រដូវកាលឆ្នាំ2017/2018 គឺជាឆ្នាំដ៏ជោគជ័យសម្រាប់ក្លិប Real Madrid ដោយក្លិបបានលើកពានចំនួន6ទាំងក្រុមបាល់ទាត់ និងបាល់បោះ។ ជ័យជម្នះទាំងនេះបានផ្ដល់មកវិញនូវប្រាក់រង្វាន់យ៉ាងច្រើនសន្ធឹកសន្ធាប់ដល់ក្លិប។
ប្រធានរបស់ក្លិបដែលរហស្សនាមថា “រាជាឈុតស”នេះក៏បានត្រៀមលុយចំនួន 70លានអឺរ៉ូដើម្បីចំណាយ ដោយបានបែងចែក 55លានអឺរ៉ូសម្រាប់ចំណាយលើក្រុមបាល់ទាត់ Real Madrid ដែលបានឈ្នះពានចំនួន4 កាលពីរដូវកាលមុន ដែលរួមមាន Supercopa de Espana, UEFA Super Cup, Club World Cup និង Champions League។
ដោយឡែក 15លានអឺរ៉ូទៀតសម្រាប់ក្រុមបាល់បោះ Real Madrid ដែលបានលើកពានធំចំនួន2 មាន Euroleague និង ACB។ បើតាមការគណនា កីឡាករម្នាក់ៗក្នុងក្រុមទាំងពីរ នឹងទទួលបានប្រាក់រង្វាន់ម្នាក់ៗប្រហែលជា 1លានអឺរ៉ូ៕
