរីករាយថ្ងៃបុណ្យ Christmas
ពិតជាពោរពេញទៅដោយភាពសប្បាយរីករាយជាខ្លាំង កាលពីរាត្រីថ្ងៃ Christmas កន្លងទៅនេះជាមួយនឹងក្រុមហ៊ុនអាកាសចរខេមបូឌា អ៊ែរវ៉េ នៅឯផ្សារទំនើបអ៊ីអនសែនសុខ។
គួររំលឹកផងដែរថាក្រុមហ៊ុនអាកាសរចរនេះបានរៀបចំនូវកម្មវិធីកម្សាន្តជូនដល់សាធារណជន ពិសេសកុមារតូចៗឱ្យចូលរួមលេងជាមួយនឹងសកម្មភាពសប្បាយៗជាច្រើនដែលមានដូចជាការលេងក្នុងអាងបាល់យក្ស និងការថតរូបទុកជាអនុស្សាវរីយ៍ជាមួយលោកតា Santa និងការតុបតែងលម្អបែបពីធីបុណ្យដែលមានភាពល្បីល្បាញក្នុងពិភពលោកមួយនេះ។ អ្វីដែលកាន់តែអស្ចារ្យនោះគឺ អាកាសចរណ៍ក្នុងស្រុករបស់យើងបានធ្វើការចែកជូននូវកាដូដ៏ស្រស់ស្អាតរាប់ពាន់ដែលមានដូចជាតុក្កតាគួរឱ្យស្រលាញ់ និងស្ករគ្រាប់ស្វីតៗជាច្រើនដើម្បីរបង្ហាញនូវក្ដីស្រលាញ់ និងការអបអរក្នុងថ្ងៃបុណ្យនៃការចែករំលែក។
កម្រងរូបភាពទាំងនេះបានផ្ដិតឱ្យឃើញពីស្នាមញញឹមដ៏កក់ក្ដៅពីក្រុមគ្រួសារ និងអ្នកចូលរួមទាំងអស់ដែលបានមកទស្សនានូវព្រឹត្តិការណ៍លើកទីមួយរបស់ខេមបូឌា អ៊ែរវ៉េ។

January 2, 2019
អ្នកត្រៀមខ្លួនហើយឬនៅ? ព្រឹត្តិការណ៍ប្រកួតបាល់ទាត់ដ៏ធំអស្ចារ្យប្រចាំឆ្នាំ TIGER STREET FOOTBALL FESTIVAL 2019 រដូវកាលទី ៧ បានមកដល់ហើយ!
រាជធានីភ្នំពេញ៖ TIGER STREET FOOTBALL FESTIVAL 2019 កំពូលព្រឹត្តិការណ៍បាល់ទាត់ដ៏ធំបំផុត ដែលបានត្រឡប់មកវិញទៀតហើយជាមួយនឹងក្រុមចូលរួមប្រកួតកាន់តែច្រើន និងទីតាំងប្រកួតកើនដល់ ៩ ខេត្ត/ក្រុង ជាពិសេសមានវត្តកំពូលតារាបាល់ទាត់អន្តរជាតិ Ronaldinho ក្នុងនាមជាឯកអគ្គរដ្ឋទូតប្រចាំកម្មវិធី TIGER STREET FOOTBALL FESTIVAL 2019 នៅវគ្គប្រកួតផ្តាច់ព្រ័ត្រ នៅរាជធានីភ្នំពេញ ថ្ងៃទី ១៦-១៧ មីនា ឆ្នាំ២០១៩ ខាងមុខនេះ។
TIGER STREET FOOTBALL FESTIVAL 2019 គឺជាកម្មវិធីប្រកួតកីឡាបាល់ទាត់ដ៏ធំបំផុតនៅក្នុងប្រទេសកម្ពុជា ហើយនេះជាឆ្នាំទីប្រាំពីរហើយ ដែលបានរៀបចំឡើងដោយក្រុមហ៊ុនស្រាបៀរថៃហ្គ័រ ដើម្បីលើកកម្ពស់សកម្មភាពកីឡា និងជាវេទិកាមួយសម្រាប់កីឡាករបញ្ចេញទេពកោសល្យរបស់ខ្លួន។

TIGER STREET FOOTBALL FESTIVAL 2019 មិនដូចបាល់ទាត់ហ្វូតសាល ធម្មតា និងបាល់ទាត់ប្រភេទផ្សេងទៀតទេ គឺជាការប្រកួតបាល់ទាត់នៅលើទីលានរាងទ្រវែងទំហំ២៥មx១៤.៥មដែលជាកន្លែងប្រមូលផ្តុំសកម្មភាពប្រកួតឥតឈប់ឈរ។ ហើយជាការ ប្រកួតដែលមានកីឡាករមិនលើសពី៥នាក់នៅលើទីលាន មានសកម្មភាពប្រកួតយ៉ាងស្វិតស្វាញ ឥតឈប់ឈរនឹងធ្វើឲ្យទស្សនិកជនរំភើបរីករាយទស្សនាការប្រកួត។ ការប្រកួតមានរយៈពេលសរុប១២នាទី ដែលបែងចែកជាពីរវគ្គមានរយៈពេល៦នាទីពីរដង ហើយមានការសម្រាក២នាទីនៅចន្លោះវគ្គ។សម្រាប់ការប្រកួតចាប់ពីវគ្គពាក់កណ្តាលផ្តាច់ព្រ័ត្រ (បួនក្រុមចុងក្រោយ) ការប្រកួតនីមួយៗមានរយៈពេល ១០នាទីពីរវគ្គ និងមានរយៈពេលសម្រាកចន្លោះវគ្គចំនួន ៤នាទី។
ព្រឹត្តិការណ៍ TIGER STREET FOOTBALL FESTIVAL 2019 នេះមិនត្រឹមតែបង្ហាញស្ទីលលេងបាល់ទាត់ដ៏អស្ចារ្យថែមទាំងមានសកម្មភាពសប្បាយរីករាយជាច្រើនទាំងលើទីលាននិងក្រៅទីលានដូចជាការសម្តែងក្បាច់រាំពីក្រុមនារីរាំដ៏ស្រស់ស្អាត ការលេងហ្គេមកម្សាន្ត ការដាក់តាំងលក់សម្ភារកីឡាមានលក់ជូនពិសេសសម្រាប់ការជាវផលិតផលស្រាបៀរថៃហ្គ័រ មានការប្រគំតន្រ្តីនាពេលរាត្រីកាន់តែធំ កាន់តែប្លែក និងកាន់តែអស្ចារ្យជាងមុនដោយមានការអញ្ជើញចូលរួមសម្តែងពីសំណាក់តារាល្បីៗប្រចាំព្រះរាជាណាចក្រកម្ពុជាដូចជា លោកព្រាប សុវត្តិ លោក ខេមរៈ សិរីមន្ត លោក ឆន សុវណ្ណរាជ កញ្ញា ឱក សុគន្ធកញ្ញា កញ្ញា ពេជ្រ សោភា អ្នកនាង សុគន្ធនីសា រួមជាមួយនឹងកម្មវិធីកម្សាន្តសប្បាយៗជាច្រើន កាន់តែរំភើប កាន់តែអស្ចារ្យ ដែលញ៉ាំងឲ្យព្រឹត្តិការណ៍នេះកាន់តែជក់ចិត្ត និងដក់ជាប់អារម្មណ៍ដល់អ្នកទស្សនា។
តើអ្នកត្រៀមខ្លួនហើយឬនៅ? សូមចូលរួមជាមួយយើង #UNCAGE ការប្រកួតបាល់ទាត់ TIGER STREET FOOTBALL FESTIVAL 2019 រដូវកាល ២០១៩! សូមមើលកាលវិភាគ និងទស្សនាការផ្សាយផ្ទាល់នៅលើទំព័រ Facebook របស់យើង!
- នៅឆ្នេរអូឈើទាល ក្រុងព្រះសីហនុ ចាប់ពីថ្ងៃទី 5 ដល់ ទី6 ខែមករា ឆ្នាំ 2019
- នៅខាងកើតវិមានឯករាជ្យចម្ងាយ២០០ម៉ែត្រ ទីរួមខេត្តតាកែវ នៅថ្ងៃទី 13 ខែមករា ឆ្នាំ2019
- នៅដីឡូន៍ឧកញ្ញា ឈួន គឹមសាន ទីរួមខេត្តកំពង់ស្ពឺ នៅថ្ងៃទី 20 ខែមករា ឆ្នាំ2019
- នៅវាលបែកចាន ទីរួមខេត្តបាត់ដំបង ចាប់ពីថ្ងៃទី 26 ដល់ ទី27 ខែមករា ឆ្នាំ2019
- នៅបរិវេណផ្សារាត្រី ផ្កាយ៥ ក្រុងប៉ោយប៉ែត ចាប់ពីថ្ងៃទី 2 ដល់ ទី3 ខែកុម្ភ: ឆ្នាំ2019
- នៅបរិវេណទីលានអង្គរឃ្យុងយ៊ូ ទីរួមខេត្ត សៀមរាប ចាប់ពីថ្ងៃទី 8 ដល់ ទី10 ខែកុម្ភ: ឆ្នាំ2019
- នៅបរិវេណកោះពេជ្រ ខាងកើតផ្សារាត្រី ទីរួមខេត្តកំពង់ចាម ចាប់ពីថ្ងៃទី 16 ដល់ ទី17 ខែកុម្ភ: ឆ្នាំ2019
- នៅសួនច្បារមាត់ទន្លេ ក្រុងតាខ្មៅ នៅថ្ងៃទី 3 ខែមីនា ឆ្នាំ2019
- នៅមុខមហោស្រពកោះពេជ្រ រាជធានីភ្នំពេញ ថ្ងៃទី 13 ដល់ 15ខែមីនា ឆ្នាំ2019 សម្រាប់ជើងឯកមណ្ឌលភ្នំពេញ និងចាប់ពីថ្ងៃ 16 ដល់ 17 ខែមីនា ឆ្នាំ 2019 សម្រាប់វគ្គផ្តាច់ព្រ័ត្រកំពូលជើងឯក ឆ្នាំ2019 ។
ក្រុមជាង ៦០០ ក្រុមនឹងចូលរួមការប្រកួតវគ្គជម្រុះតាមតំបន់។ ការប្រកួតវគ្គជម្រុះនេះនឹងធ្វើឡើង នៅតាមបណ្តាខេត្តក្រុងចំនួនប្រាំបួនរួមមាន៖ តាកែវ ព្រះសីហនុ កំពង់ស្ពឺ បាត់ដំបង សៀមរាប ប៉ោយប៉ែត កំពង់ចាម កណ្តាល និងរាជធានីភ្នំពេញចាប់ពីថ្ងៃទី ៥ ខែមករា ២០១៩ រហូតដល់ថ្ងៃទី ១៧ ខែមីនា ២០១៩។ ក្រុមកំពូលចំនួន ៦៤ ក្រុម នឹងចូលរួមប្រកួតប្រជែងក្នុងវគ្គផ្តាច់ព្រ័ត្តដែលនឹងធ្វើឡើងរាជធានីភ្នំពេញនៅ ថ្ងៃទី ១៦ និង ១៧ ខែមីនា ២០១៩ ដើម្បីដណ្តើមយកម្ចាស់ជើងឯក TIGER STREET FOOTBALL FESTIVAL 2019។
សូមរីករាយទទួលទានស្រាបៀរ Heineken® ដោយការទទួលខុសត្រូវ
December 31, 2018
អ្នកសៀមរាបត្រៀម! ថ្ងៃឆ្លងឆ្នាំនេះ PassApp នឹងមានអ្វីពិសេសសម្រាប់ចែកជូន
រាជធានីភ្នំពេញ៖ ដើម្បីអបអរពិធីឆ្លងឆ្នាំថ្មី ២០១៨ – ២០១៩ ក្រុមហ៊ុនផ្ដល់សេវាកម្មដឹកអ្នកដំណើរ PassApp នឹងនាំភាពសប្បាយរីករាយមួយសម្រាប់អ្នកខេត្តសៀមរាប ក្នុងថ្ងៃឆ្លងឆ្នាំ គឺថ្ងៃទី ៣១ ខែធ្នូ ឆ្នាំ ២០១៨ ពេញមួយថ្ងៃពេញតាមរយៈបងប្អូន PassApp ទាំង ៦ នាក់។
កម្មវិធីនោះនឹងធ្វើឡើងចេញពីបងប្អូន PassApp ទាំង ៦ ដែលពួកគាត់នឹងធ្វើដំណើរផ្សងព្រេងទៅតាមទីកន្លែងសំខាន់ៗនៃខេត្តសៀមរាប ដើម្បីចែកជូនកាដូរឆ្នាំថ្មី ព្រមនឹងផ្ដល់ឱកាសឲ្យបងប្អូនទាំងអស់អាចថតរូប Cute! Cute!ជាមួយពួកគាត់ ។

ដូច្នេះ! សម្រាប់ប្រិយមិត្តទាំងដែលមានដំណើរកម្សាន្តទៅខេត្តសៀមរាប ឬក៏អ្នករស់នៅទីនោះផ្ទាល់ សូមកុំភ្លេចស្វែងរកគាត់ ដើម្បីទទួលបានកាតបញ្ចុះតម្លៃពិសេសទាំងអស់គ្នាណា៎។ ហើយខាងក្រោមនេះជាទិដ្ឋភាពមួយចំនួនដែលបង PassApp ទាំង ៦ ត្រៀមខ្លួន ដើម្បីជួបបងប្អូនយើងទាំងអស់គ្នា៖
របៀបបញ្ចូលកូដបញ្ចុះតម្លៃ
បន្ទាប់ពីទទួលបានកាដូរកូដបញ្ចុះតម្លៃ ពីបងប្អូនទាំង ៦ របស់ PassApp ហើយប្រិយមិត្តទាំងអស់អាចរីករាយជាមួយការធ្វើដំណើរព្រមជាមួយការបញ្ចុះតម្លៃពិសេសពី PassApp ដោយគ្រាន់តែលោកអ្នកធ្វើការបញ្ចូលកូដបញ្ចុះតម្លៃតាមជំហានខាងក្រោម៖
ជំហានទី 1: ចុចលើ Promo ដើម្បីចូលមកកាន់ទំព័របញ្ចុះតម្លៃ
ជំហានទី 2: វាយបញ្ចូលកូដបញ្ចុះតម្លៃ (ដែលមានបង្ហាញលើកាត) រួចចុចលើ Activate
** ចុច Share promotion code ទៅកាន់មិត្តភក្តិរបស់អ្នកកាន់តែច្រើននឹងទទួលបានកាន់តែច្រើន តាមរយៈ Social Media។
ចុចលើ VDO ខាងក្រោមដើម្បីមើលសកម្មភាពបង PassApp ទាំង ៦ នាក់ត្រៀមខ្លួន

សម្រាប់ព័ត៌មានបន្ថែម សូមទាក់ទងមក [email protected] ឫមកកាន់លេខ 016 789 123/077 789 323
December 29, 2018
ស្រាបៀរថៃហ្គ័រនឹងរៀបចំកម្មវិធីអបអរឆ្លងឆ្នាំថ្មី 2019 នៅ Pub Street និង Le Moon
រាជធានីភ្នំពេញ៖ នៅយប់ថ្ងៃទី 31 ខែធ្នូ ឆ្នាំ 2018 ខាងមុខនេះ ស្រាបៀរថៃហ្គ័រនឹងរៀបចំកម្មវិធីអបអរឆ្លងឆ្នាំថ្មី 2019 នៅ Pub Street ក្រុងសៀមរាប និង Le Moon Terrace Bar នៅរាជធានីភ្នំពេញដើម្បីផ្តល់ជូននូវបទពិសោធន៍ឆ្លងឆ្នាំថ្មីដ៏វិសេសវិសាលអស្ចារ្យ ដែលញ៉ាំងឲ្យអ្នកចូលរួមកម្មវិធីសប្បាយអឹកធឹក និងទទួលអំណរឆ្នាំថ្មីពីស្រាបៀរថៃហ្គ័រ។
កម្មវិធីពិសេសនេះនឹងចាប់ផ្តើមពីម៉ោង 6ល្ងាច រហូតដល់យប់ជ្រៅ និងប្រព្រឹត្តធ្វើឡើងទៅស្របពេលជាមួយគ្នានៅតាមទីតាំងនីមួយៗខាងលើ ដែលមានការចូលរួមសម្តែងពីសំណាក់ឌីជេ និងតារាល្បីៗជាតិ និងអន្តរជាតិដូចជាឌីជេល្បីប្រចាំប្រទេសថៃកញ្ញា Riviere ឌីជេល្បីប្រចាំប្រទេសថៃកញ្ញា Cathrin ឌីជេវ័យក្មេងស្រស់សោភាកញ្ញា Rose Candy ឌីជេល្បីប្រចាំព្រះរាជាណាចក្រកម្ពុជាលោក Nick និងពិធីកររូបរាងស្រស់សង្ហាលោក Yaro។
សូមចូលរួមអបអរឆ្នាំថ្មីជាមួយស្រាបៀរថៃហ្គ័រឲ្យបានច្រើនកុះករ និងរាំរែកកម្សាន្តសប្បាយនៅក្នុងកម្មវិធីរាត្រីដ៏អស្ចារ្យទាំងនេះជាមួយកម្មវិធីប្រូម៉ូសិនពិសេស និងកម្មវិធីចាប់រង្វាន់ផ្សងសំណាងឈ្នះរង្វាន់ឆ្នាំថ្មីពីស្រាបៀរថៃហ្គ័រ។
តោះយើងត្រៀមខ្លួនរាប់ថយក្រោយសម្រាប់ឆ្លងឆ្នាំថ្មី 2019 ជាមួយស្រាបៀរថៃហ្គ័រ!!!
ចំពោះព័ត៌មានលម្អិតអំពីព្រឹត្តិការណ៍ឆ្លងឆ្នាំ 2019 របស់ស្រាបៀរថៃហ្គ័រ សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ : www.facebook.com/TigerBeerKH ។
សូមពិសាស្រាបៀរថៃហ្គ័រដោយការទទួលខុសត្រូវ
December 28, 2018
អ្នកវិនិយោគចិន បោះទុនសាងសង «ទីក្រុងរំដួល» បែបសួនឧទ្យានបៃតង ក្នុងខណ្ឌសែនសុខ
ក្រុមហ៊ុន SRE Group ដែលជាក្រុមហ៊ុនអភិវឌ្ឍអចលនទ្រព្យដ៏ធំរបស់ចិនបានប្រារព្ធពិធីបើកការដ្ឋាន និងពិធីសម្ភោធមជ្ឈមណ្ឌលលក់គម្រោងទីក្រុងរំដួល (ROMDUOL CITY) នៅថ្ងៃទី២៦ ខែធ្នូ ឆ្នាំ២០១៨ ដែលជាគម្រោងអគារពាណិជ្ជកម្ម និងលំនៅឋានលំដាប់ខ្ពស់ដំបូងគេបំផុត បែបសួនឧទ្យានបៃតង នៅក្នុងខណ្ឌសែនសុខ។
នៅក្នុងពីធីបើកការដ្ឋាននេះដែរ លោក ឃួង ស្រេង អភិបាលនៃគណៈអភិបាលរាជធានីភ្នំពេញបានមានប្រសាសន៍ថា ៖ រាជធានីភ្នំពេញកំពុងស្ថិតនៅក្នុងដំណាក់កាលអភិវឌ្ឍយ៉ាងឆាប់រហ័សថ្មីមួយ ហើយខណ្ឌសែនសុខ ដែលមានគម្រោងទីក្រុងរំដួលស្ថិតនៅនេះទៀតសោត គឺជាមជ្ឈមណ្ឌលវិទ្យាសាស្ត្រ ការអប់រំ វប្បធម៌ និងសុខាភិបាលនៃរាជធានីភ្នំពេញ ហើយក៏ជាតំបន់អភិវឌ្ឍស្នូលសម្រាប់ទីក្រុងភ្នំពេញនាពេលអនាគតផងដែរ។
លោក រំពឹងទុកថា គម្រោងទីក្រុងរំដួលដែលក្រុមហ៊ុន SRE Group ខិតខំរៀបចំផែនការ និងកសាងដោយយកចិត្តទុកដាក់បំផុតនេះ អាចលើកកម្ពស់ដល់កម្រិតស្ថាបត្យកម្មទីក្រុង និងមុខមាត់របស់រាជធានីភ្នំពេញ និងនាំមូលនូវថាមពលថ្មីៗបន្ថែម ដល់ការអភិវឌ្ឍន៍ទីក្រុង និងក្លាយទៅជានាមប័ណ្ណថ្មីមួយ ដែលស្តែងឱ្យឃើញពីភាពបើកចំហ ថាមពល និងភាពជាទីក្រុងអន្តរជាតិរបស់ទីក្រុងភ្នំពេញ។ ជាមួយគ្នានេះ លោកក៏បានលើកឡើងផងដែរថា ទំនាក់ទំនងមិត្តភាពកម្ពុជា-ចិន មានប្រវត្តិតាំងពីយូរលង់ណាស់មកហើយ ហើយនៅក្នុងឱកាស«ខួបអនុស្សាវរីយ៍លើកទី ៦០ នៃការបង្កើតទំនាក់ទំនងការទូត រវាងកម្ពុជា-ចិន» ដ៏មានអត្ថន័យយ៉ាងជ្រាលជ្រៅនេះ គម្រោងទីក្រុងរំដួលដែលក្រុមហ៊ុន SRE Group បាននិងកំពុងអភិវឌ្ឍជាលើកដំបូងនៅក្នុងរាជធានីភ្នំពេញ នឹងក្លាយទៅជាគម្រោងមួយ ដែលជួយរឹតបន្តឹងទំនាក់ទំនងសេដ្ឋកិច្ច និងពាណិជ្ជកម្មឈ្នះៗរបស់ភាគីទាំងពីរឱ្យកាន់តែរឹងមាំថែមទៀត។
អគ្គនាយកក្រុមហ៊ុន SRE Group លោក LIU FENG បានមានប្រសាសន៍ថា ៖ ការចូលមកវិនិយោគក្នុងប្រទេសកម្ពុជាលើកនេះ ក៏ជាការឆ្លើយតបយ៉ាងសកម្មចំពោះគោលនយោបាយជាយុទ្ធសាស្ត្រ «ខ្សែក្រវ៉ាត់មួយ វិថីមួយ»របស់រដ្ឋាភិបាលចិនផងដែរ។ សក្តានុពលភាពអភិវឌ្ឍន៍នៃទីផ្សារអចលនទ្រព្យ នៅក្នុងរាជធានីភ្នំពេញ និងអនាគតអភិវឌ្ឍន៍របស់ប្រទេសកម្ពុជា ដែលជាប្រទេសសេដ្ឋកិច្ចថ្មី នៅតំបន់អាស៊ីអាគ្នេយ៍ ក៏ជាមូលហេតុដែលទាក់ទាញក្រុមហ៊ុន SRE Group មកធ្វើការវិនិយោគនៅទីនេះដែរ។ លោកបានបញ្ជាក់ថា គម្រោងទីក្រុងរំដួលនេះ មានទីតាំងនៅចន្លោះចំណុចកណ្តាលក្រុងភ្នំពេញ និងអាកាសយានដ្ឋានអន្តរជាតិភ្នំពេញ ដែលជាតំបន់សេដ្ឋកិច្ចពិសេស និងសួនឧស្សាហកម្មធំជាងគេ នៅក្នុងប្រទេសកម្ពុជា ហេតុនេះវាស្ថិតនៅចំទីតាំងអភិវឌ្ឍបំផុតក្នុងទីក្រុង ដោយមិនត្រឹមតែប្រមូលផ្តុំនូវធនធានអប់រំ សុខាភិបាល ពាណិជ្ជកម្ម និងចរាចរណ៍ល្អបំផុតប៉ុណ្ណោះទេ វាថែមទាំងបំពេញនូវតម្រូវការ លើកកម្ពស់កម្រិតលំនៅឋាន កាន់តែងាយស្រួលជាទីបំផុត។
គម្រោងទីក្រុងរំដួលត្រូវបានកំណត់ជា «សហគមន៍រស់នៅបែបអេកូឡូស៊ីអន្តរជាតិមួយ» ហើយគម្រោងនេះ នឹងត្រូវសាងសង់លើផ្ទៃដី១៦៣២៧ម៉ែត្រការ៉េ ដោយសាងសង់លំនៅឋាន លំដាប់ខ្ពស់ចំនួន៤អគារ ផ្សារទំនើប និងចំណតរថយន្តចំនួន២ជាន់នៅខាងក្រោម។
លោក Matthew Hon អ្នកគ្រប់គ្រងគម្រោង «ទីក្រុងរំដួល» បានឱ្យដឹងថា គម្រោងទីក្រុងរំដួលនេះបង្កប់នូវទ្រឹស្តីសហគមន៍រស់នៅបែបសួនឧទ្យានបៃតង ដ៏ធំនិងកម្រមួយនៅក្នុងទីក្រុងភ្នំពេញ ដោយវាត្រូវបានរចនាឱ្យមានសួនអេកូឡូស៊ីបែបអាស៊ីបូព៌ា ច្របាច់បញ្ចូលគ្នាយ៉ាងល្អ នូវទេសភាពដើមត្នោតនិងទឹកថ្លាឆ្វេង បង្កើតបានជាសួនឧទ្យាន អេកូឡូស៊ីដ៏ស្រស់សោភា។ នៅក្នុងសួនឧទ្យាននេះ មានកសាងននូវកុមារដ្ឋាន តំបន់លេងទឹកសម្រាប់កុមារ អាងហែលទឹកខាងក្រៅ មជ្ឈមណ្ឌលស្ប៉ា សួនហាត់ប្រាណ តំបន់លំហែរកាយកម្សាន្តខាងក្រៅ ស្ថានីយ៍ពហុបំណង មជ្ឈមណ្ឌលអាហារ និងហេដ្ឋារចនាសម្ព័ន្ធទ្រទ្រង់ផ្សេងៗទៀត ដើម្បីបំពេញតម្រូវការរស់នៅរបស់មនុស្សគ្រប់វ័យ បង្កើតជាបែបផែននៃការរស់នៅបែបទាន់សម័យនៅក្នុងបរិយាកាសធម្មជាតិអេកូឡូស៊ី ៕
December 27, 2018