កាលពីល្ងាចម្សិលមិញនេះ ក្រុមបាល់ទាត់ព្រះខ័នរាជស្វាយរៀងបានលើកពានរង្វាន់លីកកំពូលកម្ពុជា រដូវកាល2019 មុនបញ្ចប់រដូវកាលនៅឯកីឡដ្ឋានខេត្តស្វាយរៀង ក្រោមក្រសែភ្នែកអ្នកទស្សនាជាង 4,355នាក់ ដែលនេះ គឺជាចំនួនអ្នកគាំទ្រដែលច្រើនជាងគេបង្អស់មិនធ្លាប់មានក្នុងកីឡដ្ឋានមួយនេះ។
ក្រុមបាល់ទាត់ព្រះខ័នរាជស្វាយរៀងបានបន្តយកឈ្នះក្រុមភ្ញៀវអាស៊ីអឺរ៉ុប យូណាយធីត ក្នុងការប្រកួតលីកកំពូលកម្ពុជា ប្រចាំសប្តាហ៍ទី25 ក្នុងលទ្ធផល 6ទល់នឹង1 និងបានបន្តកំណត់ត្រាមិនដែលចាញ់របស់ខ្លួនស្ទើរតែពេញមួយរដូវកាលហើយ។
គួរបញ្ជាក់ដែរថា លីកកំពូលកម្ពុជានឹងបញ្ចប់នៅសប្តាហ៍ក្រោយនេះ(សប្តាហ៍ទី26) តែក្រុមព្រះខ័នរាជស្វាយរៀងបានក្លាយជាម្ចាស់ជើងឯកដោយស្វ័យប្រវត្តិ ដោយសារតែមានពិន្ទុដាច់ឆ្ងាយពីក្រុមលេខ2 វិសាខា ដល់ទៅពិន្ទុ ទើបគណៈកម្មការរៀបចំការប្រកួតសម្រេចធ្វើពិធីប្រគល់ពានក្នុងសប្តាហ៍នេះតែម្តង៕
