សូម​រំលែក​ទុក្ខក្រៀមក្រំ !! អ្នកនាង យក់ ឋិតរដ្ឋា បាត់បង់ជីដូនជាទីស្រឡាញ់

នៅក្នុងថ្ងៃនេះ អ្នកនាង យក់ ឋិតរដ្ឋា កំពុងតែជួបទុក្ខ យ៉ាងក្រៀមក្រំជាទីបំផុត ខណៈដែលបានបាត់បង់ លោកយាយជាទីស្រឡាញ់របស់ខ្លួន ដោយលោកយាយបានទទួលមរណភាព ដែលដំណឹងនេះ បានធ្វើឱ្យមហាជន មានក្ដីស្លុតចិត្តជាខ្លាំង និងបានចូលរួមរំលែកទុក្ខ ដ៏ក្រៀមក្រំមួយនេះ ជាមួយក្រុមគ្រួសារផងដែរ។

ជាក់ស្ដែង នៅលើគណនីហ្វេសប៊ុករបស់ អ្នកនាង យក់ ឋិតរដ្ឋា បានសរសេរសារ ដែលពោរពេញដោយទុក្ខសោក យ៉ាងក្រៀមក្រំ និងក្ដុកក្តួលយ៉ាងដូច្នេះថា «លោកយាយបានធ្វើច្រើនពេករហូតដល់ចៅ មិនអាចរៀបរាប់អស់ទេ យាយអើយពីថ្ងៃនេះទៅ យាយលែងឈឺចាប់ទៀតហើយ តែពួកខ្ញុំ ក៏លែងមានលោកយាយទៀតដែរ ពីពេលនេះតទៅ»។

សូមជម្រាបដែរថា តាមរយៈការបង្ហោះសារ ដែលពោរពេញទៅដោយទុក្ខសោកមួយនេះ បានធ្វើអ្នកលេងបណ្ដាញសង្គម ជាពិសេសអ្នកគាំទ្រ បាននាំគ្នាចូលរួមរំលែកទុក្ខ ព្រមទាំងបួងសួង ឱ្យវិញ្ញាណក្ខន្ធលោកយាយ ទៅកាន់សុខគតិភព ផងដែរ៕