ប្រិយមិត្តទាំងអស់គ្នាប្រាកដជាធ្លាប់បានស្ដាប់ និងឮបទចម្រៀង «ស្អាតចឹងធ្វើងាប់» ជាអូឌីយោ ( សំឡេង ) នៅលើតាមបណ្ដាញសង្គម វទ្យុ និងស្ដង់ផលិតផលតាមកម្មវិធីនានា តែនៅពេលនេះ បទចម្រៀងកំពុងតែចាក់ដោតនិងស៊ីអារម្មណ៍ បានផលិតជាវីដេអូចម្រៀងបែបកំប្លែងគួរឱ្យចង់ទស្សនា។
ស្របពេលដែលបណ្តាបទចម្រៀងរាំវង់រាំក្បាច់ឡាំលាវកំពុងវាយលុកមុនពេលបុណ្យចូលឆ្នាំមកដល់តារាចម្រៀង ផុន ផានិត និងថៅកែហាងមីស៊ុបកូនកាត់បានចេញវីដេអូចម្រៀងថ្មីមួយមានឈ្មោះថា«ស្អាតចឹងធ្វើងាប់» ដោយបទនេះត្រៀមផ្ទុះចូលឆ្នាំតែម្ដង។ អ្វីដែលប្លែកគឺការស្តាប់ចង្វាក់ភ្លេងមានភាពកន្ត្រាក់បានស្តាប់ឭហើយទាក់ចិត្តចង់រាំ។
បទចម្រៀងខាងលើនេះត្រូវបានអ្នកស្រី គង់ វណ្ណា ថៅកែមីស៊ុបកូនកាត់ផ្តល់ជំនួយទ្រទ្រង់ថតសម្តែងដោយអ្នកស្រី រមែងតែងតែជួយដល់សិល្បករដែលមានសំឡងល្អ គ្មានថវិកាគ្រប់គ្រងផលិតចម្រៀងអ្នកស្រីតែងតែចុះជួយដោយបើកចិត្តទូលាយ។ លើសពីនេះបទខាងលើច្រៀងដោយតារាចម្រៀង ផុន ផានិត មានវត្តមានអ្នកស្រីជួយថតសម្តែងមើលទៅពិតជាសមសួនគួរឱ្យចូលចិត្ត។ មានន័យថាអ្នកស្រីពិតជាចូលចិត្តសិល្បៈដោយសាររវល់មមាញឹកជំនួញពេញដៃបែបណានៅតែងាកមកលើកស្ទួយសិល្បៈមិនឱ្យបាត់បង់។
លោក ផុន ផានិត ដែលជានិច្ចកាលបានបទច្រៀងថតសម្តែងនៅលើយូធូបបានឱ្យដឹងថាខ្លួនពិតជាដឹងគុណដល់លោកស្រីថៅកែហាងមីស៊ុបកូនកាត់ ដែលបានជួយលោករហូតមកខ្វះខាតថវិកាធ្វើចម្រៀងគឺរមែងផ្តល់ជួយរហូតមិនថាតែរូបលោកឬសិល្បករផ្សេងឡើយ។ ជាក់ស្តែងបទចម្រៀងខាងលើគាត់ជួយហើយថតសម្តែងឱ្យទៀតពិតជាពិសេស។ លោករំពឹងថា ហ្វេនទាំងអស់ជួយគាំទ្របទរបស់លោកនិងការសម្តែងរបស់លោកស្រីគង់ វណ្ណា។
លោកស្រីគង់ វណ្ណាក្រៅពីជួយសិល្បករលោកស្រីក៍ជួយដល់ចាស់ជរាកុមារកំព្រានិងមន្ទីរពេទ្យគន្ឋបុប្ឋាផងដែរ ដោយសារធ្លាប់ឆ្លងកាត់ការលំបាកទើបលោកស្រីចេះចែករំលែកមនុស្សធម៌ក្នុងសង្គម។
