ងាកមកមើលជីវិតឯកជនរបស់កីឡាករលំដាប់ពិភពលោក Lionel Messi វិញម្ដង គេនឹងមើលឃើញពីយន្តហោះផ្ទាល់ខ្លួនរបស់ Messi ដែលមានតម្លៃដល់ទៅ 12លានអឺរ៉ូ ដែលជាយន្តហោះមួយក្នុងចំណោមយន្តហោះផ្ទាល់ខ្លួនពិសេសៗដែលកីឡាករបាល់ទាត់ល្បីៗមានសម្រាប់ធ្វើដំណើរជាលក្ខណៈឯកជន។
យន្តហោះដ៏ថ្លៃ 1គ្រឿងនេះត្រូវបានផលិតឡើងនៅក្នុងប្រទេសអាហ្សង់ទីន ដែលរចនាឡើងយ៉ាងល្អប្រណីត និងមានឈ្មោះរបស់សមាជិកគ្រួសាររបស់គេនៅតាមកាំជណ្តើរឡើង និងមានស្លាកសញ្ញាដែលរចនាឡើងពីហត្ថលេខារបស់កីឡាកររូបនេះផ្ទាល់តែម្តង។
ចំណែកឯផ្នែកខាងក្នុងវិញ មានផ្ទះបាយ1 បន្ទប់ទឹកចំនួន2 និងមានកៅអីសម្រាប់អ្នកដំណើរចំនួន 16ឈុត ដែលមានលក្ខណៈដូចជាគ្រែគេងនៅក្នុងបន្ទប់ដេកនៅពេលដែលអ្នកជិះចង់គេងសម្រាកពេលធ្វើដំណើរផ្លូវឆ្ងាយ៕
