ឃឹម ឌីម៉ា ឆ្លៀតពេលទំនេរ បង្រៀនវិធីធ្វើរបាំងមុខ ការពារវីរុសផ្សេងៗ

ឆ្លៀតពេលទំនេរពីការហ្វឹកហាត់ដោយខ្លួនឯង អ្នកប្រដាល់ជើងខ្លាំងកម្ពុជា ឃឹម ឌីម៉ា បានបញ្ចេញវីដេអូថ្មីមួយ កាលពីពេលកន្លងទៅ បង្ហាញអំពីវិធីផលិតរបាំងមុខ ដើម្បីការពារខ្លួនស្របពេលដែលមានការញាំញីដោយវិបត្តិកូវីដ-19។

ខាង​ក្រោម​នេះ​ជា​វិធី​សាមញ្ញ​មួយ​របស់​កីឡាករ​ប្រដាល់​ជើង​ខ្លាំង​កម្ពុជា​ ឃីម​ ឌីម៉ា​ ដែលបង្រៀន​ពី​របៀប​ធ្វើ​របាំង​មុខ​ស្រួលៗ​ និង​ចំណាយ​ថវិកា​តិច​ទៀតផង ដើម្បី​ទុកប្រើប្រាស់នៅពេលចេញទៅ​ក្រៅ ដូច​ជា​ទៅផ្សារជា​ដើម។​

គួរបញ្ជាក់ផងដែរថា ក្រៅពីការងារជាកីឡាករប្រដាល់ រូបគេក៏មានមុខងារជាមន្ត្រីសមត្ថកិច្ចមួយរូប នៅកងរាជអាវុធហត្ថផងដែរ ដោយកាលពីពេលថ្មីៗនេះ រូបគេទើបតែបរិច្ចាគប្រាក់ខែ 1ផ្នែក ជូនទៅដល់គណៈកម្មការជាតិប្រយុទ្ធប្រឆាំងនឹង កូវីដ-19ទៀតផង៕