ព្រះបរមរាជវាំងរបស់ប្រទេស ស៊ីយអែត បានឱ្យដឹងថា មហាក្សត្រ Carl XVI Gustaf និងម្ចាស់ក្សត្រី Silvia បានទទួលលទ្ធផលតេស្តវិជ្ជមាននឹង វីរុសកូវីដ-១៩ ក្នុងគ្រាដែល វ៉ារ្យ៉ង់ អូមីក្រុង កំពុងរាតត្បាតប្រទេសនេះ។
«មហាក្សត្រ និងមហាក្សត្រី ដែលបានទទួលការចាក់វ៉ាក់សាំងបង្ការជំងឺ កូវីដ-១៩ ចំនួន ៣ ដូស មានអាការរោគស្រាល និងនៅតែមានព្រះរាជសុខភាពល្អ» ព្រះបរមរាជវាំង ស៊ុយអែត បានប្រកាសដូច្នេះកាលពីថ្ងៃទី ៤ មករា ២០២២។
ប្រភពព័ត៌មានក៏បានបន្ថែមថា មហាក្សត្រ Carl XVI Gustaf ព្រះជន្ម ៧៥ វស្សា និងមហាក្សត្រី Silvia ព្រះជន្ម ៧៨ វស្សា កំពុងធ្វើចត្តាឡីស័ក។ បេសកកម្មស្វែងរកអ្នកទាំងឡាយដែលបានប៉ះពាល់ក្សត្រទាំងពីរអង្គនេះក៏កំពុងត្រូវបានស្រាវជ្រាវ។
ព្រះនាង Victoria ដែលជារាជបុត្រីច្បងរបស់មហាក្សត្រ ស៊ុយអែត និងជារាជទាយាទ រួមនឹងស្វាមី Daniel ក៏ធ្លាប់បានឆ្លង កូវីដ-១៩ កាលពីខែមីនា ឆ្នាំ ២០២១ ផងដែរ។ ព្រះនាង និងស្វាមី បានជាសះស្បើយ បន្ទាប់ពីមានអាការរោគស្រាល។
