តាមរយៈសារព័ត៌មាន Teenee បានចេញផ្សាយនៅថ្ងៃ6 ខែកក្ដដា បានឱ្យដឹងថា នៅវេលា 9 និង 00 នាទី មានភ្នាក់ងារយកព័តមានបានរាយការណ៍មកថា អ្នកជួយសង្គ្រោះផ្នែកជ្រមុជទឹកស្ម័គ្រចិត្ត និងជាទ័ពជើងម្នាក់មានឈ្មោះ សាម៉ាណ គុណាន់ មានវ័យ 38 ឆ្នាំ បានទទួលភារកិច្ចបញ្ចូនដបខ្យល់ចេញពីសាលទី 3 នៅក្នុងរូងភ្នំថាំលួង ទៅកាន់ចំនុចផ្សេងៗ បរិវេណផ្លូវបំបែក 3 ចាប់តាំងពីវេលាថ្ងៃម្សិលមិញ ថ្ងៃទី 5 ខែកក្កដា វេលាម៉ោង 8 និង 37 នាទីយប់។ នៅពេលបានបញ្ចប់ភារកិច្ច ខណៈដែលជ្រមុជទឹកត្រឡប់មកវិញ ក៏បានបាត់បង់ស្មារតីនៅក្នុងទឹកតែម្ដង។
គូដែលបានជ្រមុជជាមួយគ្នា ក៏បានធ្វើការជួយលោក ដោយការជួយសង្គ្រោះបឋម CPR តែនៅមិនទាន់មានស្មារតីដឹងខ្លួននៅឡើយទេ ទើបបាននាំលោកត្រឡប់មកកាន់សាលទី 3 វិញ ដើម្បីបញ្ចូនទៅកាន់មន្ទីរពេទ្យភ្លាមៗ។ តែជាអកុសល លោកនៅតែមិនទាន់ដឹងខ្លួនទៀត រហូតដល់បាត់បង់ជីវិតនៅវេលាម៉ោង ប្រមាណជា 01 និង00 នាទីទាបភ្លឺ។ គួរបញ្ជាក់ផងដែរថា នៅវិនាទីចុងក្រោយ មន្ត្រីជំនាញបានបញ្ជូនសពរបស់លោកមកកាន់មាត់រូងភ្នំថាំលួង និងនាំទៅធ្វើបុណ្យតាមប្រពៃណីព្រះពុទ្ធសាសនា។
សូមជម្រាបជូនបន្ថែមថា វិរៈបុរសដែលបានបាត់បង់ជីវិតមានឈ្មោះ លោក សាម៉ាណ គុណាន់ ជាអ្នកវាយប្រហារក្រោមទឹកស្ម័គ្រចិត្ត ជំនាន់ទី 30 មានវ័យ 38 ឆ្នាំ បច្ចុប្បន្នមានតួនាទី ជាភ្នាក់ងារសន្ដិសុខសម្របសម្រួលនៅក្នុងអាកាសយានដ្ឋានសុវណ្ណភូមិ នៃក្រុមហ៊ុនអាកាសចរថៃ។ អាចនិយាយបានថា ព័ត៌មាននេះបានសាងភាពរន្ធត់ចិត្ត និងសោកសៅបំផុតរបស់មនុស្សគ្រប់គ្នានៅពេលនេះ។ សូមចូលរួមរំលែកទុក្ខយ៉ាងក្រៀមក្រំ៕
