ឡារ៉ែន សូមណែនាំពីវិធីកម្ចាត់មុនខ្មៅ និងមុនអង្កាមនៅលើច្រមុះដោយវិធីងាយៗ ហើយជឿថា អ្នកទាំងអស់គ្នាធ្លាប់ជួបប្រទះបញ្ហានេះរួចហើយ នៅតាមចំណុចផ្សេងៗនៅលើស្បែកមុខ ជាពិសេសនៅលើច្រមុះផ្ទាល់តែម្ដង ទើបយើងលើកយកនូវអាថ៌កំបាំងនៃការកម្ចាត់មុនក្បាលខ្មៅ និងមុនអង្កាមនៅលើច្រមុះនេះ មកប្រាប់ប្រិយមិត្តអ្នកអានទាំងអស់គ្នា។
របស់ដែលអ្នកត្រូវត្រៀមជាស្រេច
1. កន្សែងត្រាំទឹកក្ដៅឧណ្ហៗឱ្យសើមជោក
2. អំបិលម៉ដ្ឋ
3. ទឹកក្រូចឆ្មារ 1 ចំហៀង
4. ទឹកឃ្មុំ 1 ស្លាបព្រាបាយ
វិធីធ្វើ
1 . ចាប់ផ្ដើមយកកន្សែងក្ដៅឧណ្ហៗមកស្អំនៅលើច្រមុះរយៈពេល10នាទី ដើម្បីឱ្យមុនអង្កាមដែលជាខ្លាញ់នៅក្នុងរន្ធរោមនោះបើកមុខ និងកកជាដុំរឹងៗ ហើយអ្នកត្រូវរំលាយខ្លាញ់មុន ដោយកម្ដៅក្រណាត់ឧណ្ហៗ។
2 . នៅពេលខ្លាញ់មុនចាប់ផ្ដើមរលាយហើយ អ្នកត្រូវសម្អាតចេញម្ដងបន្ដិចៗ ដើម្បីឱ្យរន្ធរោមបិទមុខវិញ។
3. យកអំបិល ទឹកក្រូចឆ្មារ ទឹកឃ្មុំ ដែលផ្សំចូលគ្នាហើយ មកម៉ាស្សា និងស្អំដោយដៃថ្នមៗរយៈពេល10នាទី។
4. បន្ទាប់មកយកកន្សែងក្ដៅឧណ្ហៗ មកជូតចេញដោយថ្នមៗ។
5. ជាចុងក្រោយ ចូរលាងមុខជាមួយទឹកធម្មតាដើម្បីឱ្យរន្ធរោមបង្រួមខ្លួនតូចឡើងវិញ៕
