ពិតជាគួរឱ្យភ្ញាក់ផ្អើលមែនទែន! តារាចម្រៀងស្រី Bora ជាសមាជិកក្រុមចម្រៀង SISTAR បានប្រកាសពីទំនាក់ទំនងស្នេហារបស់ខ្លួនជាមួយមិត្តប្រុសជាសមាជិកក្រុមចម្រៀងប្រុស Big Stars មានឈ្មោះថា Feeldog ជាសាធារណៈតែម្ដង។
អ្នកទាំងពីរទើបតែផ្ដល់ព័ត៌មានថា បានណាត់ជួបគ្នាកាលពីឆ្នាំកន្លងទៅ នៅអំឡុងពេលដែលបានចូលរួមក្នុងកម្មវិធីប្រឡងរាំ Mnet នៅលើឆាក។ ក្នុងនាមជាសមាជិកក្រុមចម្រៀង និងអមដោយក្បាច់រាំដ៏រស់រវើក អ្នកទាំងពីរមានចំណុចមួយដែលដូចគ្នាខ្លាំងបំផុតគឺ ការហាត់ប្រាណ ហើយនេះក៏ជាចំណុចមួយដែលកាន់តែធ្វើឱ្យពួកគេមានឱកាសបានស្និទ្ធស្នាលនឹងគ្នា។ តារាស្រី Bora បាននិយាយថា នៅពេលដែលណាត់ជួប Feeldog គឺនាងតែងតែឱ្យគូស្នេហ៍បើក Range Rover របស់នាងទៅគ្រប់ទីកន្លែងជាមួយនាង។
គួរបញ្ជាក់ផងដែរថា សារព័ត៌មាន Koreaboo បានលើកឡើងពីការអះអាងរបស់ Hook Entertainment អំពីទំនាក់ទំនងរបស់គូស្នេហ៍តារាចម្រៀងមួយគូនេះថា តារាពីរដួងនេះពិតជាមានទំនាក់ទំនងស្នេហ៍ប្រាកដមែន ហើយពួកគេក៏កំពុងតែរៀនយល់ចិត្តគ្នាផងដែរ យ៉ាងណាមិញ ពួកគេបានស្រឡាញ់គ្នាពិតប្រាកដណាស់ ហើយក៏សង្ឃឹមថាអ្នកគាំទ្រនៅតែបន្ដស្រឡាញ់ និងគាំទ្រអ្នកទាំងពីរបន្ដទៀត៕
