ក្លិបបាល់ទាត់ Manchester City បានរបូតពានធំមួយ ប្រចាំតំបន់អឺរ៉ុប UEFA Champions League ក្រោយពីចាញ់ Chelsea នៅវគ្គផ្តាច់ព្រ័ត្រ ដោយគ្រាប់បាល់តែ 1គ្រាប់គត់។
ក្រោយពីចាញ់ភ្លាម ក្លិបអ្នកមាននៅអង់គ្លេស ដែលមានម្ចាស់ក្លិប ជាមហាសេដ្ឋីអារ៉ាប់មួយនេះ បានដាក់គោលដៅថ្មីមួយទៀតភ្លាមដែរ គឺនឹងយកកីឡាករខ្សែប្រយុទ្ធម្នាក់មកពីក្លិប Aston Villa គឺកីឡាករ Jack Grealish ជាគោលដៅចម្បងបំផុត ក្នុងទីផ្សារដោះដូរកីឡាករខាងមុខនេះ។
គួរឱ្យដឹងដែរថា Jack Grealish នឹងទទួលបានតម្លៃខ្លួន ជាង 130លានដុល្លារ ប្រសិនបើជាកុងត្រា ផ្ទេរទៅកាន់ ManCity នឹងកើតឡើងពិតមែននោះ ហើយនឹងធ្វើឱ្យរូបគេក្លាយជាកីឡាករអង់គ្លេស ដែលផ្ទេរក្លិបក្នុងតម្លៃ ថ្លៃបំផុតមិនធ្លាប់មាន៕
Advertisement
