ពេទ្យក្លិបលីកកំពូលបារាំងម្នាក់ សម្លាប់ខ្លួនក្រោយឆ្លងកូវីដ-19

គ្រូពេទ្យរបស់ក្លិបបាល់ទាត់បារាំងម្នាក់ ឈ្មោះ Bernard Gonzalez ត្រូវបានគេរាយការណ៍ថា បានធ្វើអត្តឃាតខ្លួនឯង បន្ទាប់ពីលោកទទួលបានលទ្ធផលតេស្តដែលបញ្ជាក់ថា លោកវិជ្ជមានវីរុសកូវីដ-19។
ប្រធានក្លិប Reims បានបញ្ជាក់ថា លោកទទួលបានលិខិតបញ្ជាក់សុខភាពថា Gonzalez បានឆ្លងមេរោគ Covid-19 ហើយប្រពន្ធរបស់លោកក៏បានឆ្លងដូចគ្នាដែរ។ ក្រោយពីទទួលដំណឹងនេះហើយ គ្រូពេទ្យប្រចាំក្លិបនេះត្រូវបានគេអនុញ្ញាតឱ្យសម្រាកព្យាបាលជំងឺ ប៉ុន្តែមិនបានប៉ុន្មានផង ក៏ស្រាប់តែមានដំណឹងថា លោកបានស្លាប់ទៅហើយ ដោយការធ្វើអត្តឃាតខ្លួនឯង។

គួរបញ្ជាក់ដែរថា លោក Bernard Gonzalez មានតួនាទីជាគ្រូពេទ្យរបស់ក្រុមបាល់ទាត់ Stade de Reims ក្នុងលីកកំពូលបារាំង និងធ្លាប់ជាកីឡាកររបស់ក្លិបនេះផងដែរ កាលពីជាង 30ឆ្នាំមុន៕