ឧទ្ធម្ភាគចក្រយោធារបស់ ប៉ាគីស្ថាន ដឹកមនុស្សច្រើននាក់ ក្នុងនោះមាន ឧត្តមសេនីយ៍ ២ រូប បានបាត់ទំនាក់ទំនងជាមួយស្ថានីយគ្រប់គ្រងអាកាសចរណ៍ នៅពេលកំពុងស្ថិតក្នុងតំបន់រងគ្រោះដោយសារទឹកជំនន់។
កងទ័ពប៉ាគីស្ថាន បានប្រកាសថា ឧទ្ធម្ភាគចក្រដែលមានដឹកឧត្តមសេនីយ៍យោធា និងមនុស្ស ៥ នាក់ទៀត បានបាត់ខ្លួនកាលពីថ្ងៃទី ០១ សីហា ពេលកំពុងបំពេញការងារជួយសង្គ្រោះជួយសង្គ្រោះប្រជាជនដែលកំពុងរងគ្រោះដោយសារទឹកជំនន់នៅភាគខាងត្បូងប្រទេសនេះ។
ប្រកាសខាងលើបានឱ្យដឹងថា ឧទ្ធម្ភាគចក្រដែលបានបាត់ខ្លួននេះមានដឹកមនុស្សចំនួន ៦ នាក់។ បច្ចុប្បន្ន ការស្វែងរកកំពុងត្រូវបានធ្វើឡើង។
មន្ត្រីស៊ើបការណ៍សម្ងាត់ម្នាក់បានឱ្យដឹងថា មេដឹកនាំកងកម្លាំងការពារឆ្នេរសមុទ្ររបស់ ប៉ាគីស្ថាន ឧត្តមសេនីយ៍ត្រី Amjad Hanif Satti ក៏មានវត្តមាននៅក្នុងឧទ្ធម្ភាគចក្រដែលបាត់ខ្លួននោះដែរ៕
