Author: ធឿន មករា

កម្លាំងម៉ាស៊ីនខ្លាំង តម្លៃទាប ទូរសព្ទស្មាតហ្វូន Gaming realme 7 បានដាក់ឲ្យធ្វើការកម្មង់ហើយ
ហ្គេមទូរសព្ទដៃឥឡូវពិតជាពេញនិយមណាស់សម្រាប់យុវវ័យភាគច្រើន ដែលលេងសម្រាប់ការកម្សាន្ត មិនថាហ្គេម PUBGឬ MLBB សុទ្ធតែមានការប្រកួតប្រជែងខ្លាំង។ ក្នុងការលេងហ្គេមទឹកដៃបច្ចេកទេសរបស់អ្នកលេងគឺសំខាន់ ទោះជាយ៉ាងណាក៏ដោយកម្លាំងម៉ាស៊ីនទូរសព្ទពិតជាមានសារៈសំខាន់ណាស់ ដូច្នេះទូរសព្ទដែលមានកម្លាំងម៉ាស៊ីនខ្លាំងពិតជាអាចអ្នកលេងរបស់យើងងាយស្រួលទទួលបានជ័យជម្នះ។
កាលពីមុនមិនយូរប៉ុន្មាន realme ដែលជាម៉ាកស្មាតហ្វូន មានការរីកចម្រើនលឿនបំផុតនៅលើពិភពលោកបានបញ្ចេញ realme 7 ដែលធ្វើឲ្យយុវវ័យទទួលបាន ការថតរូបច្បាស់ ការសាកថ្មលឿន និងកម្លាំងម៉ាស៊ីនខ្លាំងសម្រាប់ការលេងហ្គេម ។ ដើម្បីបង្កើតឲ្យបានទូរសព្ទដែលមានកម្លាំងម៉ាស៊ីនខ្លាំង realme 7 គឺជាទូរសព្ទដំបូងគេបង្អស់ដែលបានបំពាក់បន្ទះឈីបខ្លាំង Helio G95 ជាមួយអេក្រង់រលូនល្បឿន90Hz សម្រាប់ការលេងហ្គេមកាន់តែរលូន ហើយក៏មាន ការសាកថ្មលឿន Dart 30W ថាមពលថ្មធំ 5000mAh ។ មិនតែប៉ុណ្ណោះ realme 7 ក៏ទទួលបានវិញ្ញាបណ្ណបត្រគុណភាព និងការជឿទុកចិត្ត ពីស្ថាប័ន TüV Rheinland របស់ប្រទេសអាឡឺម៉ង់។ ស្របពេលជាមួយគ្នានេះដែរ realme គឺជាក្រុមហ៊ុននាំមុខភាពពេញនិយមផ្នែកបច្ចេកវិទ្យា បានបំពាក់ កាមេរ៉ា Sony 64MP បួនគ្រាប់ទៅលើ realme 7 ដែលមានតម្លៃមិនដល់ 300$ នោះ វាធ្វើឲ្យrealme 7 ក្លាយជាទូរសព្ទមួយដែលខ្លាំងគ្រប់លក្ខណៈស្របទៅតាមគោលគំនិត “Dare to leap”ហ៊ានឆ្ពោះទៅមុខ។
កម្លាំងម៉ាស៊ីនខ្លាំង+អេក្រង់រលូន : MTK Helio G95 ពិន្ទុជាង30ម៉ឺន ជាមួយអេក្រង់លេងហ្គេម 90Hz កាន់តែមានភាពលេចធ្លោជាងមុន
ក្នុងនាមជាទូរស័ព្ទវៃឆ្លាតដែលត្រូវបានបង្កើត សម្រាប់បទពិសោធន៍លេងហ្គេមដែលមានគុណភាពខ្ពស់ realme 7 បានបំពាក់បន្ទះឈីបជំនាន់ចុងក្រោយបង្អស់ដែលជាបន្ទះឈីបលេងហ្គេម MediaTek Helio G95 ដំបូងបង្អស់នៅលើពិភពលោក ដែលទទួលបានពិន្ទុ Antutu ច្រើនជាង 300,000 ជាមួយនឹងការរួមបញ្ចូលគ្នានៃទំហំផ្ទុក RAM 8GB + ROM 128GB ធ្វើឲ្យសមត្ថភាពកាន់តតែខ្លាំង។ បើនិយាយពីអេក្រង់វិញrealme 7 ត្រូវបានបំពាក់ដោយអេក្រង់ទំហំ ៦.៥ អ៊ីញកម្រិត FHD+ ល្បឿនអេក្រង់៩០90Hz ដែលលាតសណ្ធឹង ៩០.៥%នៃតួខ្លួនទាំងមូល ធ្វើឱ្យ realme 7 ក្លាយជាជម្រើសល្អឥតខ្ចោះសម្រាប់អ្នកលេងហ្គេម។
រូបភាព Ic3_fr0Gz លេងហ្គេម
សាកថ្មលឿន+ថ្មកាន់បានយូរ : ការសាកថ្មលឿន Dart 30W ថាមពលថ្មធំ 5000mAh ធ្វើឲ្យអ្នកប្រើប្រាស់ងាយស្រួលជាងមុន
ថាមពលថ្មធំងាយស្រួលក្នុងការដោះស្រាយ បញ្ហាឆាប់អស់ថ្ម។ realme 7 មានថាមពលថ្មធំ 5000mAh ធ្វើឲ្យការប្រើប្រាស់បានយូរជាងមុន ។ ជាមួយគ្នានេះផងដែរ បច្ចេកវិទ្យាសាកថ្មលឿន Dart 30W របស់ realme 7 អាចសាកថ្មធំ5000mAh បាន 50% ត្រឹមតែ26នាទីប៉ុណ្ណោះ។
ថតច្បាស់ពេលយប់+មុខងារសម្បូរបែប ：កាមេរ៉ា Sony 64MP Ultra Clear 4គ្រាប់ ទទួលបានទិដ្ឋភាពកាន់តែអស្ចារ្យ
ក្រៅពីការលេងហ្គេម អ្នកក៏អាចរក្សាទុកអនុស្សាវរិយ៍របស់ជាមួយrealme 7 ។ ដើម្បីជួយយុវជនឱ្យកាន់តែរីករាយនឹងការថតរូប realme 7 កាមេរ៉ា Sony 64MP Ultra Clear 4 គ្រាប់ ជាលើកដំបូងក្នុងចន្លោះតម្លៃក្រោម ៣០០ ដុល្លារ។ កាមេរ៉ា Sony 64MP មានទំហំ 1/1.73អ៊ីញ ជាប្រភេទ Sony IMX 682 ដែលអាចឲ្យយើងប្រើប្រាស់មុខងារ 64MP ថតរូបបានកាន់ច្បាស់គ្រប់ចំនុច។
ក្រៅពីនេះ realme 7 ក៏មានមុខងារថតហ្វូងផ្កាយ Starry Modeផងដែរ។ ហើយមុខងារដ៏ពេញនិយម Night Filters ក៏អាចឲ្យយើងថតយករូបភាពពេលយប់ដែលពោរពេញទៅដោយភាពច្នៃប្រឌិត។
“ហ៊ានឆ្ពោះទៅមុខ” realme 7 ទូរសព្ទសម្រាប់លេងហ្គេមដែលមានសមត្ថភាពខ្លាំង ហើយ realme 7 ត្រូវបាន MLBB ជ្រើសរើសសម្រាប់ការប្រកួត MLBB City Tournament វានឹងផ្លាស់ប្តូរបទពិសោធន៍នៃការលេងហ្គេមរបស់កីឡាករ។ កីឡាករងាយស្រួលបញ្ចេញទឹកដៃឲ្យអស់សមត្ថភាព ក្នុងកម្រិតអាជីពតែម្តង។ ឥឡូវនេះ អតិថិជនទាំងអស់ អាចធ្វើការកក់ realme 7 ស៊េរី ពីគ្រប់ដៃគូសហការរបស់realme ទាំងអស់ នឹងទទួលបានការដូពិសេសជាច្រើន។ សម្រាប់ការកម្មង់ទុកមុន realme 7 Serires ពីថ្ងៃនេះ ដល់ ថ្ងៃទី 08 ហើយទទួលបាន ទូរសព្ទនៅថ្ងៃទី 09 ចំពោះ realme 7 Pro មាន 8GB RAM +128GB ROM តំលៃ 369$ និងទទួលបានកាដូរបន្ថែមដូចជា ដបទឹក, កាសក្តោប, កាបូបកីឡា និង លេខស៊ីមស្មាតធំហ្មង (12 សប្តាហ៍)។ realme 7 មាន 8GB RAM +128GB ROM តំលៃ 289$ និងទទួលបានកាដូរបន្ថែមដូចជា ដបទឹក, កាសក្តោប, កាបូបកីឡា និង លេខស៊ីមស្មាតធំហ្មង (12 សប្តាហ៍)។ ប្រញ៉ាប់ឡើងចំនួនមានកំណត់!!!!
October 5, 2020
បងច្រណែនប្អូន ប្អូនច្រណែនបង ឪពុកម្ដាយត្រូវធ្វើដូចម្ដេច?
គ្រួសារណាដែលមានកូន 2នាក់ ហើយអាយុខុសគ្នាប្រមាណ 2 – 3ឆ្នាំនោះ ច្រើនតែជួបនឹងបញ្ហាដ៏គួរឱ្យពិបាកចិត្តក្នុងរឿងរបស់បងច្រណែនប្អូន ប្អូនច្រណែនបងខ្លះៗមិនខាន បើមិនតិចក៏ច្រើនដែរ។ ភាពខុសប្លែកគ្នាក្នុងរឿងអាយុ និងភេទ ជាមូលហេតុចម្បងដែលធ្វើឱ្យក្មេងកើតក្ដីច្រណែនគ្នាបាន ដូចជា កូនច្បងច្រណែននឹងកូនពៅដែលឪពុកម្ដាយផ្ដល់ភាពសំខាន់លើកូនពៅខ្លាំងជាងខ្លួនជាដើម។
រឿងដែលសំខាន់ខ្លាំងបំផុតនោះគឺ ឪពុកម្ដាយត្រូវតែយល់ដឹងអំពីរឿងរបស់ភាពស្មើភាពគ្នាក្នុងការផ្ដល់ពេលវេលាដល់កូនៗយ៉ាងស្មើៗគ្នា មិនឱ្យទៅនរណាម្នាក់ច្រើនពេក ឬតិចពេក មិនជ្រើសរើសប្រណិបត្តិខុសគ្នាជាមួយកូនក្នុងរឿងតែមួយដូចគ្នា ឬក្នុងហេតុការណ៍ដែលស្រដៀងគ្នា ដូចជា ពេលកូនប្អូនមិនប្រមូលទុកដាក់របស់លេង ក៏ប្រាប់ថា មិនអីទេ ចាំម៉ាក់ប្រមូលទុកឱ្យ តែដល់កូនបងលេងវិញម្ដង អ្នកក៏ប្រាប់ថា បើលេងហើយ ចូរប្រមូលទុកដាក់ក្នុងឡាំងឱ្យស្រួលបួលផង។ បើកូនបងមិនធ្វើតាមម្ដាយប្រាប់ ម្ដាយបែរជាលែងឱ្យកូនបងលេងរបស់លេងនោះតទៅទៀត ជាដើម។ ប្រាកដណាស់ថា អ្វីដែលអ្នកនិយាយ កូននឹងលើកយកមកគិតយ៉ាងពិតប្រាកដថា ពេលប្អូន ហេតុអីលេងហើយ ម៉ាក់ជាអ្នកប្រមូលទុកដាក់ឱ្យ? ចុះដល់រូបគេលេងម្ដង ម៉េចបានម៉ាក់ឱ្យប្រមូលទុកដាក់ខ្លួនឯង?។ បែបនេះមិនមែនជារឿងល្អចំពោះកូនច្បងឡើយ ព្រោះគេនឹងចាប់ផ្ដើមមានអារម្មណ៍មិនល្អជាមួយនឹងប្អូនមិនខាន ទីបំផុតអាចក្លាយជា បងស្អប់ប្អូនតែម្ដងក៏មានដែរ។
ការប្រណិបត្តិខ្លួនជាមួយកូនៗរបស់ឪពុកម្ដាយនឹងជួយឱ្យកើតមានភាពយល់ចិត្តរវាងគ្នានឹងគ្នាបានល្អបំផុត ព្រោះបញ្ហាកើតចេញពីខ្លួនឪពុកម្ដាយផ្ទាល់ហ្នឹងឯង។ អ្វីដែលឪពុកម្ដាយត្រូវនឹកដល់ឱ្យច្រើនបំផុតនោះគឺ រឿងសភាពផ្លូវចិត្តរបស់កូនច្បង។ លោកអ្នកត្រូវយកចិត្តទុកដាក់គេឱ្យបានច្រើន បែងពេលវេលាមកជជែកលេងជាមួយកូន ឬការផ្ដល់ពេលវេលារួមគ្នាជាមួយកូនៗ ទាំងកូនច្បង និងកូនពៅ វានឹងជួយចងសម្ព័ន្ធភាពរវាងបងប្អូនបានយ៉ាងល្អ និងថែមទាំងជួយឱ្យពួកគេបានធំធាត់ឡើងព្រមជាមួយសេចក្ដីស្រឡាញ់ដែលមានចំពោះគ្នាទៅវិញទៅមកទៀតផង។ ការបង្រៀនឱ្យកូនចេះចែករំលែកសេចក្ដីស្រឡាញ់ទៅដល់អ្នកដទៃខ្លះ នឹងជួយឱ្យគេសុខចិត្តធ្វើជាបងធំដែលលះបង់ឱ្យប្អូនៗជានិច្ច។ ការបង្រៀនកូនបែបនេះ មានផលល្អទៅដល់អនាគតខាងមុខរបស់គេ ព្រោះចុងក្រោយទៅ គេនឹងក្លាយជាមនុស្សដែលមានចិត្តល្អ ចេះសណ្ដោសប្រណី ទន់ភ្លន់ជាមួយមនុស្សជុំវិញខ្លួនជានិច្ច និងទីបំផុតទៅ រឿងដែលយើងគិតថា គេជាក្មេងដែលប៉ឹនច្រណែននោះ នឹងរលាយបាត់អស់បន្តិចម្ដងៗជាមិនខាន តែទាំងអស់នេះក៏អាស្រ័យលើការអប់រំប្រៀនប្រដៅយ៉ាងត្រឹមត្រូវអំពីឪពុកម្ដាយផងដែរ៕
Got to Know
ក្មេងៗគ្រប់រូបមានភាពជាឯកលក្ខណៈរបស់ខ្លួន ក្មេងៗមានរឿងខ្លះដែលខ្លួនគេមានមោទនភាព ដូច្នេះចូរព្យាយាមបង្ហាត់បង្រៀនជាប់ជានិច្ចតាំងពីពួកគេនៅតូចៗថា យើងនឹងមិនប្រៀបធៀបរូបគេទៅនឹងបង ឬប្អូនឡើយ ព្រោះម្នាក់ៗមានភាពលេចធ្លោម្យ៉ាងៗនៅក្នុងខ្លួន។ ការធ្វើឱ្យគេមានមោទនភាពចំពោះអ្វីដែលគេមាន នឹងជួយកាត់បន្ថយការប្រកួតប្រជែង ឬភាពច្រណែនឫស្យាក្នុងចិត្តរបស់ក្មេងៗបាន។ លោកអ្នកអាចនឹងចង់ដឹងថា តើយើងមានវិធីយ៉ាងណាក្នុងការធ្វើឱ្យកុមារមានអារម្មណ៍មោទនភាពចំពោះខ្លួនឯង… ចម្លើយក៏គឺ លោកអ្នកត្រូវព្យាយាមរករឿងមួយនេះពីក្នុងខ្លួនគេ តាមរយៈការសង្កេត ជជែកនិយាយជាមួយគេមួយទល់នឹងមួយ ឬធ្វើកិច្ចការងាររួមគ្នាឱ្យបានញឹកញាប់ និងផ្ដល់ពេលវេលាយ៉ាងគ្រប់គ្រាន់ជាមួយកូនៗម្នាក់ៗ។ ការផ្ដល់ពេលវេលាចំពោះកូនម្នាក់ៗនឹងធ្វើឱ្យឪពុកម្ដាយយល់ដឹងថា កូនម្នាក់នេះអាចនឹងរៀនពូកែ តែម្នាក់ទៀតអាចនឹងលេងកីឡាពូកែ ឬម្នាក់ទៀតអាចពូកែនិយាយ ជាដើម។ « ចុងបញ្ចប់នេះ អ្នកគ្រូ ឆវីចង់ប្រាប់ថា ៈ ភាពពូកែរបស់ក្មេងៗមិនដូចគ្នាទេ ដូច្នេះសូមមេត្តាកុំប្រៀបធៀបរឿងដូចគ្នាជាមួយកូនៗអី ព្រោះកូនម្នាក់ៗប្រៀបដូចជាផ្កាប្រភេទផ្សេងៗ មិនអាចប្រៀបធៀបគ្នាបានឡើយ»៕
October 5, 2020
ពិធីសម្ពោធជាផ្លូវការនៃរថយន្ត Ford Everest 2.0L Bi-Turbo ជំនាន់ថ្មី
[ភ្នំពេញ – ថ្ងៃទី ០២ ខែតុលា ឆ្នាំ២០២០] ក្រុមហ៊ុន អ អិម អេ ខេមបូឌាដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Ford គ្រប់ប្រភេទក្នុងទីផ្សារប្រទេសកម្ពុជាបានប្រារព្ធពិធីសម្ពោធជាផ្លូវការរថយន្ត Ford Everest 2.0L Bi-Turbo ជំនាន់ថ្មី ដែលកម្មវិធីនេះបានប្រារព្ធធ្វើឡើងនៅ ដឹ ព្រេមៀ សេនធ័រ សែនសុខ។

កម្មវិធីនេះត្រូវបានអញ្ជើញចូលរួមដោយភ្ញៀវកិត្តិយសចំនួនប្រមាណជាង ២,០០០ នាក់ ហើយក្នុងកម្មវិធីនេះដែរក៏មានការចាប់ឆ្នោតផ្សងសំណាងសម្រាប់អតិថិជនដែលបានទិញរថយន្ត Ford Everest 2.0L Bi-Turbo ជំនាន់ថ្មីនេះយកទៅប្រើប្រាស់មុនថ្ងៃសម្ពោធជាផ្លូវការផងដែរ រង្វាន់ធំនោះគឺរថយន្ត Ford Ecosport ចំនួន១គ្រឿង និងរង្វាន់លួងចិត្តមាសសុទ្ធយ៉ាងច្រើនសន្ធឹកសន្ធាប់។

លោក ប្រាក់ ណារុំ ជាអតិថិជន Ford Everest 2.0L Bi-Turbo ដែលមានសំណាងឈ្នះនូវរថយន្ត Ford Ecosport ស៊េរីថ្មីពីក្រុមហ៊ុនផ្ទាល់ក្នុងកម្មវិធីសម្ពោធជាផ្លូវការនេះ។ គាត់បានមានប្រសាសន៏ដោយក្តីរំភើបថា៖ “ខ្ញុំបាទពិតជាសប្បាយរីករាយ និងភ្ញាក់ផ្អើលខ្លាំងមែនទែន ដែលថ្ងៃនេះមានសំណាងបានឈ្នះរថយន្ត Ford Ecosport ស៊េរីថ្មី ពីក្រុមហ៊ុនហ្វដ” ឆ្លៀតក្នុងឱកាសនេះផងដែរ គាត់ក៏បានរៀបរាប់ពីបទពិសោធន៏ប្រើប្រាស់របស់គាត់ជាមួយរថយន្ត Ford Everest 2.0L Bi-Turbo ជំនាន់ថ្មី នេះថា៖ “រថយន្តនេះពិតជាមានសមត្ថភាពខ្លាំងដែលអាចអោយខ្ញុំបើកបរបានគ្រប់ស្ថានភាពផ្លូវ ជាពិសេសមានបច្ចេកវិទ្យានិងប្រព័ន្ធសុវត្ថិភាពខ្ពស់ដែលជួយសម្រួលដល់ការបើកបររបស់ខ្ញុំ” ក្រៅពីនោះអតិថិជនដែលមិនបានឈ្នះរង្វាន់ធំក៏បានទទួលនូវមាស ១ជីជារង្វាន់លួងចិត្តផងដែរ។
រថយន្ត Ford Everest 2.0L Bi-Turbo ជំនាន់ថ្មី គឺជារថយន្ត SUV មួយដែលត្រូវបានទទួលស្គាល់ពីគុណភាព ភាពរឹងមាំ និងបច្ចេកវិទ្យាទំនើបៗពីសំណាក់ប្រជាជនកម្ពុជា។ រថយន្តនេះមាន DNA រួមជាមួយនឹងរថយន្ត Ford Ranger Wildtrak ដែលជារថយន្ត Pick Up ហេតុនេះហើយទើបប្រព័ន្ធជើងហាប់ណែនដែលអាចអោយរថយន្តនេះជំនះបានគ្រប់ស្ថានភាពផ្លូវ និងបូករួមជាមួយនឹងបច្ចេកវិទ្យាមួយចំនួនដែលធ្វើតម្រូវតាមភាពប្រណិតនៃរថយន្ត SUV នេះផងដែរ។
លោក ងន សាំង អគ្គនាយកក្រុមហ៊ុនអ អិម អេ ខេមបូឌា បានមានប្រសាសន៍ថា៖ “ ក្រុមហ៊ុន អ អិម អេ ខេមបូឌាសម្រេចចិត្តនាំចូលនូវប្រភេទរថយន្ត Luxury និងOff-road SUV មួយនេះមកកាន់ទីផ្សារកម្ពុជា គឺដោយសារសង្កេតឃើញថា បច្ចុប្បន្ននេះរថយន្តប្រភេទ SUV កំពុងទទួលបានការពេញនិយមប្រើប្រាស់ច្រើនគួរអោយកត់សម្គាល់ពីសំណាក់ប្រជាជនកម្ពុជាយើង និងដើម្បីលើកទឹកចិត្តប្រជាជនកម្ពុជាឲ្យប្រើប្រាស់រថយន្តថ្មីផងដែរ”
លោក Michael Breen នាយកប្រត្តិបត្តិប្រចាំក្រុមហ៊ុន ហ្វដ បានមានប្រសាសន៍ថា៖ “រថយន្ត Ford Everest 2.0L Bi-Turbo ជំនាន់ថ្មី អាចប្រើប្រាស់បាន គ្រប់កាលៈទេសៈ គ្រប់ស្ថានភាពផ្លូវ មិនថាសម្រាប់ការប្រើប្រាស់ជាលក្ខណៈគ្រួសារ ធ្វើការងារប្រចាំថ្ងៃ ឬដំណើរកម្សាន្តនោះទេ។ ជាពិសេសគឺសម្រាប់អ្នកដែលចូលចិត្តធ្វើដំណើរបែបផ្សងព្រេង និងបើកបរលើស្ថានភាពផ្លូវដែលមានឧបសគ្គផ្សេងៗជាដើម”
រថយន្ត Ford Everest 2.0L Bi-Turbo ជំនាន់ថ្មី បានធ្វើការផ្លាស់ប្តូរនូវចំណុចធំៗចំនួន ៦ដែលរួមមាន៖
រថយន្តនេះបានបំពាក់នៅម៉ាស៊ីន 2.0L Bi-Turbo ជំនាន់ថ្មី ទំហំ ៤ស៊ីឡាំង កម្លាំងខ្លាំងស៊ីប្រេងតិច ដែលអាចអោយរថយន្តនេះផលិតបាននូវកម្លាំងសេះ រហូតដល់ ២១៣ PS និងកម្លាំងរមួលកង់ ៥០០ N.M
ប្រអប់លេខ 10លេខអូតូ បើកបរមានភាពរលូន និងចូលលេខបានល្អជាងមុន, ចំណុចដែលអតិថជនកំពុងតែទន្ទឹងរង់ចាំយូរណាស់មកហើយនោះគឺ Push Button Start-Stop/ Smart Key គឺរថយន្តនេះបានបំពាក់នូវប្រព័ន្ធ Smart Key ដែលងាយស្រួលដល់អតិថជនដែលបញ្ឆេះរថយន្តមិនចាំបាច់ប្រើសោរ ព្រមទាំងចេញចូលរថយន្តដោយគ្រាន់តែយកដៃទៅស៊កនឹងប្រលោះទ្វារនោះវានឹង Unlock អូតូ, ផ្នែកខាងក្នុងរចនាឡើងជាមួយនឹងពូកស្បែកបែបប្រណិតពណ៍ការ៉ុត ដែលជាពណ៍ដ៏ពេញនិយមបំផុតសម្រាប់រថយន្តប្រណិតៗមួយចំនួន, បច្ចេកវិទ្យា SYNC 3ជំនាន់ថ្មីអមនឹងជាមួយនឹងអេក្រង់ Touch Screen 8អ៊ីញដែលផ្តល់នូវរូបភាពច្បាស់ល្អនិងមានភាពរស់រវើកជាងមុន
ចុងក្រោយចំណុចដែលទាក់ទាញនិងផ្តល់នូវភាពឆ្លាតវៃ ដែលរថយន្តSUVជាដៃគូប្រកួតប្រជែងរបស់រថយន្ត Everest 2.0 មិនមានបច្ចេកវិទ្យានេះទេ នោះគឺ Hands-Free Liftgate ដោយបើកឃ្លុបក្រោយដោយគ្រវាសជើង។
ក្រៅពីចំណុចថ្មីទាំង៦នេះ រថយន្ត Ford Everest 2.0L Bi-Turbo ជំនាន់ថ្មី ក៏មានបំពាក់ជូននូវប្រព័ន្ធសុវត្ថិភាព និងបច្ចេកវិទ្យាទំនើបចុងក្រោយជាច្រើនដែលមានដូចជា៖ ប្រព័ន្ធផ្ដល់សញ្ញាគ្រោះថ្នាក់ ពេលមានឧបសគ្គ ឬអ្នកថ្មើជើងឆ្លងកាត់ (Pre-Collision Assist with Pedestrian Detection) និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្តិ (Autonomous Emergency Braking) នៅពេលមានឧបសគ្គមកពីខាងមុខ, ប្រព័ន្ធជំនួយចូលចតដោយស្វ័យប្រវត្តិ (Parallel Parking Assist) , ប្រព័ន្ធផ្តល់ដំណឹងនៅពេលបើកបរចេញពីគន្លង និងឧបករណ៍ផ្តល់ដំណឹងពេលចេញពីគន្លង (Lane Keeping Alert and Lane Keeping Aid) , ប្រព័ន្ធផ្តល់ដំណឹងគ្រោះថ្នាក់ផ្នែកចំហៀង និងខាងក្រោយរថយន្ត (Blind Spot Information System with cross traffic alert)
ប្រពន្ធ័គ្រប់គ្រងការបើកបរលើគ្រប់ស្ថានភាពផ្លូវ (Terrain Management System) របស់រថយន្ត Ford Everest អាចជួយសម្រួលដល់ការបើកបរនូវជម្រើសផ្លូវបួនប្រភេទផ្សេងគ្នាដូចជា ការបើកបរនៅលើផ្លូវធម្មតា ផ្លូវដែលមានស្ថានភាពព្រិល/មានគ្រួស/មានស្មៅច្រើន ផ្លូវដីខ្សាច់ និងផ្លូវដែលមានដុំថ្មធំៗ ដែលផ្តល់ឲ្យអ្នកបើកបរអាចផ្លាស់ប្តូរនូវការបើកបររបស់ខ្លួននៅតាមស្ថានភាពផ្លូវផ្សេងៗគ្នា។ ម្យ៉ាងទៀតរថយន្តនេះថែមទាំងអាចចុះទឹកបានរហូតដល់ទៅ 800mm, ប្រព័ន្ធបន្ថយល្បឿននិងរក្សាគំលាតសុវត្ថិភាពដោយស្វ័យប្រវត្តិ (Adaptive Cruise Control) , ប្រព័ន្ធផ្តល់សញ្ញាឲ្យអ្នកអ្នកបើកបរឈប់សំរាកពេលមានអារម្មណ៍ងងុយគេង (Driver Alert System), ប្រព័ន្ធទប់លំនឹងពេលឡើងចំណោត និងចុះចំណោត (Hill launch assist and hill descent control)។
រថយន្ត Ford Everest 2.0L Bi-Turbo ជំនាន់ថ្មីមានជម្រើសពណ៍ចំនួន៥សម្រាប់អតិថិជនជ្រើសរើសរួមមាន៖ ស ខ្មៅ ទឹកប្រាក់ ទឹកមាស និងប្រផេះ៕

October 4, 2020
តើគួរទិញrealme 7 series ដែរឬទេ? តោះមកមើលទាំងអស់គ្នា អ្នកដែលបានប្រើប្រាស់ដំបូងគេយល់យ៉ាងណាដែរ
realme 7 Pro និង realme 7 ដែលមានបំពាក់នូវកាមេរ៉ាលំដាប់Flagship៤គ្រាប់ 64MP កំពុងតែផ្ទុះខ្លាំង អ្វីដែលគួរអោយកត់សម្គាល់នោះគឺ realme 7 Proមានបំពាក់នូវបច្ចេកវិទ្យាសាកលឿន65W SuperDart ដែលអាចសាកបាន13% ក្នុងរយៈពេល3នាទី ហើយrealme 7 ដែលមានបំពាក់បន្ទះឈីបGaming Helio G95របស់Media Tek ជាមួយនឹងអេក្រង់90Hz ដូច្នេះតើបទពិសោធន៍ជាក់ស្តែងគឺយ៉ាងណានោះ ចឹងយើងទៅមើលទាំងអស់គ្នាតើអ្នកដែលបានសាកល្បងហើយមានចំណាប់អារម្មណ៍ដូចម្តេច។
ស្ថាប័នសារពត៌មានជាច្រើនបន្ទាប់ពីបាន ប្រើប្រាស់ realme 7 Series ក៏បានបង្ហាញចំណាប់អារម្មណ៍ក៏ដូចជាបទពិសោធន៍នៃការប្រើប្រាស់ realme 7 Series ថា វាមានសមត្ថភាពខ្លាំងស្ទើរតែដូចទៅនឹងស្មាតហ្វូនលំដាប់ Flagship ទៅហើយ ដោយផ្អែកទៅ កាមេរ៉ា 64MP ជំនាន់ទី២ ថតរូបបានច្បាស់ អេក្រង់ Super Amoled និងជាពិសេសគឺ បច្ចេកវិទ្យាសាកថ្មលឿន 65W SuperDart. ចំណែកលោក Jonh Sey ដែលជា Tech reviewer ក៏បានស្វាគមន៍ ចំពោះ អេក្រង់ Super Amoled និង បច្ចេកវិទ្យាសាកថ្មលឿន 65W SuperDart នេះដែរ។ ម្យ៉ាងវិញទៀតគាត់ក៏ពេញចិត្តទៅ software camera ជំនាន់ថ្មីរបស់ realme 7 Series ដែលកាន់តែល្អជាងមុន។
ម្ចាស់ហាងដែលជាដៃគូសហការ របស់realme ក៏បានបង្ហាញចំណាប់អារម្មណ៍ថា realme 7 Sereis លើកនេះមានការវិឌ្ឍន៍ខ្លាំង រូបរាងស៊ីវិល័យ ជាពិសេសមានបច្ចេកវិទ្យាទំនើប ផ្នែកកាមេរ៉ា អេក្រង់ បាសបំពងសម្លេង និងការសាកថ្មលឿន 65W SuperDart ហើយពួកគាត់ជឿជាក់ថា realme 7 Series នឹងផ្ទុះខ្លាំង។ ចំពោះ realme Fan ដែលមានសំណាងត្រូវបានជ្រើសរើសឲ្យប្រើប្រាស់ realme 7 Series បានបង្ហាញចំណាប់អារម្មណ៍បន្ទាប់ពីបានប្រើប្រាស់ realme 7 Series ថាកាមេរ៉ាថតច្បាស់ល្អ មានមុខងារសម្រាប់លេងច្រើន អេក្រង់ធំរលូន ការប្រើប្រាសប្រចាំថ្ងៃថ្មកាន់បានយូរ។ ចំពោះការលេងហ្គេមវិញ មិនឡើងកំដៅខ្លាំង ទោះជាលេងបណ្តើរសាកបណ្តើរ។ កាន់តែពិសេស សាកថ្មលឿន មិនដល់១ម៉ោងពេញតែម្តង ពេញបេះដូងដែលជាយុវវ័យដូចពួកគាត់។

លោក G-Devith ដែលបានបានសាកល្បងប្រើប្រាស់realme 7 Proជិតមួយខែហើយនោះគឺមានការចាប់អារម្មណ៍យ៉ាងខ្លាំងទៅលើបច្ចេកវិទ្យាសាកថ្ម ដែល65W SuperDartនាំមកនូវល្បឿនសាកថ្មដ៏លឿនដូចផ្លេកបន្ទោល ហើយកញ្ញា Tep Boprek ក៏មានការសសើរទៅលើកាមេរ៉ា4គ្រាប់ Sony 64MP ដែលអាចថតបានរូបភាពកាន់តែច្បាស់។
Ic3_fr0Gz ដែលជា Gamer ក៏មានការចូលចិត្តអេក្រង់90Hzរបស់realme 7 ដែរ បន្ទះឈីបHelio G95 គឺជាបន្ទះឈីបGaming ដែលមានសមត្ថភាពខ្លាំងរបស់Media Tek ធ្វើអោយការលេងហ្គេមមានភាពរលូន។
បើមើលតាមរយៈបទពិសោធន៍របស់អ្នកប្រើប្រាស់realme 7 series សម្រាប់realme 7 Pro និង realme 7 មិនថាមុខងារNight Mode ការសាកថ្ម ឬក៏បទពិសោធន៍លេងហ្គេម សុទ្ធតែបានទទួលបានការសរសើរយ៉ាងខ្លាំង។ ហើយពួកយើងក៏បានឃើញថាrealme 7 Proនិង realme 7 ដែលមានសមត្ថភាពផលិតកម្មលេចធ្លោជាងស្មាតហ្វូនក្នុងជួរតម្លៃដូចគ្នា។ បច្ចុប្បន្ននេះ realme 7 pro និងrealme 7 កំពុងមានការផ្ទុះខ្លាំង ចាប់ពីថ្ងៃនេះ រាល់អតិថិជនដែលបានធ្វើការបញ្ជាទិញទុកមុននូវ realme 7 series នៅតាមបណ្តាហាងនាៗ នឹងមានការថែមជូនកាដូពិសេសដូចជា ដបទឹក, កាសក្តោប, កាបូបកីឡា និង លេខស៊ីមស្មាតធំហ្មង (12 សប្តាហ៍) និង ចំពោះការដាក់លក់លើកដំបូង គឺនៅថ្ងៃទី៩ខែតុលានេះហើយ ស្តុកមានកំណត់៕
October 3, 2020
ថ្នាក់ដឹកនាំក្រសួងអប់រំ ចុះត្រួតពិនិត្យ និងវាយតម្លៃស្ថានភាពសាលា ខេមប្រ៊ីជអន្តរជាតិ មុនអនុញ្ញាតឱ្យបើកដំណើរការ
ថ្នាក់ដឹកនាំក្រសួងអប់រំ យុវជន និងកីឡា កាលពីពេលថ្មីៗនេះបានដឹកនាំគណៈប្រតិភូចុះត្រួតពិនិត្យ និងវាយតម្លៃស្ថានភាពសាលារៀនខេមប្រ៊ីជអន្តរជាតិ (Cambridge International School) មុនការអនុញ្ញាតឱ្យបើកដំណើរការឡើងវិញនូវសាលារៀនក្នុងដំណាក់កាលទី2នេះ។
គណៈប្រតិភូដែលចុះត្រួតពិនិត្យនាពេលនេះ ដឹកនាំដោយឯកឧត្តម សោម រតនា អនុរដ្ឋលេខាធិការក្រសួងអប់រំ យុវជន និងកីឡា ដោយក្នុងនោះឯកឧត្តម និងគណៈប្រតិភូ បានវាយតម្លៃ និងកោតសរសើរអំពីការរៀបចំសណ្តាប់ធ្នាប់ អនាម័យ និងការអនុវត្តវិធានការការពារសុវត្ថិភាពសុខុមាលភាពរបស់សាលាដែលបានអនុវត្តតាមគោលការណ៍របស់ក្រសួងអប់រំ យុវជន និងកីឡា និងអនុវត្តតាមខ្លឹមសារនៃគោលការណ៍ប្រតិបត្តិស្តង់ដា (SOP) របស់ក្រសួងសុខាភិបាល និងក្រសួងអប់រំ។
នៅក្នុងឱកាសនោះដែរ តំណាងសាលាខេមប្រ៊ីជអន្តរជាតិ បានថ្លែងអំណរគុណយ៉ាងជ្រាលជ្រៅចំពោះវត្តមានរបស់គណៈប្រតិភូទាំងអស់ដែលជាតំណាងដ៏ខ្ពស់ខ្ពស់របស់ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ដែលបានចំណាយពេលវេលាដ៏មានតម្លៃ និងផ្តល់កិត្តិយសក្នុងការចុះអធិការកិច្ចផ្តល់សេចក្តីណែនាំ និងផ្តល់អនុសាសន៍ល្អៗ ព្រមជាមួយនឹងការកោតសរសើរចំពោះការអនុវត្តគោលការណ៍ប្រតិបត្តិស្តង់ដា(SOP) របស់សាលាខេមប្រ៊ីជអន្តរជាតិកម្ពុជាសម្រាប់ដំណើរការបើកឡើងវិញនាពេលឆាប់ៗខាងមុខនេះ៕

October 3, 2020
កិច្ចខិតខំប្រឹងប្រែងបន្តយុទ្ធនាការសប្បុរសធម៌របស់ក្រុមហ៊ុន សាមសុង ក្រោមប្រធានបទ ‘Love & Care’ បានទទួលការកោតសរសើរ និងពានរង្វាន់កិត្តិយស អាស៊ីប៉ាស៊ីហ្វិក SABRE ឆ្នាំ ២០២០…!!
(ភ្នំពេញ) ថ្ងៃទី ០៣ ខែតុលា ឆ្នាំ២០២០៖ កម្មវិធីសប្បុរសធម៌របស់ក្រុមហ៊ុន សាមសុង ក្រោមប្រធានបទ ‘Love & Care’ ត្រូវបានទទួលស្គាល់ថាជាកម្មវិធីសង្គមដែលល្អជាងគេ និងជាកម្មវិធីដែលឈ្នះពានរង្វាន់មាស អាស៊ីប៉ាស៊ីហ្វិក SABRE ប្រចាំឆ្នាំ២០២០ [Asia-Pacific SABRE Awards 2020] កាលពីថ្ងៃទី ២៤ ខែកញ្ញា ឆ្នាំ ២០២០ ដែលពាក់ព័ន្ធទៅនឹង Cause-Related Marketing ក្នុងការផ្សារភ្ជាប់ទំនាក់ទំនងល្អជាមួយនឹងសង្គម ( Engaging Society category) ហើយកម្មវិធីនេះប្រគល់រង្វាន់កិត្តិយសតំបន់អាស៊ីប៉ាស៊ីហ្វិក (Asia-Pacific SABRE) ប្រចាំឆ្នាំដ៏អស្ចារ្យនេះត្រូវបានរៀបចំឡើងដោយ PRovoke Media។
គោលបំណងដែលក្រុមហ៊ុន សាមសុង បង្កើតយុទ្ធនាការសប្បុរសធម៌ក្នុងតំបន់ អាស៊ីអាគ្នេយ៍ និងតំបន់អូសេអានី នេះឡើងគឺដើម្បីកម្មវិធីនេះក្លាយជាកម្មវិធីដែលផ្តល់នូវការផ្សព្វផ្សាយ អប់រំ និងការអភិវឌ្ឍន៍ដល់សហគមន៍ប្រកបដោយនិរន្តរភាព។ ហើយកម្មវិធីសប្បុរសធម៌ “Samsung Love & Care” នេះគឺមានទិសដៅដូចគ្នាទៅនឹងចក្ខុវិស័យស្នូលរបស់ Samsung’s global ក្នុងការផ្តល់ជូននៅឱកាស ជំនាញ និងចំណេះដឹងដល់ប្រជាជននៅតាមសហគមន៍ក្នុងតំបន់។ កម្មវិធីនេះគឺត្រូវបានរៀបចំឡើងយ៉ាងពិសេស និងយកចិត្តទុកដាក់បំផុតដោយធ្វើការបរិច្ចាគនូវធនធាន ឬរូបិយវត្ថុធ្វើយ៉ាងណាផ្តល់ជូននូវដំណោះស្រាយផ្នែកបច្ចេកវិទ្យារបស់ក្រុមហ៊ុន សាសុង ដើម្បីដោះស្រាយបញ្ហាការបែងចែកការអប់រំតាមសហគមន៍នីមួយៗដែលជួបការលំបាក និងមានបញ្ហាប្រឈមផ្សេង។
សូមបញ្ជាក់ថាកម្មវិធីសប្បុរសធម៌សង្គមនេះគឺមានការរីកចម្រើនទូលំទូលាយគួរឱ្យកត់សម្គាល់គិតចាប់តាំងពីការករកើតដំបូងកាលពីឆ្នាំ 2016 និងមានវិសាលភាពកាន់តែធំទូលាយដល់ប្រជាជនជាច្រើនទូទាំងតំបន់អាស៊ីប៉ាស៊ីហ្វិកតែម្តង។ ឆ្នាំ 2019 គឺជាឆ្នាំកំណត់ជោគជ័យដ៏ធំធេងរបស់ក្រុមហ៊ុន សាមសុង ប្រចាំតំបន់អាស៊ីអាគ្នេយ៍ និងអូសេអានី ក្នុងប្រវិត្តិសាស្ត្រដែលមានការកើនឡើងនៃចំនួនបុគ្គលិកស្ម័គ្រចិត្តចូលរួមចំនួន 290% ដែលកើនឡើង 26 ដង បើធៀបទៅនឹងការចូលរួមក្នុងឆ្នាំ 2018 ។
គួររំឮកផងដែរថាកាលពីឆ្នាំ 2019 ក្រុមហ៊ុន សាមសុង ប្រចាំប្រទេសកម្ពុជាបានធ្វើការបរិច្ចាគ “ប្រព័ន្ធចម្រោះទឹកស្អាតបែបជីវខ្សាច់” ដល់សាលាបឋមសិក្សាព្រែកឬស្សី ដែលផ្តល់គុណប្រយោជន៍យ៉ាងច្រើនចំពោះសុខភាពសិស្សានុសិស្សប្រមាណជាង 1,000 នាក់ ដើម្បីមានទឹកស្អាតទទួលទានបានយ៉ាងងាយស្រួល និងល្អសម្រាប់សុខភាព។ ជាងនេះដែរក្រុមហ៊ុន សាមសុងក៏បានបរិច្ចាគបន្ថែមនូវដបទឹក និងសម្ភារៈសិក្សាចំនួន 400 ឈុត ទៀតជូនដល់សិស្សានុសិស្សផងដែរ។
កាលពីឆ្នាំមុនបុគ្គលិកស្ម័គ្រចិត្តរបស់ក្រុមហ៊ុន សាមសុង ដែលបានចូលរួមក្នុងកម្មវិធីសប្បុរសធម៌សង្គមទូទាំងតំបន់គឺមានចំនួន 275 នាក់ ដែលពួកគាត់ទាំងអស់នោះបានលះបង់ពេលវេលាផ្ទាល់ខ្លួនចំនួន 2,500 ម៉ោង លះបង់កម្លាំងកាយចិត្ត និងក្តីស្រឡាញ់ក៏ដូចជាធនធានផ្ទាល់ខ្លួនដើម្បីជួយដល់សហគមន៍របស់ពួកគាត់វិញផងដែរដែលក្នុងនោះមានដូចជា៖ ព្រះរាជាណាចក្រកម្ពុជា ឡាវ មីយ៉ាន់ម៉ា ថៃ ឥណ្ឌូនេស៊ី ញ៉ូវហ្សែលែន ធ្វើយ៉ាងណាផ្តល់ជូននូវការអប់រំ ការអភិវឌ្ឍន៍ដល់សិស្សានុសិស្សដែលជួបការលំបាកតាមរយៈសសរស្តម្ភសំខាន់ៗ 3 រួមមាន៖ ការចែករំលែកទេពកោសល្យ (Talent Sharing), ការអភិវឌ្ឍន៍សហគមន៍ (Community Development), និងឌីជីថលនីយកម្មតាមសហគមន៍ (Digitalization of Communities)។
ពានរង្វាន់ SABRE ទទួលស្គាល់ថាយុទ្ធនាការសប្បុរសធម៌នេះពិតជាមានផែនការយុទ្ធសាស្ត្រកម្រិតខ្ពស់បំផុត មានការច្នៃប្រឌិតល្អបំផុត និងមានលទ្ធផលអាជីវកម្មដ៏អស្ចារ្យបំផុត។ កម្មវិធីប្រគល់ពានរង្វាន់នេះបានធ្វើការទាក់ទាញអ្នកចូលរួមប្រមាណជិត 5,000 នាក់ ទូទាំងពិភពលោកក្នុង 1 ឆ្នាំ ដោយផ្តោតសំខាន់ និងវាយតម្លៃលើក្រុមហ៊ុនដែលមានទំនាក់ទំនងសារធារណៈយ៉ាងល្អបំផុតដែលប្រព្រឹត្តទៅក្នុងពិធីជួបជុំអាហារពេលល្ងាចប្រចាំឆ្នាំ។
លោកអ្នកអាចធ្វើការស្វែងរកបញ្ជីរាយនាមឈ្មោះអ្នកដែលបានឈ្នះនូវពានរង្វាន់ SABRE អាស៊ីប៉ាស៊ីហ្វិក ឆ្នាំំនេះបានតាមរយៈlinkខាងក្រោម៖
https://www.provokemedia.com/events-awards/sabre-awards/sabre-awards-asiapacific/2020-sabre-asia-pacific-winners
អំពីក្រុមហ៊ុន សាមសុង អេឡិចត្រូនិច ខូ អិល ធី ឌី
ក្រុមហ៊ុន សាមសុង គឺជាក្រុមហ៊ុនបច្ចេកវិទ្យាឈានមុខគេ និងធំជាងគេបង្អស់ក្នុងពិភព
លោកដែលធ្វើការផ្លាស់ប្តូរ អភិវឌ្ឍបច្ចេកវិទ្យាដ៏អស្ចារ្យ និងវៃឆ្លាតបំផុតសម្រាប់អនាគត។ ក្រុមហ៊ុនបច្ចេកវិទ្យាយក្ស សាមសុង ផ្តល់ជូននូវគ្រឿងអេឡិចត្រូនិចឈានមុខគេទូទាំង
ពិភពលោកដូចជា៖ ទូរទស្សន៍ ទូរស័ព្ទស្មាតហ្វូន ថេប្ល៊េត គ្រឿងឌីជីថល ប្រព័ន្ធបណ្តាញណេតវើក មេម៉ូរី ប្រព័ន្ធ LSI និង foundry and LED solutions ។ ដើម្បីទទួលបានព័ត៌មានថ្មីៗចុងក្រោយ សូមចូលទៅកាន់ Samsung Newsroom តាមរយៈតំណនេះ៖ http://news.samsung.com.

October 3, 2020
អបអរសាទរជ័យលាភីសិស្សសាលាអន្ដរជាតិខេនរីដ ក្នុងកម្មវិធីប្រលង VANDA International Science Challenge 2020
សាលាអន្ដរជាតិខេនរីដ មានកិត្តិយសសូមគោរពអញ្ជើញមាតាបិតា អ្នកអាណាព្យាបាល លោកគ្រូអ្នកគ្រូ ក្រុមការងារទាំងអស់ និងសាធារណៈជនចូលរួមអបអរសាទរសិស្សានុសិស្សរបស់សាលាអន្តរជាតិខេនរីដ ដែលទទួលបានជ័យលាភីមេដាយប្រាក់ចំនួន០៣គ្រឿង និងមេដាយសំរិទ្ធចំនួន០១គ្រឿងក្នុងកម្មវិធីប្រកួតប្រជែង VANDA International Science Challenge 2020។ បើទោះបីជាការសិក្សាត្រូវបានធ្វើឡើងក្នុងបរិបទកូវីដ និងការប្រលងត្រូវធ្វើតាមប្រព័ន្ធអេឡិចត្រូនិចយ៉ាងណាក៏ដោយ សិស្សានុសិស្សយើងនៅតែជំនះឧបសគ្គ និងខិតខំប្រឹងប្រែងរហូតទទួលបានជ័យលាភីក្នុងកម្មវិធីប្រកួតប្រជែងខាងលើនេះ។ គួរបញ្ជាក់ផងដែរ កម្មវិធី VANDA ជាការប្រកួតប្រជែងវិទ្យាសាស្ត្រអន្តរជាតិ ដែលត្រូវបានប្រារព្ធឡើងជារៀងរាល់ឆ្នាំនៅលើពិភពលោក។ ការប្រកួតនេះផ្ដោតលើសមត្ថភាព ការគិតពិចារណាត្រិះរិះ និងសមត្ថភាពគិតប្រកបដោយភាពឆ្នៃប្រឌិត ដើម្បីរិះរកព័ត៌មាន ដែលមិនបង្ហាយដោយប្រយោល ដើម្បីជួយពួកគេដោះស្រាយបញ្ហា។
សាលាក៏សូមធ្វើការថ្លែងអំណរគុណជូនចំពោះលោកគ្រូអ្នកគ្រូ ដែលខិតខំអស់ពីកម្លាំងកាយចិត្តខិតខំបង្រៀនសិស្សានុសិស្ស និងមាតាបិតានិងអ្នកអាណាព្យាបាល សម្រាប់ការសហការ និងជំនឿទុកចិត្តលើសាលាអន្តរជាតិខេនរីដកន្លងមក។ សម្រាប់ព័ត៌មានបន្ថែម សូមទំនាក់ទំនងមកកាន់ការិយាល័យសាកសួរព័ត៌មានរបស់សាលា តាមរយៈលេខទូរស័ព្ទ ០៨១ ៣០០ ៧៨៕
October 2, 2020
អបអរសាទរជ័យលាភីសិស្សសាលាអន្ដរជាតិខេនរីដ ក្នុងកម្មវិធីប្រលង Singapore and Asian Schools Math Olympiad 2020 (SASMO)
សាលាអន្ដរជាតិខេនរីដ មានកិត្តិយសសូមគោរពអញ្ជើញមាតាបិតា អ្នកអាណាព្យាបាល លោកគ្រូអ្នកគ្រូ ក្រុមការងារទាំងអស់ និងសាធារណៈជនចូលរួមអបអរសាទរសិស្សានុសិស្សរបស់សាលាអន្តរជាតិខេនរីដ ដែលទទួលបានជ័យលាភីមេដាយមាសចំនួន ៦គ្រឿង មេដាយប្រាក់ចំនួន០៥គ្រឿង និងមេដាយសំរិទ្ធចំនួន០៣គ្រឿងក្នុងកម្មវិធីប្រកួតប្រជែង Singapore and Asian Schools Math Olympiad 2020 (SASMO)។ បើទោះបីជាការសិក្សាត្រូវបានធ្វើឡើងក្នុងបរិបទកូវីដ និងការប្រលងត្រូវធ្វើតាមប្រព័ន្ធអេឡិចត្រូនិចយ៉ាងណាក៏ដោយ សិស្សានុសិស្សយើងនៅតែជំនះឧបសគ្គ និងខិតខំប្រឹងប្រែងរហូតទទួលបានជ័យលាភីក្នុងកម្មវិធីប្រកួតប្រជែងខាងលើនេះ។ គួរបញ្ជាក់ផងដែរថា កម្មវិធី Singapore and Asian Schools Math Olympiad (SASMO) ជាការប្រឡងគណិតវិទ្យាអន្តរជាតិដែលមានការចូលរួមពីបណ្តា ១៩ប្រទេសគិតត្រឹមឆ្នាំ២០១៦ និងមានគោលបំណងមិនត្រឹមតែស្វែងរកសិស្សដែលមានបញ្ញាខ្ពស់ខាងផ្នែកគណិតវិទ្យាប៉ុណ្ណោះទេ ប៉ុន្តែក៏បណ្តុះឲ្យសិស្សកសាងទំនុកចិត្តលើសមត្ថភាពខ្លួនឯងផងដែរ។
សាលាក៏សូមធ្វើការថ្លែងអំណរគុណជូនចំពោះលោកគ្រូអ្នកគ្រូ ដែលខិតខំអស់ពីកម្លាំងកាយចិត្តខិតខំបង្រៀនសិស្សានុសិស្ស និងមាតាបិតានិងអ្នកអាណាព្យាបាល សម្រាប់ការសហការ និងជំនឿទុកចិត្តលើសាលាអន្តរជាតិខេនរីដកន្លងមក។ សម្រាប់ព័ត៌មានបន្ថែម សូមទំនាក់ទំនងមកកាន់ការិយាល័យសាកសួរព័ត៌មានរបស់សាលា តាមរយៈលេខទូរស័ព្ទ ០៨១ ៣០០ ៧៨៕
October 2, 2020
អបអរសាទរជ័យលាភីសិស្សសាលាអន្ដរជាតិខេនរីដ ក្នុងកម្មវិធីប្រលង Design Thinking with Robotics and Competition (DrCT) 2020
សាលាអន្ដរជាតិខេនរីដ មានកិត្តិយសសូមគោរពអញ្ជើញមាតាបិតា អ្នកអាណាព្យាបាល លោកគ្រូអ្នកគ្រូ ក្រុមការងារទាំងអស់ និងសាធារណៈជនចូលរួមអបអរសាទរសិស្សានុសិស្សរបស់សាលាអន្តរជាតិខេនរីដ ដែលទទួលបានជ័យលាភីមេដាយប្រាក់ក្នុងកម្មវិធីប្រកួតប្រជែង Design Thinking with Robotics and Competition (DrCT) 2020។ បើទោះបីជាការសិក្សាត្រូវបានធ្វើឡើងក្នុងបរិបទកូវីដ និងការប្រលងត្រូវធ្វើតាមប្រព័ន្ធអេឡិចត្រូនិចយ៉ាងណាក៏ដោយ សិស្សានុសិស្សយើងនៅតែជំនះឧបសគ្គ និងខិតខំប្រឹងប្រែងរហូតទទួលបានជ័យលាភីក្នុងកម្មវិធីប្រកួតប្រជែងខាងលើនេះ។ គួរបញ្ជាក់ផងដែរថា វត្ថុបំណងនៃការប្រកួតនេះ គឺចង់បណ្ដុះឱ្យសិស្សមានគំនិតច្នៃប្រឌិត សមត្ថភាពវែកញែកហេតុផលបានត្រឹមត្រូវ ជំនាញគិតពិចារណា និងគណនា។
សាលាក៏សូមធ្វើការថ្លែងអំណរគុណជូនចំពោះលោកគ្រូអ្នកគ្រូ ដែលខិតខំអស់ពីកម្លាំងកាយចិត្តខិតខំបង្រៀនសិស្សានុសិស្ស និងមាតាបិតានិងអ្នកអាណាព្យាបាល សម្រាប់ការសហការ និងជំនឿទុកចិត្តលើសាលាអន្តរជាតិខេនរីដកន្លងមក៕
October 2, 2020
កាមេរ៉ាដែលសក្តិសមបំផុតសម្រាប់យុវវ័យៈ realme 7 Pro ថតរូបកាន់តែច្បាស់ ការវិវត្តន៍កាន់តែទាន់សម័យ
កាលពីថ្មីៗនេះ realme ដែលជាក្រុមហ៊ុនដែលពេញនិយមខាងបច្ចេកវិទ្យា បាននាំចូលជាផ្លូវការនូវស្មាតហ្វូនស៊េរីថ្មី realme 7 Series ពីរម៉ូឌែល—realme 7 Pro និង realme 7 ដែលមានបំពាក់ កាមេរ៉ា 4 គ្រាប់ 64MP លំដាប់ Flagship គ្រាន់តែចុចថត នឹងទទួលបានរូបភាព ដែលមានកម្រិតភាពច្បាស់ល្អ ទោះជាពង្រីកធំក៏នៅតែមើលឃើញច្បាស់គ្រប់ចំនុចលម្អិត ទាំងនេះនាំមកជូនអ្នកប្រើប្រាស់នូវ បទពិសោធន៍ឈានមុខគេ។ រួមជាមួយនឹងមុខងារ Nightscape Mode និង Night filter ជាច្រើន អ្នកប្រើប្រាស់realme 7 series អាចលេង filters ប្តូរពណ៌ថ្មីៗជាច្រើន ដែលអាចថតបានរូបភាព ដែលឡូយដូចអ្នក ជំនាញ នាំមុខគេក្នុងសម័យកាលបច្ចុប្បន្ននេះ។
គុណភាពរូបភាពច្បាស់លំដាប់ Flagship ជាចំនុចសំខាន់នៃមូលដ្ឋានគ្រឹះកាថតរូប “Master Class”
realme 7 Pro និង realme 7 បំពាក់នូវកាមេរ៉ាគោលទំហំ 64MP ដែលមានទំហំសេនស័រ1/1.73អ៊ីញជាប្រភេទកាមេរ៉ា Sony IMX 682 f/1.8 ដែលមានសមត្ថភាពខ្លាំងស្រូបយកពន្លឺបានខ្លាំង ព្រមទាំងប្រើបច្ចេកវិទ្យា Quad Bayer ដោយមានការរួមបញ្ចូលភីកសែលសមាសធាតុដែលមានកំរិតខ្ពស់ ១,៦ 1.6μmអាចផ្តល់នូវរូបថតដែលមានគុណភាពល្អជាងមុន។ realme 7 Series អាចថតរូបបានទំហំ 6944*9248 ដែលទំហំនេះធំជាងទូរទស្សន៍ 4K រហូតដល់ 4 ដង។ នៅក្នុងប្លង់ដែលមានពន្លឺព្រះអាទិត្យទោះ បីជាមានការពង្រីក ១០០ ភាគរយក៏ដោយ ក៏រូបភាពនៅតែច្បាស់។
（Source: Mr. LUN – realme creative photography pioneer）
សមត្ថភាពថតរូបកាន់តែខ្លាំង លែងមានបញ្ហាចំពោះការថតយករូបភាពច្បាស់
មិនត្រឹមតែកាមេរ៉ាគោល64MP លេនទូលាយ លេនម៉ាក្រូ និងលេនPortrait របស់realme 7 series ក៏មានសមត្ថភាពអស្ចារ្យផងដែរ ។ កាមេរ៉ាលេនទូលាយ 8MP 119ដឺក្រេ លេនម៉ាក្រូ2MP រួមជាមួយ និងលេនPortrait 2MP ធ្វើអោយមុខងារ realme 7 series កាន់តែមានសមត្ថភាពខ្លាំង ។ realme 7 series កាមេរ៉ាមានសមត្ថភាពខ្លាំង អាចបំពេញនូវតម្រូវការថតរូបរបស់អ្នកប្រើប្រាស់ជាមួយ នឹងដំណោះស្រាយដ៏ល្អ ជួយដល់អ្នកប្រើប្រាស់ ដើម្បីកត់ត្រានូវការរស់នៅប្រចាំថ្ងៃ។
（Source: Mr. LUN – realme creative photography pioneer）
ចំណែកកាមេរ៉ាមុខមានទំហំ 32MP មានមុខងារ Nightscape Portrait ដែលអាចចាប់យករបស់អ្នកបានច្បាស់។មុខងារវីដេអូ នៃកាមេរ៉ាមុខក៏មានការវិវត្តន៍យ៉ាងខ្លាំងផងដែរ ដែលអាចថតវីដេអូយឺតៗ(slo-mo) ច្បាស់បានកម្រិត 1080 ក្នុងល្បឿន 120fps ថែមទាំងអាចរក្សារលំនឹងបានយ៉ាងល្អថែមទៀតផង ពិតជាសក្តិសមបំផុតសម្រាប់ការថតVlog ។
មុខងារ Filters ជាច្រើន ជំរុញឲ្យការថតរូបកាន់រីករាយមួយកម្រិតទៀត
បន្ថែមពីលើនេះទៀត realme 7 Pro នៅមានមុខងារពិសេសបន្ថែមទៀតគឺ Pro Nightscape ដែលជួយឲ្យអ្នកប្រើប្រាស់អាចថតយករូបភាព ដែលមានពន្លឺភ្លឺច្បាស់ និងទាក់ទាញ ដោយមានការសំយោគពហុរូបភាពបញ្ចូលគ្នាលើសពីការរំពឹងទុករបស់យើង។ realme 7 Series ក៏មានមុខងារ Starry Mode ដែលយើងអាចថតយកហ្វូងផ្កាយបានយ៉ាងស្រស់ស្អាត។ បន្ថែមពីនេះ realme 7 Series មានមុខងារ night filters ចំនួន ៣ ដូចជា Cyber Punk, Flamingo, Modern Gold ដូច្នេះអ្នកប្រើប្រាស់អាចថតយករូបភាពកាន់តែស្អាតប្លែក វាក៏ជាការកម្សាន្តមួយទៀតសម្រាប់ការថតរូប។
（Flamingo Night filters）
កាន់តែភ្ញាក់ផ្អើលជាមួយមុខងារ AI Color Portrait បង្កើតវីដេអូរបស់អ្នកកាន់តែលេចធ្លោរ
ប្រសិនបើអ្នកមិនចេះ ប៉ុន្តែចង់បានវីដែអូដែលល្អ មុខងារ AI Color Portait របស់ realme 7 pro គឺជាជម្រើសដ៏ល្អសម្រាប់អ្នកដែលមិនចេះសោះ ។ AI Color Portait នឹងសម្គាល់មនុស្សឬវត្ថុ ឲ្យរក្សាពណ៌នៅដដែល ហើយធ្វើឲ្យផ្ទៃខាងក្រោយក្លាយជាពណ៌សខ្មៅ ដែលវាប្រៀបដូចជាការថតកុនខ្នាតធំ។
អ្នកមិនចេះថតរូប ហើយយល់ថាគ្មានអ្វីថ្មី? ចឹងសាកមើល realme 7 series វិញម្តងមើល ដែលមានមុខងារថ្មីៗកម្សាន្តជាច្រើន ធ្វើឱ្យអ្នកប្រើប្រាស់មានចំណាប់អារម្មណ៍ក្នុងការបង្កើតរូបភាពយ៉ាងពេញលេញជាមួយនឹងការច្នៃប្រឌិត “ហ៊ានឆ្ពោះទៅមុខ” ទោះជាអ្នកមិនចេះថតរូបក៏អាចថតចេញ បានដូចអ្នកជំនាញផងដែរ ធ្វើអោយអ្នកទទួលបានបទពិសោធន៍កាន់តែអស្ចារ្យ ។ ចាប់ពីថ្ងៃនេះ រាល់អតិថិជនដែលបានធ្វើការបញ្ជាទិញទុកមុននូវ realme 7 series នៅតាមបណ្តាហាងនាៗ នឹងមានការថែមជូនកាដូពិសេសដូចជា ដបទឹក, កាសក្តោប, កាបូបកីឡា និង លេខស៊ីមស្មាតធំហ្មង (12 សប្តាហ៍) និង ចំពោះការដាក់លក់លើកដំបូង គឺនៅថ្ងៃទី៩ខែតុលានេះហើយ។
October 2, 2020