តារាសម្ដែងរាងខ្ពស់រូបស្អាត Chompoo Araya កំពុងពពោះជិតគ្រប់ខែហើយ នាងបានរៀបចំនូវកម្មវិធីជប់លៀងដ៏ធំមួយដែលនាងដាក់ឈ្មោះឱ្យថា Chom’ s Baby Shower ដើម្បីត្រៀមស្វាគមន៍បុត្រភ្លោះមុនពេលប្រសូត។
មិនយូរប៉ុន្មានទៀតទេ យើងនឹងបានឃើញបុត្រប្រុសភ្លោះរបស់តារាស្រីរូបនេះហើយ ព្រោះនៅពេលនេះនាងពពោះបាន 31សប្ដាហ៍ និងបានថែរក្សាខ្លួននៅតែក្នុងផ្ទះរហូតទៀតផង ដូច្នោះហើយបានជានាងរៀបចំកម្មវិធីនេះឡើង ដោយបានអញ្ជើញតារាល្បីៗជាច្រើនរូប ដែលក្នុងនោះមានមិត្តជិតស្និទ្ធរបស់នាងជាច្រើនបានចូលរួមផងដែរ ហើយនាងបានដាក់ឈ្មោះកម្មវិធីសម្រាប់ក្រុមមិត្តស្និទ្ធស្នាលដែលមានផ្ទៃពោះដំណាលគ្នានេះថា ChomsHeavenSent។
ក្រៅពីនោះក៏នៅមានមិត្តភក្ដិជិតស្និទ្ធជាច្រើនដែលមានផ្ទៃពោះដូចគ្នា ដូចជាអ្នកនាង អៃស៍ អភិសៈដា និងនាង អេមមី មរកុដ ជាដើមមកចូលរួមរីករាយជាមួយគ្នាដែរ។ដើម្បីកាន់តែជាក់ច្បាស់ សូមទស្សនារូបភាពទាំងឡាយខាងក្រោមនេះ៕
