ក្លិប Kedah FA បបួលក្លិបកំពូលកម្ពុជាទាំង5 ប្រកួតមិត្តភាពកម្តៅសាច់ដុំ

ក្លិបបាល់ទាត់ Kedah FA នឹងចំណាយពេល 1សប្ដាហ៍នៅកម្ពុជា ដើម្បីហ្វឹកហាត់ និងប្រកួតមិត្តភាពកម្ដៅសាច់ដុំជាមួយក្លិបនៅក្របខ័ណ្ឌ Metfone Cambodian League ត្រៀមរដូវកាលថ្មីនៃក្របខ័ណ្ឌកំពូលម៉ាឡេស៊ី Malaysian Super League 2020។

ក្នុងដំណើរប្រកួតនេះ ក្រុមលេខ1 ពានរង្វាន់ Malaysia Cup នេះនឹងតទល់ជាមួយនឹងក្រុម វិសាខា ណាហ្គាវើលដ៍ បឹងកេត អង្គរថាយហ្គើរ និងភ្នំពេញក្រោន ដែលសុទ្ធសឹងតែជាក្រុមកំពូលទាំង5 នៃលីកកំពូលកម្ពុជា។ 

គួរបញ្ជាក់ដែរថា ការប្រកួតទាំង 5ប្រកួតនេះ នឹងធ្វើឡើងនៅវេលាម៉ោង 6ល្ងាចទាំងអស់ ដែលក្នុងនោះមាន 4ប្រកួតធ្វើឡើងនៅពហុកីឡដ្ឋានជាតិ និង 2ប្រកួតទៀតធ្វើឡើងនៅកីឡដ្ឋាន RSN៕