រៀន - La Reine Media

មហាសេដ្ឋីចិន Jack Ma ខ្លាចក្រុមហ៊ុន Alibaba មានវាសនាដូច Nokia

June 21, 2023 by សឿន សំណាង

លោក Jack Ma ដកស្រង់បទពិសោធន៍បរាជ័យរបស់ Nokia, Kodak ដើម្បីព្រមានដល់ Alibaba ថា ត្រូវតែផ្ដោតសំខាន់ទៅលើ Taobao និងត្រូវបន្តធ្វើជាក្រុមហ៊ុនអ៊ីនធើណិត។ ប្រភពព័ត៌មានពី SCMP ឱ្យដឹងថា កាលពីចុងខែឧសភា ស្ថាបនិករបស់ក្រុមហ៊ុន Alibaba លោក Jack Ma បានកោះប្រជុំពិភាក្សាជាមួយក្រុមអ្នកគ្រប់គ្រង រម្លឹកពួកគេឱ្យផ្ដោតការយកចិត្តទុកដាក់ឡើងវិញទៅលើផ្សារអនឡាញ Taobao និងអ្នកប្រើប្រាស់ ដើម្បីអាចរស់បាននៅក្នុងស្ថានភាពវិបត្តិសេដ្ឋកិច្ច និងការប្រកួតប្រជែងដ៏ខ្លាំងក្លា។ កិច្ចប្រជុំខាងលើត្រូវបានធ្វើឡើងតែប៉ុន្មានសប្ដាហ៍ប៉ុណ្ណោះមុនពេលសាជីវកម្មនេះប្រកាសថា មេដឹកនាំ Taobao លោក Eddie Wu Yongming នឹងចូលមកកាន់តំណែង CEO របស់ Alibaba ចាប់ពីថ្ងៃទី 10 កញ្ញា។ ចំណែក CEO បច្ចុប្បន្នគឺលោក Daniel Zhang Yong នឹងត្រូវលាលែងដើម្បីទៅគ្រប់គ្រង Alibaba Cloud។ លោក Yong ក៏នឹងត្រូវបោះបង់តំណែងប្រធាន ដោយប្រគល់ទៅឱ្យអនុប្រធាន Joe … Read more

មហាសេដ្ឋីចិន Jack Ma បង្ហាញខ្លួនជាគ្រូបង្រៀនលើកដំបូងនៅប្រទេសជប៉ុន

June 19, 2023 by សឿន សំណាង

មហាសេដ្ឋីបច្ចេកវិទ្យា Jack Ma បង្ហាញខ្លួនក្នុងតួនាទីជាសាស្ត្រាចារ្យបរទេសរបស់សាកលវិទ្យាល័យតូក្យូ ប្រទេសជប៉ុន កាលពីពេលថ្មីៗនេះ។ ការចែករំលែកចំណេះដឹងរបស់មហាសេដ្ឋីចិន Jack Ma បានចាប់ផ្ដើមពីថ្ងៃទី 12 មិថុនា 2023 ប៉ុន្តែ ទើបតែត្រូវបានប្រកាសក្រោយការបង្រៀនបានជិតមួយសប្ដាហ៍។ យោងតាម SCMP ស្ថាបនិកវ័យ 58 ឆ្នាំរបស់ Alibaba គឺជាវាគ្មិនមួយរូបដែលលេចធ្លោជាងគេនៅក្នុងសិក្ខាសាលាពិសេសស្ដីពី «នវានុវត្តន៍ និងសហគ្រិនភាព» ដែលត្រូវបានរៀបចំឡើងនៅឯសាកលវិទ្យាល័យតូក្យូ។ នេះក៏ជាសិក្ខាសាលាដំបូងដែលលោក Ma ចូលរួមក្នុងនាមជាសាស្ត្រាចារ្យបរទេស នៅក្នុងស្ថាប័នអប់រំដែលមានអាយុ 146 ឆ្នាំនៅប្រទេសជប៉ុន។ អ្នកដែលបានចូលរួមក្នុងសិក្ខាសាលាខាងលើរួមមាន និស្សិតមកពីតំបន់នានារបស់ប្រទេសជប៉ុន ចិន ឥណ្ឌា និងម៉ាឡេស៊ី។ ពិធីចែករំលែកចំណេះដឹង និងបទពិសោធន៍នេះ ផ្ដោតទៅលើទស្សនៈនៃការគ្រប់គ្រង និងរបៀបដែលយុវវ័យជំនាន់ថ្មីអាចសម្រេចបាននៅពេលអនាគត។ យោងតាមគេហទំព័ររបស់សាកលវិទ្យាល័យតូក្យូ នេះគឺជាប្រធានបទដែលយោងទៅលើ «បទពិសោធន៍សម្បូរបែប ចំណេះដឹងនាំមុខគេទាក់ទងនឹងស្មារតីជំនួញ និងភាពច្នៃប្រឌិត» របស់លោក Jack Ma។ ប៉ុន្មានថ្ងៃក្រោយពីចូលរួមសិក្ខាសាលានៅប្រទេសជប៉ុន លោក Ma ក៏បានបន្តបង្ហាញវត្តមាននៅប្រទេសចិនក្នុងកម្មវិធីមួយដែលរៀបចំដោយក្រុមហ៊ុន Alibaba។ នៅទីនេះ លោក … Read more

មហាសេដ្ឋីចិន Jack Ma «នៅមានជីវិត និងមានសេចក្ដីសុខធម្មតា»

June 17, 2023 by សឿន សំណាង

ប្រធានបច្ចុប្បន្នរបស់ក្រុមហ៊ុន Alibaba បានបង្ហើបឱ្យដឹងថា ស្ថាបនិក លោក Jack Ma មិនមានបញ្ហាអ្វីទេ និងកំពុងចំណាយពេលវេលាច្រើនជាងមុននៅប្រទេសចិន។ «ជាដំបូង លោក Jack នៅមានជីវិត។ គាត់គ្មានបញ្ហាអ្វីទេ និងមានសេចក្ដីសុខ» ប្រធានក្រុមហ៊ុន Alibaba លោក Michael Evans និយាយនៅក្នុងកិច្ចប្រជុំ Viva Tech នៅប៉ារីស កាលពីថ្ងៃទី 15 មីថុនាដូច្នេះ។ លោក Evans ក៏បានឱ្យដឹងថា លោក Jack Ma «កំពុងបង្រៀននៅសាកលវិទ្យាល័យមួយនៅទីក្រុងតូក្យូ ប្រទេសជប៉ុន និងចំណាយពេលវេលានៅប្រទេសចិនច្រើនជាងមុន»។ ដំណឹងខាងលើត្រូវបានលើកឡើងបន្ទាប់ពីមានអ្នកសួរអំពីស្ថានភាពស្ថាបនិករបស់ Alibaba។ យោងតាម CNBC ប្រការនេះបង្ហាញថា សុខទុក្ខរបស់មហាសេដ្ឋីចិន Jack Ma នៅតែទទួលបានការចាប់អារម្មណ៍ ក្រោយពីក្រុមហ៊ុនរបស់លោកមានបញ្ហាខ្លះជាមួយទីក្រុងប៉េកាំង ដោយសារច្បាប់រឹតបន្តឹងលើក្រុមហ៊ុនបច្ចេកវិទ្យា នាពេលកន្លង។ លោក Evans ថ្លែងថា លោក Jack Ma នៅតែជាភាគហ៊ុនិកធំជាងគេរបស់ក្រុមហ៊ុន … Read more

វិស្វករអាយុ 14 ឆ្នាំរបស់ SpaceX ថា បណ្ដាញសង្គមរបស់ Microsoft រើសអើងវ័យ

June 15, 2023 by សឿន សំណាង

Kairan Quazi ដែលជាវិស្វករផ្នែកទន់ទើបតែបានចូលធ្វើការឱ្យក្រុមហ៊ុន SpaceX មិនអាចចូលប្រើប្រាស់បណ្ដាញសង្គមការងារ LinkedIn ដោយសារតែមានអាយុទើបតែ 14 ឆ្នាំ។ កាលពីថ្ងៃទី 14 មិថុនា Kairan Quazi បានបង្ហោះរូបថតអេក្រង់ស្ដីពីប្រកាសរបស់ LinkedIn នៅលើ Instagram។ ប្រកាសនោះប្រាប់ថា គណនីរបស់ Kairan ត្រូវបានរារាំងព្រោះតែមានអាយុតិចជាងលក្ខខណ្ឌរបស់ LinkedIn។ បណ្ដាញសង្គមរបស់ Microsoft នេះ ទាមទារឱ្យអ្នកប្រើប្រាស់ត្រូវមានអាយុចាប់ពី 16 ឆ្នាំឡើងទៅ។ LinkedIn ឱ្យដឹងថា វិស្វករវ័យក្មេងខាងលើនឹងបានចូលប្រើប្រាស់ឡើងវិញ បន្ទាប់ពីមានអាយុគ្រប់ 16 ឆ្នាំ។ Kairan ប្រើប្រាស់បណ្ដាញសង្គមនេះដោយមានការបង់ប្រាក់ ប៉ុន្តែ LinkedIn ថា នឹងសងប្រាក់នោះត្រឡប់មកវិញ។ Kairan Quazi បានសម្ដែងការមិនពេញចិត្តចំពោះគោលការណ៍របស់ LinkedIn។ កុមាររូបនេះចោទថា បណ្ដាញសង្គមរបស់ Microsoft រើសអើងវ័យចំពោះកុមារ។ Kairan Quazi កើតឆ្នាំ 2009 នៅ California … Read more

វីដេអូបង្ហាញពីទិដ្ឋភាព Messi និយាយភាសាចិន មុនការប្រកួតជាមួយអូស្ត្រាលី

June 15, 2023 by សឿន សំណាង

Lionel Messi បានចូលរួមកិច្ចសម្ភាសមួយនៅទីក្រុងប៉េកាំង ហើយពិធីករក៏បានបង្រៀនគាត់ឱ្យចេះហៅឈ្មោះខ្លួនឯងជាភាសាចិន។ ថ្ងៃទី 14 មិថុនា នៅមុនការប្រកួតមិត្តភាពជាមួយនឹងអូស្ត្រាលីនៅឯកីឡដ្ឋានបាល់ទាត់ពលករប៉េកាំង Messi បានចូលរួមកិច្ចសម្ភាសមួយរបស់ទីភ្នាក់ងារសារព័ត៌មានធំជាងគេរបស់ប្រទេសចិន ហើយពិធីករក៏បានបង្រៀនគាត់ក្នុងការហៅឈ្មោះខ្លួនឯងជាភាសាចិន។ នៅក្នុងភាពច្របូកច្របល់ និងរំភើប ចុងក្រោយ Messi ក៏អាចសើច និងនិយាយឈ្មោះខ្លួនឯងជាភាសាចិនឡើងវិញយ៉ាងរដិបរដុប ធ្វើឱ្យអ្នកដែលមានវត្តមាននៅក្នុងបន្ទប់ថតនោះ ផ្ទុះសំណើចគ្រប់គ្នា។ វីដេអូនេះក៏ត្រូវបានគេចែករំលែកតគ្នាពេញបណ្ដាញសង្គម បន្ទាប់ពីត្រូវបានបង្ហោះ។ https://www.youtube.com/watch?v=lYHf5Miyv8Q អំពីការប្រកួតបាល់ទាត់វិញ អាហ្សង់ទីន និងអូស្ត្រាលី នឹងប៉ះគ្នានៅវេលាម៉ោង 19 ថ្ងៃទី 15 មិថុនា (ម៉ោងនៅកម្ពុជា)។ នៅក្នុងការប្រកួតនេះ Messi ទំនងជានឹងចូលទាត់តាំងពីដំបូង និងត្រូវបានរំពឹងថា នឹងបង្ហាញថ្វីជើងប្រកបដោយភាពអស្ចារ្យកម្រិតកំពូលជូនទស្សនិកជន។

ទីក្រុងអណ្ដែតលើសមុទ្រដែលអាចដាក់មនុស្សបានបួនម៉ឺននាក់

June 12, 2023 by សឿន សំណាង

(ជប៉ុន) – ទីក្រុងអណ្ដែត Dogen មានបរិវេណប្រវែង 4 គីឡូម៉ែត្រ អាចផ្ដល់កន្លែងស្នាក់នៅដល់មនុស្ស 10,000 នាក់ និងទទួលទេសចរបាន 30,000 នាក់ក្នុងមួយថ្ងៃ។ ក្រុមហ៊ុន N-Ark របស់ជប៉ុន ថ្មីៗនេះបានប្រកាសគម្រោងអភិវឌ្ឍទីក្រុងអណ្ដែតដែលផ្ដោតសំខាន់លើវេជ្ជសាស្ត្រ ឈ្មោះ Dogen។ គំនិតនេះនឹងរួមផ្សំរវាងសកម្មភាពផលិតស្បៀង ស្ថាបត្យកម្ម ទិន្នន័យ ថាមពល ជាមួយនឹងសមុទ្រ នៅក្នុងប្រព័ន្ធចម្រុះដែលប្រើប្រាស់ទឹកសមុទ្រដូចទៅនឹងតំបន់សេដ្ឋកិច្ចថ្មីហៅថា «New Ocean»។ នេះបើតាម Design Boom ចុះផ្សាយកាលពីសប្ដាហ៍កន្លង។ ដោយមានអង្កត់ផ្ចិតប្រហែល 1.58 គីឡូម៉ែត្រ និងបរិវេណប្រវែង 4 គីឡូម៉ែត្រ ទីក្រុងអណ្ដែត Dogen អាចឱ្យមនុស្សរស់នៅជាអចិន្ត្រៃយ៍ប្រហែល 10,000 នាក់ និងទទួលភ្ញៀវទេសចរណ៍បាន 30,000 នាក់/ថ្ងៃ។ ពួកគេអាចទទួលបទពិសោធន៍ជាច្រើនតាំងពីបន្ទប់ពិសោធន៍អភិវឌ្ឍ សាលារៀន ឃ្លាំង មជ្ឈមណ្ឌលសន្តិសុខ ការិយាល័យ សេវាម្ហូបអាហារ មន្ទីរពេទ្យ សួន ទីលានកីឡា រហូតដល់ស្ថានីយទូរគមនាគមន៍ … Read more

«ប៉ាស៊ូ!» ៖ សម្រែកលើកទឹកចិត្តរបស់កុមារា សាន រតនៈ ចំពោះឪពុក កំពុងអង្រួនចិត្តសប្បុរសជន

June 6, 2023 by សឿន សំណាង

នៅឯពហុកីឡដ្ឋានជាតិមរតកតេជោ កុមារា សាន រតនៈ យំផង ស្រែកគាំទ្រផង ដើម្បីជាការលើកទឹកចិត្តដល់ឪពុកជាអត្តពលិកដែលប្រកួតក្នុងវិញ្ញាសារត់ចម្ងាយ 5,000 ម៉ែត្រ T46 នៃព្រឹត្តិការណ៍កីឡាអាស៊ានប៉ារ៉ាហ្គេមលើកទី 12។ ថ្វីបើអត្តពលិកប៉ារ៉ាអត្តពលកម្ម យី សុខសាន្ត មិនទទួលបានមេដាយ ប៉ុន្តែ ក្នុងគ្រាដែលឪពុកកំពុងប្រកួត និងពេលបរាជ័យ កុមារា សាន រតនៈ យំផង ស្រែកគាំទ្រផង ដើម្បីជាការលើកទឹកចិត្តដល់ឪពុកជាអត្តពលិក។ សកម្មភាពរបស់កុមារា សាន រតនៈ ដែលខំប្រឹងលើកទឹកចិត្តឪពុក បាន និងកំពុងបង្កការចាប់អារម្មណ៍ខ្លាំងលើបណ្ដាញសង្គមក្នុងប៉ុន្មានថ្ងៃចុងក្រោយនេះ។ មហាជនក៏មានការក្ដុកក្ដួលចិត្ត ដោយសារនឹកអាណិតផង និងសរសើរផង ចំពោះកុមារកម្សត់រូបនេះ។ ទន្ទឹមនឹងការគាំទ្រដល់សកម្មភាពរបស់ សាន រតនៈ នៅលើបណ្ដាញសង្គមក៏មានស្ថាប័នឯកជនខ្លះ មានបំណងជួយដល់កុមាររូបនេះ ក្នុងនោះក៏មាន សាលារៀនសុវណ្ណភូមិ ផងដែរ។ នៅលើទំព័របណ្ដាញសង្គមផ្លូវការ សាលារៀនសុវណ្ណភូមិ បានសរសេរថា «តើលោកអ្នកមានស្គាល់លេខទំនាក់ទំនងគាត់ទេ? សាលារៀនសុវណ្ណភូមិកំពុងស្វែងរក អត្តពលិក សាន រតនៈ ក្នុងគោលបំណងជួយកូនប្រុសអត្តពលិក។ ក្មួយប្រុសនឹងមានអនាគតល្អជាមួយសាលារៀនសុវណ្ណភូមិ»។ ប្រការខាងលើនេះបានបញ្ជាក់ថា កុមារាកម្សត់ … Read more

ម្ចាស់ជើងឯកបាល់ទាត់ SEA Games ប្រកួតជាមួយម្ចាស់ជើងឯក World Cup នៅខែក្រោយ

May 25, 2023 by សឿន សំណាង

សហព័ន្ធកីឡាបាល់ទាត់ឥណ្ឌូណេស៊ី (PSSI) ប្រកាសថា នឹងប្រកួតមិត្តភាពជាមួយម្ចាស់ជើងឯក World Cup នៅថ្ងៃទី 19 ខែមិថុនា 2023 និងបានអំពាវនាវឱ្យរក្សាសណ្ដាប់ធ្នាប់ ចៀសវាងការប្រកួតត្រូវលុបចោល។ ឥណ្ឌូណេស៊ីបានបញ្ជាក់អំពីការប្រកួតមិត្តភាពជាមួយអាហ្សង់ទីន នៅក្នុងសន្និសីទសារព័ត៌មាននៅឯទីលានបាល់ទាត់ Gelora Bung Karno នារសៀលថ្ងៃទី 24 ឧសភា។ ប្រធាន PSSI លោក Erick Thohir ឱ្យដឹងថា ការប្រកួតមិត្តភាពជាមួយគូប្រជែងលំដាប់ខ្ពស់បំផុតដូចអាហ្សង់ទីន គឺជាឱកាសដ៏មានតម្លៃដើម្បីសាកល្បងផ្លូវចិត្ត សមត្ថភាព និងដកបទពិសោធន៍សម្រាប់ក្រុមម្ចាស់ផ្ទះឥណ្ឌូណេស៊ី។ មេដឹកនាំ PSSI ក៏បានបង្ហើបឱ្យដឹងថា នឹងដាក់ពង្រាយកម្លាំងសន្តិសុខទ្រង់ទ្រាយធំបំផុតដើម្បីធានាសុវត្ថិភាពដល់ Lionel Messi, Lautaro Martinez និងមិត្តរួមក្រុម ចៀសវាងហានិភ័យការប្រកួតត្រូវលុបចោល។ Thohir រម្លឹកឡើងវិញនូវមេរៀនឆ្នាំ 2019 នៅពេល Man Utd លុបចោលដំណើរមកប្រកួតនៅឥណ្ឌូណេស៊ី ព្រោះតែករណីបំផ្ទុះគ្រាប់បែកភេរវកម្ម ក្នុងនោះក៏មាននៅសណ្ឋាគារដែលកូនសិស្ស និងគ្រូបង្វឹក Sir Alex Ferguson បានជ្រើសរើសជាកន្លែងស្នាក់នៅ។ PSSI … Read more

អនាគតបេក្ខភាពប្រធាន FAT របស់ថៃ៖ «បើថៃមិនបានចូលរួម World Cup ខ្ញុំនឹងលាលែងពីតំណែង»

May 23, 2023 by សឿន សំណាង

អតីតកីឡាករឆ្នើម Piyapong Pew On ធ្វើឱ្យមានការចាប់អារម្មណ៍បន្ទាប់ពីបានប្រកាសឈរឈ្មោះជាបេក្ខភាពសម្រាប់តំណែងប្រធានសហព័ន្ធកីឡាបាល់ទាត់របស់ប្រទេសថៃ។ យោងតាមប្រព័ន្ធផ្សព្វផ្សាយថៃ បើទោះជាការបោះឆ្នោតជ្រើសរើសប្រធានសហព័ន្ធបាល់ទាត់ថៃ (FAT) ត្រូវធ្វើឡើងនៅខែមេសា ឆ្នាំ 2024 ប៉ុន្តែស្ថានការណ៍ប្រែប្រួលនៅមុនការបោះឆ្នោតនេះ កំពុងតែឡើង «កម្ដៅ»។ Piyapong Pew On ដែលជាអតីតកីឡាករឆ្នើមរបស់បាល់ទាត់ថៃ នឹងក្លាយជាបេក្ខភាពសម្រាប់តំណែងនេះ។ ចែករំលែកអំពីការសម្រេចចិត្តខាងលើ លោក Piyapong Pew On បានបង្កការចាប់អារម្មណ៍ខ្លាំងនៅពេលប្រកាសថា នឹងលាលែងពីតំណែង បើសិនមិនអាចជួយឱ្យបាល់ទាត់ថៃបានចូលរួមប្រកួតនៅ World Cup។ «… ខ្ញុំបានត្រៀមខ្លួនរួចហើយសម្រាប់ការកាន់តំណែងប្រធាន FAT។ បើសិនសមាជិក សមាជិកាគាំទ្រ ខ្ញុំសន្យាចំពោះគ្រប់គ្នាថា នឹងបំពេញកាតព្វកិច្ចក្នុងរង្វង់បួនឆ្នាំ។ បើសិនក្រុមជម្រើសជាតិថៃមិនបានចូលរួម World Cup ខ្ញុំនឹងលាលែងពីតំណែង ហើយធ្វើកិច្ចការក្នុងវិស័យបាល់ទាត់ជាមួយនឹងតួនាទីផ្សេង» អតីតកីឡាករឆ្នើមរបស់ប្រទេសថៃ លោក Piyapong Pew On អះអាងដូច្នេះ។ លោក Piyapong Pew On បញ្ជាក់ថា លោកមិនប្រជែងដើម្បីមុខតំណែង ប៉ុន្តែលោកមានភាពម៉ឺងម៉ាត់ដោយរំពឹងថានឹងអភិវឌ្ឍ និងបង្កើតវប្បធម៌បាល់ទាត់ថៃទៅតាមស្មារតី … Read more

គ្រូបង្វឹកឥណ្ឌូណេស៊ីថា ថៃធ្វើឱ្យមានអំពើហិង្សា ខណៈគ្រូបង្វឹកថៃថា គូប្រកួតខ្វះស្មារតីកីឡា

May 17, 2023May 17, 2023 by សឿន សំណាង

គ្រូបង្វឹករបស់ក្រុមបាល់ទាត់ជម្រើសជាតិឥណ្ឌូណេស៊ី លោក Indra Sjafri យល់ថា ការដែលក្រុមគ្រូបង្វឹកថៃចេញអបអរសាទរឌឺដង គឺជាមូលហេតុនាំឱ្យមានការប៉ះទង្គិចគ្នាក្នុងវគ្គផ្ដាច់ព្រ័ត្រនៅស៊ីហ្គេមលើកទី 32 កាលពីយប់មិញ។ «អាជ្ញាកណ្ដាលប្រកាសថាមានការថែមម៉ោង 7 នាទី ទើបនៅពេលអស់ម៉ោងនេះ យើងគិតថាការប្រកួតបានចប់ ក៏រត់ចូលទីលានអបអរ ពុំមែនចង់បង្កហេតុជាមួយអ្នកណាឡើយ។ ភ្លាមនោះ អាជ្ញាកណ្ដាលឱ្យថែមម៉ោងរហូតដល់ 11 នាទី។ ពេលគ្រាប់បាល់ស្មើ 2-2 ថៃក៏រុលមកកន្លែងរបស់យើងដើម្បីឌឺដង ធ្វើឱ្យការប្រកួតប្រែជាច្របូកច្របល់» គ្រូបង្វឹករបស់ឥណ្ឌូណេស៊ី លោក Indra Sjafri និយាយដូច្នេះ បន្ទាប់ពីការប្រកួតបានបញ្ចប់។ លោក Indra Sjafri បន្ថែមថា «ពេលមានគ្រាប់បាល់ទីបី ជំនួយការ និងកីឡាកររបស់ខ្ញុំក៏អបអរឌឺទៅវិញ។ សម្រាប់ខ្ញុំ សកម្មភាពនេះរបស់ក្រុមទាំងពីរគឺមិនអាចទទួលយកបាន»។ ចំណែកលោក Issara Sritaro ដែលជាគ្រូបង្វឹករបស់ក្រុមថៃវិញ និយាយថា «ការដែលយើងត្រូវបានទាត់ចូលទីមុនគឺមិនអាចទទួលយកបាន។ ក៏ប៉ុន្តែ ឥណ្ឌូណេស៊ី ក៏លេងដោយខ្វះស្មារតីកីឡា»។ ទោះជាយ៉ាងណាក៏ដោយ នៅពេលចប់ការប្រកួត ក្រុមទាំងពីរក៏ពុំមានបញ្ហាអ្វីនឹងគ្នាទៀតនោះដែរ។ នេះគឺជាបទពិសោធន៍ដែលគួរយកជាមេរៀន ដែលយើងមិនគួរឱ្យមានករណីបែបនេះកើតឡើង ព្រោះវាប៉ះពាល់ដល់អ្នកគាំទ្រ និងកីឡាករផងដែរ។ … Read more

កីឡាករថៃ៖ «អាជ្ញាកណ្ដាលគឺជាដើមហេតុនៃភាពច្របូកច្របល់ក្នុងវគ្គផ្ដាច់ព្រ័ត្រនៅស៊ីហ្គេម»

May 17, 2023May 17, 2023 by សឿន សំណាង

ខ្សែការពាររបស់ក្រុមបាល់ទាត់ជម្រើសជាតិថៃ Jonathan Khemdee យល់ថា អាជ្ញាកណ្ដាលបង្កឱ្យមានកំហុសឆ្គងធំជាច្រើន នាំទៅរកជម្លោះរវាងក្រុមជម្រើសជាតិថៃ និងឥណ្ឌូណេស៊ី នៅវគ្គផ្ដាច់ព្រ័ត្រនៃវិញ្ញាសាបាល់ទាត់បុរសនៅស៊ីហ្គេមលើកទី 32។ កាលពីព្រលប់ថ្ងៃទី 16 ឧសភា នៅលើទីលានបាល់ទាត់របស់ពហុកីឡដ្ឋានជាតិអូឡាំពិក សមាជិកក្រុមកីឡាថៃ និងឥណ្ឌូណេស៊ី បានប៉ះទង្គិចគ្នាពីរលើក។ ពិសេសគឺការប្រវាយប្រតប់គ្នានៅក្រោយការស៊ុតបញ្ចូលទីរបស់កីឡាករ Irfan Jauhari ជួយឱ្យឥណ្ឌូណេស៊ី នាំមុខ 3-2 នៅដើមនារីថែមម៉ោងលើកទីមួយ នាំឱ្យអាជ្ញាកណ្ដាលពិន័យកាត់ក្រហមដោយផ្ទាល់ចំនួនប្រាំចំពោះភាគីទាំងពីរ។ ក្រោយការប្រកួត Jonathan Khemdee បានប្រាប់អ្នកយកព័ត៌មានថា «អាជ្ញាកណ្ដាលបង្កកំហុសធំជាច្រើន ហើយនោះគឺជាមូលហេតុដែលនាំឱ្យមានករណីប្រវាយប្រតប់គ្នា។ អាជ្ញាកណ្ដាលមិនអាចគ្រប់គ្រងការប្រកួត ដូច្នេះគ្រប់គ្នាក៏រុលទៅរកគ្នា និងវាយគ្នា»។ យោងតាមខ្សែការពារកណ្ដាលដើមកំណើតដាណឺម៉ាកខាងលើ កំហុសធំបំផុតរបស់អាជ្ញាកណ្ដាលស្ថិតនៅត្រង់គ្រាប់បាល់ចាញ់ទីពីររបស់ថៃ។ នាទីទីប្រាំនៃការថែមម៉ោងក្នុងតង់ទីមួយ កីឡាករឥណ្ឌូណេស៊ីម្នាក់រងរបួសត្រង់ក្បាល ទើបអាជ្ញាកណ្ដាលផ្លុំកញ្ចែផ្អាកការប្រកួត គ្រាដែលគ្រាប់បាល់មិនបានទៅខាងណា។ បន្ទាប់ពីកីឡាករឥណ្ឌូណេស៊ីត្រូវគេសែងចេញ អាជ្ញាកណ្ដាលក៏ប្រគល់បាល់ឱ្យប្រធានក្រុម Rizky Ridho របស់ឥណ្ឌូណេស៊ី ពេលដែលកីឡាកររបស់ថៃ មិនត្រូវបានអនុញ្ញាតឱ្យដណ្ដើមបាល់ភ្លាម។ Rodho បញ្ជូនបាល់ឡើងដល់ក្បែរតំបន់គ្រោះថ្នាក់របស់ថៃ ហើយខ្សែប្រយុទ្ធ Ramadhan Sananta ក៏ទាត់បាល់រំលងក្បាលអ្នកចាំទី Soponwit Rakyart ធ្វើឱ្យបាល់ហោះចូលទី … Read more

ក្រុមហ៊ុននៅអឺរ៉ុប ប្រើ ChatGPT ជំនួសបុគ្គលិក 250 នាក់ នាំឱ្យមានការបារម្ភអំពីអាជីពផ្ទាល់ខ្លួន

May 11, 2023 by សឿន សំណាង

ក្រុមហ៊ុនអង់គ្លេស Octopus Energy បានឱ្យដឹងថា កម្មវិធី ChatGPT កំពុងធ្វើការជំនួសបុគ្គលិក 205 នាក់ នៅក្នុងការឆ្លើយតបសារអេឡិចត្រូនិច និងត្រូវបានវាយតម្លៃថា ល្អជាងអ្នកជំនាញដែលទទួលបានការបណ្ដុះបណ្ដាលពេញលេញទៅទៀត។ លោក Greg Jackson ដែលជាអគ្គនាយកប្រតិបត្តិរបស់ក្រុមហ៊ុនថាមពល Octopus Energy នៅប្រទេសអង់គ្លេស បានឱ្យដឹងថា តាំងពីខែធ្នូឆ្នាំកន្លង លោកបានចាប់ផ្ដើមសាកល្បងប្រើប្រាស់កម្មវិធី ChatGPT នៅក្នុងប្រព័ន្ធរបស់ក្រុមហ៊ុន។ យោងតាមលោក Greg ក្រុមហ៊ុន Octopus Energy ទុកឱ្យ AI (បញ្ញាសិប្បនិម្មិត) ឆ្លើយតបអ៊ីមេលពីអតិថិជនក្រោមការតាមដានរបស់ក្រុមអ្នកជំនាញ។ អ៊ីមេលដែល chatbot នេះសរសេរ ទទួលបានការពេញចិត្តពីអតិថិជនរហូតដល់ 80% ខ្ពស់ជាងកម្រិត 65% នៃអ៊ីមេលដែលឆ្លើយតបដោយបុគ្គលិកមានឯកទេសទៅទៀត។ ក្រោយពីបានធ្វើតេស្តរួចរាល់ ចាប់ពីដើមខែនេះ ក្រុមហ៊ុន Octopus Energy សម្រេចចិត្តប្រើប្រាស់ AI នៅក្នុងការឆ្លើយតបសារអេឡិចត្រូនិចចំនួន 34% ក្នុងចំណោមអ៊ីមេលសរុបដែលក្រុមហ៊ុននេះបានទទួលពីអតិថិជន។ កាលពីមិនទាន់មាន ChatGPT ក្រុមហ៊ុនខាងលើត្រូវការបុគ្គលិក 250 … Read more