លោក​ ​ប្រាក់​ ​វុទ្ធី​ ​បង្ហើប​មុន​ការប្រកួត​ថា​ ​ត្រូវ​លេង​ទប់​ ​អាស៊ី​អឺរ៉ុប​ ​ឱ្យ​បាន​

​លោក​ ​ប្រាក់​ ​វុទ្ធី​ ​គ្រូបង្គោល​របស់​ក្លិប​អគ្គិសនី​កម្ពុជា​បាន​លើកឡើង​ថា​ ​ខ្លួន​បាន​រៀបចំ​ប្រព័ន្ធ​ការពារ​ដើម្បី​ទប់​មិន​ឱ្យ​របូត​គ្រាប់​បាល់​ច្រើន​នៅក្នុង​ជំនួប​ជាមួយ​អាស៊ី​អឺរ៉ុប​ ​នៅ​សប្ដាហ៍​ទី6​ ​នៃ​ក្របខ័ណ្ឌ​ពាន​ ​Metfone​ ​Cambodian​ ​League​ ​នេះ​ឡើយ​។​ ​
​
​លោក​ ​ប្រាក់​ ​វុទ្ធី​ ​បាន​រៀបរាប់​ថា​ ​៖​«​យើង​គិតថា​ ​នឹង​ការពារ​រហូតដល់​ ​90ភាគរយ​ ​អ៊ីចឹង​ការគ្រប់គ្រង​បាល់​ ​គឺ​អាច​មិនសូវ​បាន​ច្រើន​។​ ​តែ​អ្វី​ដែល​សំខាន់​ ​គឺ​យើង​លេង​ទៅតាម​អ្វី​ដែល​យើង​បាន​គ្រោងទុក​»​។​
​
​បងប្រុស​លោក​ ​ប្រាក់​ ​សុវណ្ណារ៉ា​ ​ក៏បាន​បញ្ជាក់​ទៀត​ដែរ​ថា​ ​ក្រុម​របស់​លោក​នឹង​ប្រឹង​ប្រែ​ឱ្យ​អស់ពី​សមត្ថភាព​ ​ប៉ុន្តែ​រឿង​អាច​ទប់ទល់​នឹង​កីឡាករ​របស់​អាស៊ី​អឺរ៉ុប​បាន​ប៉ុនណា​នោះ​ ​មិនទាន់​អាច​និយាយ​បាន​នៅឡើយ​ទេ​ ​ដោយសារតែ​ខ្សែប្រយុទ្ធ​បរទេស​របស់​ក្រុម​អាស៊ី​អឺរ៉ុប​ក៏​ខ្លាំង​ដែរ​។​ ​

​គួរ​បញ្ជាក់​ផង​ដែរ​ថា​ ​គ្រូបង្វឹក​រូប​នេះ​ធ្លាប់​បាន​ជួយ​ក្រុម​បឹង​កេត​ឱ្យ​ឈ្នះ​ជើងឯក​ពាន​ ​Metfone​ ​Cambodian​ ​League​ ​នេះ​ម្ដង​រួចមក​ហើយ​កាលពី​រដូវ​កាល2012​៕​
​