តាមរយៈបណ្ដាញសង្គមហ្វេសប៊ុកគេមើលឃើញថា តារាសម្ដែងស្រីល្បីឈ្មោះក្នុងរឿងភាគ « ផ្កាថ្ម » កញ្ញា ប៊ូ ចាន់ដាណែត ត្រូវបានប្រកាសខ្លួនជាលើកដំបូងក្លាយជា ទូតសុឆន្ទៈផលិតផលថែរក្សាស្បែក BellaCare Super Premium Collagen ដែលនាំចូលពីប្រទេសថៃ។
តាមការបង្ហើបរបស់តារាស្រីមុខកូនកាត់រូបនេះក៏បានឱ្យដឹងដែរថា នេះជាកាដូផ្នែកទូតសុឆន្ទៈ លើកដំបូងសម្រាប់ឆ្នាំ២០២០ ជូនផលិតខាងលើ។ នាងចុះកុងត្រា១ឆ្នាំ ហើយសន្យាថានឹង បំពេញការងារឱ្យល្អជាមួយផលិតផលថែរក្សាស្បែកមួយនេះ។ ជាពិសេសនាងក៏រំពឹងថា តំណាងចែកចាយទាំងអស់ និងសហការរួមកម្លាំងគ្នា ប្រឹងប្រែងរកយុទ្ឋសាស្ត្រថ្មីៗ ដើម្បីពង្រីកការចែកចាយទៅកាន់អតិថិជនឱ្យកាន់តែល្អប្រសើរឡើង។
ប៊ូ ចាន់ដាណែត មិនបានបញ្ជាក់អំពីតម្លៃខ្លួនរបស់នាងក្នុងការងារមួយនេះឡើយ ក៏ប៉ុន្ដែនាងក៏បានប្រាប់ដែរថា នាងហ៊ានព្រមទទួលការងារមួយនេះ ព្រោះនាងមានភាពជឿជាក់ទៅលើផលិតស្រាប់ ក៏ព្រោះតែនាងបានទទួលទានអស់រយៈពេល ៣ ខែមកហើយ មុនក្លាយជាទូតសុឆន្ទៈ៕
