Eredivisie រំសាយ ខណៈដែល Ajax និង AZ ជាប់ទៅលេង Champions League ដោយស្វ័យប្រវត្តិ

លីកកំពូលបាល់ទាត់ហូល្លង់ Eredivisie បានប្រកាសលុបចោលការប្រកួតទាំងស្រុងនៅពេលនេះ គឺដើម្បីឆ្លើយតបទៅនឺងស្ថានភាពកូវីដ-19 ដែលកំពុងរាតត្បាតខ្លាំងនៅក្នុងប្រទេសមួយនេះ។

នេះគឺជាលើកទី1 និងជាប្រវត្តិសាស្ត្រដ៏អាក្រក់មួយ នៃវិស័យបាល់ទាត់របស់ប្រទេសខ្លាំងមួយនេះ ដែលលីកកំពូលរបស់ហូល្លង់ ត្រូវបានលុបចោល ចាប់តាំងពីសង្គ្រាមលោកលើកទី2 បានបញ្ចប់មក។

ជាមួយគ្នានេះដែរ លីកកំពូលនេះនឹងបញ្ចប់រដូវកាល2020 របស់ខ្លួននេះទៅត្រឹមប៉ុននេះ ដោយមិនមានម្ចាស់ជើងឯកឡើយ តែក្រុមដែលឡើងទៅលេងពានរង្វាន់អន្តរជាតិផ្សេងៗ នឹងត្រូវយកតាមពិន្ទុដែលបានប្រកួតហើយកន្លងទៅ ដោយ Ajax និង AZ នឹងបានជាប់ឈ្មោះក្នុងការលេងវគ្គជម្រុះបឋម UEFA Champions League រដូវកាលក្រោយ ខណៈ Feyenoord, PSV និង Willem II នឹងជាប់ក្នុងវគ្គជម្រុះ UEFA Europa League៕