ច្បាស់ការហើយ យាយគ្រវីសក់ « គ្រវី.ត មិនចាំទេណា » កំពុងត្រៀមដំណើរមកដល់ប្រទេសកម្ពុជា នៅថ្ងៃទី21 ខែធ្នូ ឆ្នាំ2018 នេះបើតាមរូបភាពដែលបានបង្ហោះនៅលើហ្វេសប៊ុករបស់យាយគ្រវីសក់ ។
យាយាគ្រវីសក់ ឬមានឈ្មោះពិត ស៊ិតាង បួថង បច្ចុប្បន្ននេះមានកេរ្ដិ៍ឈ្មោះល្បីខ្លាំងណាស់ មិនត្រឹមតែនៅក្នុងប្រទេសថៃទេ ជាក់ស្តែងកាលពីខែតុលា យាយគ្រវីសក់ ត្រូវបានគេអញ្ចើញទៅកាន់ប្រទេសហ្វីលីពីនថែមទៀតផង អ្នកនៅទីនោះពិតជាមានការចូលចិត្តគាត់ខ្លាំងណាស់ រហូតដល់អ្នកខ្លះដល់ថ្នាក់បង្ហូរទឹកភ្នែកថែមទៀត ក្នុងខណៈពេលគាត់ត្រឡប់មកប្រទេសថៃវិញ។
ភ្លាមៗ តារាភេទទីរូបនេះ ក៏បានធ្វើការបង្ហោះរូបភាពនៅអាកាសយានដ្ឋាន មុនពេលចេញជើងហោះហើរមកកម្ពុជាផងដែរ។ រូបភាពនេះ បានធ្វើឱ្យហ្វេនជាច្រើនបាននិយាយស្វាគមន៍ និងជូនពរយាយគ្រវីសក់។ គួរបញ្ជាក់ផងដែរថាវត្តមាននៅកម្ពុជាលើកនេះ គឺយាយគ្រវីសក់មកក្នុងគោលបំណងជួបអ្នកគាំទ្ររបស់ខ្លួននៅក្នុងក្លឹបកម្សាន្តមួយកន្លែង ដោយក្នុងនោះក៏មានវត្តមានតារាសម្តែងខ្មែរលោក Mike ផងដែរ៕
