ព្រះនាងតូច នរោត្តម ជេនណា ទទួលការគាំទ្រខ្លាំង ខណៈរឿង«ធីតាផ្កាព្កុលមាស» ប្រកាសដាក់បញ្ចាំង

ប្រិយមិត្តមួយចំនួនធំប្រាកដជាស្គាល់ច្បាស់ជាក់ជាមិនខាន អ្នកអង្គម្ចាស់ នរោត្តម ជេនណា ដែលមានដុងជាអ្នកសិល្បៈយ៉ាងខ្លាំងក្លា ព្រោះទ្រង់អាចច្រៀង និងរាំបានយ៉ាងប៉ិនប្រសប់។

ជាក់ស្តែងនៅថ្ងៃទី21 ខែឧសភា ឆ្នាំ2020 នៅលើផេកផ្លូវការអ្នកអង្គម្ចាស់ នរោត្តម ជេនណា ដែលមានទេពកោសល្យដ៏ពូកែលើវិស័យសិល្បៈ ទាំងបុរាណសម័យ បានបង្ហោះវីដេអូបទចម្រៀងមួយបទដែលមានចំណងថា«វាសនា ធីតាផ្កាព្កុលមាស» ដែលធ្វើអ្នកគាំទ្របានទស្សនាហើយស្រក់ទឹកភ្នែកតាមតែម្តង។

នៅក្នុងបទចម្រៀង «វាសនា ធីតាផ្កាព្កុលមាស» គឺពិតជាពីរោះ និងកំសត់ខ្លាំង ព្រោះតួអង្គ ផ្កាព្កុលមាស ត្រឹមជាក្មេងស្រីម្នាក់ គ្មានអាណាព្យាបាលនៅក្បែរ ប្រៀបបានទៅនឹង កូនចាបតូចមួយ ដែលគ្មាន មេបា ជីវិតត្រូវរស់នៅខ្វះភាពកក់ក្តៅ ខ្វះការថែទាំ គឺពិតជាកម្សត់ណាស់ទៅហើយ ចុះឡើយហេតុម្តេចទេវតាមិនប្រណីដល់វាសនាមួយនេះ ៕