ពិតជារឿងដែលភ្ញាក់ផ្អើលមួយទៀតហើយ ដែលតារាសម្ដែងប្រុស និងច្រៀង លោក បញ្ញាសិទ្ធ ត្រូវបាននារីអ្នកលេងបណ្ដាញសង្គមម្នាក់ បកអាក្រាតរឿងខ្ចីលុយមិនសង ដែលសំណេររបស់នាងអះអាងពីអត្តចរឹតពិតរបស់តារាប្រុសរូបនេះ និងឱ្យលោក សិទ្ធ ចេញមុខដោះស្រាយចំពោះបញ្ហានេះ។
នារីដែលបង្កភាពភ្ញាក់ផ្អើលនេះ មានគណនីហ្វេសប៊ុកឈ្មោះថា កញ្ញា តែងអន បានបង្ហោះរូបភាពលោក បញ្ញាសិទ្ធ និងបានរៀបរាប់ថា « ពេលត្រូវសងលុយមិច មិនធ្វើចរឹតដូចពេលខ្ចីលុយគេ កុំស្មានតែ Block FB Block លេខទូរស័ព្ទខ្ញុំ ខលមិនលើកអត់មានរឿងអីកើតឡើងនោះ។ ពេលមកពឹងលន់តួម៉េស អះអាងចេះអះអាងចុះ ឥឡូវម្ដេចធ្វើចរឹតធូរថ្លៃម៉េស បើមិនចេញមុខមកដោះស្រាយរឿងលុយនេះទេ និងមានអីលើសពីនេះទៀត ទុកមុខឱ្យច្រើនហើយ ហើយក៏អត់ធ្មត់ច្រើនដែល កុំឱ្យមានលើសពីនេះទេអា …មានលុយអត់សងគេទេ យកចិញ្ចឹមតែប្រុសនឹងហើយ ..មានលុយទើបបានបង់ឡានផ្ដាច់ហ្នឹងហើយ កាលសងលុយគេ»។
គ្រាន់តែបង្ហោះភ្លាម ស្រាប់តែមហាជនជាច្រើន បានខម្មិន្តចោទសួរពីបញ្ហាពិតរបស់តារាសម្ដែងប្រុសរូបនេះ ។ នារីខាងលើនេះ បានបញ្ជាក់ទៀតថា នាងមិនខ្លាចប្រឈមមុខចំពោះមុខច្បាប់នោះទេ ទទូចឱ្យតារាប្រុសរូបនេះទៅជួបនាងនូវសាលាឃុំ កោះខែលទាំងអស់គ្នាទៀតផង។
យ៉ាងណាមិញ លោក បញ្ញាសិទ្ធ បានប្រកាសនៅលើបណ្ដាញសង្គមថា ខ្ញុំសូមអោយ acc ( គណនីហ្វេសប៊ុក )មានឈ្មោះ កញ្ញា តែង អន ចេញមុខបកស្រាយ នឹង សូមទោសខ្ញុំជាសារធាណៈ ជាបន្ទាន់ បើមិនចឹងទេ ខ្ញុំនឹងធ្វើតាមផ្លូវច្បាប់។ សូមជម្រាប ខណៈនេះសារព័ត៌មានឡារ៉ែន កំពុងព្យាយាមសុំការបកស្រាយពីសំណាក់តារាសម្ដែង បញ្ញាសិទ្ធ នាព្រឹកនេះ៕
