សៀមរាប យូណាយធីត បង្កើតពានរង្វាន់លំដាប់អាស៊ីមួយ នៅចុងខែមករានេះ

ក្លិបសៀមរាប យូណាយធីត បានធ្វើការប្រកាសពីការផ្តួចផ្តើមកម្មវិធីប្រកួតពានរង្វាន់មិត្តភាពអន្តរជាតិមួយ ដែលនឹងធ្វើឡើងនៅលើទឹកដីខេត្តសៀមរាប ដែលការប្រកួតនេះនឹងមានក្លិបចំនួន4 មកពីប្រទេស3 ផ្សេងគ្នាចូលរួមប្រកួតប្រជែង។

ពានរង្វាន់ Siem Reap Super Asia Cup នឹងធ្វើឡើងនៅកីឡដ្ឋានសៀមរាបយូណាយធីត ដែលមានក្លិបមកពីក្របខ័ណ្ឌលីកកំពូលរបស់កម្ពុជាចំនួន 2ក្លិប មកពីលីកកំពូលឥណ្ឌូនេស៊ី​ 1ក្លិប និងក្លិបមកពីលីកកំពូលម៉ាឡេស៊ី 1ក្លិប។

តាមគម្រោង ការប្រកួតនឹងធ្វើឡើងចាប់ពីថ្ងៃទី23 ដល់ថ្ងៃទី26 ខែមករា ឆ្នាំ2020 ដោយសមាសភាពក្លិបចូលរួមមានក្រុមកម្ពុជា អង្គរថាយហ្គឺរ និងវិសាខា ខណៈក្រុមលីកកំពូលឥណ្ឌូនេស៊ី Bhayangkara FC និងក្រុមលីគកំពូលម៉ាឡេស៊ី Petaling Jaya City៕