ថ្មីហើយប្លែកសម្រាប់អ្នកដែលនិយមចូលចិត្តទស្សនានូវខ្សែភាពយន្តដែលល្បីល្បាញ និងខ្សែភាពយន្តដែលទទួលបានការពេញនិយមបំផុតនៅលើឆាកអន្តរជាតិ និងរឿងភាគក្នុងស្រុក រួមនឹងខ្សែភាពយន្តរបស់លោកខាងលិចទៀតផង ដោយលោកអ្នកអាចសាកល្បងទាញយក និងដំឡើងកម្មវិធីមួយនេះដាក់លើទូរស័ព្ទ ឬ Tablet ដើម្បីបានចូលទស្សនា Free Free។
កម្មវិធីមួយនេះមានឈ្មោះថា iflix វាជាសេវាកម្មវីដេអូតាមតម្រូវការ (SVoD) ឈានមុខគេក្នុងទីផ្សារដែលកំពុងតែមានការរីកចម្រើនទាំងក្នុងតំបន់ និងពិភពលោក ដោយពេលនេះវាអាចដំណើរការសម្រាប់ទីផ្សារកម្ពុជាយើងបានហើយកាលពីព្រឹកថ្ងៃទី7 ខែសីហា ឆ្នាំ 2017 នេះ ជាមួយនឹងការផ្ដល់នូវការសាកល្បង Free រយៈពេល 3 ខែដោយឥតគិតថ្លៃ បន្ទាប់មកកម្មវិធីនេះនឹងតម្រូវឱ្យបង់ប្រាក់ប្រចាំខែ 3 ដុល្លារ/ខែ។ កម្មវិធីនេះនឹងផ្ដល់ជូននូវខ្សែភាពយន្តដែលល្បីៗដូចជា រឿងThe Flash និង The Magicians និងខ្សែភាពយន្តកូរ៉េ Goblin រឿង The Legend of the Blue Sea និង The Bride of Habaek ជាដើម។
មិនតែប៉ុណ្ណោះ ខ្សែភាពយន្ដ និងកម្មវិធីទូរទស្សន៍ដែលមានប្រជាប្រិយបំផុតរបស់ iflix នឹងត្រូវចាក់បញ្ចាំងដោយមានអក្សរជាភាសាខ្មែររត់ (Subtitles) ពីខាងក្រោមទៀតផង ដោយកម្មវិធីនេះនឹងដាក់ឱ្យដំណើរការក្នុងប៉ុន្មានខែដ៏ខ្លីខាងមុខនេះ។
សម្រាប់អ្នកមានគណនីលើកម្មវិធី iflix លោកអ្នកអាចប្រើប្រាស់លើឧបករណ៍បានចំនួន 5 ផ្សេងគ្នាក្នុងពេលតែមួយដូចជា ទូរស័ព្ទ ថេប្លេត (Tablet) កុំព្យូទ័រលើតុ ទូរទស្សន៍ និង Smart TV ជាដើម។ កម្មវិធី iflix នេះអាចទាញយកបានពី Google Play Store ឬ Apple App Store ៕
