Mark Zuckerberg - La Reine Media

Elon Musk ហាត់ក្បាច់គុនជាមួយគ្រូបង្វឹកបីនាក់ក្នុងពេលតែមួយ ដើម្បីផ្ដួលម្ចាស់ Facebook

July 5, 2023 by សឿន សំណាង

មហាសេដ្ឋីអាម៉េរិក លោក Elon Musk ទទួលយកការបង្វឹកពីកំពូលអ្នកគុននិយម UFC, កំពូលអ្នកចំបាប់ជនជាតិកាណាដា និងម្ចាស់ខ្សែក្រវាត់ខ្មៅជូជិតស៊ូ ហើយក៏បានបង្ហោះរូបថតចំអកឱ្យ Mark Zuckerberg ទៀតផង។ យោងតាម Business Insider មហាសេដ្ឋី Elon Musk កំពុងតែបង្ហាញភាពម៉ឺងម៉ាត់ក្នុងការរៀបចំគម្រោងផ្ដួលមហាសេដ្ឋី Mark Zuckerberg នៅលើសង្វៀនប្រដាល់។ កាលពីថ្ងៃទី 04 កក្កដា កំពូលអ្នកប្រដាល់របស់ UFC លោក Georges St-Pierre បានបង្ហោះរូបដែលលោកបានថតជាមួយនាយកប្រតិបត្តិរបស់ក្រុមហ៊ុន Tesla, អ្នកចំបាប់ជនជាតិកាណាដា លោក John Danaher និងម្ចាស់ខ្សែក្រវាត់ខ្មៅជូជិតស៊ូ លោក Lex Fridman។ «ការហ្វឹកហាត់ដ៏អស្ចារ្យជាមួយនឹងបុរសបីនាក់ដែលខ្ញុំគាំទ្របំផុត» លោក Georges St-Pierre សរសេរលើបណ្ដាញសង្គម Twitter ដូច្នេះ។ ប៉ុន្តែ លោកមិនបានឱ្យដឹងអំពីទីកន្លែង និងពេលវេលានៃការហ្វឹកហាត់នេះទេ។ ប៉ុន្មានម៉ោងក្រោយមក លោក Musk ក៏បញ្ចេញយោបល់៖ «ការហ្វឹកហាត់នេះពិតជាសប្បាយណាស់។ … Read more

ក្រុមមហាសេដ្ឋីដែលពូកែរកប្រាក់ជាងគេលើពិភពលោក ក្នុង 6 ខែដើមឆ្នាំ 2023

July 4, 2023 by សឿន សំណាង

នៅពាក់កណ្ដាលដើមឆ្នាំនេះ នាយកប្រតិបត្តិរបស់ក្រុមហ៊ុនផលិតរថយន្តអគ្គិសនីអាម៉េរិក Tesla លោក Elon Musk រកបាន 96.6 ពាន់លានដុល្លារអាម៉េរិក ខណៈដែលម្ចាស់ក្រុមហ៊ុន Meta លោក Mark Zuckerberg រកបាន 59 ពាន់លានដុល្លារ។ នៅក្នុងរយៈពេល 6 ខែដើមឆ្នាំ 2023 មនុស្សចំនួន 500 នាក់ដែលមានទ្រព្យច្រើនជាងគេលើពិភពលោក រកបានប្រាក់សរុប 852 ពាន់លានដុល្លារ។ បើគិតជាមធ្យមភាគ មនុស្សម្នាក់រកបាន 14 លានដុល្លារអាម៉េរិក/ថ្ងៃ។ នេះគឺជាកំណើនពាក់កណ្ដាលឆ្នាំល្អបំផុតរបស់ពួកគេ រាប់ចាប់ពីចុងឆ្នាំ 2020 ជាពេលដែលសេដ្ឋកិច្ចចាប់ផ្ដើមងើបឡើងវិញក្រោយសម័យកូវីដ។ នេះបើតាមទិន្នន័យរបស់ Bloomberg Billionaires Index។ បណ្ដាមហាសេដ្ឋីប្រាំរូបដែលមានទ្រព្យកើនឡើងរហ័សជាងគេលើពិភពលោកនៅ 6 ខែដើមឆ្នាំនេះ រួមមាន Elon Musk (96.6 ពាន់លានដុល្លារ), Mark Zuckerberg (58.9 ពាន់លានដុល្លារ), Jeff Bezos (47.4 ពាន់លានដុល្លារ), … Read more

Elon Musk ចាប់ផ្ដើមហ្វឹកហាត់គុនដើម្បីឡើងប្រដល់នឹង Zuckerberg

June 29, 2023 by សឿន សំណាង

មហាសេដ្ឋី Elon Musk ដែលជាម្ចាស់ SpaceX បានចាប់ផ្ដើមហាត់ក្បាច់គុនចម្រុះ MMA ជាមួយនឹង Lex Fridman ម្ចាស់ខ្សែក្រវាត់ខ្មៅ Jujutsu (ជូជិតស៊ូ) ដើម្បីត្រៀមខ្លួនសម្រាប់ការឡើងសង្វៀនប្រកួតជាមួយម្ចាស់ Facebook គឺមហាសេដ្ឋី Mark Zuckerberg។ «ខ្ញុំបានចាប់ផ្ដើមការហ្វឹកហាត់ប្រកបដោយការរីករាយតាមធម្មតាជាមួយ Elon Musk ក្នុងរយៈពេលច្រើនម៉ោងកាលពីម្សិលមិញ» Lex Fridman ម្ចាស់ឆានែល Lex Fridman Podcast និងជាម្ចាស់ខ្សែក្រវាត់ខ្មៅគុនជូជិតស៊ូ បានសរសេរលើ Twitter កាលពីថ្ងៃទី 28 មិថុនាដូច្នេះ។ លោក Fridman បន្តថា «ពិតជាគួរឱ្យចាប់អារម្មណ៍ចំពោះកម្លាំង និងសមត្ថភាពរបស់គាត់ ទាំងនៅលើជើងទាំងពីរ ទាំងនៅលើដី»។ Fridman ក៏បានបង្ហោះរូបថតពីរសន្លឹកដែលថតបានទិដ្ឋភាព Musk ក្រៀកជាប់ក និងសង្កត់ដៃរបស់ Fridman ហើយផ្ដួលគូប្រកួតបានយ៉ាងស្រួល។ «ពិតជាចាប់អារម្មណ៍នៅពេលឃើញ Elon និង Mark ហាត់ក្បាច់គុន។ ប៉ុន្តែខ្ញុំគិតថា ពិភពលោកនឹងទទួលបានការបម្រើច្រើនជាងនេះនៅពេលពួកគេហាត់គុន … Read more

មហាសេដ្ឋី Elon Musk ព្រមហាត់គុនជាមួយគ្រូល្បីៗ មុនការប្រកួតជាមួយ Zuckerberg

June 28, 2023 by សឿន សំណាង

លោក Musk បានយល់ព្រមហាត់ក្បាច់គុនជាមួយនឹង Gerges St-Pierre ដែលជាកំពូលអ្នកគុននិយមម្នាក់របស់ពិភពលោក ដើម្បីត្រៀមខ្លួនឡើងសង្វៀនប្រកួតប្រដាល់ជាមួយនឹងមហាសេដ្ឋី Zuckergerg។ «លោក Musk ខ្ញុំគឺជាអ្នកគាំទ្ររបស់លោក។ នឹងជាកិត្តិយសបំផុតបើសិនខ្ញុំអាចជួយក្នុងការប្រកួតជាមួយ Zuckerberg។ សូមទុកឱ្យខ្ញុំធ្វើជាគ្រូបង្វឹករបស់លោក» Georges St-Pierre (GSP) បង្ហោះសារលើ Twitter កាលពីថ្ងៃទី 25 មិថុនាដូច្នេះ។ កាលពីថ្ងៃទី 27 មិថុនា 2023 មហាសេដ្ឋីអាម៉េរិកដើមកំណើតអាហ្វ្រិកខាងត្បូង លោក Elon Musk បានឆ្លើយតបលើ Twitter ថា «បាន តោះយើងចាប់ផ្ដើម»។ សាររបស់លោក Musk ទាក់ទាញអ្នកអានបានជាងកន្លះលាននាក់ និងការចុចចូលចិត្តជាង 14.4 k ក្រោយការបង្ហោះមិនដល់មួយថ្ងៃ។ អ្នកចូលមើលស្ទើរតែទាំងអស់គាំទ្រដល់ការសម្រេចចិត្តរបស់លោក Musk ដោយពួកគេសរសេរប្រហាក់់ប្រហែលគ្នាថា ទន្ទឹងរង់ចាំការប្រកួតនេះ។ ឆ្លើយតបនឹងការពេញចិត្តរបស់អ្នកលេងបណ្ដាញសង្គម លោក Musk ក៏បានឱ្យដឹងថា លោកក៏ទើបតែ «លេងមួយទឹក» ជាមួយនឹង Lex Fridman … Read more

ក្រោយពីម្ចាស់ Twitter និង Facebook ណាត់គ្នាប្រដាល់ក្នុងទ្រុង អ្នកលេងអ៊ីនធើណិតក៏ចាប់ផ្ដើមភ្នាល់

June 23, 2023 by សឿន សំណាង

ពាក្យគន្លឹះ «Team Musk» និង «Team Zuck» កំពុងពេញនិយមលើបណ្ដាញសង្គម Twitter ខណៈដែលអ្នកនាំពាក្យរបស់ក្រុមហ៊ុន Meta ឱ្យដឹងថា Mark Zuckerberg ពិតជាទន្ទឹងរង់ចាំការប្រកួតជាមួយ Elon Musk នៅលើសង្វៀន។ កាលពីថ្ងៃទី 21 មិថុនា ចាប់ផ្ដើមពីរឿងរ៉ាវសរសេរលេងនៅលើ Twitter មហាសេដ្ឋី Elon Musk បានបបួលមហាសេដ្ឋី Mark Zuckerberg ណាត់ទីតាំងវាយគ្នានៅលើសង្វៀនក្នុងទ្រុងដែកនៅ Las Vegas ហើយម្ចាស់ Facebook ក៏យល់ព្រម។ សំណួរដែលសួរថា «អ្នកជ្រើសរើស Team Musk ឬ Team Zuck?» បានក្លាយជាពាក្យពេញនិយមនៅលើបណ្ដាញសង្គម Twitter និង Reddit។ «ខ្ញុំនឹងទស្សនាការប្រកួតឱ្យខាងតែបាន សូម្បីតែត្រូវចំណាយប្រាក់ច្រើន។ ខ្ញុំភ្នាល់ថា Zuckerberg នឹងឈ្នះ។ គាត់ចេះក្បាច់គុន ចំណែក Musk គ្រាន់តែមានមាឌធំប៉ុណ្ណោះ» គណនីឈ្មោះ … Read more

មេ Facebook ផ្ដល់ជំនួយ100លានដុល្លារបន្ថែមទៀត ដល់ការបោះឆ្នោតនៅសហរដ្ឋអាមេរិក

October 14, 2020 by សឿន សំណាង

ម្ចាស់បណ្ដាញសង្គម Facebook លោក Mark Zuckerberg និងភរិយា Priscilla Chan ប្រកាសផ្ដល់ជំនួយបន្ថែម100លានដុល្លារអាមេរិក ដើម្បីជួយដល់ក្រុមមន្ត្រី និងហេដ្ឋារចនាសម្ព័ន្ធនានាសម្រាប់គាំទ្រដល់ការបោះឆ្នោតនៅសហរដ្ឋអាមេរិកក្នុងឆ្នាំ2020នេះ។ “យើងខ្ញុំបានទទួលការឆ្លើយតបច្រើនជាងការរំពឹងទុកអំពីប្រការដែលក្រុមមន្ត្រីរៀបចំការបោះឆ្នោត ត្រូវការជំនួយសម្រាប់សាងសង់ហេដ្ឋារចនាសម្ព័ន្ធដើម្បីជួយដល់ការបោះឆ្នោត។ ហេតុនេះហើយ យើងខ្ញុំសន្យាថា នឹងផ្ដល់ជំនួយ100លានដុល្លារបន្ថែមទៀតទៅឱ្យមជ្ឈមណ្ឌលបច្ចេកវិទ្យានិងជីវភាពពលរដ្ឋ (CTCL) ដើម្បីធានាឱ្យបានប្រាកដថា តំបន់ដែលត្រូវការជំនួយ នឹងទទួលបានជំនួយ” លោក Zuckerberg បង្ហោះសារយ៉ាងដូច្នេះនៅលើបណ្ដាញសង្គម Facebook កាលពីថ្ងៃទី13តុលា។ លោក Zuckerberg បន្ថែមថា តំបន់ជាង2,100 នៅមូលដ្ឋានដែលមានករិយាល័យបោះឆ្នោត បានផ្ញើលិខិតឡើងទៅកាន់ CTCL ដើម្បីស្នើសុំជំនួយ។ CTCL គឺជាអង្គការមិនស្វែងរកកម្រៃមួយនៅទីក្រុង Chicago។ គោលដៅរបស់អង្គការនេះ គឺ “ជំរុញការរីកចម្រើនផ្នែកប្រជាធិបតេយ្យ និងជួយធ្វើទំនើបកម្មលើការបោះឆ្នោតនៅសហរដ្ឋអាមេរិក”។ ម្ចាស់ Facebook និងភរិយា កន្លងមក ធ្លាប់បានផ្ដល់ជំនួយ300លានដុល្លារអាមេរិក ដើម្បីជួយដល់សកម្មភាពទាក់ទងនឹងការបោះឆ្នោតនៅសហរដ្ឋអាមេរិក ដែលកំពុងប្រឈមនឹងការលំបាកដោយសារ COVID-19។ អ្នកទាំងពីរបានផ្ដល់ជំនួយជាសម្ភារសម្រាប់ការបោះឆ្នោត និងឈុតការពារការឆ្លងវីរុសទៅឱ្យក្រុមបុគ្គលិកដែលធ្វើការខាងស្ទង់មតិ។ លោក Zuckerberg ក៏កំពុងតែធ្វើសកម្មភាពប្រឆាំងតបតទៅនឹងករណីប្ដឹងនានាដែលត្រូវបានធ្វើឡើងក្នុងបំណងទប់ស្កាត់ការប្រើប្រាស់ខ្ទង់ប្រាក់ជំនួយរបស់លោកផងដែរ។ មហាសេដ្ឋីជនជាតិអាមេរិកាំងដើមកំណើតជ្វីហ្វ (Jews) … Read more

មហាសេដ្ឋី7រូបដែលមានទ្រព្យច្រើនជាងមុនជាងពាក់កណ្ដាលនៅក្នុងសម័យCOVID-19

June 19, 2020 by សឿន សំណាង

CEO របស់ Tesla លោក Elon Musk រកបានជាង13ពាន់លានដុល្លារបន្ថែមទៀតរាប់ចាប់ពីពាក់កណ្ដាលខែមីនា2020 ខណៈដែលស្ថាបនិករបស់ Facebook លោក Mark Zuckerberg រកចំណូលបានជិត29ពាន់លានដុល្លារ។ COVID-19 បានបណ្ដាលឱ្យមហាសេដ្ឋីជាច្រើនបាត់បង់ទ្រព្យសម្បត្តិដ៏ច្រើនសន្ធឹកនៅពេលផ្សារហ៊ុនអាមេរិកដាំក្បាលចុះកាលពីខែមីនាកន្លងទៅ ប៉ុន្តែល្បឿននៃការងើបឡើងវិញនៃផ្សារហ៊ុនបានជួយឱ្យអ្នកមានជាច្រើនស្រង់ដើមទុនបានមកវិញ ហើយក៏មានអ្នកជំនួញខ្លះថែមទាំងចំណេញយ៉ាងច្រើនផងដែរ។ ដោយប្រើប្រាស់ទិន្នន័យតាមពេលវេលាជាក់ស្ដែងរបស់ Forbes ក្រុមហ៊ុន GoBankingRates បានរកឃើញថា មហាសេដ្ឋី7រូបដែលស្ថិតក្នុងចំណោមអ្នកមានជាងគេទាំង50នាក់របស់ពិភពលោក មានទ្រព្យច្រើនជាងមុនជាងពាក់កណ្ដាលក្នុងដំណាក់កាលចាប់ពីថ្ងៃទី18មីនា ដល់ថ្ងៃទី4មិថុនា2020។ ថ្ងៃទី18 ខែមីនា គឺជារយៈពេលមួយសប្ដាហ៍បន្ទាប់ពី COVID-19 ត្រូវបានប្រកាសថាជារោគរាតត្បាតទូទាំងពិភពលោក ហើយ2ថ្ងៃក្រោយមក សន្ទស្សន៍ DJIA (Dow Jones Industrial Average) ត្រូវបានកត់សម្គាល់ឃើញថាជាថ្ងៃជួញដូរមូលបត្រមួយក្នុងចំណោមថ្ងៃជួញដូរដែលអាក្រក់ជាទីបំផុតក្នុងប្រវត្តិសាស្ត្រ។ ចំណែកថ្ងៃទី4មិថុនាវិញគឺជាថ្ងៃដែលរដ្ឋនានានៅសហរដ្ឋអាមេរិកចាប់ផ្ដើមដកបម្រាមគោចរ។ CEO របស់ក្រុមហ៊ុន Tesla និង SpaceX គឺលោក Elon Musk បានជាប់ឈ្មោះនៅក្នុងបញ្ជីនៃក្រុមមនុស្សដែលរកបានប្រាក់ចំណូលច្រើនជាងពាក់កណ្ដាលនៃទ្រព្យសរុបរបស់ខ្លួននៅក្នុងដំណាក់ចាប់ពីថ្ងៃទី18មីនា ដល់ថ្ងៃទី4មិថុនា2020។ ទ្រព្យរបស់លោក Elon Musk បានកើន55% ដែលជួយឱ្យលោកមានទ្រព្យជាង38ពាន់លានដុល្លារ។ ប្រការនេះបានកើតឡើងដោយសារតម្លៃមូលបត្ររបស់ក្រុមហ៊ុន … Read more

Facebook ចំណាយ23.4លានដុល្លារសម្រាប់ការពារសន្តិសុខជូន Mark Zuckerberg

April 15, 2020 by សឿន សំណាង

ក្រុមហ៊ុន Facebook បានចំណាយប្រាក់សរុប23.4លានដុល្លារអាមេរិកសម្រាប់សេវាកម្មសន្តិសុខ និងសេវាកម្មយន្តហោះឯកជនរបស់ CEO Mark Zuckerberg ក្នុងឆ្នាំ2019។ យោងតាម CNBC ការចំណាយសម្រាប់ការពារសន្តិសុខជូនលោក Zuckerberg កាលពីឆ្នាំទៅ បានកើន3លានដុល្លារ បើធៀបនឹង20លានដុល្លារកាលពីឆ្នាំ2018 និងច្រើនជាងទ្វេដងបើធៀបនឹងឆ្នាំ2017 ដែលមានត្រឹមតែ 9.1លានដុល្លារ។ ខ្ទង់ចំណាយនេះ រួមមាន10.4លានដុល្លារសម្រាប់សេវាកម្មការពារសន្តិសុខឯកជនរបស់ម្ចាស់ Facebook នៅឯផ្ទះរបស់គាត់ និងដំណើរបំពេញបេសកកម្ម រួមនឹងជិត10លានដុល្លារសម្រាប់ការពារសន្តិសុខគ្រួសារទាំងមូលរបស់ Zuckerberg។ របាយការណ៍ហិរញ្ញវត្ថុរបស់ Facebook កាលពីថ្ងៃទី10មេសា បានបង្ហាញថា អគ្គនាយកប្រតិបត្តិ(CEO) Zuckerberg បានស្នើខ្ទង់ប្រាក់2.95លានដុល្លារដើម្បីជួលយន្តហោះសម្រាប់បំពេញការងារ។ តួលេខនេះក្នុងឆ្នាំ2018គឺត្រឹមតែ2.59លានដុល្លារ និងឆ្នាំ2017គឺត្រឹម1.52លានដុល្លារប៉ុណ្ណោះ។ ប្រាក់ខែប្រចាំឆ្នាំរបស់ Zuckerberg ត្រូវបានរក្សានៅត្រឹម1ដុល្លារ។ ឆ្នាំ2016 ក្រុមហ៊ុន Facebook បានបកស្រាយថា ខ្ទង់ចំណាយសម្រាប់ជួលយន្តហោះមកប្រើតែឯងសម្រាប់ Zuckerberg គឺជារឿងចាំបាច់ ដោយសារការគំរាមកំហែងនានាមកលើសុវត្ថិភាពរបស់លោក។ ដោយឡែក ប្រាក់បៀវត្សគោលប្រចាំឆ្នាំរបស់ Sheryl Sandberg ដែលជានាយកប្រតិបត្តិ (Chief Operating Officer) របស់ Facebook … Read more

Mark Zuckerberg ពោលសរសើរក្រុមអ្នកជំនាញជួយសង្គ្រោះក្មេងៗនៅក្នុងរូងភ្នំថាំលួង

July 10, 2018 by អេបិល

តាមរយៈសារព័ត៌មាន Teenee ដែលចេញផ្សាយមុននេះបន្ដិច បានឱ្យដឹងថា នៅទីបំផុតបន្ទាប់ពីទំព័រហ្វេសប៊ុក Thai NavySEALបានបង្ហោះសារថា បាននាំក្រុមជ្រូកព្រៃបាន 8នាក់ចេញពីរូងភ្នំថាំលួងក្នុងរយៈពេល 2ថ្ងៃដោយសុវត្ថិភាព និងសម្រេចភារកិច្ចផ្សេងទៀតបានយ៉ាងរលូនរួចមក តាមរយៈហេតុការណ៍នេះបានធ្វើឱ្យបិតាហ្វេសប៊ុកលោក Mark Zuckerberg ចូលមកបញ្ចេញមតិ និងសម្ដែងក្ដីរីករាយចំពោះក្រុមជួយសង្គ្រោះក្មេងៗកីឡាករបាល់ទាត់ ក្រុមជ្រូកព្រៃ នេះដែរ។ លោក Mark Zuckerberg បាននិយាយថា «ពីអ្នកទាំងគ្នានៅលើបណ្ដាញសង្គមហ្វេសប៊ុក ខ្ញុំសូមចូលសម្ដែងក្ដីត្រេកអរ និងស្ងើចសរសើរចំពោះភាពក្លាហានរបស់ក្រុមជួយសង្គ្រោះយ៉ាងអស្ចារ្យ ដែលសម្រេចបាននូវការនាំក្រុមជ្រូកព្រៃ 8នាក់ចេញពីរូងភ្នំប្រកបដោយសុវត្ថិភាព។ សូមឱ្យសំណាងល្អ ចំពោះដំណើរការប្រតិបត្តិការរបស់អ្នកទាំងអស់គ្នា ដែលនៅសល់ក្មេងៗកីឡាករ 4រូប និងគ្រូបង្វឹកមួយរូបទៀត សូមឱ្យបានចាកចេញមកទាំងអស់គ្នាដោយសុខសុវត្ថិភាព»។ សូមជម្រាបបន្ថែមថា ខណៈនេះគ្រូពេទ្យនៅក្នុងមន្ទីរពេទ្យធំក្នុងខេត្តឈៀងរ៉ាយ បានអនុញ្ញាតឱ្យអាណាព្យាបាលរបស់ក្មេងៗក្រុមជ្រូកព្រៃ បានឃើញមុខកូនៗឆ្លងកាត់តាមផ្ទាំងកញ្ចក់សិន នៅមិនទាន់បានបើកឱ្យចូលទៅកាន់គ្រែសម្រាកព្យាបាលនៅឡើយទេ៕

Facebook ធ្វើកំណែទម្រង់ថ្មី ដោយផ្ដោតសំខាន់លើប្រភពព័ត៌មាន «គួរឱ្យជឿទុកចិត្តបាន»

June 25, 2018January 22, 2018 by វល័ក្ខ

អាមេរិក៖ សហស្ថាបនិក និងជានាយកប្រតិបត្តិក្រុមហ៊ុន Facebook លោក Mark Zuckerberg បានប្រកាសឱ្យដឹងថា Facebook នឹងធ្វើកំណែទម្រង់ថ្មីមួយទាក់ទងទៅនឹងការបង្ហោះអត្ថបទនានា ជាពិសេសនឹងធ្វើការវាយតម្លៃទៅលើអត្ថបទទាំងនោះថា «គួរឱ្យជឿទុកចិត្តបាន ឬក៏ជាព័ត៌មានមិនត្រឹមត្រូវ» ដោយការវាយតម្លៃនេះនឹងត្រូវធ្វើឡើងដោយមានការចូលរួមពីអ្នកប្រើប្រាស់។ សារព័ត៌មាន The Guardian បានចេញផ្សាយថា កន្លងមកមានព័ត៌មានជាច្រើនត្រូវបានចែកចាយតាមបណ្ដាញសង្គម Facebook ដោយព័ត៌មានួទាំងនោះ មានខ្លះជាព័ត៌មានពិត និងខ្លះទៀតជាព័ត៌មានមិនពិត ដូច្នេះហើយ ក្រុមហ៊ុន Facebook នឹងធ្វើការស្ទង់មតិទៅលើ «ប្រភពព័ត៌មាន» ដោយឱ្យអ្នកប្រើប្រាស់បញ្ជាក់ថា «ស្គាល់ ឬមិនស្គាល់» ដើម្បីងាយស្រួលបញ្ជាក់ថា ប្រភពព័ត៌មានមួយនេះគឺផ្សព្វផ្សាយនូវព័ត៌មានជាក់លាក់ និងត្រឹមត្រូវ ឬប្រភពព័ត៌មានមួយនេះ ផ្សព្វផ្សាយព័ត៌មានមិនត្រឹមត្រូវ។ លោក Mark Zuckerberg បានបញ្ជាក់បន្ថែមទៀតថា ក្រោយពីធ្វើការស្ទង់មតិរួចរាល់ហើយ ក្រុមការងារ Facebook នឹងផ្ដល់ចំណាត់ថ្នាក់សម្រាប់ប្រភពព័ត៌មានទាំងនោះ តាមរយៈទិន្នន័យដែលស្ទង់មតិបាន ដើម្បីផ្ដល់អាទិភាពក្នុងការបង្ហាញព័ត៌មាននៅក្នុង News Feed៕

បិតា Facebook លោក Mark Zuckerberg បដិសេធ គ្មានគម្រោងមកប្រទេសថៃទេ

October 20, 2017 by អេបិល

តាមរយៈសារព័ត៌មាន BBThai ដែលបានចេញផ្សាយនៅថ្ងៃទី20 ខែតុលា ឆ្នាំ2017នេះបានឱ្យដឹងថា បិតាFacebook លោក Mark Zuckerberg បានចេញសេចក្ដីថ្លែងការណ៍ជាផ្លូវការមួយនៅលើ Facebook ផ្ទាល់របស់លោក ដើម្បីច្រានចោលដំណឹងនៃដំណើរទស្សនកិច្ចរបស់លោកទៅកាន់ប្រទេសថៃ ក្រោយពីនាយករដ្ឋមន្ត្រីប្រទេសនេះ លោកប្រាក់យុទ្ធ ចាន់អូឆា បានថ្លែងប្រកាសជាសាធារណៈថា បិតា Facebook រូបនេះនឹងធ្វើដំណើរមកកាន់ប្រទេសថៃ ហើយគ្រោងនឹងជួបសំណេះសំណាលជាមួយលោក។ ដោយទទួលបានដំណឹងពីការប្រកាសជាសាធារណៈរបស់លោកប្រាក់យុទ្ធរួចហើយ បិតា Facebook រូបនេះបានបង្ហោះសារច្រានចោលភ្លាមៗថា “There are no plans currently for any of our senior leaders to visit Thailand. ” ។ គួរបញ្ជាក់ផងដែរថា ការបដិសេធរបស់ Mark Zuckerberg ហាក់បីដូចជាបំបាក់មុខលោកនាយករដ្ឋមន្ត្រីថៃ ដូច្នោះហើយទើបលោកនាយករដ្ឋមន្ត្រីថៃរូបនេះបានចេញសេចក្ដីប្រកាសបកស្រាយមួយទៀតដោយពោលថា “ការធ្វើដំណើរទស្សនកិច្ច និងជួបពិភាក្សាអាចចាត់ទុកថា ជារឿងធម្មតា ហើយក៏ជាការធ្វើដំណើរកម្សាន្តផ្ទាល់ខ្លួនរបស់លោក ក៏ប៉ុន្ដែការសហការ ការពារសន្តិសុខ សុវត្ថិភាព គឺជាការងាររួមគ្នាជាមួយប្រទេសដែលបានឆ្លងកាត់ … Read more

Mark Zuckerberg ៖ គ្រប់គ្នាគួរជួយប្រទេសរបស់ខ្លួន ទោះបីជាអ្នកមានតួនាទីជាអ្វីក៏ដោយ

June 25, 2018July 27, 2017 by វល័ក្ខ

លោក Mark Zuckerberg ត្រូវបានគេស្គាល់ថា ជាមនុស្សដែលមានឥទ្ធិពលម្នាក់ក្នុងពិភពលោក ព្រោះបណ្តាញសង្គមដែលគាត់បានបង្កើតជាបណ្តាញដែលជួយដល់មនុស្សច្រើនបំផុតលើលោកយើងនេះ។ ផ្តើមចេញពីនិស្សិតនៃសាកលវិទ្យាល័យ Harward លោកបានបង្កើតបណ្តាញសង្គម Facebook ដែលធ្វើឱ្យពិភពលោកភ្ញាក់ផ្អើលខណៈរូបលោកផ្ទាល់សន្យាក្នុងចិត្តថា លោកនឹងបញ្ចប់សញ្ញាបត្រពីសាកលវិទ្យាល័យល្បីនេះឱ្យបានបើទោះបីជាលោកបានចាកឆ្ងាយសាលាអស់រយៈពេលជាច្រើនឆ្នាំក៏ដោយ។ គំនិត និងគំរូល្អរបស់សហគ្រិនលំដាប់ពិភពលោករូបនេះ បានធ្វើឱ្យមនុស្សជាច្រើនកត់ត្រាទុក រហូតអ្នកខ្លះយកមកសរសរជាសៀវភៅ អ្នកខ្លះយកជាក្បួនធ្វើអាជីវកម្ម ជាក្បួនសម្រាប់ការរស់នៅ និងមានស្ថាប័នអប់រំខ្លះក៏បានអញ្ជើញរូបគាត់ឱ្យទៅចែករំលែកគំនិតដល់និស្សិតរបស់ខ្លួនផងដែរ។ ថ្មីៗនេះ លោក Mark Zuckerberg បានសរសេរនៅក្នុងបណ្តាញសង្គមរបស់លោកថា៖ «អ្នកគ្រប់គ្នាគួរជួយសង្គមរបស់ខ្លួន ទោះបីជាអ្នកមានតួនាទីជាអ្វីក៏ដោយ (Everyone should be able to serve their country — no matter who they are.)»។ គំនិតមួយនេះ ជាចំណុចមួយដែលអាចដាស់មនុស្សលើពិភពលោកឱ្យបានឃើញពីតម្លៃខ្លួនឯង ក្នុងនាមជាប្រជាជននៃប្រទេសមួយ។ មិនថាលក្ខខណ្ឌណាក៏ដោយ ឬអ្នកជាអ្នកណាក៏ដោយ ជានិស្សិត ជាបុគ្គលិកធម្មតា ជាអ្នកជំនួញ ជាអ្នកធ្វើការក្នុងស្ថាប័នសំខាន់ៗ ឬជាអ្នកសម្រេចចិត្តក្នុងសង្គមនោះទេ អ្នកគួរតែប្រើគ្រប់លទ្ធភាពរបស់ខ្លួនដើម្បីជួយដល់សង្គមរបស់ខ្លួន ព្រោះថាទោះបីជាអ្នកស្ថិតនៅទីណាក៏ដោយ អ្នកនៅតែអាចជួយប្រទេសរបស់ខ្លួនបាន ប្រសិនបើអ្នកចង់ជួយ។ ការជួយសង្គម … Read more