PR - La Reine Media

សិស្សវិទ្យាល័យព្រែកឯងទទួលបានកុំព្យូរទ័រ 15គ្រឿងពីក្រុមហ៊ុនស្រាបៀរ HEINEKEN

ភ្នំពេញ៖ កាលពីថ្ងៃទី 4 ខែកញ្ញាឆ្នាំ 2017 ប្រធានក្រុមហ៊ុនស្រាបៀរ HEINEKEN ប្រចាំតំបន់អាស៊ីប៉ាស៊ីហ្វិច (HAP) បានឧបត្ថម្ភកុំព្យូទ័រចំនួន15 គ្រឿងនិងម៉ាស៊ីនបោះពុម្ពមួយគ្រឿងទៅឱ្យវិទ្យាល័យព្រែកឯង។ ពិធីប្រគល់អំណោយនេះក្រោមអធិបតីភាពលោក Dato’ Sri Idris Jala និងលោកស្រី Mrs. Tineke Eusman តំណាងប្រធាន ក្រុមហ៊ុនស្រាបៀរ HEINEKEN ប្រចាំតំបន់អាស៊ីប៉ាស៊ីហ្វិច និង លោកចេង មុនីរ៉ា អភិបាលខណ្ឌច្បារអំពៅលោកប៉ាងវិសុទ្ធ នាយកសាលា លោកអ្នកគ្រូបង្រៀននិងសិស្សានុសិស្សនៃសាលាវិទ្យាល័យព្រែកឯង ។

លោក ប៉ាង វិសុទ្ធ នាយកវិទ្យាល័យព្រែកឯង បានចែករំលែកពីការលំបាកដែលសិស្សានុសិស្សបានជួបប្រទះដោយសង្កត់ធ្ងន់ថា កន្លងមកសាលានេះបានបង្រៀនសិស្សជាច្រើនជំនាន់លើមុខវិជ្ជាកុំព្យូទ័រ ប៉ុន្តែកុំព្យូទ័រទាំងអស់ចាស់ហើយមិនអាចប្រើកើតទេ។ ដូច្នេះលោកគ្រូអ្នកគ្រូ ត្រូវយកកុំព្យូទ័រផ្ទាល់ខ្លួនមកបង្រៀនសិស្សអំពីទ្រឹស្តីកុំព្យូទ័រដោយមិនបានអនុវត្តជាក់ស្តែងនោះទេ។

ជាមួយគ្នានះលោក Dato’ Sri Idris Jala តំណាងប្រធានក្រុមហ៊ុនស្រាបៀរ HEINEKEN ប្រចាំតំបន់អាស៊ីប៉ាស៊ីហ្វិចបានថ្លែងថា តាមរយៈការអប់រំនេះហើយ ដែលធ្វើឱ្យមនុស្សក៏ដូចជារូបលោកអាចងើបចេញពីវដ្តនៃភាពលំបាកនិងភាពក្រីក្រ។ លោកជឿជាក់ថា ការអប់រំល្អគឺចាំបាច់សម្រាប់ធានានូវអនាគតភ្លឺសា្វង «យើងមានអារម្មណ៍ថាយើងត្រូវធ្វើអ្វីមួយ នូវពេលបានដឺងថាសិស្សានុសិស្សនៅក្នុងសាលានេះមិនអាចរៀនជំនាញកុំព្យូទ័រ ដោយសារតែកុំព្យូទ័រចាស់លែងប្រើកើត។ នៅក្នុងពិភពឌីជីថលសព្វថ្ងៃនេះវាមានសារៈសំខាន់ណាស់ ដែលយុវសិស្សរបស់យើងត្រូវមានចំណេះដឹងផ្នែកកុំព្យូទ័រ ដើម្បីធានាថាពួកគេមានឱកាសស្មើភាព ដើម្បីប្រកួតប្រ ជែងនិងប្រាស្រ័យទាក់ទងជាមួយពិភពលោកដ៏ទំនើបនេះ»។

លោក Dato’ Sri Idris Jala បានសន្និដ្ឋានថា «យើងសង្ឃឹមថាកិច្ចខិតខំប្រឹងប្រែងរបស់យើង នឹងជួយកាត់បន្ថយផលលំបាក ដែលសិស្សានុសិស្សកំពុងប្រឈមមុខ និងលើកទឹកចិត្តពួកគេឱ្យចាត់ទុកការអប់រំជាអាទិភាពចម្បង។ ហើយយើងសង្ឃឹមយ៉ាងមុតមាំថា សម្ភាទាំងនេះនឹងត្រូវបានថែទាំឱ្យបានត្រឹមត្រូវនិងប្រើប្រាស់យ៉ាងមានប្រសិទ្ធភាព ក្នុងរយៈពេលវែង ដែលជានិមិត្តរូបនៃទំនាក់ទំនងមិត្តភាពរវាងកម្ពុជា និងប្រធានក្រុមហ៊ុន HEINEKEN ប្រចាំតំបន់អាស៊ីប៉ាស៊ីហ្វិច»។

លោក ប៉ាង វិសុទ្ធ នាយកវិទ្យាល័យព្រែកឯង បានថ្លែងអំណរគុណយ៉ាងជ្រាលជ្រៅចំពោះប្រធានក្រុមហ៊ុនស្រាបៀរ HEINEKEN ប្រចាំតំបន់អាស៊ីប៉ាស៊ីហ្វិចដែលបានប្រគល់កុំព្យូទ័រចំនួន 15គ្រឿងនិងម៉ាស៊ីនព្រីនមួយគ្រឿង ហើយនឹងជួយជួសជុលបន្ទប់កុំព្យូទ័រ ដើម្បីធានាឱ្យមានបរិយាកាសសិក្សាល្អសម្រាប់សិស្ស។ បន្ទាប់ពីទទួលបានកុំព្យូទ័រថ្មីនៅថ្ងៃនេះសាលានឹងរៀបចំបង្រៀនសិស្ស 280 នាក់ក្នុងមួយខែដើម្បីរៀននិងអនុវត្តនៅក្នុងបន្ទប់កុំព្យូទ័រនេះ៕

September 5, 2017

ពិព័រណ៍វិស័យសុខាភិបាល និងសម្ផស្សធំជាងគេក្នុងប្រទេសកម្ពុជានឹងចាប់ផ្ដើមឆាប់ៗនេះ

នៅថ្ងៃទី15 ដល់ថ្ងៃទី 17 ខែកញ្ញា ឆ្នាំ 2017 នឹងមានកម្មវិធីពិព័រណ៍វិស័យសុខាភិបាល និងសម្ផស្សធំជាងគេ ដែលនឹងធ្វើឡើងនៅទីតាំងអគារ A នៃមជ្ឈមណ្ឌលសន្និបាត និងពិព័រណ៍កោះពេជ្រ ដោយចាប់ផ្ដើមពីម៉ោង 9ព្រឹក ដល់ម៉ោង 5ល្ងាច ជាពិសេសគឺចូលរួមដោយសេរី។

ការតាំងពិព័រណ៍នេះ គឺមានក្រុមហ៊ុនចំនួន 50 ចូលរួម ដែលមកពីបណ្ដាប្រទេសដូចជាឥណ្ឌា ម៉ាឡេស៊ី អាមេរិក សឹង្ហបុរី ចិន ថៃ វៀតណាម និងកម្ពុជា៕

September 4, 2017

ស៊ីម៉ងត៍អូដ្ឋថ្មី ជាមួយបេសកកម្ម “សាងសង់ដោយមោទនភាព” អនុញ្ញាតឲ្យអតិថិជនពិសោធន៍នូវគុណភាពដ៏រឹងមាំនៃស៊ីម៉ងត៍ជាតិមួយនេះបាន

ចាប់ពីខែវិចិ្ឆកានេះតទៅ ប្រជាជនកម្ពុជាអាចចូលរួមធ្វើជាសាក្សីនៃគុណភាពដ៏រឹងមាំរបស់ស៊ីម៉ងត៍ដែលផលិតក្នុងស្រុកបានហើយ។ ក្រុមការងាររបស់ក្រុមហ៊ុន ជីបម៉ុង អ៊ិនស៊ី ស៊ីមេន ខបភើរេសិន នឹងធ្វើដំណើរជុំវិញទីក្រុងភ្នំពេញនិងតាមបណ្តាលខេត្តមួយចំនួនក្នុងព្រះរាជាណាចក្រកម្ពុជាចាប់ពីថ្ងៃទី 4 ខែកញ្ញា រហូតដល់ខែតុលា ឆ្នាំ 2017 ដើម្បីឲ្យអ្នកប្រើប្រាស់យល់កាន់តែច្បាស់នូវគុណភាពនៃស៊ីម៉ងត៍ដែលជាផលិតក្នុងស្រុកមួយនេះ។

លោក ឧកញ៉ា លាង ម៉េង អគ្គនាយក ក្រុមហ៊ុន ជីបម៉ុង អ៊ិនស៊ី ស៊ីមេន ខបភើរេសិន បានមានប្រសាសន៍ថា៖ «យើងចង់ឲ្យប្រជាជនកម្ពុជាបានស្គាល់កាន់តែច្បាស់ក៏ដូចជាធ្វើ ជាសាក្សីនូវគុណភាពដ៏រឹងមាំនៃស៊ីម៉ងត៍ដែលផលិតនៅក្នុងទឹកដីកម្ពុជា ស៊ីម៉ងត៍របស់យើងមានគុណភាពល្អមិនចាញ់ផលិតផលនាំចូលពីបរទេសដែរ។ វាជាស៊ីម៉ងត៍ដ៏រឹងមាំបំផុតមួយក្នុងស្រុកដែលជាទីមោទនភាពរបស់ប្រជាជនកម្ពុជាគ្រប់រូប។ »

សម្រាប់ថ្ងៃទី 4 និងទី 5 ខែកញ្ញានេះ ក្រុមការងារក្រុមហ៊ុន ជីបម៉ុង អ៊ិនស៊ី ស៊ីមេនខបភើរេសិន នឹងធ្វើដំណើរជុំវិញទីក្រុងភ្នំពេញ ហើយអតិថិជនអាចចូលរួមថតរូបដើម្បីឈ្នះរង្វាន់ដ៏ច្រើនសន្ធឹកសន្ធាប់។ ហើយនៅថ្ងៃទី 6 និងទី 7 ខែកញ្ញា នេះក្រុមការងារជំនាញរបស់ក្រុមហ៊ុន ជីបម៉ុង អ៊ិនស៊ី ស៊ីមេនខបភើរេសិន នឹងបន្តធ្វើដំណើរទៅជួបប្រជាជនកម្ពុជានៅផ្សារអូឬស្សី និងផ្សារអូឡាំពិក ដោយមានការផ្តល់នូវព័ត៌មានពីផលិតផលថ្មីៗ ការលេងល្បែងកម្សាន្តដើម្បីយករង្វាន់ ព្រមទាំងកម្មវិធីសប្បាយៗជាច្រើនទៀត។ ប្រជាជនកម្ពុជាអាចចូលរួមពិសោធន៍គុណភាពស៊ីម៉ងត៍របស់កម្ពុជាជាមួយក្រុមអ្នកជំនាញនិងការបង្ហាញនូវបច្ចេកទេសក្នុងការបូកស៊ីម៉ងត៍ឲ្យបានរលោងស្អាតហើយធានាគុណភាពកាន់តែជាប់បានយូរ។

ក្រុមហ៊ុន ជីបម៉ុង អ៊ិនស៊ី ស៊ីមេន ខបភើរេសិន ជួយប្រជាជនកម្ពុជាឲ្យកសាង គេហដ្ឋាន ក៏ដូចជាសំណង់អគារផ្សេងៗនៅទូទាំងប្រទេសប្រកបដោយគុណភាពខ្ពស់មានទំនុកចិត្ត សុវត្ថិភាព និងភាពជឿជាក់ដោយសារតែផលិតផលស៊ីម៉ងត៍នេះត្រូវបានកែលម្អ និងផលិតឡើងដោយយកចិត្តទុកដាក់ពីអ្នកជំនាញខ្មែរ និងបរទេសជាច្រើននាក់ដើម្បីធានានូវគុណភាពតាមស្តង់ដារអន្តរជាតិ។

ក្រុមហ៊ុន ជីបម៉ុង អ៊ិនស៊ី ស៊ីមេន ខបភើរេសិន កំពុងតែរៀបចំបើកដំណើរការរោងចក្រស៊ីម៉ងត៍ថ្មី ដ៏ទំនើបបំផុត ដែលមានទីតាំងស្ថិតនៅក្នុងស្រុកទូកមាស ខេត្តកំពត ជាមួយនឹងការចំណាយទុនទឹកប្រាក់ ចំនួន 262 លានដុល្លាអាមេរិក ដែលនឹងចាប់ផ្តើមដំណើរចាប់ពី ខែវិច្ឆិកាឆ្នាំ 2017 នេះតទៅ។ រោងចក្រស៊ីម៉ងត៍របស់ក្រុមហ៊ុន ជីបម៉ុង អ៊ិនស៊ី ស៊ីមេន នេះនឹងក្លាយជារោងចក្រស៊ីម៉ងត៍ដែលធំជាងគេនិងទំនើបបំផុតដោយប្រើបច្ចេកវិទ្យាកម្រិតខ្ពស់បំផុតនៅតំបន់អាស៊ីអាគ្នេយ៍។ អតិថិជននឹងទទួលបានផលិតផលស៊ីម៉ងត៍ពីវត្ថុធាតុដើមដែលមានគុណភាពខ្ពស់បំផុតជាមួយនឹងប្រព័ន្ធគ្រប់គ្រងបច្ចេកវិទ្យាចុងក្រោយបង្អស់។

ការវិនិយោគដ៏ធំរួមមួយនេះបានចាប់ផ្តើមឡើងនៅចុងឆ្នាំ 2015 ដោយ ក្រុមហ៊ុន ជីបម៉ុង អ៊ិនស៊ី ស៊ីមេន ខបភើរេសិន បានច្របាច់បញ្ចូលគ្នារវាងទីផ្សារក្នុងស្រុក និងការចែកចាយទីផ្សាររបស់ក្រុមហ៊ុន ជីបម៉ុងគ្រុបកម្ពុជា ជាមួយនឹងក្រុមហ៊ុន ស៊ីម៉ងត៍ស្យាម របស់ថៃដែលជាអ្នកជំនាញ ខាងវិស័យសាងសង់ ជាច្រើនទសវត្សរ៍មកហើយ។ ការវិនិយោគរួមនេះ ផ្តល់ជំហរដ៏រឹងមាំបំផុតក្នុងការកំណត់នូវតម្រូវការ និងការចង់បានរបស់អតិថិជនដៃគូ ដែលជាជាងសំណង់ និងអ្នកសាងសង់ផ្ទះគ្រប់រូបនៅក្នុងទីផ្សារកម្ពុជា ដ៏គួរឲ្យចាប់អារម្មណ៍មួយនេះ៕

September 4, 2017

A M K ផ្តល់កម្ចីទិញម៉ូតូដោយលក្ខខណ្ឌងាយៗ

ភ្នំពេញ – ក្រោយពីដំណើរការឥណទានកម្ចីទិញម៉ូតួរយៈពេលជិត2ឆ្នាំ និងទទួលបានការគាំទ្រនិងមានកំណើនអតិជនកើនឡើងជាបន្ដបន្ទាប់រួចមក គ្រឹះស្ថានមីក្រូហិរញ្ញវត្ថុអេ អឹម ខេ បានបើកយុទ្ធនាការជាលក្ខណៈទ្រង់ទ្រាយធំដើម្បីផ្ដល់អត្ថប្រយោជន៍ទ្វេដងទៅលើកម្ចីទិញម៉ូតូជូនអតិថិជន។

លោកសួន ពិសី ប្រធាននាយកប្រតិបត្ដិអាជីវកម្មឥណទាន និងធានារ៉ាប់រងខ្នាតតូច នៃគ្រឹះស្ថានមីក្រូហិរញ្ញវត្ថុ អេ អឹម ខេ បានលើកឡើងថា ឥណទាននេះបានដាក់ឱ្យដំណើរការតាំងពីចុងឆ្នាំ2015មកម្ល៉េះ ដោយចាប់ផ្ដើមនៅតាមបណ្ដាខេត្ដចំនួន8។ ដោយមើលឃើញពីសក្ដានុពល ភាពរីកចម្រើន និងកំណើនអតិថិជនដែលប្រើប្រាស់កម្ចីនេះកាន់តែមានការកើនឡើងយើងក៏បង្កើតឥណទានក្នុងទ្រង់ទ្រាយធំ គឺផ្ដល់កម្ចីទិញម៉ូតូទូទាំងប្រទេសតែម្ដង។ ជាមួយគ្នានេះយើងក៏មានយុទ្ធនាការផ្ដល់អត្ថប្រយោជន៍ទ្វេដងពីកម្ចីទិញម៉ូតូដោយចាប់ផ្ដើមពីថ្ងៃទី1 ខែកញ្ញា ដល់30 ខែវិច្ឆិកា ឆ្នាំ2017។

កម្ចីទិញម៉ូតូ អេ អឹម ខេ នឹងផ្ដល់ជូនអតិថិជនអាចឱ្យខ្ចីបាន100%នៃតម្លៃម៉ូតូ ដោយផ្ដល់ជូនមួកសុវត្ថិភាពមួយដោយឥតគិតថ្លៃក្នុងអំឡុងពេលយុទ្ធនាការរយៈពេល3ខែនេះ។ ក្រៅពីនេះអតិថិជនអាចទទួលបានអត្រាការប្រាក់ទាប និងនឹងលុបចោលបំណុលនៅពេលម្ចាស់បំណុលមានគ្រោះថ្នាក់ជាយថាហេតុរហូតបាត់បង់ជីវិត។

លក្ខខណ្ឌងាយៗដើម្បីទទួលបានឥណទានកម្ចីទិញម៉ូតូនេះ គឺគ្រាន់តែអតិថិជនបញ្ជាក់ពីលំនៅដ្ឋានអចិន្ដ្រៃយ៍ និងប្រាក់ចំណូលប្រចាំខែ និងមានអចលនទ្រព្យបញ្ចាំអតិថិជនអាចទទួលបានកម្ចី100% ដោយអតិថិជនត្រូវសងរំលស់ទៅវិញរយៈពេល36ខែ។ ក្នុងករណីអតិថិជនពុំមានអចលនទ្រព្យដាក់បញ្ចាំទេនោះ ពួកគាត់អាចដាក់ម៉ូតូដែលបានមកពីកម្ចីទិញនោះយកមកធ្វើជាទ្រព្យបញ្ចាំ ដោយគ្រឹះស្ថានមីក្រូហិរញ្ញវត្ថុតម្រូវឱ្យអតិថិជនត្រូវទិញធានារ៉ាប់រងលើការថែរក្សាម៉ូតូ ។

ប្រធាននាយកប្រតិបត្ដិអាជីវកម្ម ឥណទាន និងធានារ៉ាប់រងខ្នាតតូចនៃគ្រឹះស្ថានមីក្រូហិរញ្ញវត្ថុ អេ អឹម ខេ បញ្ជាក់ថា តាមរយៈឥណទាននេះយើងសង្ឃឹមថា ប្រជាជនដែលមានតម្រូវការម៉ូតូដើម្បីបម្រើដល់ជីវភាពប្រចាំថ្ងៃនឹងពេញចិត្ដនូវកម្ចីទិញម៉ូតូនេះ ព្រោះឥណទាននេះនឹងបើកទូលាយដល់អតិថិជនអាចមានជម្រើសយកការទិញម៉ូតូបាននៅគ្រប់ទីកន្លែង។ អាចទិញបានជាមួយក្រុមហ៊ុនជាដៃគូសហការរបស់ អេ អឹម ខេ ឬកន្លែងលក់ម៉ូតូនានាទៅតាមចំណូលចិត្ដរបស់អតិថិជន ដូច្នេះអេ អឹម ខេ ជាជម្រើសល្អបំផុតសម្រាប់អតិថិជនក្នុងការទទួលបានកម្ចីទិញម៉ូតូ៕

September 2, 2017

សប្បុរសធម៍ 3L “3L Charity (Life.Love.Laugh) #2 by KODOMO”

LION CORPORATION (THAILAND) LIMITED រួមជាមួយក្រុមហ៊ុន TSNR DISTRIBUTION CO.,LTD ដែលជាក្រុមហ៊ុនតំណាងចែកចាយផលិតផល KODOMO ក្នុងព្រះរាជាណាចក្រកម្ពុជា មានសេចក្តីសោមនស្សរីករាយក្នុងការបង្ហាញជូនយុវកុមារចំនួន 9 រូបពី កម្មវិធី KODOMO Junior Singing Contest Season 9 ដើម្បីចែករំលែកភាពសប្បាយរីករាយជូនទៅប្អូនៗក្រោមប្រធានបទ “3L Charity (Life.Love.Laugh) #2 by KODOMO” ក្នុងគោលបំណងនាំមកនូវគុណភាពប្រសើរនៃជីវិតជូនទៅសង្គម។ ផ្តល់នូវសេចក្តីស្រលាញ់ជូនគ្នាទៅវិញទៅមកពីព្រោះសេចក្តីស្រលាញ់ស្ថិតនៅជុំវិញយើងទាំងអស់គ្នា ហើយនាំមកនូវភាពសប្បាយរីករាយជូនយើងទាំងអស់គ្នា។

ជាក់ស្តែងកាលពីថ្ងៃទី 29 សីហា 2017 កន្លងទៅនេះ KODOMO បានធ្វើការផ្តល់ជូននូវផលិតក៏ដូចជាការកំសាន្តផ្សេងៗជូនដល់ប្អូនៗកុមារអង្គការគ្រួសារថ្មី ដែលជាអង្គការក្រៅរដ្ឋាភិបាលផ្តល់ការអប់រំដល់កុមារថ្លង់ និង ងងឹតភ្នែកនៅក្នុងព្រះរាជាណាចក្រកម្ពុជា។

KODOMO មានសេចក្តីសោមនស្សជាពន់ពេកដែលបានចូលរួមជាផ្នែកមួយក្នុងសង្គមកម្ពុជាផ្តល់នូវសេចក្តីស្រលាញ់ និង ភាពរីករាយដើម្បីអោយជីវិតកាន់តែប្រសើរឡើង។

សូមលោកអ្នកមេត្តាតាមដានទស្សនានិងចូលរួមគាំទ្រ KODOMO Junior Singing Contest Season 9 តាមរយ:ស្ថានីយទូរទស្សន៍MYTVដើម្បីគាំទ្រនិងលើកទឹកចិត្តយុវកុមាររបស់យើង។

សំរាប់ពត៌មានបន្ថែមសូមតាមដាននៅក្នុងទំព័រ Facebook KodomoClubCambodia: www.facebook.com/kodomoclubcambodia

August 31, 2017

ស៊ីក្លូនៃក្តីសង្ឃឹម

កម្មវត្ថុ: ស្នើសុំការជួយឧបត្ថមជាគ្រឿងឧបភោគបរិភោគ មានដូចជា៖
» អង្ករ 5តោន
» មី 250កេះ
» ត្រីខ 250យួរ
» ទឹកសុទ្ធ 250កេះ
» ភួយ 250

ក្នុងនាមយើងខ្ញុំជាក្រុមយុវជនស្ម័គ្រចិត្ត បានមូលមតិគ្នាបង្កើតកម្មវិធី «ស៊ីក្លូនៃក្តីសង្ឃឹមលើទី9» នៅដើមខែកញ្ញានេះក្នុង។

គោលបំណង
» លើស្ទួយនូវវិស័យស៊ីក្លូដែលបានបង្កើតឡើងជាង 80ឆ្នាំមកម្លេះ
» ជួយសម្រាលដល់ជីវភាព និងលើទឹកចិត្តដល់ពួកគាត់
» ជួយផ្សព្វផ្សាយដល់កូនខ្មែរជំនាន់ក្រោយឲ្យស្គាល់ និងយល់ពីតម្លៃនៃស៊ីក្លូ
» ផ្តល់ភាពកក់ក្តៅចំពោះគាត់ថា សង្គមមួយនេះគ្មានការរើសអើងចំពោះពួកគាត់ឡើយ

កម្មវិធី និងកាលបរិច្ឆេទ
» កម្មវិធីនឹងប្រព្រឹត្តិទៅថ្ងៃទី 15ខែ កញ្ញា ឆ្នាំ 2017
» ជួបជុំតាតាស៊ីក្លូចំនួន 250នាក់ នៅវេលាម៉ោង 9៖30ព្រឹក

ចំពោះការពិសាអាហាររបស់ពួកគាត់ក្នុងម្នាក់ចំណាយថវិការ 1.5$ ដែលរៀបចំឡើងនៅភោជនីយដ្ឋាន បាយសាច់គោបន្ទះដែក ( Phsa Tmey Resto )

» ពិសារអាហារពេលថ្ងៃត្រង់
» ការចែកជូនអំណោយមួយចំនួនជូនដល់ពួកគាត់
» ការសំណេះសំណាល និងចំណាប់អារម្មណ៍ពីសំណាក់សប្បុរសជន និងក្រុមយុវជននិសិត្ស
» ការថតរូបទុក្ខជាអនុស្សាវរីយ៍

អាស្រ័យហេតុនេះសូម ឯកត្តម លោកជំទាវ លោកៗស្រី និងសប្បុរសជនទាំងអស់មេត្តាចូលរួមឧបត្ថមនូវកម្មវិធីនេះផង៕

August 29, 2017

everjobs បង្ហាញពីជំនាញមួយចំនួនដែលទាមទារក្នុងតួនាទីគ្រប់គ្រងនៅកម្ពុជា

everjobs.com.kh ជាគេហទំព័រការងារ ដែលរីកលូតលាស់ជាងគេនៅក្នុងប្រទេសកម្ពុជា បានចេញផ្សាយទិន្នន័យដែលបង្ហាញពីជំនាញមួយចំនួនដែលត្រូវបានជ្រើសរើសច្រើនបំផុតនៅក្នុងមុខតំណែងផ្នែកគ្រប់គ្រងនៅក្នុងប្រទេសកម្ពុជាយើង។ ក្រុមហ៊ុនការងារអនឡាញបានចេញផ្សាយនូវក្រាហ្វិចទិន្នន័យបន្ទាប់ពីបានយកចិត្តទុកដាក់សង្កេតយ៉ាងខ្លាំងចំពោះតួនាទីផ្នែកគ្រប់គ្រងនៅក្នុងរាជធានីភ្នំពេញក្នុងរយៈពេលពីរឆ្នាំកន្លងមកនេះ។

ទិន្នន័យដែលប្រមូលបានពីការពិរពណ៌តួនាទីការងារក្នុងផ្នែកគ្រប់គ្រង ជាង 2500មុខតំណែងដែលបានចុះផ្សាយនៅលើវេបសាយរបស់ everjobs.com.kh បានបង្ហាញពីជំនាញសមត្ថភាពមួយចំនួនដែលត្រូវបានទាមទារច្រើនបំផុតនៅពេលដែលនិយោជកធ្វើការជ្រើសរើសបុគ្គលិកចូលធ្វើការក្នុងផ្នែកគ្រប់គ្រង។

Divotsna Jangir ដែលជាអ្នកគ្រប់គ្រងផ្នែកអភិវឌ្ឍន៍ទីផ្សារនៅ everjobs.com.kh បានមានប្រសាសន៍ថា “ អស់រយៈពេលជាច្រើនឆ្នាំកន្លងមកនេះ យើងអាចប្រមូលផ្តុំ និងវិភាគទិន្នន័យដែលបង្ហាញអំពីការយល់ឃើញអំពីទីផ្សារការងារសំខាន់ៗនៅក្នុងព្រះរាជាណាចក្រកម្ពុជា។ យើងបានសង្កេតឃើញថាជំនាញក្នុងផ្នែកគ្រប់គ្រងបានក្លាយជាប្រភេទការងារដែលមានប្រជាប្រិយភាពក្នុងចំណោមអ្នកស្វែងរកការងារធ្វើនៅក្នុងប្រទេសកម្ពុជា ចាប់តាំងពី everjobs បានចាប់ផ្តើមដំណើរការនៅក្នុងឆ្នាំ 2015 ដែលទាក់ទាញបេក្ខភាពបានជិត 7000នាក់ក្នុងរយៈពេលពីរឆ្នាំមកនេះ។ យើងក៏បានមើលឃើញថាជំនាញនេះបានក្លាយជាប្រភេទមុខតំណែងការងារកំពូលដែលផ្តល់ជូននូវចំនួនឱកាសការងារច្រើនបំផុតនៅកម្ពុជាក្នុងមួយរយៈពេលចុងក្រោយនេះ ចាប់តាំងពីពេលនោះមក ”។

បន្ទាប់ពីការវិភាគលើជំនាញរាប់រយដែលបានលើកឡើងនៅលើការពិពណ៌នាអំពីឱកាសការងារក្នុងផ្នែកគ្រប់គ្រងនៅក្នុងប្រទេសកម្ពុជា everjobs អាចកំណត់អត្តសញ្ញាណនៃគន្លឹះសំខាន់ៗ នៃជំនាញចម្បង និងជំនាញក្នុងការទំនាក់ទំនងដែលក្រុមហ៊ុននីមួយៗតែងមានបំណងក្នុងការស្វែងរកអ្នកគ្រប់គ្រងល្អ។

យើងទាំងអស់គ្នាបានដឹងថា ‘ការធ្វើផែនការ’ គឺជាជំនាញចម្បងដែលចាំបាច់បំផុតនៅពេលស្វែងរកបេក្ខជនល្អឥតខ្ចោះសម្រាប់មុខតំណែងគ្រប់គ្រង។ ជំនាញនេះត្រូវបានលើកឡើងនៅក្នុងឱកាសការងារចំនួន 23% នៃប្រភេទការងារទាំងអស់ក្នុងផ្នែកគ្រប់គ្រងដែលបានចុះផ្សាយនៅលើវេបសាយ everjobs.com.kh ។ ប្រភេទការងារដែលពាក់ព័ន្ធនឹងការទទួលខុសត្រូវសំខាន់ៗរួមមានសមត្ថភាពក្នុងការព្យាករណ៍ក៏ដូចជាការបង្កើត និងថែទាំដំណើរការនៅក្នុងអង្គការមួយឱ្យបានរលូនល្អ។ ជំនាញទាំងនោះក៏ត្រូវបានអនុវត្តអមដោយសមត្ថភាពក្នុងការធ្វើជាអ្នកជំនាញផ្នែកលក់ និងទីផ្សារអាជីពផងដែរ។

ដោយបានបង្ហាញនូវតំរូវការនៃជំនាញបច្ចេកទេសខ្លះៗនោះ ការសិក្សានេះបានធ្វើចំណាត់ថ្នាក់ការគ្រប់គ្រងថវិកា ការប្រតិបត្តិការនិងការអភិវឌ្ឍន៍ការងារ ជាតម្រូវការដែលអ្នកជំនាញចង់បានក្នុងការពង្រឹងជំនាញនៃមុខតំណែងអ្នកគ្រប់គ្រងដូចគ្នាដែរ។

ប្រភេទជំនាញចុងក្រោយបង្អស់ដែលបានលើកឡើងក្នុងក្រាហ្វិចទិន្នន័យរបស់ everjobs គឺ “ជំនាញទន់” ដែលអាចត្រូវបានចាត់ទុកថាជាគុណសម្បត្តិផ្ទាល់ខ្លួនដែលអ្នកស្វែងរកការងារទាំងអស់ត្រូវតែមានដើម្បីទទួលបានជោគជ័យក្នុងអាជីពការងាររបស់ខ្លួន។ everjobs អាចកំណត់បានថា ការទទួលខុសត្រូវ ប្រសិទ្ធភាពការងារ វិន័យ ការជម្រុញទឹកចិត្តខ្លួនឯង និងជំនាញទំនាក់ទំនង គឺជាជំនាញដែលមិនអាចខ្វះបានក្នុងការបំពេញតួនាទីគ្រប់គ្រង។

ជាមួយនឹងបេក្ខភាពជិត 7000នាក់ សម្រាប់មុខតំណែងដែលបានជ្រើសរើសចំនួន 1900កន្លែង សម្រាប់តួនាទីផ្នែកគ្រប់គ្រងនៅលើវេបសាយរបស់ everjobs.com.kh ប្រភេទការងារនីមួយៗគឺមានការពេញនិយមក្នុងចំណោមអ្នកស្វែងរកការងារធ្វើ។ ទោះបីជាមានការចាប់អារម្មណ៍យ៉ាងខ្លាំងចំពោះមុខតំណែងអ្នកគ្រប់គ្រងក៏ដោយ everjobs ជឿជាក់ថាវាមានសារៈសំខាន់ណាស់សម្រាប់អ្នកស្វែងរកការងារដែលត្រូវដឹងអំពីជំនាញដែលពួកគេត្រូវការដើម្បីអាចទទួលបានការងារក្នុងក្ដីស្រមៃរបស់ពួកគេ។ ក្រុមហ៊ុនការងារតាមអនឡាញបានវិភាគ និងធ្វើចំណាត់ថ្នាក់ទិន្នន័យរបស់វាទៅក្នុងប្រភេទមូលដ្ឋានជំនាញចំនួនបីគឺ ជំនាញចម្បង ជំនាញវិធីសាស្ត្រ និងជំនាញក្នុងការទំនាក់ទំនង៕

August 28, 2017

ក្រុមហ៊ុន SEATEL ចែកជូនទូរស័ព្ទស្មាតហ្វូន 100 គ្រឿងក្នុងឱកាសគម្រប់ខួបពីរឆ្នាំ

ភ្នំពេញ៖ នៅព្រឹកថ្ងៃសុក្រទី 25 ខែសីហា ឆ្នាំ 2017 ក្នុងឱកាសគម្រប់ខួបពីរឆ្នាំរបស់ខ្លួន ក្រុមហ៊ុន SEATEL បានរៀបចំកម្មវិធីពិសេសមួយគឺចែកជូនទូរស័ព្ទដៃម៉ាក SEATEL F1 មួយរយគ្រឿងដល់អតិថិជនដែលមានសំណាង នៅការិយាល័យកណ្តាល ដែលមានទីតាំងស្ថិតនៅអគារលេខ149 ផ្លូវលេខ432 ភូមិទី5 សង្កាត់បឹងត្របែក ខណ្ឌចំការមន រាជធានីភ្នំពេញ ដោយមានការអញ្ជើញចូលរួមពីថ្នាក់គ្រប់គ្រង និងបុគ្គលិកក្រុមហ៊ុន SEATEL ភ្ញៀវកិត្តិយស និងអតិថិជនជាច្រើន។

ក្នុងឱកាសពិសេស ថ្នាក់គ្រប់គ្រងក្រុមហ៊ុន SEATEL បានមានប្រសាសន៍ថា កម្មវិធីពិសេសនេះ ត្រូវបានរៀបចំឡើងក្នុងឱកាសគម្រប់ខួបពីរឆ្នាំរបស់ក្រុមហ៊ុនក្នុងគោលបំណងថ្លែងអំណរគុណ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនចំពោះអតិថិជនដែលតែងតែបានគាំទ្រផលិតផល និងសេវាកម្មរបស់ក្រុមហ៊ុន SEATEL ។

កម្មវិធីពិសេសនេះ បានព្រឹត្តធ្វើឡើងចាប់ពីម៉ោង9 ព្រឹក ដល់ម៉ោង 4ល្ងាច ដោយមានអតិជិន អញ្ជើញមកចូលរួមយ៉ាងច្រើនកុះករ។ កម្មវិធីពិសេសនេះគឺមានការចាប់ឆ្នោតធ្វើដោយបើកចំហ ចុះឈ្មោះភ្លាម ចាប់ឆ្នោតភ្លាម ទទួលបានរង្វាន់ភ្លាម។ គេបានរកឃើញអតិថិជនដែលសំណាងចំនួន 100នាក់ បានឈ្នះទូរស័ព្ទដៃ F1ក្នុងម្នាក់មួយគ្រឿង ព្រមទាំងរង្វាន់ទិន្នន័យអ៊ិនធឺណិត 30GB និងការហៅក្នុងប្រព័ន្ធកន្លះឆ្នាំដោយឥតគិតថ្លៃ។ ក្រៅពីកម្មវិធិពិសេសនេះ នៅមានកម្មវិធីពិសេសជាច្រើនទៀតដូចជា៖

រាល់ការទិញទូរស័ព្ទដៃ SEATEL T6 មួយគ្រឿង បន្ថែមជូនទូរស័ព្ទដៃ SEATEL F1 មួយគ្រឿង ទៅលើការផ្តល់ជូនដែលមានស្រាប់
រាល់ការទិញទូរស័ព្ទដៃ SEATEL F1 ម្តងចាប់ពី 2គ្រឿងឡើងទៅ មានផ្តល់ជូនឆ្នោតកោសផ្សងសំណាង KPWមួយសន្លឹក ដែលមានឱកាសឈ្នះរង្វាន់ធំទឹកប្រាក់ 10000 ដុល្លារ។
កម្មវិធីភ្ជាប់ទិន្នន័យ ផ្តល់ជូនទូរស័ព្ទដៃ ភ្ជាប់ទិន្នន័យផ្តល់ជូន MIFI ដោយឥតគិតថ្លៃ។

ក្រុមហ៊ុន South East Asia Telecom Group Ltd (ហៅកាត់ថា SEATEL Group) បង្កើតឡើងនៅប្រទេសសិង្ហបុរី នាឆ្នាំ២០១៤ គឺជាក្រុមហ៊ុនវិនិយោគលើសេវាអ៊ិនធើណែត និងទូរគមនាគមន៍ចល័ត។ ក្រុមហ៊ុន SEATEL គឺជាប្រតិបត្តិករទូរគមនាគមន៍ពហុវិស័យ ដែលមានអាជីវកម្មគ្របដណ្តប់លើសេវាអ៊ិនធើណែត និងសេវាទូរគមនាគមន៍ចល័ត។ ក្រុមហ៊ុននេះបានទទួលអាជ្ញាប័ណ្ណប្រកបអាជីវកម្មពីរាជរដ្ឋាភិបាលកម្ពុជា ក្នុងនោះរួមមាន៖ សេវាទូរគមនាគមន៍ចល័ត ( រូមមាន 4GLTE), ISP, Fixed Wireless Phone និង VOIP ជាដើម។ ក្រុមហ៊ុនបានអនុវត្តនូវយុទ្ធសាស្ត្របណ្តាញទំនាក់ទំនងចល័ត ដោយមានអាជីវកម្មផ្តោតសំខាន់ទៅលើសេវា Mobile Voice, Data, IP Phone, Broadband Internet Access, Multi-Media និងសេវាកម្មដទៃទៀត។ ក្រុមហ៊ុនខិតខំនាំយកមកនូវបច្ចេកវិទ្យាទំនើបបំផុត ការប្រើប្រាស់សំបូរបែប និងបណ្តាញដ៏មានស្ថេរភាពមកផ្តល់ជូនទីផ្សារ ដើម្បីផ្តល់ជូនប្រជាជនអាស៊ីអាគ្នេយ៍នូវសេវាព័ត៌មានវិទ្យាដែលមានភាពសំបូរបែបគ្រប់កម្រិត និងមិនធ្លាប់មានពីមុន៕

August 28, 2017

សិល្បៈនៃការទំនាក់ទំនងដ៏មានឥទ្ធិពល

ចង់មានមុខរបរខ្លួនឯង ចង់ក្លាយជាអ្នកពូកែលក់ ចង់ក្លាយជាអ្នកពូកែទំនាក់ទំនង ឬចង់ក្លាយជាមនុស្សដែលមានប្រជាប្រិយភាព យើងគ្រប់គ្នានឹងមិនអាចជៀសផុតពីការប្រើការទំនាក់ទំនងឡើយ។

ទំនាក់ទំនងមានសារៈសំខាន់ណាស់ តែការទំនាក់ទំនងដែលមានឥទ្ធិពល ទំនាក់ទំនងដើម្បីគោលដៅសម្រាប់ផែនការជីវិតរបស់មនុស្សម្នាក់ៗ រិតតែមានតម្លៃដែលយើងគ្រប់គ្នាគួរដឹង។

ហេតុអ្វីបានជាត្រូវធ្វើការទំនាក់ទំនង ទំនាក់ទំនងដោយរបៀបណា ការទំនាក់ទំនងនោះអាចជួយយើងបានអ្វីខ្លះ?

ក្រុមយុវជន វីមីកហ្សនឹងរៀបចំអោយមានជាសិក្ខាសាលាមួយស្តីអំពី «សិល្បៈនៃការទំនាក់ទំនង ដ៍មានឥទ្ធិពល» ក្នុងគោលបំណង បង្ហាញអំពីមូលដ្ឋានគ្រឹះ អត្តចរិក និងការរៀបចំខ្លួនដើម្បីទំនាក់ទំនងដ៍ជោគជ័យ ការចាប់យកឱកាសដើម្បី ទំនាក់ទំនងដ៏កក់ក្តៅ ភាសា និងទម្រង់នៃការទំនាក់ ទំនងជោគជ័យ បច្ចេកទេសបើកកិច្ចសន្ទនាដ៍ទាក់ទាញ និងដឹងលទ្ធផលជាមុន ជំនាញនៃការស្តាប់ដើម្បីប្រសិទ្ធភាពទំនាក់ទំនង បច្ចេកទេសគ្រប់គ្រង និងដឹកនាំការទំនាក់ទំនង បច្ចេកទេសក្នុងការបញ្ចប់កិច្ច សន្ទនាដ៍មានន័យ បន្សល់នូវលទ្ធផល និងការចង់ណាត់ជួបលើកក្រោយៗ ការទំនាក់ទំនងជាមួយអ្នក ដែលមានឋានៈខ្ពស់ជាង និងអ្នកដែលមានជម្លោះនឹងអ្នក។ កុំភ្លេចត្រៀមសំណួរសម្រាប់សួរផង។

ជួបគ្នានៅវិទ្យាស្ថានតិចណូ (ITC) ថ្ងៃទី03 កញ្ញា 2017 ពីម៉ោង 7:30am- 12:00pm។
ទំនាក់ទំនង: 092 41 31 55 / 093 422 862 / 093 696 972 / 069 87 10 23
[email protected] / [email protected]

August 25, 2017

អ័រគីដេវីឡា ចូលរួមសកម្មភាពមនុស្សធម៌កសាងផ្លូវ និងចែកសម្ភារសិក្សាដល់សិស្សជាង 500នាក់

ជាការចូលរួមចំណែកក្នុងការលើកកម្ពស់វិស័យអប់រំ ក៏ដូចជាការបង្ហាញពីឆន្ទៈក្នុងការថែរក្សាធនធានធម្មជាតិនៅកម្ពុជាផងដែរនោះ នៅព្រឹកថ្ងៃទី23 ខែសីហា ឆ្នាំ 2017 ព្រឹកមិញនេះ ក្រុមហ៊ុន អ័រគីដេ វីឡា បានចំណាយថវិកាស្ថាបនាផ្លូវបេតុងមួយខ្សែដែលមានទទឹង 4 ម៉ែត្រ និងប្រវែង 70 ម៉ែត្រ និងចែកសម្ភារសិក្សាដូចជាប៊ិច សៀវភៅ កាបូបស្ពាយ ដល់សិស្សានុសិស្សចំនួនជាង 500 នាក់ ដែលសិស្សានៅក្នុងសាលារៀន និងអនុវិទ្យាល័យ សម្ដេច អគ្គមហាសេនា បតីតេជោ ហ៊ុន សែន ស្ថិតនៅភូមិ ចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។ បន្ថែមពីនេះ នៅក្នុងឱកាសសម្ពោធផ្លូវបេតុងនេះ ក្រុមការងាររបស់ក្រុមហ៊ុន អ័រគីដេវីឡា ក៏បានចូលរួមបំផុសចលនា ថែរក្សាបរិស្ថាន និងធនធានធម្មជាតិ ដោយការដាំកូនឈើ រួមជាមួយនឹងការដាំកូនផ្កា ដើម្បីជាការលម្អរនៅក្នុងបរិវេណសាលារៀន និងអនុវិទ្យាល័យផងដែរ ។

ជាការផ្ដាំផ្ញើ អ្នកតំណាងក្រុមហ៊ុន អ័រគីដេវីឡា ដែលនាំយកអំណោយទៅចែកដល់សិស្សានុសិស្សក៏បានបញ្ជាក់ឱ្យដឹងផងដែរ សម្រាប់អំណោយ ដែលរួមមានសម្ភារសិក្សា សម្ភារលេងកីឡា រួមជាមួយនឹងផ្លូវបេតុងមួយខ្សែនេះ ថ្វីត្បិតមានចំនួនតិច ប៉ុន្តែវាជាសកម្មភាពមួយដែលបង្ហាញពីឆន្ទៈនៃការចូលរួមចំណែកនៅក្នុងសង្គម លើកម្ពស់វិស័យអប់រំ ក៏ដូចជាជួយសម្រួលដល់សិស្សានុសិស្ស និងលោកគ្រូអ្នកគ្រូនៅក្នុងរដូវភ្លៀងធ្លាក់នេះឱ្យមានភាពងាយស្រួល។

គួររំលឹកផងដែរថា ជានិច្ចកាល ក្រុមហ៊ុន អ័រគីដេវីឡា តែងបានចូលរួមចំណែកក្នុងការអភិវឌ្ឍន៍សង្គមជាតិ និងការងារមនុស្សធម៌ជាហូរ ដូចជា ការផ្តល់ឈាម ការបរិច្ចាកថវិកាជួយគាំទ្រដល់មន្ទីរពេទ្យគន្ធបុប្ផា ការកសាងផ្លូវ ក៏ដូចជាចូលរួមកសាងសាលារៀនជាដើម ៕

August 23, 2017

Category: PR