តាមរយៈការបង្ហោះរបស់អ្នកនាង ចន ច័ន្ទលក្ខិណា នៅលើបណ្ដាញសង្គមហ្វេសប៊ុកបានឱ្យដឹងថា ស្ថានភាពជំងឺរបស់នាយក្ដឹប គឺកាន់តែមានសភាពធ្ងន់ធ្ងរ ហើយលោកកំពុងត្រូវការប្រាក់ជាង1ម៉ឺនដុល្លារជាបន្ទាន់ ដើម្បីវះកាត់។ ស្ថានភាពរបស់លោក ប្រសិនបើខ្វះការព្យាបាលបន្ទាន់ នោះនឹងធ្វើឱ្យលោកគ្រោះថ្នាក់។
អ្នកនាងចន ច័ន្ទលក្ខិណា បានបន្ថែមពីការបង្ហោះថា តារាកំប្លែងនាយក្តឹម ស្ថិតក្នុងសភាពអស់លទ្ឋភាពក្នុងការព្យាបាលហើយ ដោយសារតែគ្រួសារលោកក៏ខ្វះខាត ហើយចំណូលដែលលោកធ្លាប់មានក៏រកលែងបាន។ អ្នកនាងប្រកាសអំពាវនាវឱ្យមានការបរិច្ចាគរួមគ្នាមួយ ដើម្បីជួយសង្រ្គោះនាយក្តឹប មានលទ្ធភាពបានវះកាត់ បានទាន់ពេលវេលា។ អ្នកនាងថា លោកត្រូវការថវិកាប្រមាណជិត2ម៉ឺនដុល្លារ ជាពិសេសនៅក្នុងដំណាក់កាលនេះ ដែលលោកត្រូវការបន្តការចាកចេញទៅព្យាបាលនៅខេត្តខេត្តអ៊ុប៊ុន ប្រទេសថៃនាពេលនេះ។
អ្នកនាងបានបង្ហោះសារថា«លោកពូក្តិប ទើបតែមកពីព្យាបាលជំងឺទឹកដក់ក្នុងសួតនៅខេត្តអ៊ុប៊ុន ប្រទេសថៃ ហើយពេលនេះលោកពូត្រូវការប្រាក់ជាច្រើនទៀតសម្រាប់ធ្វើការវះកាត់កៀបសសៃឈាមបេះដូង និង កកសសៃឈាមខួរក្បាល ដែលជាហេតុធ្វើឱ្យលោកពូមិនអាចដើរបាន ឈរបាន។ ដូច្នេះសូមបងប្អូនសប្បុរសជននានាជួយលោកពូ ក្តឹប ផង 🙏🏻🙏🏻🙏🏻»៕
