ដំណឹងដ៏គួរឱ្យភ្ញាក់ផ្អើលនេះ បានចេញផ្សាយដោយគេហទំព័រព័ត៌មានចិន ដែលផ្សាយថា តារាចម្រៀងជប៉ុនលោក Pikotaro ដែលមានឈ្មោះល្បីល្បាញ និងជាម្ចាស់បទចម្រៀង “Pen Pineapple Apple Pen” បានប្រកាសរៀបការនៅថ្ងៃនេះ ជាមួយតារាម៉ូដែលសិចស៊ីរបស់ទស្សនាវដ្ដីជប៉ុន គឺនាង Hitomi Yasueda ដែលមានវ័យប្អូនជាងលោក 15 ឆ្នាំ។
តារាប្រុសវ័យ 44 ឆ្នាំរូបនេះ បាននិយាយថា “ខ្ញុំនឹងធ្វើឱ្យបានល្អបំផុតតាមតែអាចទៅរួច សម្រាប់ប្រពន្ធរបស់ខ្ញុំ និងគ្រួសាររបស់ខ្ញុំ” ។ តាមការបញ្ជាក់ អ្នកទាំងពីរបានចាប់ផ្ដើមមានទំនាក់ទំនងស្នេហាជាមួយគ្នា នៅក្នុងឆ្នាំ 2013 មុនពេលដែលតារាប្រុស Pikotaro បានល្បីដោយសារបទ “Pen Pineapple Apple Pen” ទៅទៀត។
គួររំលឹកផងដែរថា បទមច្រៀង PPAP “Pen Pineapple Apple Pen” នេះ បានបំបែកឯកត្តកម្មចម្រៀងពិភពលោកនៅថ្ងៃទី 31 ខែតុលា ឆ្នាំ 2016 ផងដែរ៕
Advertisement
