នៅក្នុងថ្ងៃនេះ ទស្សនាវដ្តី ឡារ៉ែន សូមជម្រាបជូននូវអត្ថបទចំណេះដឹងសុខភាព ដែលពាក់ព័ន្ធជាមួយនឹងការប្រឈម និងគ្រោះថ្នាក់នៃជំងឺរលាកថ្លើមប្រភេទ B។ ជំងឺរលាកថ្លើមប្រភេទ B គឺជាការបង្ករោគនៅក្នុងថ្លើមដ៏ធ្ងន់ធ្ងរមួយ ដែលបណ្តាលមកពីវីរុសរលាកថ្លើមប្រភេទ B។ សម្រាប់មនុស្សមួយចំនួន ការបង្ករោគនៃជំងឺរលាកថ្លើមមួយនេះ អាចបណ្ដែតបណ្ដោយយូរដោយមិនដឹងខ្លួន ដែលអាចកា្លយជាភាពរ៉ាំរ៉ៃ និងឈានទៅរកភាពចុះខ្សោយនៃថ្លើម រហូតកើតមានជំងឺមហារីក ឬទៅជាក្រិនថ្លើម។ សូមតាមដានពីស្ថានភាពជំងឺរលាកថ្លើមប្រភេទ B ដូចខាងក្រោមនេះ។
ក្រុមមនុស្សវ័យជំទង់ភាគច្រើន ដែលបានឆ្លងជំងឺថ្លើមប្រភេទនេះ មានផលវជ្ជមានដែលអាចជាសះស្បើយបានទាំងស្រុង បើទោះជាសញ្ញា និងរោគសញ្ញារបស់ពួកគេមានសភាពធ្ងន់ធ្ងរក៏ដោយ។ ក៏ប៉ុន្ដែចំពោះទារក និងកុមារតូចៗ គឺអាចមានការវិវត្តទៅជាការចម្លងរោគនៃជំងឺរលាកថ្លើមប្រភេទ B រ៉ាំរ៉ៃ។ បើទោះជាការព្យាបាលសម្រាប់ជំងឺនេះនៅមិនទាន់មាននៅឡើយ តែការចាក់វ៉ាក់សាំងការពារជំងឺរលាកថ្លើមប្រភេទ B គឺអាចបង្ការជំងឺនេះបាន។
ការមានផ្ទុកជំងឺរលាកថ្លើមប្រភេទ B រ៉ាំរ៉ៃ គឺអាចនាំឱ្យអ្នកជំងឺប្រឈម និងគ្រោះថ្នាក់កម្រិតធ្ងន់ធ្ងរជាច្រើនដូចជា៖
1. ក្រិនថ្លើម: ការចម្លងជំងឺរលាកថ្លើមប្រភេទ B អាចបណ្តាលឱ្យមានការរលាក ដែលធ្វើឱ្យថ្លើមមានស្នាមសម្លាករីករាលដាលកាន់តែធំ ដែលវានឹងនាំឱ្យក្រិនថ្លើមបាន។ ស្នាមសម្លាកទាំងនេះ អាចធ្វើឱ្យសមត្ថភាពរបស់ថ្លើមក្នុងការធ្វើការមានសភាពចុះខ្សោយទាំងស្រុងបាន។
2. ជំងឺមហារីកថ្លើម: អ្នកដែលឆ្លងជំងឺរលាកថ្លើមប្រភេទ B រ៉ាំរ៉ៃ គឺអាចប្រឈមនឹងគ្រោះថ្នាក់នៃជំងឺមហារីកថ្លើមបាន។
3. មុខងារថ្លើមចុះខ្សោយ: ការចុះខ្សោយរបស់មុខងារថ្លើម ដែលជាមុខងារសំខាន់របស់ថ្លើម ធ្វើឱ្យថ្លើមត្រូវបានបញ្ឈប់មុខងាររបស់ខ្លួន។ នៅពេលដែលបញ្ហានេះកើតមានឡើង ការវះកាត់ផ្លាស់ប្តូរថ្លើម គឺជាវិធីព្យាបាលដ៏ចាំបាច់មួយក្នុងការបន្តអាយុជីវិតរបស់អ្នកជំងឺ។
4. ការបង្ករោគនៃជំងឺរលាកថ្លើមប្រភេទ D: អ្នកដែលមានការបង្ករោគនៃជំងឺរលាកថ្លើមប្រភេទ B រុំារ៉ៃ ក៏ងាយនឹងទទួលរងនូវការឆ្លងនូវជំងឺរលាកថ្លើម ប្រភេទ D និងវីរុសផ្សេងផងដែរ។ មានមនុស្សមួយចំនួន ក៏មិនមានការចម្លងនូវជំងឺរលាកថ្លើមប្រភេទ D ដែរ ព្រោះពួកគេបានឆ្លងនូវជំងឺរលាកថ្លើមប្រភេទ B ជាមុនរួចទៅហើយ។ តែការផ្ទុកនូវជំងឺរលាកថ្លើមទាំងពីរប្រភេទនេះក្នុងពេលតែមួយវិញនោះ វាអាចនឹងបង្កើនឱកាសធ្វើឱ្យថ្លើមរបស់អ្នកក្រិន និងកើតមហារីកថ្លើម ដែលជាការហុចផលអាក្រក់ដល់អាយុជីវិតរបស់អ្នកជាខ្លាំង។
5. កើតមានបញ្ហារលាកតម្រងនោម: ការឆ្លងនូវជំងឺរលាកថ្លើមប្រភេទ B អាចបណ្តាលឱ្យអ្នកមានបញ្ហារលាកតម្រងនោម ដែលនៅទីបញ្ចប់វានឹងធ្វើឱ្យតម្រងនោមរបស់អ្នកចុះខ្សោយ។ ចំពោះកុមារ អាចនឹងមានឱកាសព្យាបាលឱ្យជាសះស្បើយពីបញ្ហាតម្រងនោមនេះបានច្រើនជាងមនុស្សពេញវ័យ៕
