កាលពីយប់ថ្ងៃទី27 ខែកញ្ញា ឆ្នាំ2020 កន្លងទៅនេះ ក្លិបបាល់ទាត់ Atlético de Madrid បានយកឈ្នះក្រុមបាល់ទាត់ Granada ដោយលទ្ធផល 6ទល់នឹង1 ក្នុងការប្រកួតលីកកំពូលអេស្ប៉ាញ La Liga ។
ការប្រកួតនេះ គឺជាការបង្ហាញខ្លួនជាលើកដំបូងរបស់ខ្សែប្រយុទ្ធ Luiz Saurez ឱ្យក្លិប AT Madrid ដែលខ្លួនគេ រកបាន 2គ្រាប់ និងបញ្ជូនបាល់ឱ្យមិត្តរួមក្រុម ស៊ុតបញ្ជូលទីបាន 1គ្រាប់។ យ៉ាងណាមិញនេះគ្រាន់តែជាការប្រកួតទី1 សម្រាប់ក្រុម AT Madrid ប៉ុណ្ណោះ ប៉ុន្តែពួកគេបានយកឈ្នះក្រុមល្អ Granada ដល់ទៅ 6-1 ទៅហើយ។
គួរឱ្យដឹងដែរថា Luiz Saurez គឺជាអតីតកីឡាករខ្សែប្រយុទ្ធរបស់ Barcelona ដែលបានរួមរស់នៅទីនោះ ដល់ទៅ 7ឆ្នាំ ដោយក្នុងនោះ គេរកគ្រាប់បាល់បាន 147គ្រាប់ ក្នុងការបង្ហាញខ្លួនបាន 191លើក៕
Advertisement
