មហាសេដ្ឋី ចេហ្វ បេហ្សូស (Jeff Bezos) និងមិត្តស្រី ឡរ៉េន សែនឆែស (Lauren Sanchez) បានធ្វើទស្សនកិច្ច ព្រៃអាម៉ាហ្សូន ក្នុងយុទ្ធនាការមនុស្សធម៌។
លោក ចេហ្វ បេហ្សូស និង ឡរ៉េន សែនឆែស ធ្លាប់ត្រូវបានគេមើលឃើញថា ស៊ីចង្វាក់គ្នាក្នុងរឿងជាច្រើន តាំងពីការរស់នៅ រហូតដល់ការងារមនុស្សធម៌។ ថ្មីៗនេះ ម្ចាស់ក្រុមហ៊ុន អាម៉ាហ្សូន និងមិត្តស្រី រួមដៃគ្នាបង្កើតគម្រោង ៣០x៣០ ដោយសន្យាការពារផ្ទៃដី ៣០% របស់ពិភពលោក មុនឆ្នាំ ២០៣។
អ្នកទាំងពីរស្លៀកពាក់សាមញ្ញៗ ដោយស្លៀកខោខូវប៊យ និងអាវសឺមីពណ៌សបែបវ័យក្មេង។ ឡរ៉េន សែនឆែស បានចែករំលែកអំពីដំណើរទស្សនកិច្ចក្នុង ព្រៃអាម៉ាហ្សូន របស់ពួកគេនៅលើ Instagram ដោយមានវត្តមានរបស់ ប្រធានាធិបតីកូឡុំប៊ី Ivan Duque៖ «មូលនិធិផែនដី បេហ្សូស បានសន្យាផ្ដល់ ១ ពាន់លានដុល្លារដើម្បីជួយការពារដី និងសមុទ្រក្នុងផ្ទៃក្រឡា ៣០% របស់ពិភពលោករហូតដល់ឆ្នាំ ២០៣។ ការប្រឹងប្រែងរបស់យើងនឹងផ្ដោតទៅលើតំបន់សំខាន់ៗទាក់ទងនឹងជីវចម្រុះ មានផ្ទុកកាបូនកម្រិតខ្ពស់ និងតំបន់ដែលបណ្ដារដ្ឋាភិបាលបានបង្ហាញអំពីការប្ដេជ្ញាចិត្ត»។
មិត្តស្រីរបស់មហាសេដ្ឋីអាម៉េរិក ខាងលើ ក៏បានបន្ថែមថា មូលនិធិផែនដី បេហ្សូស បានសន្យាផ្ដល់ ១៧១ លានដុល្លារ ដើម្បីការពារ និងកែលម្អជួរភ្នំ Andes និងតំបន់អភិរក្សសមុទ្រឆ្លងព្រំដែនធំបំផុតរបស់ពិភពលោកផងដែរ។
