តាមរយៈសារព័ត៌មាន Mthai ដែលបានចេញផ្សាយនៅថ្ងៃទី14 ខែវិច្ឆិកា ឆ្នាំ2017 បានឱ្យដឹងថា កំពូលតារាត្លុក Mr. Bean ឬមានឈ្មោះពិតថា Rowan Atkinson បានប្រកាសថា លោកកំពុងត្រៀមស្វាគមន៍បុត្រទី 3 របស់លោកដែលបានមកចាប់កំណើតនឹងភរិយារបស់លោក អ្នកនាង Louise Ford ដែលមានវ័យ 33 ឆ្នាំ។
តារាប្រុសវ័យ 62 ឆ្នាំរូបនេះ មានកូនប្រុសស្រីចំនួន 2 នាក់រួចមកហើយជាមួយនឹងអតីតភរិយាលោកឈ្មោះ Sunetra Sastry ដែលកូនប្រុសមានឈ្មោះ Ben មានវ័យ 23 ឆ្នាំ និង Lyli មានវ័យ 21 ឆ្នាំហើយ។ គួររំឭកផងដែរថា លោក និងភរិយាឈ្មោះ Sunetra Sastry បានចែកផ្លូវគ្នានៅអំឡុងឆ្នាំ 2014 ក្រោយមកលោកក៏បានទាក់ទងជាមួយនឹងភរិយាបច្ចុប្បន្នរបស់លោកគឺ អ្នកនាង Louise Ford ដែលអ្នកទាំងពីរធ្លាប់បានស្គាល់គ្នាតាំងពីឆ្នាំ2012 មកម្ល៉េះ ហើយបានមើលចិត្តគ្នាអស់រយៈពេល 2 ឆ្នាំផងដែរទើបរៀបការ។ ក្រោយពេលដែលអ្នកនាង Louise Ford បានរៀបអាពាហ៍ពិពាហ៍ជាមួយកំពូលតារាកំប្លែងរូបនេះហើយ អ្នកនាងក៏បានចូលមករស់នៅក្នុងវីឡាដ៏ប្រណីតរបស់ស្វាមី ដែលមានតម្លៃជាង 4.65 លានផោន ហើយខណៈនេះ អ្នកនាងកំពុងតាំងគភ៌ជាមួយតារាកំប្លែងរូបនេះ ដែលនេះគឺជាបុត្រទី 3 របស់លោកផងដែរ៕
