ស្បែករបស់យើងដើរតួនាទីដូចជាបង្អួចឆ្លុះបញ្ចាំងពីសុខភាពទូទៅថាមានជំងឺប្រចាំកាយ ឬក៏មានសុខភាពល្អ ហើយវាបង្ហាញតាមរយៈការផ្លាស់ប្តូរនៅលើស្បែក។ អាការមាស់ស្បែក គឺជាការបង្ហាញពីជំងឺខាងក្នុងដូចជា ជំងឺថ្លើមជាដើម។ ជាការពិតជំងឺថ្លើម និងអាការរមាស់ គឺជាសញ្ញាដំបូងនៃជំងឺមួយនេះដែលកើតឡើងចំពោះអ្នកជំងឺ។
ជំងឺថ្លើម និងអាការរមាស់
កាយវិភាគវេជ្ជសាស្ត្រនៃថ្លើម និងបំពង់ហូរទឹកប្រមាត់ កើតមកពីប្រព័ន្ធទឹកប្រមាត់ល្អ និងថ្លើម។ អាការរមាស់គឺជារោគសញ្ញាទូទៅដែលកើតមានជាញឹកញាប់បំផុត និងបានសាងនូវភាពរំខានខ្លាំងបំផុតនៃជំងឺរលាកថ្លើម និងជំងឺរលាកបំពង់ហូរទឹកប្រមាត់។ រោគសញ្ញាអាចកើតឡើងតែមួយឆាវ និងពីស្រាលទៅធ្ងន់ធ្ងរ ហើយឈានទៅកាន់សភាពរ៉ាំរ៉ៃ។ មូលហេតុនៃអាការរមាស់ទូទៅ ខុសដាច់ពីជំងឺថ្លើមដែលមិនដឹងច្បាស់លាស់ ហើយក្រៅពីភាពទាក់ទងជាមួយរោគសញ្ញាថ្លើមដំបូង និងការស្ទះលំហូរទឹកប្រមាត់ ដែលស្ដែងឱ្យឃើញតាមរយៈអាការរមាស់នៅលើស្បែកខុសប្រក្រតី ឬអាការកើតមុននៅលើស្បែក។
ការរមាស់ពីជំងឺថ្លើម គឺបណ្តាលមកពីការកកស្ទះទឹកប្រមាត់ ដែលក្នុងនោះកម្រិតនៃការបញ្ចេញទឹកប្រមាត់កើនឡើងនៅក្នុងចរន្តឈាម។ ដោយសារការស្ទះនៃបំពង់ហូរទឹកប្រមាត់ កោសិកាថ្លើមត្រូវបានទទួលខុសត្រូវនូវការផលិតទឹកប្រមាត់ចេញមកខាងក្រៅ។ ហើយទឹកប្រមាត់ដែលហូរតាមបំពង់ទឹកប្រមាត់ ឆ្លងកាត់លំពែង និងចូលក្នុងពោះវៀនតូចទាំងមូលទៅវិញ។ ទឹកប្រមាត់ ពិតជាបានជួយថ្លើមក្នុងការកម្ចាត់កាកសំណល់ ជាតិពុលចេញពីរាងកាយ និងជួយឱ្យពោះវៀនធំស្រូបយកខ្លាញ់បានល្អ។ តែប្រតិបត្តិការខុសប្រក្រតី ទើបបណ្ដាលឱ្យថ្លើមចាប់ផ្ដើមខូច និងកើតជាជំងឺរលាក។
យ៉ាងណាមិញ ថ្លើម មានតួនាទីបន្សាបជាតិពុល និងច្រោះអំបិលក្នុងទឹកប្រមាត់។ ប្រសិនបើទង្វើនេះកើតឡើង មានន័យថា ការប្រមូលផ្តុំអំបិលក្នុងទឹកប្រមាត់ កើតជាអាស៊ីដទឹកប្រមាត់ និងប៊ីលីរុយប៊ីន ដែលជាការប្រមូលផ្តុំនូវសារធាតុពុលទាំងនេះបណ្តាលឱ្យរលាក ហើយហុចផលអាក្រក់មកលើស្បែក ជាការកើតមានអាការរមាស់នៅលើស្បែក។ ការស្រាវជ្រាវវេជ្ជសាស្ត្រ ក៏បានបង្ហាញពីការយល់ដឹងបន្ថែមទៀតថា សារធាតុគីមីមួយចំនួនដែលមនុស្សបានប្រើប្រាស់លើចំណីអាហារ និងថ្នាំថែរក្សាសម្រស់ក៏បណ្តាលឱ្យកើតជំងឺថ្លើម និងរមាស់ដូចគ្នាដែរ។ នៅទីបំផុតក៏កើតមានវិធីសាស្រ្តថ្មីនៃការព្យាបាលរបស់ក្រុមគ្រូពេទ្យលំដាប់ពិភពលោក។
លក្ខណៈនៃការកើតអាការរមាស់លើស្បែកដោយសារជំងឺថ្លើម អាការរមាស់ទូទៅដែលកើតឡើងនៅទូទាំងខ្លួនដែលបណ្តាលមកពីជំងឺថ្លើម អាចកើតមានមុនពេលមានរោគសញ្ញាដំបូង ឬរោគសញ្ញានៃការកកស្ទះទឹកប្រមាត់នៅក្នុងថ្លើម។ អាការរមាស់នៃជំងឺមានជាច្រើនសណ្ឋានណាស់ រោគសញ្ញាភាគច្រើនគឺធ្ងន់ធ្ងរនៅលើដងខ្លួន ជាពិសេសនៅបាតដៃ និងបាតជើង។ រោគសញ្ញានេះធ្ងន់ធ្ងរបំផុត គឺពេលល្ងាច និងពេលយប់ ទើបវាហុចផលប៉ះពាល់ដល់ការគេងនាពេលយប់។ មួយវិញទៀត នៅពេលរោគសញ្ញានេះកាន់តែធ្ងន់ធ្ងរខ្លាំងឡើង គឺនៅក្នុងអំឡុងពេលមានរដូវចំពោះស្ត្រី ឬការព្យាបាលជំនួសដោយអ័រម៉ូន ពេលមានផ្ទៃពោះដំបូង ការប៉ះពាល់ជាមួយរោមសត្វ និងចំហាយក្ដៅ ដូចជាការងូតទឹកក្តៅជាដើម។
រោគសញ្ញាដែលមិនច្បាស់ រាងស្រពិចស្រពិលគឺ ការអេះស្បែក ហើយក៏មិនកើតឱ្យឃើញស្លាកស្នាមរោគសញ្ញានៅលើស្បែក។ ពេលខ្លះដំបៅដូចជា កន្ទួល ឬពងបែក អាចកើតឡើងនៅលើស្បែកជារឿយៗ ហើយត្រូវបានគេច្រឡំចំពោះរោគសញ្ញានៃជំងឺសើរស្បែកដំណាក់កាលដំបូង។
កំណត់សញ្ញានៃអាការជំងឺថ្លើមក្រៅពីរមាស់
ស្បែក និងភ្នែកមានពណ៌លឿង នៅពេលដែលកើតអាការនេះពេញដងខ្លួន នោះស្បែកនៃរាងកាយរបស់អ្នកទាំងមូលនឹងប្ដូរពណ៌ប្រែជាពណ៌លឿង វាជាសញ្ញាមួយបង្ហាញថា មុខងារនៃថ្លើមរបស់អ្នកកំពុងតែចុះខ្សោយ។ ស្បែកពណ៌លឿងនេះ ត្រូវបានគេទទួលស្គាល់ថា ជាជំងឺខាន់លឿង អាចកើតមានឡើងនៅពេលដែលថ្លើមត្រូវបានបំផ្លាញ។ មូលហេតុទូទៅបំផុតនៃការខូចថ្លើម រួមមាន ជំងឺរលាកថ្លើម ការទទួលទានគ្រឿងស្រវឹង ការប្រើគ្រឿងញៀន ការប៉ះពាល់សារធាតុគីមី និងការឆ្លងមេរោគផ្សេងៗ។
រោគសញ្ញាមួយទៀតនៅក្នុងចំណោមរោគសញ្ញាទូទៅបំផុតនៃបញ្ហាថ្លើម គឺរមាស់ស្បែកមុខ និងស្បែកក្បាល។ បញ្ហាកន្ទួលក្រហម ហើយមានលក្ខណ:រមាស់ចង់តែអេះ ហើយវាមិនត្រឹមតែលេចឡើងនៅលើផ្ទៃមុខនោះទេ សូម្បីតែស្បែកក្បាល ដងខ្លួនទាំងមូលក៏មានដែរ។ជំងឺរមាស់ស្បែកនេះ ឈប់កើតមានឡើង លុះត្រាតែអ្នកព្យាបាលជំងឺថ្លើមឱ្យជាសះស្បើយ។ ទន្ទឹមនឹងនេះផងដែរ រោគសញ្ញារមាស់ ដែលកើតឡើងដោយសារតែជំងឺថ្លើម បានហុចផលអាក្រក់ចំពោះក្រុមអ្នកញៀនជាតិស្រវឹង ដែលមិនព្រមទទួលការព្យាបាលថែមទៀតផង៕
