រុស្ស៊ី ត្រូវបាន បារាំង ចោទថា ចង់​លុបបំបាត់ អ៊ុយ​ក្រែ​ន ចេញពី​ផែនទី​ពិភព​លោក​

រដ្ឋមន្ត្រីការបរទេស​បារាំង Jean-Yves Le Drian បាន​ចោទ ប្រធានាធិបតី​រុស្ស៊ី ថា មានបំណង​បំផ្លាញ​រដ្ឋាភិបាល​អ៊ុយ​ក្រែ​ន និង​ព្រមាន​អំពី «សន្តិសុខ» របស់ ប្រធានាធិបតី Zelensky ថា កំពុង​ប្រឈម​នឹង​គ្រោះថ្នាក់។

«នេះ​គឺជា​សង្គ្រាម​ពេញលេញ។ ពូ​ទីន បានសម្រេច​ចិត្ត​លុបបំបាត់ អ៊ុយ​ក្រែ​ន ចេញពី​ផែនទី​ពិភពលោក» Le Drian បាន​ប្រាប់​វិទ្យុ France Inter ដូច្នេះ។

លោក​រដ្ឋមន្ត្រី​បារាំង ក៏មាន​ការព្រួយបារម្ភ​ផងដែរ​ចំពោះ​ហានិភ័យ​ដែល Moldova និង Georgia អាចជា​គោលដៅ​ឈ្លានពាន​បន្ទាប់​របស់ រុស្ស៊ី។ Moldova និង Georgia គឺជា​ប្រទេស ២ ផ្សេងទៀត​ដែល​បាន​ឯករាជ្យ ក្រោយ សូ​វៀត ដួលរលំ។