កីឡាករ Thanawat ដែលលេងក្នុងតំណែងខ្សែប្រយុទ្ធ ធ្លាប់បានជាប់ក្រុមជម្រើសជាតិបារាំង U-16 និង U-17 ដែលជាហេតុនាំឱ្យថៃ មានចំណាប់អារម្មណ៍ក្នុងការនាំយករូបគេមកលេងឱ្យក្រុមជម្រើសជាតិថៃឈុតធំ តែគេមិនទាន់ដឹងថា តើកីឡាករូបនេះ គិតយ៉ាងណានៅឡើយទេ។
កីឡាករវ័យ 20ឆ្នាំរូបនេះ គឺជាកីឡាកររបស់ក្លិប Nancy របស់ប្រទេសបារាំង កំពុងតែស្ថិតនៅក្នុងការចរចាទៅចូលរួមជាមួយក្លិបលីកកំពូលអង់គ្លេស Leicester City ក្រោយពេលដែលជិតផុតកុងត្រា ដែលនឹងបញ្ចប់នៅចុងឆ្នាំនេះ។
មូលហេតុដែលធ្វើឱ្យកីឡាកររូបនេះ ត្រូវបានចាប់អារម្មណ៍ពីបណ្ដាក្លិបធំៗនេះ គឺដោយសារតែយុវជនរូបនេះ បានជាប់ជម្រើសជាតិបារាំងអាយុក្រោម16 និង 17ឆ្នាំ និងបានបង្ហាញទម្រង់លេងយ៉ាងល្អ៕
Advertisement
