រដ្ឋាភិបាល នៅថ្ងៃទី31 មីនា (ស្អែកនេះ) នឹងពិភាក្សាលើច្បាប់ដាក់ប្រទេសក្នុងគ្រាអាសន្ន

សម្ដេចតេជោ ហ៊ុន សែន មានប្រសាសន៍នៅក្នុងសន្និសីទកាសែត នៅរដ្ឋសភា នាព្រឹកថ្ងៃទី30 មីនា នេះថា រដ្ឋាភិបាល នឹងចាប់ផ្ដើមពិភាក្សារៀបចំសេចក្តីព្រាងច្បាប់ដាក់ប្រទេសក្នុងគ្រាអាសន្ន តាមរយៈកិច្ចប្រជុំអន្តរក្រសួងនៅថ្ងៃទី31 មីនា។ ហើយសេចក្តីព្រាងច្បាប់ និងត្រូវដាក់ចូលក្នុងកិច្ចប្រជុំគណៈរដ្ឋមន្រ្តី នៅថ្ងៃទី3 មេសា ដើម្បីពិនិត្យ មុននឹងបន្តសុំការអនុម័តពីរដ្ឋសភា និងព្រឹទ្ធសភា មុននឹងសុំឡាយព្រះហស្ថពីព្រះមហាក្សត្រ៕