នាង Mina សមាជិកក្រុមចម្រៀងស្រី Twice ដែលកំពុងល្បីនៅក្នុងពិភពសិល្បៈចម្រៀង K-Pop ថ្មីៗនេះ ត្រូវបានជនមិនស្គាល់មុខគំរាមសម្លាប់ ហើយដំណឹងនេះក៏ត្រូវបានចែកចាយបន្តគ្នាដែរតាមរយៈបណ្ដាញសង្គម Viberតាមរយៈគណនីមួយដែលមានឈ្មោះថា IIbe។
តារាស្រីជនជាតិជប៉ុនរូបនេះត្រូវបានជនមិនស្គាល់មុខសរសេរសារគំរាមថា “Mina ខ្ញុំមានកាំបិត” មិនតែប៉ុណ្ណោះ មនុស្សរោគចិត្តម្នាក់នេះថែមទាំងបានពោលគំរាមទៀតថា “ប្រសិនបើនាងមិនទះកំផ្លៀងមិត្តប្រុសរបស់នាងទេ យើងនឹងទៅរកនាង ហើយយើងនឹងសម្លាប់នាងចោល” ។
ពាក់ព័ន្ធនឹងករណីនេះផងដែរ នាង Mina បានទៅប្ដឹងប៉ូលិស ដើម្បីឱ្យជួយរកមុខជនដែលគំរាមសម្លាប់នាង ដែលមកទល់ពេលនេះ សូម្បីតែតម្រុយបន្តិចក៏គ្មានដែរ។
គួរបញ្ជាក់ផងដែរថា តារាស្រី Mina ទើបតែបង្ហាញពីទំនាក់ទំនងស្នេហាជាមួយតារាប្រុស Bambamកាលពីពាក់កណ្ដាលខែមីនាកន្លងទៅ ហើយអ្នកទាំងពីរបានក្លាយជាគូស្នេហ៍ដែលមានអ្នកគាំទ្រស្រឡាញ់ពេញចិត្តច្រើនទៀតផង៕
