José Mourinho ប្រកាសដាច់ខាតមិនទៅដឹកនាំក្រុមនៅចិនឡើយ

អតីតអ្នកចាត់ការក្រុម  Manchester United លោក José Mourinho បានបញ្ជាក់ពីជំហររបស់លោក ដោយមិនព្រមទៅដឹកនាំក្លិបនៅប្រទេសចិនឡើយនៅពេលនេះ ទោះបីជាក្លិបផ្តល់ទឹកប្រាក់អោយលោកយ៉ាងច្រើនសន្ធឹកសន្ធាប់យ៉ាងណាក៏ដោយ។លោកបានបន្ថែមថា លោកមានគម្រោងត្រឹមត្រូវ ដោយលោកថានឹងព្យាយាមរកក្លិបមកដឹកនាំអោយបាននៅអង់គ្លេស​ ក្នុងរដូវក្តៅនេះអោយទាល់តែបាន។

គួរបញ្ជាក់ផងដែរថា បន្ទាប់​ពី​កិច្ច​ពិភាក្សា​ជាមួយ​តំណាង​ក្លិប​ដែល​ជា​ម្ចាស់​អចលនទ្រព្យ Evergrande Real Estate Group លោក Mourinho បាន​ច្រានចោល​ការងារ​នេះ​ ពីព្រោះ​លោក​យល់​ថា​លោក​មិន​ចង់​ធ្វើ​ឱ្យ​គ្រួសារ​មាន​ការ​ពិបាក​ក្នុង​ការ​ផ្លាស់​មក​កាន់​ប្រទេស​ចិន ហើយលោកនៅចង់ដឹកនាំក្រុមនៅអ៊ឺរ៉ុបបន្តិចទៀតសិន៕