តារាឯកស្រីវ័យ 37 ឆ្នាំដែលទើបតែរៀបអាពាហ៍ពិពាហ៍ហើយថ្មីថ្មោងជាកំពូលតារាចម្រៀង Rain គឺនាង Kim Tae Hee ថ្មីៗនេះ នាងត្រូវបានអញ្ចើញឱ្យថតស្ប៉តពាណិជ្ជកម្មសម្រាប់ក្រុមហ៊ុន Everon ដែលតម្រូវឱ្យនាងស្លៀកសម្លៀកបំពាក់ឈុតបុរាណរបស់ជនជាតិវៀតណាម។
មួយឈុតនេះមានព័ណ៌បៃតងខ្ចី ដែលជាឈុតប្រចាំជាតិវៀតណាម ហើយត្រូវបានកោតសរសើរថា នាងពិតជាស្រស់ស្អាត និងស័ក្ដិសមនឹងឈុតនោះមែនទែន។ ក្នុងនោះមានអ្នកគាំទ្រនាងជាច្រើនបានបង្ហោះរូបនេះឡើងនៅលើបណ្ដាញសង្គមអនឡាញទៀតផង។ គួរបញ្ជាក់ផងដែរថា តារាស្រីរូបនេះបាននិយាយប្រាប់អ្នកសារព័ត៌មាន ខណៈថតស្ប៉តថា “ពិតជាស្រស់ស្អាតខ្លាំងណាស់ នាងខ្ញុំធ្លាប់បានឃើញឈុតវែងមួយនេះតាំងពីមុនមកហើយ តែមិនធ្លាប់បានសាកល្បងស្លៀកឡើយ”។
ជាចុងក្រោយនាងបានបញ្ជាក់ថា “នាងខ្ញុំមានអារម្មណ៍យល់ឃើញថា ចំពោះឈុតមួយនេះគឺសម្រុងខ្លួនវែងល្អ មានភាពជាស្ត្រី សុភាពសាមញ្ញ និងមានភាពគួរឱ្យគោរពចំពោះភាពស្រស់ស្អាតសម្រាប់នារីដែលបានស្លៀកឈុតបុរាណមួយនេះ” ៕
