តារាកំប្លែង និងសម្ដែងដ៏មានប្រជាប្រិយភាពនាយ គ្រឿន បានធ្វើឲ្យអ្នកគាំទ្រ មានការភ្ញាក់ផ្អើលយ៉ាងខ្លាំងក្រោយពីនាយចេញ MV បទចម្រៀងមួយបទឱបថើប កាចុប ដែលគ្រប់គ្នាស្គាល់ថាជាប្អូនប្រុសនាយ ចយ គ្មានប្រណីដៃ។ MV បទចម្រៀងដែលនាយ គ្រឿន ចាប់ឱបថើប កាចុប គ្មានប្រណីដៃនោះមានចំណងជើងថា “តិចនិចញ៉ែ” ដែលនាយ ចាប់ដៃគូច្រៀងរួមគ្នាជាមួយលោក ឌីអូ។ បទនេះមិនត្រឹមតែពីរោះប៉ុណ្ណោះទេ សូម្បីតែការសម្តែងក៏មានភាពទាក់ទាញផងដែរ ដែលអាចធ្វើឱ្យអ្នកទស្សនាជក់ចិត្ត ជាពិសេសឈុតចុងក្រោយតែម្តង ធ្វើឱ្យពុកម៉ែបងប្អូនអស់សំណើច សើចចុកពោះគ្រប់ៗគ្នា។
ជារៀងរាល់ឆ្នាំ នាយ គ្រឿន តែងតែចេញបទចម្រៀងចូលឆ្នាំដើម្បីឱ្យពុកម៉ែបងប្អូនបានរាំសប្បាយភ្លេចអស់នៅទុក្ខកង្វល់។បើទោះបីជាសំឡេងនាយនៅមានលក្ខណៈកំប្លែង និងរណ្ដំចិត្តដូចតារាចម្រៀងដទៃ ក៏ប៉ុន្ដែមហាជនជាច្រើនពោលថា ពីរោះមួយបែប អាចទទួលយកបាន។ បទចម្រៀងថ្មីមួយបទរបស់នាយគ្រឿនមានចំណងជើងថា “តិចនិចញ៉ែ” នេះ ទើបតែបង្ហោះនៅលើឆាណែលយូធូប Hokpi Music កាលពីថ្ងៃម្សិលមិញនេះទី ២៦ ខែកុម្ភៈ ឆ្នាំ២០២០ តែមានអ្នកចូលទស្សនាជិត ១ លាននាក់ហើយ។
សូមជម្រាបបញ្ជាក់ថា បទចម្រៀងនេះជាការបកស្រាយរួមគ្នារវាង នាយគ្រឿន នឹងលោក ឌីអូ ដែលជាអ្នកនិពន្ធបទចម្រៀងនេះផ្ទាល់តែម្ដង។យ៉ាងណាមិញ ចង់ដឹងថាតើនាយ គ្រឿនបកស្រាយបទចម្រៀងនេះជាមួយនឹងលោក ឌីអូ ពិរោះនឹងកំប្លែងដល់កម្រិតណានោះសូមប្រិយមិត្តអ្នកអាន ទាំងអស់ទស្សនាវីដេអូនៃការបកស្រាយបទចម្រៀងរបស់លោកនៅខាងក្រោមនេះទាំងអស់គ្នា ហើយកុំភ្លេចណា សើចទាំងអស់គ្នា ដើម្បីបំបាត់ទុក្ខកង្វល់។ សូមទស្សនាវីដេអូខាងក្រោមនេះ៖
