ជើងហោះហើរ

យានហោះអវកាសរបស់ Sierra Space បានត្រៀមរួចហើយសម្រាប់ជើងហោះហើរដំបូង

November 3, 2023 by សឿន សំណាង

(សហរដ្ឋអាម៉េរិក) – យន្តហោះ Dream Chaser ដែលមានជំនាញខាងដឹកទំនិញឡើងទៅកាន់ ISS នឹងបំពាក់ម៉ាស៊ីនរ៉ុក្កែតតូចៗជាច្រើនគ្រឿង អាចដឹកទំនិញបាន 5,550 គីឡូក្រាមក្នុងមួយជើង។ Dream Chaser ដែលជាយន្តហោះអវកាសពាណិជ្ជកម្មផលិតដោយក្រុមហ៊ុន Sierra Space នៅសហរដ្ឋអាម៉េរិក កំពុងឆ្ពោះទៅជិតដល់ថ្ងៃបាញ់បង្ហោះ។ Dream Chaser ដែលត្រូវបានអភិវឌ្ឍដើម្បីបំពេញភារកិច្ចបាន 15 ជើង នឹងដឹកជញ្ជូនទំនិញឡើងទៅកាន់ស្ថានីយអវកាសអន្តរជាតិ (ISS) ហើយអាចដើរតួនាទីសំខាន់ចំពោះបណ្ដាស្ថានីយអវកាសនាពេលអនាគត។ នេះបើតាម Interesting Engineering ចុះផ្សាយកាលពីថ្ងៃទី 02 វិច្ឆិកា 2023។ យន្តហោះអវកាសនេះមានដងខ្លួនប្រវែង 9 ម៉ែត្រ និងស្លាបប្រវែង 7 ម៉ែត្រ។ ស្លាបរបស់វាអាចបត់បាន អនុញ្ញាតឱ្យគេប្រើប្រាស់វាដូចទៅនឹងទំនិញដែលដាក់លើរ៉ុក្កែត។ Dream Chaser ត្រូវបានណាសាជ្រើសរើសជាយានដឹកទំនិញទីបីសម្រាប់ឆ្នាំ 2026។ វាក៏នឹងត្រូវបានប្រើប្រាស់ក្នុងការដឹកសំរាមពី ISS មកបញ្ឆេះចោលក្នុងស្រទាប់បរិយាកាសផែនដីផងដែរ។ តាមផែនការ ជើងហោះហើរដំបូងរបស់ Dream Chaser នឹងធ្វើឡើងនៅក្នុងឆ្នាំ 2019 ប៉ុន្តែត្រូវអាក់ខានច្រើនលើកដោយសារបញ្ហាកូវីដ-19។ … Read more

យន្តហោះអវកាស Virgin Galactic ដឹកភ្ញៀវឯកជនលើកដំបូង

August 11, 2023 by សឿន សំណាង

ក្រុមហ៊ុន Virgin Galactic អនុវត្តជើងហោះហើរដែលមានឈ្មោះថា «Galactic 02» កាលពីថ្ងៃទី 10 សីហា 2023 នាំមនុស្ស 6 នាក់ឡើងទៅកាន់ទីអវកាសក្បែរគន្លងតារាវិថី និងត្រលប់មកផែនដីដោយសុវត្ថិភាព។ Virgin Galactic ប្រើប្រាស់ប្រព័ន្ធបាញ់បង្ហោះដែលរួមមាន យន្តហោះអវកាស VSS Unity 6 កៅអី និងយន្តហោះដឹកជញ្ជូនដែលមានដងខ្លួនពីរ VMS Eve។ VMS Eve នាំ VSS Unity ឡើងទៅកាន់កម្ពស់ប្រហែល 15,000 ម៉ែត្រ រួចទម្លាក់ចុះដើម្បីឱ្យ VSS Unity បញ្ឆេះម៉ាស៊ីនរ៉ុក្កែត បន្តហោះទៅទីអវកាសក្បែរគន្លងតារាវិថីផែនដី។ VMS Eve ហោះឡើងពីព្រលានយានអវកាស Spaceport America នៅ New Mexico នាម៉ោង 10 និង 30 នាទី ថ្ងៃទី 10 សីហា (ម៉ោងក្នុងស្រុក) … Read more

ឱសថដែលអាច «កម្ចាត់រាល់ដុំគីស» ទាំងកាចទាំងស្លួត

August 4, 2023 by សឿន សំណាង

(សហរដ្ឋអាម៉េរិក) – ក្រុមអ្នកវិទ្យាសាស្ត្រអភិវឌ្ឍឱសថមួយប្រភេទដែលមានប្រសិទ្ធភាពក្នុងការកម្ចាត់រាល់ដុំគិសរឹង ទាំងប្រភេទកាច ទាំងប្រភេទស្លូត ដោយមិនប៉ះពាល់ដល់កោសិកាដែលមានសុខភាពល្អ។ ការស្រាវជ្រាវនេះត្រូវបានធ្វើឡើងដោយក្រុមអ្នកជំនាញប្រចាំមន្ទីរពេទ្យ City of Hope ដែលជាមជ្ឈមណ្ឌលព្យាបាលជំងឺមហារីកធំជាងគេមួយនៅសហរដ្ឋអាម៉េរិក និងត្រូវបានចុះផ្សាយលើទស្សនាវដ្ដី Cell Chemical Biology កាលពីថ្ងៃទី 02 សីហា 2023។ គ្រាប់ថ្នាំនេះមានឈ្មោះថា AOH1996។ City of Hope ឱ្យដឹងថា ឱសថ AOH1996 ដាក់គោលដៅកម្ចាត់ប្រូតេអ៊ីនមួយប្រភេទមាននៅក្នុងដុំសាច់មហារីកស្ទើរគ្រប់ប្រភេទ ដែលបណ្ដាលឱ្យដុំគីសរីកធំ និងកើនឡើងច្រើននៅក្នុងរាងកាយ។ ប្រូតេអ៊ីននេះគឺជាអង់ទីហ្សែន PCNA (Proliferating cell nuclear antigen) ដែលធ្លាប់ត្រូវបានចាត់ទុកថា មិនអាចកម្ចាត់បាន។ គ្រាប់ថ្នាំ AOH1996 កម្ចាត់កោសិកាមហារីកទៅតាមរបៀបដែលមានការជ្រើសរើស ដោយយន្តការបំបែកវដ្ដនៃការបង្កើតកូនចៅតាមធម្មតារបស់ដុំគីស ទប់ស្កាត់កោសិកា DNA ដែលមានកំហុស កុំឱ្យបន្តរីកចម្រើន ធ្វើឱ្យពួកវាមិនអាចចម្លងពីតិចទៅច្រើនទៀតបាន។ ប្រការនេះនឹងបណ្ដាលឱ្យកោសិកាមហារីកទាំងឡាយត្រូវងាប់ដោយឯកឯង និងមិនប៉ះពាល់ដល់កោសិកាល្អ។ អ្នកវិទ្យាសាស្ត្រនៅ City of Hope អធិប្បាយថា PCNA … Read more

ព្យុះកំណាចនៅប្រទេសចិន បង្កទឹកជំនន់គួរឱ្យភ័យខ្លាច

July 31, 2023 by សឿន សំណាង

ភាគខាងជើងប្រទេសចិនបានប្រកាសអាសន្នកម្រិតខ្ពស់បំផុត នៅពេលភ្លៀងធំបង្អោរចុះ ធ្វើឱ្យលិចលង់ទីក្រុងប៉េកាំង និងតំបន់ក្បែរខាង បណ្ដាលឱ្យរថយន្តរាប់សិបគ្រឿងត្រូវហូរទៅតាមខ្សែទឹក។ ជើងរថយន្តក្រុងរាប់រយនៅរដ្ឋធានីប៉េកាំង ប្រទេសចិន ថ្ងៃនេះត្រូវបានផ្អាកដំណើរការ បន្ទាប់ពីអាជ្ញាធរបានប្រកាសអាសន្នកម្រិតខ្ពស់បំផុត គ្រាដែលមានភ្លៀងធ្លាក់ខ្លាំង ដោយសារតែព្យុះ Doksuri បន្តវាយប្រហារលើប្រទេសនេះ។ អ្នកលេងបណ្ដាញសង្គមនៅប្រទេសចិន បានចែករំលែកបន្តគ្នានូវវីដេអូបង្ហាញពីគ្រោះធម្មជាតិមួយនេះ។ ក្នុងវីដេអូ គេឃើញដងផ្លូវក្នុងទីក្រុងក្លាយជាជ្រោះ គួរឱ្យភ័យខ្លាច។ ទឹកជំនន់ក៏បានហូរចូលចំណតរថភ្លើងអគ្គិសនីក្រោមដីនៅទីក្រុងប៉េកាំង។ ក្រុមហ៊ុនផ្លូវដែកបានឱ្យបុគ្គលិកយកអាហារទៅជូនអ្នកដំណើរដែលកំពុងជាប់នៅក្នុងចំណត។ មនុស្សជាង 31,000 នាក់ត្រូវបានឈ្លៀងទៅកាន់ទីសុវត្ថិភាព ការដ្ឋានសំណង់ប្រហែល 4,000 កន្លែងត្រូវបានផ្អាក អគារជិត 20,000 រងការខូចខាត ខណៈទីតាំងសម្រាប់ទេសចរណ៍សំខាន់ៗក្នុងទីក្រុងត្រូវបានបានបិតជាបណ្ដោះអាសន្ន។ នៅទីក្រុងប៉េកាំង មានមនុស្សពីរនាក់បានស្លាប់ដោយសារជំនន់ទឹកភ្លៀង។ អាកាសយានដ្ឋានពីរកន្លែងនៅរដ្ឋធានីប្រទេសចិនក៏បានលុបចោលជើងហោះហើរជាង 180 ជើង និងពន្យារពេលរាប់រយជើង កាលពីព្រឹកថ្ងៃទី 31 កក្កដានេះ។ គិតមកដល់ថ្ងៃនេះ ដងផ្លូវចំនួន 358 នៅប៉េកាំងបានទទួលរងឥទ្ធិពលពីព្យុះ Doksuri។ ព្យុះ Doksuri ធ្វើដំណើរឆ្លងកាត់ភាគខាងជើងប្រទេសចិនតាំងពីថ្ងៃទី 28 កក្កដា នាំឱ្យអាជ្ញាធរប្រកាសឱ្យប្រជាជនរាប់លាននាក់ស្ថិតនៅក្នុងផ្ទះ។ ព្យុះនេះបានក្លាយជាសម្ពាធទាបទៅហើយ ប៉ុន្តែអាជ្ញាធរប៉េកាំង និងខេត្តក្បែរខាង ថ្ងៃនេះនៅតែបន្តប្រកាសអាសន្នកម្រិតក្រហម។ យោងតាមអ្នកជំនាញ … Read more

ក្រុមរដ្ឋប្រហារនេហ្សេត្រូវអាហ្វ្រិកខាងលិចដាក់ទណ្ឌកម្ម ខណៈស្ថានទូតបារាំងរងការវាយប្រហារ

July 31, 2023July 31, 2023 by សឿន សំណាង

កាលពីថ្ងៃទី 30 កក្កដា បណ្ដាប្រទេសនៅអាហ្វ្រិកខាងលិច បានចាប់ផ្ដើមដាក់ទណ្ឌកម្ម និងគំរាមថានឹងប្រើប្រាស់កម្លាំងបាយ បើសិនក្រុមយោធាដែលធ្វើរដ្ឋប្រហារនៅប្រទេសនីហ្សេ មិនប្រគល់អំណាចត្រលប់មកប្រធានាធិបតី Mohammed Bazoum ក្នុងរង្វង់មួយសប្ដាហ៍ ស្របពេលដែលក្រុមអ្នកគាំទ្រអាជ្ញាធរយោធា វាយប្រហារលើស្ថានទូតបារាំងនៅរដ្ឋធានីនីញ៉ាម៉េ។ ក្រុម ECOWAS ដែលមាន 15 ប្រទេស បានធ្វើប្រតិកម្មទៅនឹងអំពើរដ្ឋប្រហារលើកទី 7 នៅតំបន់ Sahel នៅក្នុងប៉ុន្មានឆ្នាំចុងក្រោយនេះ បន្ទាប់ពីហ្វូងមនុស្សនៅនីញ៉ាម៉េរបស់ប្រទេសនីហ្សេ ដុតទង់ជាតិបារាំង និងគប់ដុំថ្មលើក្បួនរថយន្តអ្នកការទូតរបស់បារាំង នាំឱ្យប៉ូលិសប្រើប្រាស់ផ្សែងបង្ហូរទឹកភ្នែកដើម្បីទប់ទល់។ រូបភាពនានាបង្ហាញថា ជញ្ជាំងរបស់ស្ថានទូតបារាំងត្រូវគេដុត ហើយមនុស្សជាច្រើនត្រូវបានលើកដាក់លើរថយន្តសង្គ្រោះ នៅពេលពួកគេរងរបួស។ នៅក្នុងកិច្ចប្រជុំកំពូលបន្ទាន់មួយនៅប្រទេសនីហ្សេរីយ៉ា ដែលពិភាក្សាអំពីរដ្ឋប្រហារ ក្រុមមេដឹកនាំនៃសហគមន៍សេដ្ឋកិច្ចរបស់បណ្ដាប្រទេសនៅអាហ្វ្រិកខាងលិច បានអំពាវនាវសូមឱ្យស្ដារធម្មនុញ្ញភាព និងបានព្រមានថា នឹងមានវិធានការតបត បើសិនប្រការនេះមិនត្រូវបានអនុវត្ត។ ECOWAS និងសម្ព័ន្ធភាពសេដ្ឋកិច្ច និងហិរញ្ញវត្ថុអាហ្វ្រិកខាងលិច ដែលមានសមាជិកចំនួន 8 បានឱ្យដឹងថា ព្រំដែនរបស់នីហ្សេនឹងត្រូវបិទជាបន្ទាន់ ជើងហោះហើរពាណិជ្ជកម្មត្រូវបានហាមឃាត់ ការដោះដូរហិរញ្ញវត្ថុត្រូវបានផ្អាក ខណៈដែលទ្រព្យសម្បត្តិជាតិត្រូវបានបង្កក និងជំនួយនានាក៏ត្រូវបានកាត់ផ្ដាច់។ ចំណែកក្រុមមន្ត្រីយោធាដែលជាប់ទាក់ទិននឹងអំពើរដ្ឋប្រហារ នឹងត្រូវបានហាមឃាត់ការដើរហើរ ស្របពេលដែលទ្រព្យរបស់ពួកគេក៏ត្រូវបង្កក។ អំពើរដ្ឋប្រហារនៅនីហ្សេនេះ ត្រូវបានបណ្ដាប្រទេសក្បែរខាង និងដៃគូអន្តរជាតិ … Read more

ចិននឹងបាញ់បង្ហោះយានដឹកមនុស្សអាចប្រើឡើងវិញបាននៅឆ្នាំ 2027

July 19, 2023 by សឿន សំណាង

យានអវកាសដឹកមនុស្សថ្មីរបស់ប្រទេសចិន អាចដាក់មនុស្សបាន 7 នាក់ ហើយគ្រឿងសំខាន់ៗរបស់យាននេះ អាចត្រូវបានប្រើប្រាស់ឡើងវិញបានរហូតដល់ 10 ដង។ Yang Liwei ដែលជាអនុប្រធានកម្មវិធីអវកាសមានមនុស្សបើកបរ របស់ទីភ្នាក់ងារអវកាសចិន បានឱ្យដឹងថា យានអវកាសដែលអាចប្រើប្រាស់ឡើងវិញដំបូងគេរបស់ប្រទេសចិន នឹងត្រូវបានបាញ់បង្ហោះយ៉ាងឆាប់ត្រឹមឆ្នាំ 2027។ កាលពីថ្ងៃទី 17 កក្កដា 2023 លោក Yang បានឱ្យដឹងថា យានថ្មីនេះអាចដឹកមនុស្សបាន 7 នាក់។ ប្រការនោះនឹងដើរតួនាទីសំខាន់ក្នុងការសាងសង់ស្ថានីយអវកាសចិន និងបេសកកម្មចុះចតលើឋានព្រះចន្ទ។ យានគំរូដែលមានទំហំតាមខ្នាតផ្លូវការមួយគ្រឿងរបស់ស្ថាប័នខាងលើ បានបញ្ចប់ដោយជោគជ័យនូវជើងហោះហើរសាកល្បងរយៈពេល 67 ម៉ោង និងប្រើប្រាស់រ៉ុក្កែត Long March 5 កាលពីឆ្នាំ 2020។ តាមទ្រឹស្ដី យ៉ាងហោចណាស់ បណ្ដាគ្រឿងសំខាន់ៗរបស់យានអវកាសនេះ អាចប្រើប្រាស់ឡើងវិញបាន 10 ដង ដែលនេះនឹងជួយកាត់បន្ថយការចំណាយបានច្រើន។ យានអវកាសថ្មីខាងលើរបស់ប្រទេសចិន អាចបៀបស្មើទៅនឹងបណ្ដាយានអវកាសជំនាន់ថ្មីរបស់សហរដ្ឋអាម៉េរិក ដែលមានដូចជា យាន Dragon V2 របស់ SpaceX និង CST-100 … Read more

យានអវកាសបីគ្រឿងរបស់អាម៉េរិកដែលនឹងត្រូវដឹកមនុស្សឡើងទៅកាន់ឋានព្រះចន្ទ

July 17, 2023 by សឿន សំណាង

ក្រុមហ៊ុនការពារជាតិសហរដ្ឋអាម៉េរិក Lockheed Martin កាលពីថ្ងៃទី 14 កក្កដា បានបង្ហាញរូបថតយានអវកាស Orion 3 គ្រឿងដែលនឹងត្រូវប្រើប្រាស់ក្នុងបេសកកម្មឋានព្រះចន្ទ Artemis II, III និង IV។ «អនាគតរបស់យាន Orion ទំនងជាល្អខ្លាំងណាស់។ ម៉ូឌុលទាំងឡាយដែលនឹងដឹកមនុស្សក្នុងបេសកកម្ម Artemis II, Artemis III និង Artemis IV កំពុងឆ្លងកាត់ដំណាក់កាលផលិតខុសៗគ្នានៅក្នុងមជ្ឈមណ្ឌលអវកាស Kennedy របស់អង្គការណាសា ដើម្បីត្រៀមសម្រាប់ការនាំអវកាសចរត្រលប់ទៅកាន់ឋានព្រះចន្ទ» Lockheed Martin សរសេរនៅលើ Twitter កាលពីថ្ងៃទី 14 កក្កដាដូច្នេះ អមនឹងរូបថតរបស់យានអវកាស Orion។ យានទាំងនេះកំពុងត្រូវបានអភិវឌ្ឍក្រោមការគ្រប់គ្រងរបស់ Lockheed Martin។ ក្នុងបេសកកម្ម Artemis II យានអវកាស Orion គ្រោងនឹងត្រូវបានបាញ់បង្ហោះនៅថ្ងៃទី 11 កុម្ភៈ ឆ្នាំ 2024 នាំយកអ្នកអវកាស 4 នាក់ទៅជាមួយ … Read more

អ្នកដំណើរលើយន្តហោះចិន ប៉ើងដល់ពិតាន ពេលហោះឆ្លងកាត់តំបន់ខ្យល់កន្ត្រាក់

July 13, 2023 by សឿន សំណាង

អ្នកដំណើរម្នាក់ និងអ្នកបម្រើលើយន្តហោះម្នាក់របស់ក្រុមហ៊ុនអាកាសចរណ៍ Air China ត្រូវប៉ើងឡើងដល់ពិតានយន្តហោះ នៅពេលយន្តហោះនេះកំពុងឆ្លងកាត់តំបន់ខ្យល់កន្ត្រាក់លើអាកាស។ ជើងហោះហើរ CA1524 របស់ក្រុមហ៊ុន Air China ហោះឆ្លងកាត់តំបន់ខ្យល់កន្ត្រាក់ ពេលកំពុងធ្វើដំណើរពីសៀងហៃទៅកាន់ប៉េកាំង កាលពីថ្ងៃទី 10 កក្កដា 2023។ អ្នកដំណើរម្នាក់និយាយថា នៅមុនហេតុការណ៍រលាក់យន្តហោះលើកដំបូង ភ្ញៀវមួយចំនួនបានក្រោកឡើងទៅបន្ទប់ទឹក។ «នៅពេលប្រធានក្រុមហោះហើរប្រកាសឱ្យអ្នកដំណើរដាក់ខ្សែក្រវាត់សុវត្ថិភាព ទើបពួកគេត្រលប់មកកន្លែងអង្គុយ។ ក្រោយរយៈពេលជាង 10 វិនាទី យន្តហោះក៏ស្រាប់តែរលាក់មួយប្រាវ» អ្នកដំណើរម្នាក់រៀបរាប់កាលពីថ្ងៃទី 11 កក្កដា។ ប្រហែលជាង 10 វិនាទីក្រោយ ហេតុការណ៍ដូចខាងលើក៏បានកើតឡើងជាថ្មី និងខ្លាំងជាងមុន។ គ្រប់គ្នាស្រែកឡើង។ របស់របរត្រូវធ្លាក់ទៅលើបាតយន្តហោះ។ អ្នកខ្លះក៏ធ្លាក់ទាំងទូរស័ព្ទ។ ស្ត្រីម្នាក់អាយុប្រហែល 40 ឆ្នាំ បានប៉ើងដល់ពិតាន ធ្វើឱ្យរបួសត្រង់ក្បាល និងជើង។ អ្នកបម្រើលើយន្តហោះម្នាក់ដែលការពារភ្ញៀវ ក៏ត្រូវប៉ើងទៅលើ បង្កឱ្យមានរបួសផងដែរ។ ក្រុមហ៊ុនអាកាសចរណ៍ចិន Air China បានបញ្ជាក់ថា យន្តហោះបានជួបប្រទះនឹងបាតុភូតខ្យល់កន្ត្រាក់ ហើយថា ក្រុមហោះហើរបានដោះស្រាយបញ្ហាទៅតាមគោលការណ៍សុវត្ថិភាព៕

យន្តហោះ Virgin Galactic ដឹកភ្ញៀវឡើងទៅអវកាសបានជោគជ័យ

June 30, 2023 by សឿន សំណាង

(សហរដ្ឋអាម៉េរិក) – ក្រុមហ៊ុន Virgin Galactic បានទទួលជោគជ័យនូវភារកិច្ចពាណិជ្ជកម្មដំបូងកាលពីថ្ងៃទី 29 មិថុនា 2023 ដែលនាំមនុស្សឡើងទៅកាន់ទីអវកាសក្បែរគន្លងតារាវិថី និងត្រលប់មកកាន់ផែនដី។ ជើងហោះហើរថ្មីនេះបានចាកចេញពីមជ្ឈមណ្ឌលអវកាស Spaceport America ក្នុងរដ្ឋ New Mexico នៅវេលាម៉ោង 21 និង 30 នាទី ថ្ងៃទី 29 មិថុនា (ពេលវេលានៅកម្ពុជា) និងហោះឡើងដល់ទីអវកាសក្បែរគន្លងតារាវិថី ក្រោយការធ្វើដំណើរបាន 58 នាទី។ ក្រោយការអណ្ដែតនៅលើកម្ពស់ 85.1 គីឡូម៉ែត្រ ដែលស្ថិតក្នុងស្ថានភាពគ្មានទំនាញផែនដី យន្តហោះអវកាស VSS Unity ក៏បានត្រលប់មកចុះចតនៅ SpacePort America នាម៉ោង 22 និង 42 នាទី ក្នុងថ្ងៃដដែល។ ក្រុមហ៊ុន Virgin Galactic ត្រូវបានបង្កើតឡើងដោយមហាសេដ្ឋីជនជាតិអង់គ្លេស Richard Branson កាលពីឆ្នាំ 2014។ Virgin … Read more

យន្តហោះអវកាស VSS Unity ដឹកអតិថិជនទៅកាន់អវកាសជាលើកដំបូង

June 28, 2023 by សឿន សំណាង

ក្រុមហ៊ុន Virgin Galactic កាលពីថ្ងៃទី 26 មិថុនា បានប្រកាសថា ជើងហោះហើរទៅកាន់ទីអវកាសបែបពាណិជ្ជកម្មដំបូងដែលដឹកភ្ញៀវ 4 នាក់ នឹងត្រូវបានធ្វើឡើងយ៉ាងឆាប់ត្រឹមថ្ងៃទី 29 មិថុនាខាងមុខ។ ជើងហោះហើរខាងលើនេះនឹងចាប់ផ្ដើមនៅវេលាម៉ោង 22 (ម៉ោងនៅកម្ពុជា) ថ្ងៃទី 29 មិថុនា នៅឯមជ្ឈមណ្ឌលអវកាសក្នុងរដ្ឋ New Mexico សហរដ្ឋអាម៉េរិក។ យន្តហោះដឹកជញ្ជូន VMS Eve នឹងនាំយកយន្តហោះអវកាស VSS Unity ឡើងទៅកាន់កម្ពស់ប្រហែល 15,000 ម៉ែត្រ។ បន្ទាប់មក VMS Eve នឹងទម្លាក់ VSS Unity ដើម្បីឱ្យយន្តហោះអវកាសនេះបញ្ឆេះម៉ាស៊ីនរ៉ុក្កែត បន្តហោះឡើងទៅកាន់ទីអវកាសក្បែរគន្លងតារាវិថី។ ភ្ញៀវ 4 នាក់ក្នុងយន្តហោះអវកាស VSS Unity នឹងមានពេលតែប៉ុន្មាននាទីប៉ុណ្ណោះដើម្បីបណ្ដែតខ្លួនក្នុងស្ថានភាពគ្មានទម្ងន់ គយគន់ខ្សែកោងរបស់ផែនដី មុនពេលត្រលប់មកវិញ។ ភ្ញៀវដែលនឹងធ្វើដំណើរលើ VSS Unity រួមមាន Pantaleone Carlucci ជាវិស្វកររបស់ប្រទេសអ៊ីតាលី, … Read more

GAC បង្ហាញយានប្រភេទគូ «រថយន្ត និងដ្រោន» eVTOL Gove

June 27, 2023 by សឿន សំណាង

ក្រុមហ៊ុនផលិតរថយន្តមួយចំនួនកំពុងតែអភិវឌ្ឍ និងផលិតយានប្រភេទថ្មីៗនៅក្នុងវិស័យរថយន្ត និងយន្តហោះអគ្គិសនី (eVTOL) ក្នុងនោះក៏មានក្រុមហ៊ុន GAC Group ផងដែរ។ នៅក្នុងព្រឹត្តិការណ៍ទិវាបច្ចេកវិទ្យានាថ្ងៃនេះ GAC បានបង្ហាញយានដំណើរការដោយអគ្គិសនីប្រភេទ eVTOL មួយដែលត្រូវបានដាក់ឈ្មោះថា Gove។ GAC ឱ្យដឹងថា ពួកគេបានទទួលជោគជ័យក្នុងជើងហោះហើរដំបូង។ Gove គឺជាយានមួយគូ ក្នុងនោះដ្រោន និងគ្រោងខាងក្រោមអាចផ្ដាច់ចេញពីគ្នា ហើយពួកវាអាចភ្ជាប់នឹងគ្នាពេលបរលើដី និងផ្ដាច់ខ្លួនពេលហោះលើអាកាស។ Gove បំពាក់ប្រព័ន្ធបើកបរស្វ័យប្រវត្ត ADiGO-Pilot របស់ GAC និងមានប្រព័ន្ធហោះហើរដែលមានស្លាបចក្រសម្រាប់ហោះ និងស្លាបចក្រសម្រាប់បង្ការ ការពារសុវត្ថិភាព។ GAC ឱ្យដឹងដូច្នេះ។ Gove មានរូបរាងដូចទៅនឹងយានប្រភេទ eVTOL ដែលត្រូវបានជនជាតិចិនមួយក្រុមបង្ហាញកាលពីចុងឆ្នាំកន្លង។ GAC (Guangzhou Automobile Group Co., Ltd.) គឺជាក្រុមហ៊ុនរដ្ឋចិន ដែលមានទីស្នាក់ការកណ្ដាលនៅទីក្រុង Guangzhou ប្រទេសចិន។

ថាសហោះ (UFO) អគ្គិសនីនេះ អាចហើរក្នុងល្បឿន 50 គីឡូម៉ែត្រ/ម៉ោង

June 8, 2023 by សឿន សំណាង

(ប្រទេសចិន) – ក្រុមអ្នកវិទ្យាសាស្ត្រមកពីសាកលវិទ្យាល័យពហុបច្ចេកទេសតំបន់ភាគពាយព្យ បង្កើតបានយានដែលមានរូបរាងដូចថាសហោះ អាចហើរបាន 15 នាទី និងមានល្បឿន 50 គីឡូម៉ែត្រ/ម៉ោង។ យានហោះឡើង ចុះចតដោយបញ្ឈរត្រង់ និងប្រើប្រាស់អគ្គិសនី (eVTOL) អាចជាបដិវត្តន៍ក្នុងវិស័យគមនាគមន៍ស្ថិរភាព និងមិនបំភាយឧស្ម័នពុលរបស់ពិភពលោក។ គម្រោង eVTOL រាងដូចថាសហោះ (UFO) គឺជាលទ្ធផលនៃការអភិវឌ្ឍរយៈពេលបីឆ្នាំរបស់ក្រុមអ្នកជំនាញនៅសាកលវិទ្យាល័យពហុបច្ចេកទេសតំបន់ពាយព្យ (Northwestern Polytechnical University) នៅប្រទេសចិន។ យាន eVTOL គំរូរបស់ក្រុមអ្នកស្រាវជ្រាវខាងលើ សម្រេចបានជើងហោះហើរសាកល្បងដំបូងនៅក្នុងព្រឹត្តិការណ៍ពិព័រណ៍មួយនៅខេត្ត Shenzhen ភាគអាគ្នេយ៍ប្រទេសចិន។ នេះបើតាមការចុះផ្សាយកាលពីថ្ងៃទី 07 មិថុនា របស់ទំព័រ Interesting Engineering។ យានដូចទៅនឹង UFO ដែលត្រូវបានផលិតឡើងដោយក្រុមហ៊ុនបច្ចេកវិទ្យាថាសហោះ Shenzhen UFO Power Technology អាចហោះហើរបាន 15 នាទី ឡើងដល់កម្ពស់ 200 ម៉ែត្រ និងល្បឿន 50 គីឡូម៉ែត្រ/ម៉ោង ព្រមទាំងបំពាក់មុខងារហោះហើរស្វ័យប្រវត្តផងដែរ។