Category: PR

តើអ្នកត្រៀម “ចែករំលែកភាពរំភើបរីករាយនៃកម្មវិធី UEFA CHAMPIONS LEAGUE ជាមួយនឹងស្រាបៀរ HEINEKEN ហើយឬនៅ?
ភ្នំពេញ៖ តើអ្នកត្រៀមខ្លួនហើយឬនៅដើម្បី “ចែករំលែកភាពរំភើបរីករាយ ចែករំលែកពានរង្វាន់ ក្នុងកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken®?
កម្មវិធីដំណើរទេសចរណ៍នេះផ្តល់ឱ្យអ្នកគាំទ្រកីឡាបាល់ទាត់នៅជុំវិញពិភពលោកមានឱកាសកាន់តែស្និទ្ធស្នាលជាមួយវីរបុរសជើងឯក និងពានរង្វាន់ក្របខ័ណ្ឌ UEFA Champions League …ហើយឥឡូវនេះនឹងធ្វើដំណើរមកដល់ព្រះរាជាណាចក្រកម្ពុជាជាលើកដំបូងបង្អស់ពុំដែលធ្លាប់មានពីមុនមក!
ក្នុងប្រវត្តិសាស្ត្រដប់មួយឆ្នាំរបស់កម្មវិធីដំណើរទេសចរណ៍នេះបានទៅដល់ 26 ប្រទេសនៅទូទាំងទ្វីបអាហ្វ្រិក អាស៊ី អាមេរិកខាងត្បូង និងអាមេរិកខាងជើង។ កម្មវិធីដំណើរទេសចរណ៍នៅឆ្នាំនេះក្រោមប្រធានបទ “ចែករំលែកភាពរំភើបរីករាយ ចែករំលែកពានរង្វាន់” នឹងមកដល់កម្ពុជាចាប់ពីថ្ងៃទី 2 ដល់ថ្ងៃទី 4 ខែមេសា ឆ្នាំ 2018 ខាងមុខនេះ។
កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំ 2018 ដែលនាំជូនដោយស្រាបៀរ Heineken® ជំរុញផ្តល់ឲ្យអ្នកគាំទ្រទូទាំងពិភពលោកនូវឱកាសផ្ទាល់ក្នុងការចូលរួមទទួលបានភាពរំភើបរីករាយនៃការទស្សនាការប្រកួតនេះ និងមានឱកាសដ៏កម្រក្នុងការឃើញផ្ទាល់នូវពានរង្វាន់ដ៏ល្បីល្បាញនេះ ជួបផ្ទាល់ជាមួយលោក Ruud van Nistelrooy និងទទួលបទពិសោធន៍ដ៏រំភើបនៃដំណើរទស្សនកិច្ចនេះ។
លោក Ruud van Nistelrooy ត្រូវបានចាត់ទុកថាជាខ្សែប្រយុទ្ធដ៏ឆ្នើមបំផុតក្នុងជំនាន់របស់លោកដោយស៊ុតបញ្ចូលទីបាន 150 គ្រាប់ក្នុង 219 ប្រកួតសម្រាប់ក្រុម Manchester United និងជាកីឡាករស៊ុតបញ្ចូលទីបានច្រើនជាងគេក្នុងកំណត់ត្រាបាល់ទាត់អឺរ៉ុបរបស់ក្លិបនេះ និងជាកីឡាករស៊ុតបាល់បញ្ចូលទីច្រើនជាងគេបីសម័យកាលក្នុងក្របខ័ណ្ឌ UEFA Champions League ។
ព័ត៌មានបន្ថែមអំពីកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® និងវីរបុរសបាល់ទាត់លោក Ruud van Nistelrooy នឹងធ្វើការចេញផ្សាយក្នុងរយៈពេលប៉ុន្មានថ្ងៃខាងមុខនេះ។
ដើម្បីតាមដានព័ត៌មានអំពីកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® នៅក្នុងប្រទេសកម្ពុជា និងឱកាសសម្រាប់អ្នកគាំទ្រចូលរួមក្នុងសកម្មភាពផ្សេងៗ សូមចូលមើលគេហទំព័រ www.facebook.com/Heineken
សូមរីករាយទទួលទានស្រាបៀរ Heineken ដោយទទួលខុសត្រូវ
March 30, 2018
វិស័យបាល់ទាត់នៅកម្ពុជាទទួលការចាប់អារម្មណ៍លើឆាកអន្តរជាតិដោយសារអ្នកគាំទ្រស្រាបៀរ HEINEKEN®
រាជធានីភ្នំពេញ៖ កាលថ្ងៃទី ២០ ខែមីនា វិស័យកីឡាបាល់ទាត់នៅក្នុងប្រទេសកម្ពុជាទទួលបានការចាប់អារម្មណ៍ខ្លាំងពីបណ្តាញប្រព័ន្ធផ្សព្វផ្សាយអន្ដរជាតិបន្ទាប់ពីបានប្រកាសថា កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® នឹងមកដល់ប្រទេសកម្ពុជាចាប់ពីថ្ងៃទី ២ ដល់ថ្ងៃទី ៤ ខែមេសា ឆ្នាំ ២០១៨ ខាងមុខនេះ។
ដោយសារមានការគាំទ្រពេញទំហឹងពីក្រុមអ្នកគាំទ្រកម្មវិធីប្រកួតក្របខ័ណ្ឌ UEFA Champions League របស់ស្រាបៀរ Heineken® ទូទាំងប្រទេសនេះ គេបានសម្រេចថា ប្រទេសកម្ពុជាជាទីតាំងមួយដែលគួរឲ្យចាប់អារម្មណ៍ខ្លាំង ហើយត្រូវបានជ្រើសរើសក្នុងចំណោមប្រទេសចំនួនប្រាំមួយដើម្បីធ្វើជាម្ចាស់ផ្ទះរៀបចំកម្មវិធីដំណើរទេសចរណ៍ឆ្នាំនេះ។
កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® មិនត្រឹមតែផ្តល់ឱ្យអ្នកគាំទ្រមានឱកាសកាន់តែស្និទ្ធស្នាលជាមួយវីរបុរសជើងឯកពានរង្វាន់ក្របខ័ណ្ឌ UEFA Champions League ប៉ុន្តែថែមទាំងទទួលបានការគាំទ្រពីស្រាបៀរ Heineken® វីរបុរសបាល់ទាត់ល្បីល្បាញសញ្ជាតិហូឡង់ លោក Ruud van Nistelrooy ជាអតីតខ្សែប្រយុទ្ធនៃក្រុម Manchester United និងក្រុម Real Madrid បានយល់ព្រមចូលរួមកម្មវិធីដំណើរទេសចរណ៍នេះក្នុងនាមជាទូតសុឆន្ទៈប្រចាំកម្មវិធីក្របខ័ណ្ឌ UEFA Champions League ។
លោក Ruud van Nistelrooy ត្រូវបានចាត់ទុកថាជាកីឡាករដ៏ឆ្នើមបំផុតម្នាក់ក្នុងជំនាន់របស់គាត់ដោយស៊ុតបញ្ចូលទីបាន ១៥០ គ្រាប់ក្នុង ២១៩ ប្រកួតសម្រាប់ក្រុម Manchester United និងជាកីឡាករស៊ុតបញ្ចូលទីច្រើនជាងគេក្នុងកំណត់ត្រាបាល់ទាត់អឺរ៉ុបរបស់ក្លិបនេះ និងជាកីឡាករស៊ុតបាល់បញ្ចូលទីច្រើនជាងគេបីសម័យកាលក្នុងក្របខ័ណ្ឌ UEFA Champions League ។
លោក Ruud van Nistelrooy មានទំនាក់ទំនងជាប្រវត្តិសាស្ត្រជាមួយនឹងក្របខ័ណ្ឌ UEFA Champions League និងដើរតួយ៉ាងសំខាន់ក្នុងការបង្ហាញនូវមហិច្ឆិតាចំពោះការប្រកួតនេះ ហើយនឹងចែករំលែកការគាំទ្រនិងចំណេះដឹងរបស់លោកដើម្បីជួយណែនាំអ្នកមានទេពកោសល្យខាងបាល់ទាត់ជំនាន់ក្រោយឲ្យសម្រេចបាននូវគោលដៅរបស់ពួកគេ។
ព័ត៌មានបន្ថែមអំពីកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League នៅក្នុងប្រទេសកម្ពុជា និងឱកាសសម្រាប់អ្នកគាំទ្រចូលរួមក្នុងសកម្មភាពផ្សេងៗនឹងធ្វើការចេញផ្សាយក្នុងពេលឆាប់ៗនេះ។ ចំពោះព័ត៌មានលម្អិត សូមចូលមើលគេហទំព័រ www.facebook.com/Heineken
សូមរីករាយទទួលទានស្រាបៀរ Heineken ដោយទទួលខុសត្រូវ
March 29, 2018
ដល់ក ស្មាតហ្វូនស៊េរីថ្មី Huawei nova 3e (P20 lite) តម្លៃ $329 Huawei Y9 តម្លៃ $249 និង Huawei Y7 Pro 2018 តម្លៃ $189
ភ្នំពេញ៖ ថ្ងៃទី ២៧ មិនា ២០១៨ ក្នុងព្រឹត្តិការណ៏ទស្សនា ការផ្សាយផ្ទាល់ពីទីក្រុងបារីស “សម្ភោធ និង ដាក់ឲ្យតេស្តដំបូងគេនូវ ស្មាតហ្វូនស៊េរីថ្មី Huawei P20, P20 Pro និង Nova 3e (P20 lite)” នៅមជ្ឈមណ្ឌលពិព័រណ៌អន្តរជាតិ CSIC (Customer Solution Innovation & Integration Experience Center) អគារ Exchange Square ថ្នាក់ដឹកនាំក្រុមហ៊ុន Huawei ប្រចាំកម្ពុជា បើកកម្ម៉ង់ទុកមុនស្មាតហ្វូនស៊េរីថ្មី ៣ម៉ូដែលព្រមគ្នា។
“អតិថិជន ដែលកក់ទុកមុនភ្លាម Huawei nova 3e (P20 lite) តម្លៃ $329 ថែមកាសធំ ក្រវិលទម្រទូរសព្ទ័ ដង Selfie Stick ស៊ីមស្មាត និងកញ្ចប់ធំម្ម៉ង 12 សប្តាហ៍, Huawei Y9 2018 តម្លៃ $249 ថែមកាសធំ ក្រវិលទម្រទូរសព្ទ័, ដបទឹក ស៊ីមស្មាត និងកញ្ចប់ធំហ្មង 12 សប្តាហ៍ និង Huawei Y7 Pro តម្លៃ $189 ថែម Bluetooth Speaker ស៊ីមស្មាត និងកញ្ចប់ធំហ្មង 8 សប្តាហ៍” លោក Jeff Yang នាយកចែកចាយស្មាតហ្វូនប្រចាំប្រទេសកម្ពុជា ថ្លែងក្នុងព្រឹត្តិការណ៏ ទស្សនាការផ្សាយផ្ទាល់ពីទីក្រុងបារីស “សម្ភោធ និង ដាក់ឲ្យតេស្តដំបូងគេនូវ ស្មាតហ្វូនស៊េរីថ្មី Huawei P20, P20 Pro និង Nova 3e (P20 lite)”។
អតិថិជន អាចកម្ម៉ង់ទុកមុន Huawei nova 3e (P20 lite) ($329), Huawei Y9 2018 ($ 249)
និង Huawei Y7 Pro 2018 ($189) ដោយគ្រាន់តែ អញ្ជើញទៅកាន់ហាងលក់ទូរសព្ទនានាជាពិសេសហាងដែលមានបុគ្គលិកលក់រឺ ស្លាកយីហោ Huawei ទូទាំងប្រទេស ដែលនៅជិតលោកអ្នកជាងគេ។
Huawei nova 3e រឺ P20 lite ជាកំពូលស្មាតហ្វូនស៊េរីថ្មីឆ្នាំ ២០១៨ មានរូបរាងស្រស់ស្អាត ទាន់សម័យ ខ្យូតកប់ មានវិមាត្រ 148.6 x 71.2 x 7.4mm និងទម្ងន់ 145 ក្រាម ផ្នែកខាងក្រោយ ប្រើកញ្ចក់ 2.5D ជាមួយនឹងបន្ទះឈីប Kirin 659 ប្រើប្រព័ន្ធប្រតិបត្តិការ Android 8 ជាមួយនឹង EMUI 8 មានរ៉េមទំហំ 4GB និងម៉េមូរីក្នុងម៉ាស៊ីនទំហំ 64GB។ នៅផ្នែកខាងមុខរបស់ស្មាតហ្វូននេះ គឺប្រើប្រាស់អេក្រង់ទំហំ 5.84 អ៊ីង កម្រិតភាពច្បាស់ 2280×1080 ភិចសែល FHD+។ Huawei nova 3e បំពាក់ កាមេរ៉ាភ្លោះក្រោយ ទំហំ 16MP+2MP ទ្រទ្រង់នូវមុខងារ Bokeh (ព្រាលផ្ទៃខាងក្រោយ) និង កាមេរ៉ាមុខទំហំ 16 MP និង Aperture F2.0 មានមុខងារ Face Unlock, Game Mode, Voice Assistant ប្រើប្រាស់ថាមពលថ្មទំហំ 3000mAh ភ្ជាប់ជាមួយនឹងបច្ចេកវិទ្យា fast charging។
ស្មាតហ្វូន Huawei Y9 2018 គឺជាកំពូលស្មាតហ្វូនដែលផលិតតាមស្ដង់ដា និងស្របតាមតម្រូវការអ្នកប្រើប្រាស់ ជាពិសេសគុណភាពនៃការផលិត តួរខ្លួនស្រោបដោយលោហៈ អេក្រង់លាតដែលមានទំហំ 5.93” កម្រិត Aspect Ratio 18:9 និងកម្រិតបង្ហាញ Full HD+ FullView Display បំពាក់កាមេរ៉ាភ្លោះ ខាងមុខទំហំ 16MP+2MP និងខាងក្រោយទំហំ 13MP+2MP មានកម្លាំងថ្មធំ 4000mAh ប្រើបន្ទះឈីប Kirin 659 ប្រព័ន្ធAndroid 8.0 (Oreo)ចេញពីប្រអប់ស្រាប់ ជាមួយនឹង RAM 3GB និង ROM 32GB និងបន្ថែមមកនូវសេនស័រ ស្កេនម្រាមដៃលឿន ព្រមទាំងមុខងារដោះសោរ ដោយប្រើទម្រង់មុខផងដែរ។ កាន់តែអែម Huawei Y9 2018 មានជើងទម្ររដាក់ស៊ីមបានពីរ និង Micro SD card ១ (256G) និង ច្ចេកវិទ្យា Screenshot ដោយប្រើម្រាមដៃបីអូសចុះក្រោម (Three Finger Screen Shoot) ថែមទៀតផង។
ចំណែកឯ Y7 Pro 2018 ក៏ឡូយដែរ វាមានរូបរាងស្រស់ស្អា បំពាក់អេក្រង់លាតទំហំ 5.99”ដែលមានកម្រិតបង្ហាញ HD+ FullView Display ប្រើន្ទះឈីប Snapdragon 450 មាន RAM 3GB និង ROM 32GB ថ្មទំហំ 3,000mAh ដំណើរការដោយ Android Oreo។ ម្យ៉ាងវិញទៀត ក៏មានកាមេរ៉ាភ្លោះ នៅខាងក្រោយផងដែរ មានទំហំ 13MP+2MP រីឯកាមេរ៉ាមុខទំហំ 8MP ជាមួយនឹង Selfie Tonning Flash, AR lens រួមទាំងកម្មវិធី Multiple Photo Taking Mode។ ក្រៅពីនេះ Y7 Pro 2018 បំពាក់មុខងារដោះសោរ ដោយប្រើទម្រង់មុខ រហ័សទាន់ចិត្ត។
កាន់តែអែម Huawei Y9 2018 មានជើងទម្ររដាក់ស៊ីមបានពីរ និង Micro SD card ១ (256G) និង ច្ចេកវិទ្យា Screenshot ដោយប្រើម្រាមដៃបីអូសចុះក្រោម (Three Finger Screen Shoot) ថែមទៀតផង។
ប្រញាប់រួសរាន់ឡើង កក់ទុកមុន ស្មាតហ្វូន Huawei nova 3e ($329), Huawei Y9 2018 ($249), Huawei Y7 Pro 2018 ($189) ទាន់មានតម្លៃពិសេស និងកាដូថែមសន្ធឹកសន្ធាប់!
ព័ត៌មានថ្មីអំពី Huawei P20
P20 បំពាក់នូវកាមេរ៉ា Selfie ទំហំធំបំផុតពុំធ្លាប់មាន គឺ 24 MP ជាមួយនឹង 3D Portrait Lighting Effect P20 មានអេក្រង់ 5.8 អ៊ីញកម្រិត 2240 X 1080 ភីកសែល ដោយប្រើឈីប Kirin 970 រត់នៅល្បឿន 2,36GHz ដោយប្រើឈីប Kirin 970 រត់នៅល្បឿន 2,36GHz ដោយមាន RAM 4GB និង ROM 128GB ប៉ុន្តែគ្មានរន្ធបន្ថែម microSD។ ថាមពលថ្ម 3400mAh គាំទ្របច្ចេកវិទ្យាសាកថ្មរហ័ស SuperCharge ដំណើរការលើ Android 8។
March 29, 2018
កម្ពុជាជាប្រទេសមួយក្នុងចំណោម6 ក្នុងពិភពលោកត្រូវបានជ្រើសរើសដោយ UEFA និង HEINEKEN®
ភ្នំពេញ៖ កាលថ្ងៃទី ១៧ ខែមីនា ប្រទេសកម្ពុជាមានកិត្តិយសពិសេសក្នុងនាមជាប្រទេសមួយក្នុងចំណោម ៦ប្រទេសនៅក្នុងពិភពលោក ដែលនឹងរៀបចំធ្វើជាម្ចាស់ផ្ទះនៃកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំនេះ ដែលនាំជូនដោយស្រាបៀរ Heineken®។
ក្រុមហ៊ុនស្រាបៀរ Heineken® ប្រចាំកម្ពុជាបានប្រកួតប្រជែងជាមួយបណ្តាប្រទេសជាង ១៩២ ដើម្បីដណ្តើមយកឱកាសធ្វើជាម្ចាស់ផ្ទះនៃកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League។ ដោយសារតែមានការគាំទ្រយ៉ាងច្រើនចំពោះកម្មវិធីប្រកួតក្របខ័ណ្ឌ UEFA Champions League និងដោយសារសេដ្ឋកិច្ចកំពុងអភិវឌ្ឍឆាប់រហ័សរបស់ប្រទេសកម្ពុជាក៏ដូចជាមានតំបន់ទេសភាពសម្រស់ធម្មជាតិដ៏ស្រស់ស្អាត ប្រទេសនេះត្រូវបានជាប់ជាប្រទេសបេក្ខភាពដ៏ស័ក្តិសមឥតខ្ចោះសម្រាប់កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំនេះ ដែលនាំជូនដោយស្រាបៀរ Heineken®។
ក្នុងប្រវត្តិសាស្ត្រដប់មួយឆ្នាំនៃកម្មវិធីដំណើរទេសចរណ៍នេះបានទៅដល់ ២៦ ប្រទេសនៅទូទាំងទ្វីបអាហ្វ្រិក អាស៊ី អាមេរិកខាងត្បូង និងអាមេរិកខាងជើង។ ឆ្នាំនេះ កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំ ២០១៨ នេះ ដែលនាំជូនដោយស្រាបៀរ Heineken® នឹងមកដល់ប្រទេសកម្ពុជាចាប់ពីថ្ងៃទី ២ ដល់ថ្ងៃទី ៤ ខែមេសា ឆ្នាំ ២០១៨ ខាងមុខនេះ។
កម្មវិធីដំណើរទេសចរណ៍រយៈពេលបីថ្ងៃត្រូវបានរៀបចំឡើងដោយស្រាបៀរ Heineken® ហើយកម្មវិធីនេះនឹងជំរុញផ្តល់ឲ្យអ្នកគាំទ្រទូទាំងពិភពលោកនូវឱកាសផ្ទាល់ក្នុងការចូលរួមទទួលបានភាពរំភើបរីករាយនៃការទស្សនាការប្រកួតនេះតាមរយៈយុទ្ធនាការរបស់ស្រាបៀរ Heineken® ដែលមានឈ្មោះថា “ចែករំលែកភាពរំភើបរីករាយ ចែករំលែកពានរង្វាន់”។
ដោយសារតែកម្មវិធីកីឡាបាល់ទាត់អន្តរជាតិមិនដែលធ្លាប់ធ្វើឡើងនៅក្នុងប្រទេសនេះពីមុនមក ស្រាបៀរ Heineken® មានកិត្តិយសណាស់ក្នុងការផ្តល់នូវឱកាសនេះជូនដល់អ្នកគាំទ្របាល់ទាត់កម្ពុជា និងកីឡាករកម្ពុជាដែលមានទេពកោសល្យ ដែលពួកគេមិនមានឱកាសអាចទទួលបាននូវបទពិសោធន៍រំភើបរីករាយ និងអារម្មណ៍រំជើបរំជួលចំពោះការប្រកួតក្របខ័ណ្ឌ UEFA Champions League ។
ព័ត៌មានបន្ថែមអំពីកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® នៅក្នុងប្រទេសកម្ពុជា និងឱកាសសម្រាប់អ្នកគាំទ្រចូលរួមក្នុងសកម្មភាពផ្សេងៗនឹងធ្វើការចេញផ្សាយក្នុងពេលឆាប់ៗនេះ។
ចំពោះព័ត៌មានលម្អិត សូមចូលមើលគេហទំព័រ www.facebook.com/Heineken
សូមរីករាយទទួលទានស្រាបៀរ Heineken ដោយទទួលខុសត្រូវ
March 27, 2018
រីករាយការផ្តល់ជូនយ៉ាងពិសេសពី LG BrandShop ក្នុងឪកាសបុណ្យចូលឆ្នាំខ្មែរ ឆ្នាំ 2018
ដើម្បីចូលរួមអបអរសារទរក្នុងឪកាសពិធីបុណ្យចូលឆ្នាំខ្មែរនាពេលខាមុខនេះ LG BrandShop បានរៀបចំផ្តល់ជូននូវកម្មវិធីលក់យ៉ាងពិសេសដល់អតិថិជនទាំងអស់ដែលមានដូចជា ការទិញមួយថែមជូនមួយ ការបញ្ចុះតម្លៃពិសេស និង ទទួលបានវត្ថុអនុស្សាវរីយ៍ភ្លាមៗជាច្រើនសន្ធឹកសន្ធាប់ផ្សេងទៀត។
ឪកាសការផ្តល់ជូនយ៉ាងពិសេសនេះនឹងចាប់ផ្តើមពីថ្ងៃទី 28 ខែមីនា រហូតដល់ថ្ងៃទី 10 ខែមេសា ឆ្នាំ 2018 ខាងមុខនេះតែប៉ុណ្ណោះ ។ ហើយកម្មវិធីដ៏ពិសេសនេះ គឺមានសំរាប់ផលិតផលថ្មីៗ ដូចជា ទូរទស្សន៍ ទូរទឹកកក ម៉ាស៊ីនត្រជាក់ ម៉ាស៊ីនបោកសំលៀកបំពាក់ និងឧបករណ៍បំពងសំលេង ជាដើម។
អតិថិជនទាំងអស់អាចមកទស្សនាការដាក់តាំងផលិតផល និង ទទួលយកនៅកម្មវិធីពិសេសដ៏អស្ចារ្យនេះ នៅសាខា LG Brand Shop រាជធានីភ្នំពេញ ខេត្តសៀមរាប ខេត្តបាត់ដំបង ខេត្តកំពង់ចាម ខេត្តព្រះសីហនុ។
ព័ត៌មានបន្ថែមសូមសូមទំនាក់ទំនងមកកាន់លេខ 023 222 699
LG BrandShop ទំនិញមានគុណភាព តំលៃសមរម្យ សេវាកម្មល្អ៕
March 27, 2018
សិក្ខាសាលាស្ដីពីវិស័យថតរបស់ Canon ទទួលបានការគាំទ្រអ្នកថតរូបវ័យក្មេងកម្ពុជា
នៅប៉ុន្មានឆ្នាំចុងក្រោយនេះ យុវជនកម្ពុជា កាន់តែច្រើនឡើង បានចាប់អារម្មណ៍កាន់តែខ្លាំងលើវិស័យថតរូប។ នេះបើតាមការបញ្ជាក់ពីអ្នករៀបចំកម្មវិធីសិក្ខាសាលាមួយស្ដីអំពីក្លឹបអ្នកថតរូប ដែលបានរៀបចំឡើងដោយ ក្រុមហ៊ុន i-Qlick Marketing Co., Ltd. បានរួមសហការជាមួយ Canon Image Square ថ្ងៃទី24 ខែមីនា ឆ្នាំ2018 នៅមជ្ឍមណ្ឌលសហប្រតិបត្តិការកម្ពុជា-កូរ៉េ ភ្នំពេញ (CKCC)។
លោក Kevin Chua ជា Regional Manager នៃក្រុមហ៊ុន i-Qlick Marketing Co., Ltd បានឱ្យដឹងថា នៅឆ្នាំនេះ លោកសង្កេតឃើញមានភាពប្លែកគ្នាច្រើន។ សម្រាប់កម្មវិធីសិក្ខាសាលាមួយស្ដីអំពីក្លឹបអ្នកថតរូប នេះមានការចូលរួមយ៉ាងច្រើនកុះករពីក្រុមសមាជិកអ្នកចូលចិត្តវិស័យថតរូបរបស់ Canon ចំនួន 450 នាក់។ អ្វីដែលអស្ចារ្យជាងនេះទៅទៀត សិក្ខាសាលានេះបានពាំនាំមកជូននូវបទបិសោធន៏ល្អៗ ចំនេះដឹងថ្មីៗ បច្ចេកទេសទំនើបៗ ដោយការប្រើប្រាស់ពន្លឺក្នុការថតរូបនៅក្នុង Studio និងនៅខាងក្រៅ Studio ការថតរូបដែលមានផ្ទៃទំហំធំ ថតរូបព្រិលពីក្រោយ និងការថតរូបតាមជំនាញផ្សេងៗទៀត អ្នកជំនាញអាជីពមកពីប្រទេស សិង្ហបុរី លោក Tristom Yeo ។
លោក Kevin បញ្ជាក់ថា សិក្ខាសាលាមួយនេះក៏បានធ្វើឡើង ដើម្បីផ្តល់ជូនអ្នកមានចំណាប់អារម្មណ៍ក្នុងការថតរូបគ្រប់ផ្នែកទាំងអស់ដែលបានចូលរួម មិនត្រឹមតែអ្នកចេះថតរូបនោះទេ អ្នកដែលមិនមានកាមេរ៉ា តែស្រលាញ់ផ្នែកថតរូប ក៏អាចចូលរួមក្នុងសិក្ខាសាលាមួយនេះបានដែរ ដើម្បីទទួលបាននូវចំណេះដឹង និងការបង្ហាញពីវិធីនៃការថតរូបបែបសាមញ្ញតែទទួលបានរូបភាពកាន់តែស្រស់ស្អាត។ ដូច្នេះហើយ បានជាយើងអញ្ជើញ លោក Tristom Yeo ជាអ្នកជំនាញថតរូបមួយរូប ដែលត្រូវបានគេទទួលស្គាល់ថាជាអ្នកថតរូបដែលមានស្នាដៃដ៏ល្អបំផុតប្រចាំទស្សវត្សន៍ក្នុងតំបន់អាស៊ីអាគ្នេយ៍មក។ លោក Triston ត្រូវបានទទួលស្គាល់ជាអនុបណ្ឌិតសមាជិកក្នុងសមាគមថតរូបនៃចក្រភពអង់គ្លេស ដោយលោកមានជំនាញស្ទើរតែគ្រប់ផ្នែកក្នុងវិស័យថតរូប ដូចជា Landscape, Commercial, Using Light, Studio & Outdoor Shooting។
ក្រុមហ៊ុន i-Qlick Marketing Co., Ltd តែងតែខ្វល់ពីអតិថិជន នឹងបង្រៀនពីការប្រើប្រាស់កាមេរ៉ាក្នុងការថតរូបដើម្បីទទួលបាននូវរូបភាពយ៉ាងស្រស់ស្អាតពី Canon តាមរយៈសិក្ខាសាលារបស់ក្រុមហ៊ុនដោយឥតគិតថ្លៃ។ ជាពិសេសទៅទៀតនៅក្នុងសិក្ខាសាលានេះផងដែរ អ្នកចូលរួមទាំងអស់អាចមានឱកាសទទួលការបណ្តុះបណ្តាលពី ការរៀនថតរូបដោយផ្ទាល់ នៅក្នុង Q-Studio នាថ្ងៃអាទិត្យ ទី25 ខែមិនា 2018 ចំនួន 20 នាក់។
ក្រុមហ៊ុន i-Qlick Marketing Co., Ltd ក៏បានជូនដំណឹងដល់អ្នកដែលគាំទ្រដល់ កាមេរ៉ា Canon ទាំងអស់អោយបានជ្រាបថា លោកអ្នកអាចមានឱកាសទទួលបានការសាកល្បងដោយផ្ទាល់ជាមួយកា Camera និងការលក់បញ្ចុះតម្លៃពិសេសសម្រាប់ម៉ូឌែលមួយចំនួនក្នុងរយៈពេល 7 ថ្ងៃ ដែលការបញ្ចុះតម្លៃនេះនឹងធ្វើឡើងចាប់ពីថ្ងៃទី 24 រហូតដល់ ទី 30 ខែមីនា ឆ្នាំ 2018។ ដូច្នេះសម្រាប់អ្នកដែលមានបំណងក្នុងការជាវ កាមេរ៉ា Canon អាចរួសរួនឡើងសម្រាប់ឱកាសដ៏ល្អមួយនេះ៕

March 26, 2018
vivo V9 ស្មាតហ្វូនបំពាក់កាមេរ៉ាមុខទំហំ 24 MP បង្ហាញខ្លួនក្នុងទីផ្សារកម្ពុជា
ទីបំផុតស្មាតហ្វូនលំដាប់កំពូល V9 របស់ក្រុមហ៊ុនទូរស័ព្ទ vivo បានប្រកាសសម្ពោធលក់ជាផ្លូវការហើយក្នុងទីផ្សារកម្ពុជា ជាមួយភាពជឿជាក់ថានឹងទទួលបានការគាំទ្រច្រើនពីអ្នកប្រើប្រាស់ ខណៈស្មាតហ្វូនម៉ូឌែលនេះ បានបំពាក់ជាមួយនឹងបច្ចេកវិទ្យាទំនើបៗជាច្រើន និងមានកាមេរ៉ាមុខមានទំហំរហូតដល់ 24 MP។ តាមការបញ្ជាក់ពីអ្នកតំណាងក្រុមហ៊ុន vivo ប្រចាំទីផ្សារប្រទេសកម្ពុជា បានឲ្យដឹងថា ទូរស័ព្ទ vivo V9 ដែលជាទូរស័ព្ទជំនាន់ស្ថិតនៅក្នុងត្រកូល V ដែលបំពាក់នូវកាមេរ៉ាភ្លោះ និងមានអេក្រង់ Full View Display ដ៏ទំនើបទំហំ 6.3 អ៊ីងមានកម្រិតបង្ហាញ FHD+ 2280×1080 Pixel ហើយមានកម្មវិធីចែកអេក្រង់ 3.0 ដែលអាចបន្ថែមនូវចំណីអារម្មណ៍ និងភាពកាន់តែងាយស្រួលក្នុងការប្រើប្រាស់មួយកម្រិតថែមទៀតផងដែរ។ ស្មាតហ្វូន V9 មានកាមេរ៉ាមុខទំហំ 24MP ដែលបំពាក់នូវសេនសឺ 1/2.78 អ៊ីង ដែលអាចធ្វើឲ្យពន្លឺចូលបានគ្រប់គ្រាន់ នឹងធ្វើឲ្យរូបសែលហ្វីកាន់តែភ្លឺស្អាត។
ជាមួយគ្នានេះ កាមេរ៉ាស្មាតតហ្វូន V9 ត្រូវបានក្រុមហ៊ុនភ្ជាប់ជាមួយបច្ចេកវិទ្យា A.I. Beauty ដែលជាការប្រមូលព័ត៌មានសម្គាល់ពីមុខមាត់ជាក់លាក់របស់មនុស្សផ្សេងៗពីគ្នាតាមរយៈទិន្នន័យលើផ្ទៃមុខមនុស្សជាច្រើនលាននាក់បូករួមនឹងអ្នកជំនាញវិជ្ជាជីវៈថតរូប និងអ្នកជំនាញផ្នែកតុបតែងមុខត្រូវបានពិគ្រោះយោបល់ក្នុងអំឡុងពេលនៃដំណើរការស្រាវជ្រាវ និងអភិវឌ្ឍន៍បច្ចេកវិទ្យានេះ។ លើសពីនេះទៀតនោះ វាក៏មានបច្ចេកវិទ្យា AR Cute Selfie ដែលអាចឲ្យលោកអ្នកជ្រើសរើសស្ទាយដែលចូលចិត្តធ្វើឲ្យរូបថតមើលទៅពិសេស និងកាន់តែតែមានភាពស្រស់ស្អាត។
V9 មានរ៉េមទំហំ 4GB និងមានអង្គចងចាំទំហំ 64GB នឹងអាចន្ថែមបានដល់ 256GB។ ស្មាតហ្វូនថ្មីនេះ ដំណើរការដោយ Android 8.1 / Funtouch OS4.0 ពិតជាធ្វើអោយការដំណើរការនៃកម្មវិធីមានភាពងាយស្រួលក្នុងការប្រើប្រាស់។ V9 មានថាមពលថ្មទំហំ 3260 mAh ដែលអាចអោយអ្នកប្រើសម្រាប់ការប្រើប្រាស់ធម្មតាបានមួយថ្ងៃពេញផងដែរ ។ អ្វីដែលប្លែកសំរាប់ស្មាតហ្វូន V9 នោះ គឺមុខងារមិនរំខានដល់ការលេងហ្គេមរបស់អ្នក ដែលនឹងមិនធ្វើអោយការលេងហ្គេមរបស់អ្នកបានកាត់ផ្តាច់នោះទេ ដូចនេះ អ្នកនៅតែអាចលេងហ្គេម និងអាចលើកទូរស័ព្ទក្នុងពេលតែមួយបានថែមទៀតផង។ ក្រុមហ៊ុន បានន្ថែមថា ស្មាតហ្វូន V9 ដែលជាម៉ូដែលថ្មីរបស់ vivo នេះ គឺពិតជាល្អសម្រាប់អ្នកដែលនិយមចូលចិត្តភាពទាន់សម័យ ជាពិសេសយុវវ័យតែម្តង ពីព្រោះតែតម្លៃសមរម្យ និងភាពទាន់សម័យនៃបច្ចេកវិទ្យារបស់វា។ សំរាប់ការមកដល់របស់ vivo V9 ក្រុមហ៊ុនផ្តល់ តម្លៃពិសេសត្រឹមតែ 329 ដុល្លារប៉ុណ្ណោ ដែលពិតជាសមរម្យជាងស្មាតហ្វូនកំពូលៗ ដែលជាដៃគូររបស់ vivo ដែលមានបច្ចេកវិទ្យាទំនើបដូចគ្នានោះ។ អ្វីដែលកាន់តែពិសេសជាងនេះទៅទៀតនោះ ក្រុមហ៊ុន vivo បានចាប់ដៃគូសហការជាផ្លូវការជាមួយក្រុមហ៊ុន Smart ដែលលោកអ្នកអាចរកជាវបាននូវទូរស័ព្ទ vivo ដោយនឹងទទួលបាននូវកាដូរបន្ថែមពី Smart យ៉ាងច្រើនផងដែរ៕

March 25, 2018
ពិធីសម្ពោធសាលាមត្តេយ្យអន្តរជាតិ Play Space Montessori
នៅព្រឹកថ្ងៃទី24 ខែមិនា ឆ្នាំ2018 សាលាមត្តេយ្យអន្តរជាតិ ភ្លេយ៍ស្ពេស ម៉ុនតេសសូរី បានបើកសម្ពោធជាផ្លូវការហើយ ក្រោមអធិបតីភាពឯកឧត្តម ប្រាក់ កុសល ប្រធាននាយកដ្ឋានកុមារតូច នៃក្រសួងអប់រំ យុវជន និងកីឡា លោកស្រី សឿន ម៉ាលីដា នាយិកាសាលាមត្តេយ្យ និងភ្ញៀវជាតិ -អន្តរជាតិជាច្រើននាក់ទៀត។
លោកស្រី សឿន ម៉ាលីដា បានមានប្រសាសន៍ថា គោលបំណងនៃការបើកសាលាមត្តេយ្យអន្តរជាតិ ភ្លេយ៍ស្ពេស ម៉ុនតេសសូរីនេះឡើង គឺដោយសារតែយើងមើលឃើញថា ការអប់រំ គឺជាកត្តាមួយដ៏សំខាន់ដើម្បីពង្រឹង និងអភិវឌ្ឍធនធានមនុស្សនៅប្រទេសកម្ពុជាយើង ហើយកម្មវិធីម៉ុនតេសសូរី គឺជាកម្មវិធីមួយដ៏ពេញនិយមនៅបណ្ដាប្រទេសនៅប៉ែកអីរ៉ុប ហើយនៅប្រទេសកម្ពុជាយើងក៏មានកម្មវិធីនេះដូចគ្នានឹងសាលាអន្តរជាតិដ៏ច្រើនទាំងនោះដែរ តែកម្មវិធីនេះនៅមិនទាន់ជ្រួតជ្រាបទៅដល់អាណាព្យាបាលដែលជាជនកម្ពុជានៅឡើយទេ ហើយនៅសាលាយើងក៏មានធ្វើកម្មវិធី Parents workshop ដើម្បីអញ្ជើញអាណាព្យាបាលមកចូលរួម និងបានស្ដាប់ដើម្បីយល់ដឹងអំពីកម្មវិធីនេះផងដែរ។
ឆ្លៀតក្នុងឱកាសនេះ ខ្ញុំសូមនិយាយពីប្រវត្តិនៃម៉ុនតេសសូរីជាត្រួសៗដូចតទៅៈ ម៉ុនតេសសូរី គឺជាកម្មវិធីមួយដែលបានទទួលស្គាល់ និងដាក់ឈ្មោះដោយលោកស្រី ម៉ារីយ៉ា ម៉ុនតេសសូរី នៅឆ្នាំ1907 ហើយលោកស្រីបានបើកថ្នាក់ដំបូងដោយទទួលកុមារឱ្យចូលសិក្សាដែលមានឈ្មោះថា ផ្ទះនៃកុមារ។ ដូច្នេះហើយទើបកម្មវិធីសិក្សារបស់យើងត្រូវពឺងផ្អែកទៅលើការបង្រៀនដោយមានលោកគ្រូ-អ្នកគ្រូធ្វើជាអ្នកអង្កេតសកម្មភាពទំាងអស់របស់កុមារ ដោយអង្កេតទៅលើការលេង និងសេរីភាពនៃការលេងប្រដាប់ប្រដាដែលយើងបានយកមកបង្រៀនស្របតាមស្តង់ដារ AMI និង AMF នៅសហរដ្ឋអាមេរិក។
គោលដៅរបស់យើង គឺព្យាយាមបង្កើតកម្មវិធីដែលហៅថា រីករាយ កម្មវិធីជឿទុកចិត្តលើកុមារ ហើយផ្តល់ជំនឿលើកុមារ ឱ្យកុមារជឿជាក់លើខ្លួនឯងក្នុងការសិក្សា និងប្រើប្រាស់កម្មវិធីទាំងអស់និងផ្តល់សិទ្ធិសេរីភាពដល់កុមារក្នុងការជ្រើសរើសនូវមុខវិជ្ជាអ្វីដែលកុមារចង់រៀន។ ទាំងអស់នេះគឺជាកម្មវិធីដែលផ្តោតសំខាន់លើការសិក្សាបែបម៉ុនតេសសូរី។
ឯកឧត្តម ប្រាក់ កុសល បានមានប្រសាសន៍ផងដែរថា មនុស្សវ័យក្មេងចំនួន 264លាននាក់ដែលមិនទទួលបានការអប់រំ មានន័យថា នៅក្រៅសាលា ដែលនេះគឺជាបញ្ហាមួយដែលធ្វើឱ្យមានផលប៉ះពាល់ជីវិតការងារ និងជីវភាពរស់នៅរបស់ពួកគេ។ មនុស្សវ័យក្មេង 262លាននាក់បានចូលរៀន ប៉ុន្តែមិនអាចចេះអាននៅក្នុងប្រទេសកំពុងអភិវឌ្ឍន៍ ហើយកម្ពុជាយើងក៏ស្ថិតនៅក្នុងចំណោមប្រជាជនវ័យក្មេងទាំងនោះដែរ។
កាលណាប្រជាជនវ័យក្មេងទាំងអស់នោះមានស្ថានភាពបែបនេះ គឺមានផលប៉ះពាល់ ហើយនឹងដើរមិនទាន់ទីផ្សារពលកម្មពិភពលោកទេ ដែលក្នុងដំណាក់កាលនោះ គឺជាការធ្វើបដិវត្តន៍ឧស្សាហកម្មទី4 ដែលមនុស្សត្រូវការជំនាញទន់ច្រើន និងមិនសូវត្រូវការមនុស្សពេញវ័យប្រើកម្លាំងទៀតទេ។ ជំនាញទន់គឺ ត្រូវតែផលិតមនុស្សដែលប្រើខួរក្បាលច្រើន មិនសូវប្រើកម្លាំងបាយ។ បច្ចេកវិទ្យា គឺលឿន ហើយសកម្មភាពខ្លះគេប្រើតែមនុស្សយន្ត ប្រសិនបើយើងប្រើកម្លាំងមនុស្ស គឺដើរមិនទាន់សម័យបដិវត្តន៍ឧស្សាហកម្មទី4 នេះទេ គឺមនុស្សត្រូវតែប្រើប្រាស់ខួរក្បាល។ យើងនឹងផលិតមនុស្សដែលមានសក្តានុពលខ្លាំងខាងផ្នែកខួរក្បាលដើម្បីផ្គត់ផ្គង់ទៅឱ្យក្រុមហ៊ុនធុរកិច្ច និងដើម្បីបម្រើដល់សេចក្តីត្រូវការដ៏ជឿនលឿននេះ។
កាលណាយើងនិយាយពីវិធីសាស្រ្ត សាលាភ្លេយ៍ស្ពេស ម៉ុនតេសសូរី គឺយើងនិយាយពីការលេងជាអានុភាព ប៉ុន្តែសួរថា តើគ្រួសារទាំងអស់ដែលមានកូន តើពួកគេមានរបៀបលេងយ៉ាងដូចម្តេចដែរ? តើការលេងរបស់កូនៗទាំងនោះនឹងឆ្លើយតបទៅនឹងការរីកចម្រើនរបស់កុមារដែរឬទេ? គ្រួសារខ្លះរៀបចំរបស់លេងសម្រាប់ក្មេងវ័យ 1ឆ្នាំឱ្យលេងរបស់លេងសម្រាប់ក្មេងវ័យ 5ឆ្នាំ ដែលវាមិនបម្រើឱ្យខួរក្បាលកុមារក្នុងវ័យ 1ឆ្នាំទេ។ រវាងគ្រួសារ សាលារៀន សាលាមត្តេយ្យឯកជន គឺយើងដើរតួនាទីដោយការបំពេញឱ្យគ្នាទៅវិញទៅមក។
ការអប់រំ គឺមានកាតព្វកិច្ចជាចាំបាច់នៅក្នុងការអភិវឌ្ឍធនធានមនុស្សជាតិ ដោយផ្ដល់នូវការបណ្ដុះបណ្ដាលឱ្យកុមារមានចំណេះដឹង ជំនាញ សមត្ថភាពល្អ សុជីវធម៌ល្អ និងចរិតលក្ខណៈល្អ ដើម្បីជំរុញឱ្យកុមារក្លាយជាអ្នកសិក្សាចេះដឹង និងចូលរួមអភិវឌ្ឍប្រទេសជាតិនៅថ្ងៃអនាគត៕
March 24, 2018
Inthanin ចាប់ផ្តើមដំណើរការផ្តល់សិទ្ធិអាជីវកម្មក្នុងប្រទេសកម្ពុជា
សិក្ខាសាលាស្តីពីឱកាសក្នុងការផ្តល់សិទ្ធិអាជីវកម្មរបស់ហាងកាហ្វេ Inthanin ដែលជាហាងកាហ្វេពេញនិយម និងធំជាងគេលំដាប់ទី2 ក្នុងប្រទេសថៃត្រូវបានប្រារព្ធធ្វើឡើងនៅថ្ងៃទី23 ខែមិនា ឆ្នាំ2018 នៅភោជនីយដ្ឋានទន្លេបាសាក់2 ដែលសិក្ខាសាលានេះរៀបចំឡើងដោយក្រុមហ៊ុន RCG Retail Group (Cambodia) និងក្រុមហ៊ុន Bangchak Retail ដោយមានការចូលរួមពីសំណាក់អ្នកធុរកិច្ចកម្ពុជាជាច្រើនរូប។
នៅក្នុងសិក្ខាសាលានេះ លោកស្រី ជីរ៉ាណាន់ វង្សមង្គល ប្រធានក្រុមប្រឹក្សាភិបាលក្រុមហ៊ុន RCG Retail Group (Cambodia) និងជាអ្នកលក់បន្តសិទ្ធិអាជីវកម្មម៉ាកសញ្ញាហាងកាហ្វេInthanin បានធ្វើបទបង្ហាញស្តីពីនីតិវិធីក្នុងការទិញសិទ្ធិអាជីវកម្មហាងកាហ្វេ Inthanin យុទ្ធសាស្ត្រក្នុងការលក់ក៏ដូចជាទីផ្សារ និងគុណប្រយោជន៍ក្នុងការជ្រើសរើសយកកាហ្វេ Inthanin សម្រាប់ការធ្វើធុរកិច្ច។
ថ្លែងក្នុងសិក្ខាសាលានេះ លោកស្រីបានឱ្យដឹងថា កាហ្វេInthanin គឺជាកាហ្វេដែលមានរសជាតិឆ្ងាញ់ រីឯតម្លៃក៏សមរម្យសម្រាប់ប្រជាជនខ្មែរអាចទទួលយកបាន ហើយលើសពីនេះទៅទៀត ហាងកាហ្វេ Inthanin ក៏នៅមានបម្រើអាហារសម្រន់ និងនំឆ្ងាញ់ៗអមជាមួយផងដែរ។ ដោយឡែកក្នុងការទិញសិទ្ធិអាជីវកម្មហាងកាហ្វេInthanin លោកស្រីបានបន្ថែមថា អ្នកដែលមានចំណាប់អារម្មណ៍ គឺត្រូវបំពេញទម្រង់បែបបទសិទ្ធិអាជីវកម្មដែលបានផ្ដល់ជូនដោយក្រុមហ៊ុន RCG Retail Group (Cambodia) ហើយជាពិសេសត្រូវបញ្ជាក់ពីទីតាំងអាជីវកម្ម ព្រោះថា ការលក់ និងចែកចាយនឹងធ្វើឡើងទៅតាមខណ្ឌ និងតំបន់នីមួយៗដើម្បីចៀសវាងការប្រកួតប្រជែងរវាងBrand ដូចគ្នា។
គួរបញ្ចាក់ផងដែរថា ហាងកាហ្វេInthanin ជាហាងកាហ្វេក្នុងក្រុមបុត្រសម្ព័ន្ធរបស់ក្រុមហ៊ុនប្រេងឥន្ធនៈបាងចាកដ៏ល្បីល្បាញក្នុងប្រទេសថៃអស់រយៈពេល 10ឆ្នាំ និងមាន 500សាខា ដែលបច្ចុប្បន្នហាងកាហ្វេនេះមានគម្រោងពង្រីកសាខារបស់ខ្លួនបន្ថែមចំនួន 100ទីតាំងនៅក្នុងប្រទេសកម្ពុជា និងឡាវ។ រីឯការទិញសិទ្ធិអាជីវកម្មហាងកាហ្វេInthanin នេះ គឺមានតម្លៃ 1,2500 ដុល្លាសហរដ្ឋអាមេរិកសម្រាប់អ្នកចុះឈ្មោះក្នុងថ្ងៃសិក្ខាសាលានេះ ដែលក្នុងនោះមានរួមបញ្ចូលទាំងសេវារៀបចំ និងការរចនាតុបតែងហាង ព្រមទាំងការបង្វឹកហាត់បុគ្គលិកទៀតផង៕

March 24, 2018
RUUD VAN NISTELROOY រំភើបចូលរួមកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA CHAMPIONS LEAGUE ដែលនាំជូនដោយ HEINEKEN® សម្រាប់អ្នកគាំទ្រកម្ពុជា
ភ្នំពេញ៖ កាលថ្ងៃទី 14 ខែមីនា លោក Ruud van Nistelrooy វីរបុរសបាល់ទាត់ UEFA Champions League សញ្ជាតិហូឡង់ បានសម្តែងភាពរំភើបរីករាយក្នុងការចូលរួមជាអធិបតីភាពក្នុងកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំ 2018 ដែលនាំជូនដោយស្រាបៀរ Heineken® ដែលនឹងធ្វើទស្សនកិច្ចនៅប្រទេសកម្ពុជាជាលើកទីមួយចាប់ពីថ្ងៃទី2 ដល់ថ្ងៃទី 4 ខែមេសា ឆ្នាំ 2018 ខាងមុខនេះ។
លោក Ruud van Nistelrooy ត្រូវបានចាត់ទុកថាជាកីឡាករដ៏ឆ្នើមបំផុតម្នាក់ក្នុងជំនាន់របស់គាត់ដោយស៊ុតបញ្ចូលទីបាន 150 គ្រាប់ក្នុង 219 ប្រកួតសម្រាប់ក្រុម Manchester United និងជាកីឡាករស៊ុតបញ្ចូលទីបានច្រើនជាងគេក្នុងកំណត់ត្រាបាល់ទាត់អឺរ៉ុបរបស់ក្លិបនេះ។ កីឡាករខ្សែប្រយុទ្ធសញ្ជាតិហូឡង់រូបនេះល្បីឈ្មោះជាកីឡាករស៊ុតបាល់បញ្ចូលទីច្រើនជាងគេបីសម័យកាលក្នុងក្របខ័ណ្ឌ UEFA Champions League ដែលលោកបានបង្ហាញខ្លួនចំនួន 81 លើក ដោយស៊ុតបញ្ចូលទីបាន 60គ្រាប់។
ដោយសារទំនាក់ទំនងជាប្រវត្តិសាស្ត្រជាមួយនឹងក្របខ័ណ្ឌ UEFA Champions League លោក Ruud van Nistelrooy បានកាន់តួនាទីជាទូតសុឆន្ទៈដើម្បីចែករំលែកផ្សព្វផ្សាយមហិច្ឆិតាចំពោះការប្រកួតក្របខ័ណ្ឌនេះជាមួយអ្នកគាំទ្របាល់ទាត់ទូទាំងពិភពលោក។
លោករំភើបខ្លាំងណាស់ចំពោះដំណើរទស្សនកិច្ចនៅព្រះរាជាណាចក្រកម្ពុជា ជាពិសេសឱកាសជួបជាមួយអ្នកគាំទ្រ និងកីឡាករបាល់ទាត់កម្ពុជា ដោយកីឡាករកម្ពុជាមួយចំនួននឹងមានឱកាសចូលរួមក្នុងវគ្គបង្វឹកពិសេសជាមួយលោក Ruud van Nistelrooy ។
កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំ 2018 ដែលនាំជូនដោយស្រាបៀរ Heineken® ជំរុញផ្តល់ឲ្យអ្នកគាំទ្រទូទាំងពិភពលោកនូវឱកាសផ្ទាល់ក្នុងការចូលរួមទទួលបានភាពរំភើបរីករាយនៃការទស្សនាការប្រកួតនេះតាមរយៈយុទ្ធនាការរបស់ស្រាបៀរ Heineken® ដែលមានឈ្មោះថា “ចែករំលែកភាពរំភើបរីករាយ ចែករំលែកពានរង្វាន់”។
ក្នុងប្រវត្តិសាស្ត្រដប់មួយឆ្នាំរបស់កម្មវិធីដំណើរទេសចរណ៍នេះបានទៅដល់ 26 ប្រទេសនៅទូទាំងទ្វីបអាហ្វ្រិក អាស៊ី អាមេរិកខាងត្បូង និងអាមេរិកខាងជើង។ ឥឡូវកម្មវិធីនេះនឹងធ្វើដំណើរមកដល់កម្ពុជាតាមរយៈស្រាបៀរ Heineken® ។
ព័ត៌មានបន្ថែមអំពីកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® នៅក្នុងប្រទេសកម្ពុជា និងឱកាសសម្រាប់អ្នកគាំទ្រចូលរួមក្នុងសកម្មភាពផ្សេងៗនឹងធ្វើការចេញផ្សាយក្នុងពេលឆាប់ៗនេះ។
ចំពោះព័ត៌មានលម្អិត សូមចូលមើលគេហទំព័រ www.facebook.com/Heineken
សូមរីករាយទទួលទានស្រាបៀរ Heineken ដោយទទួលខុសត្រូវ
March 21, 2018