ក្រោយពីបានដាក់សំណើរ បញ្ជូន អត្តពលិក និង គ្រូបង្វឹកប្រដាល់សកលក កម្ពុជា៥រូប សុំការហ្វឹកហាត់ រយៈពេល៣ខែ នៅក្រៅប្រទេស ពីសហព័ន្ធកីឡាប្រដាល់សកលពិភពលោក អៃ បា រួចមក នោះ លោកប៊ុយ សុភ័ណ្ឌ ដែលជាអគ្គលេខាធិកាសហព័ន្ធកីឡាមួយនេះ មានជំនឿចិត្តរហូតទៅដល់៧០ភាគរយ ថានឹងអាចទទួលបានការហ្វឹកហាត់មួយនេះ បន្ទាប់ពីអៃ បា បានទម្លាក់ការស្នើនេះ ទៅឱ្យសហព័ន្ធកីឡាប្រដាល់សកល ទ្វីបអាស៊ីចាត់ចែង។
លោកប៊ុយ សុភ័ណ្ឌ បានមានប្រសាសន៍ថា៖ មកដល់ពេលនេះ យើងកំពុងតែរង់ចាំភ្លើងខៀវ របស់សហព័ន្ធកីឡាប្រដាល់ទ្វីបអាស៊ី ដែលជាសេនាធិការរបស់សហព័ន្ធកីឡាប្រដាល់សកលពិភពលោក ឆ្លើយតប បន្ទាប់ពីគេរៀបចំជើងឯកកីឡាប្រដាល់សកលទ្វីបអាស៊ីរាល់ចប់។
លោក ប៊ុយ សុភ័ណ្ឌ អគ្គលេខាធិកាសហព័ន្ធកីឡាប្រដាល់សកលកម្ពុជា (រូបពាក់វ៉ែនតា)
ការស្មើសុំនេះ កម្ពុជា បានដាក់សំណើរទៅ២ប្រទេសទៅ អៃបា ដើម្បីសុំការហ្វឹកហាត់ គឺមាន ប្រទេសគុយបា និង សកាហ្សាក់ស្ថាន។ ដោយ២ប្រទេសនោះ គឺលោកជឿជាក់ ជាង៧០ភាគរយ ដែលអត្តពលិកកម្ពុជាយើងត្រូវបានទទួលការហ្វឹកហាត់នៅប្រទេសកាហ្សាក់ស្ថាន។
លោកបញ្ជាក់បន្ថែមថា៖ មូលហេតុ ដែលសហព័ន្ធប្រដាល់កម្ពុជា បានដាក់សំណើរទៅប្រទេសកាសាកស្ថាននោះ គឺដោយសារតែកន្លែងហ្វឹកហាត់ស្ដងដាអន្តរជាតិរបស់ សហព័ន្ធប្រដាល់សកលពិភពលោក អៃបានៅទីនោះ ហើយ សហព័ន្ធប្រដាល់សកលពិភពលោកក៍បានទម្លាក់ការស្នើនេះ មកឱ្យសហព័ន្ធកីឡាប្រដាល់សកលទ្វីបអាស៊ី ដែលមានទីស្នាក់ការនៅទីនោះចាត់ចែងតែម្ដង។
ការចេញទៅហ្វឹកហាត់រយៈពេល៣ខែនោះ គឺជាការត្រៀមខ្លួនចូលរួមប្រកួតកីឡាស៊ីហ្គេម នៅប្រទេសម៉ាឡេស៊ី នាខែសីហា ខាងមុខនេះ ដោយសហព័ន្ធសង្ឃឹមឈ្នះមេដាយ ត្រឹមតែ១គ្រឿងប៉ុណ្ណោះ។
ជាមួយគ្នានេះផងដែរលោក ហ្គោល ឌិនតាំង អនុប្រធានគណៈកម្មកាជាតិអូឡាំពិកម្ពុជា ក៍បានជួយធ្វើការ ឧបត្តម្ភថ្លៃធ្វើដំណើរសម្រាប់ក្រុមកីឡាករប្រដាល់សកលកម្ពុជា ដែលចេញទៅហ្វឹកហាត់លើកនេះផងដែរ ៕
